ترجمة معاني سورة الحجر باللغة اليورباوية من كتاب الترجمة اليورباوية

أبو رحيمة ميكائيل أيكوييني

الترجمة اليورباوية

أبو رحيمة ميكائيل أيكوييني

الذهاب لصفحة الكتاب

ﰡ

آية رقم 1

ﭑﭒﭓﭔﭕﭖﭗ ﭘ

’Alif lām rọ̄. Ìwọ̀nyí ni àwọn āyah Tírà náà àti (àwọn āyah) al-Ƙur’ān t’ó ń yanjú ọ̀rọ̀ ẹ̀dá.

آية رقم 2

ﭙﭚﭛﭜﭝﭞﭟ ﭠ

Ó ṣeé ṣe kí àwọn t’ó ṣàì gbàgbọ́ nífẹ̀ẹ́ sí pé àwọn ìbá sì ti jẹ́ mùsùlùmí (nílé ayé).

آية رقم 3

ﭡﭢﭣﭤﭥﭦﭧﭨ ﭩ

Fi wọ́n sílẹ̀, kí wọ́n jẹ, kí wọ́n gbádùn, kí ìrètí (ẹ̀mí gígùn) kó àìrójú ráàyè bá wọn (láti ṣẹ̀sìn); láìpẹ́ wọ́n máa mọ̀.

آية رقم 4

ﭪﭫﭬﭭﭮﭯﭰﭱ ﭲ

A kò pa ìlú kan run rí àfi kí ó ní àkọsílẹ̀ tí A ti mọ̀.

آية رقم 5

ﭳﭴﭵﭶﭷﭸﭹ ﭺ

Kò sí ìjọ kan (tí ó parun) ṣíwájú àkókò rẹ̀ (nínú Laohul-Mahfuuṭḥ); wọn kò sì níí sún un ṣíwájú fún wọn.

آية رقم 6

ﭻﭼﭽﭾﭿﮀﮁﮂ ﮃ

Wọ́n wí pé: “Ìwọ tí Wọ́n sọ al-Ƙur’ān kalẹ̀ fún, dájúdájú wèrè ni ẹ́.

آية رقم 7

ﮄﮅﮆﮇﮈﮉﮊﮋ ﮌ

Kí ni kò jẹ́ kí ìwọ mú àwọn mọlāika wá bá wa, tí ìwọ bá wà nínú àwọn olódodo?”

آية رقم 8

ﮍﮎﮏﮐﮑﮒﮓﮔﮕ ﮖ

A ò níí sọ mọlāika kalẹ̀ bí kò ṣe pẹ̀lú òdodo. Wọn kò sì níí lọ́ wọn lára mọ́ nígbà náà (tí àwọn mọlāika bá sọ̀kalẹ̀).

آية رقم 9

ﮗﮘﮙﮚﮛﮜﮝ ﮞ

Dájúdájú Àwa l’A sọ Tírà Ìrántí kalẹ̀ (ìyẹn al-Ƙur’ān). Dájúdájú Àwa sì ni Olùṣọ́ rẹ̀.

آية رقم 10

ﮟﮠﮡﮢﮣﮤﮥ ﮦ

Dájúdájú ṣíwájú rẹ A ti rán (àwọn Òjíṣẹ́) níṣẹ́ sí àwọn ìjọ, àwọn ẹni àkọ́kọ́.

آية رقم 11

ﮧﮨﮩﮪﮫﮬﮭﮮ ﮯ

Òjíṣẹ́ kan kò sì níí dé bá wọn àfi kí wọ́n fi ṣe yẹ̀yẹ́.

آية رقم 12

ﮰﮱﯓﯔﯕ ﯖ

Báyẹn ni A ṣe ń fi (àìsàn) sínú ọkàn àwọn ẹlẹ́ṣẹ̀.

آية رقم 13

ﯗﯘﯙﯚﯛﯜﯝ ﯞ

Wọn kò níí gba Ànábì (sollalāhu 'alayhi wa sallam) gbọ́; ìṣe (Allāhu lórí) àwọn ẹni àkọ́kọ́ kúkú ti ré kọjá.
____________________
Ìṣe Allāhu lórí ẹ̀dá lásìkò ìparun nílé ayé ni pé, Allāhu (subhānahu wa ta'ālā) máa ń gba àwọn onígbàgbọ́ òdodo là, Ó sì máa ń pa àwọn aláìgbàgbọ́ run gẹ́gẹ́ bí ó ṣe ṣẹlẹ̀ sí ìjọ Ànábì Nūh, ìjọ Ànábì Lūt àti bẹ́ẹ̀ bẹ́ẹ̀ lọ.

آية رقم 14

ﯟﯠﯡﯢﯣﯤﯥﯦﯧ ﯨ

Tí ó bá jẹ́ pé A ṣí ìlẹ̀kùn kan sílẹ̀ fún wọn láti inú sánmọ̀, tí wọn kò sì yé gbabẹ̀ gùnkè lọ (sínú sánmọ̀),

آية رقم 15

ﯩﯪﯫﯬﯭﯮﯯﯰ ﯱ

dájúdájú wọ́n á wí pé: “Wọ́n kúkú lo ìṣíjú fún wa ni. Ńṣe ni wọ́n ń dan wá.”

آية رقم 16

ﭑﭒﭓﭔﭕﭖﭗ ﭘ

A kúkú fi àwọn ibùsọ̀ (ìràwọ̀) sínú sánmọ̀ (ayé). A sì ṣe é ní ọ̀ṣọ́ fún àwọn olùwòran.

آية رقم 17

ﭙﭚﭛﭜﭝ ﭞ

A sì fi ààbò bo ìmísí sánmọ̀ lọ́dọ̀ gbogbo èṣù, ẹni ẹ̀kọ̀.

آية رقم 18

ﭟﭠﭡﭢﭣﭤﭥ ﭦ

Àfi (èṣù) tí ó bá jí ọ̀rọ̀ gbọ́. Nígbà náà sì ni ògúnná pọ́nńbélé yó tẹ̀lé e láti ẹ̀yìn.

آية رقم 19

ﭧﭨﭩﭪﭫﭬﭭﭮﭯﭰﭱ ﭲ

Ilẹ̀, A tẹ́ ẹ pẹrẹsẹ. A sì ju àwọn àpáta t’ó dúró gbagidi sínú rẹ̀. A sì mú gbogbo n̄ǹkan tí ó ní òdíwọ̀n hù jáde láti inú rẹ̀.

آية رقم 20

ﭳﭴﭵﭶﭷﭸﭹﭺ ﭻ

A ṣe ọ̀nà ìjẹ-ìmu sínú (ilé ayé) fun ẹ̀yin àti àwọn tí ẹ̀yin kò lè pèsè fún.

آية رقم 21

ﭼﭽﭾﭿﮀﮁﮂﮃﮄﮅﮆ ﮇ

Kò sì sí kiní kan àfi kí ilé-ọrọ̀ rẹ̀ wà lọ́dọ̀ Wa. Àwa kò sì níí sọ̀ ọ́ kalẹ̀ àfi pẹ̀lú òdíwọ̀n tí A ti mọ̀.

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ

Àti pé A rán atẹ́gùn láti kó ẹ̀ṣújò jọ. A sì sọ omi kalẹ̀ láti sánmọ̀. Nítorí náà, A fun yín mu. Ẹ̀yin sì kọ́ ni ẹ kó omi òjò jọ (sójú sánmọ̀).

آية رقم 23

ﮕﮖﮗﮘﮙﮚ ﮛ

Dájúdájú Àwa, Àwa mà l’À ń sọ (ẹ̀dá) di alààyè. A sì ń sọ ọ́ di òkú. Àwa sì ni A óò jogún (ẹ̀dá).

آية رقم 24

ﮜﮝﮞﮟﮠﮡﮢ ﮣ

Àti pé dájúdájú A mọ àwọn olùgbawájú nínú yín. Dájúdájú A sì mọ àwọn olùgbẹ̀yìn.

آية رقم 25

ﮤﮥﮦﮧﮨﮩﮪﮫ ﮬ

Dájúdájú Olúwa rẹ, Òun l’Ó máa kó wọn jọ. Dájúdájú Òun ni Ọlọ́gbọ́n, Onímọ̀.

آية رقم 26

ﮭﮮﮯﮰﮱﯓﯔﯕ ﯖ

Dájúdájú A ṣẹ̀dá ènìyàn láti ara amọ̀ t’ó ń dún koko, t’ó ti pàwọ̀dà.

آية رقم 27

ﯗﯘﯙﯚﯛﯜﯝ ﯞ

Àti pé àlùjànnú, A ṣẹ̀dá rẹ̀ ṣíwájú (ènìyàn) láti ara iná alátẹ́gùn gbígbóná tí kò ní èéfín.

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ

(Rántí) nígbà tí Olúwa rẹ sọ fún àwọn mọlāika pé: “Dájúdájú Èmi yóò ṣe ẹ̀dá abara kan láti ara amọ̀ t’ó ń dún koko, t’ó ti pàwọ̀dà.

آية رقم 29

ﯬﯭﯮﯯﯰﯱﯲﯳﯴ ﯵ

Nígbà tí Mo bá ṣe é t’ó gún régé tán, tí Mo fẹ́ ẹ̀mí sí i (lára) nínú ẹ̀mí Mi (tí Mo dá), nígbà náà ẹ dojú bolẹ̀ fún un ní olùforíkanlẹ̀-kíni."
____________________
Ẹ wo ìtọsẹ̀-ọ̀rọ̀ fún sūrah al-Baƙọrah; 2:34.

آية رقم 30

ﯶﯷﯸﯹ ﯺ

Nítorí náà, àwọn mọlāika, gbogbo wọn pátápátá sì forí kanlẹ̀ kí i.

آية رقم 31

ﯻﯼﯽﯾﯿﰀﰁ ﰂ

Àyàfi ’Iblīs. Ó kọ̀ láti wà nínú àwọn olùforíkanlẹ̀ náà.

آية رقم 32

ﭑﭒﭓﭔﭕﭖﭗﭘ ﭙ

(Allāhu) sọ pé: "’Iblīs, kí l’ó dí ọ lọ́wọ́ láti wà nínú àwọn olùforíkanlẹ̀?"

آية رقم 33

ﭚﭛﭜﭝﭞﭟﭠﭡﭢﭣﭤ ﭥ

Ó wí pé: "Èmi kò níí forí kanlẹ̀ kí abara kan tí O ṣẹ̀dá rẹ̀ láti ara amọ̀ t’ó ń dún koko, t’ó ti pàwọ̀dà."

آية رقم 34

ﭦﭧﭨﭩﭪ ﭫ

(Allāhu) sọ pé: "Nítorí náà, jáde kúrò nínú rẹ̀. Dájúdájú, ìwọ ni ẹni-ẹ̀kọ̀.

آية رقم 35

ﭬﭭﭮﭯﭰﭱ ﭲ

Àti pé, dájúdájú ègún ń bẹ lórí rẹ títí di Ọjọ́ ẹ̀san."

آية رقم 36

ﭳﭴﭵﭶﭷﭸ ﭹ

Ó wí pé: “Olúwa mi, lọ́ mi lára títí di Ọjọ́ Àjíǹde.”

آية رقم 37

ﭺﭻﭼﭽ ﭾ

(Allāhu) sọ pé: "Dájúdájú ìwọ wà lára àwọn tí A óò lọ́ lára

آية رقم 38

ﭿﮀﮁﮂ ﮃ

títí di ọjọ́ àkókò tí A ti mọ."

آية رقم 39

ﮄﮅﮆﮇﮈﮉﮊﮋﮌﮍ ﮎ

Ó wí pé: "Olúwa mi, fún wí pé O ti ṣe mí ní ẹni anù, dájúdájú emí yóò ṣe (aburú) ní ọ̀ṣọ́ fún wọn lórí ilẹ̀. Dájúdájú èmi yó sì kó gbogbo wọn sínú anù

آية رقم 40

ﮏﮐﮑﮒ ﮓ

àfi àwọn ẹrúsìn Rẹ, àwọn ẹni ẹ̀ṣà nínú wọn."

آية رقم 41

ﮔﮕﮖﮗﮘ ﮙ

(Allāhu) sọ pé: "(Ìdúróṣinṣin lójú) ọ̀nà tààrà, Ọwọ́ Mi ni èyí wà."

آية رقم 42

ﮚﮛﮜﮝﮞﮟﮠﮡﮢﮣﮤ ﮥ

Dájúdájú àwọn ẹrúsìn Mi, kò sí agbára kan fún ọ lórí wọn, àyàfi ẹni tí ó bá tẹ̀lé ọ nínú àwọn ẹni anù.

آية رقم 43

ﮦﮧﮨﮩ ﮪ

Àti pé dájúdájú iná Jahanamọ ni àdéhùn fún gbogbo wọn.

آية رقم 44

ﮫﮬﮭﮮﮯﮰﮱﯓ ﯔ

Àwọn ojú ọ̀nà méje ń bẹ fún (iná). Àtúnpín tún wà fún ojú-ọ̀nà kọ̀ọ̀kan.

آية رقم 45

ﯕﯖﯗﯘﯙ ﯚ

Dájúdájú àwọn olùbẹ̀rù (Allāhu) máa wà nínú àwọn Ọgbà Ìdẹ̀ra pẹ̀lú àwọn odò (t’ó ń ṣàn nísàlẹ̀ rẹ̀).

آية رقم 46

ﯛﯜﯝ ﯞ

(A máa sọ pé): “Ẹ wọ inú rẹ̀ pẹ̀lú àlàáfíà ní olùfàyàbalẹ̀.”

آية رقم 47

ﯟﯠﯡﯢﯣﯤﯥﯦﯧﯨ ﯩ

A sì máa yọ ohun tí ń bẹ nínú ọkàn wọn t’ó jẹ́ inúnibíni kúrò; (wọn yóò di) ọmọ-ìyá (ara wọn. Wọn yóò wà) lórí ibùsùn, tí wọn yóò kọjú síra wọn.

آية رقم 48

ﯪﯫﯬﯭﯮﯯﯰﯱ ﯲ

Wàhálà kan kò níí bá wọn nínú rẹ̀. Wọn kò sì níí mú wọn jáde kúrò nínú rẹ̀.

آية رقم 49

ﯳﯴﯵﯶﯷﯸﯹ ﯺ

Fún àwọn ẹrúsìn Mi ní ìró pé dájúdájú Èmi ni Aláforíjìn, Àṣàkẹ́-ọ̀run.

آية رقم 50

ﯻﯼﯽﯾﯿ ﰀ

Àti pé dájúdájú ìyà Mi ni ìyà ẹlẹ́ta-eléro.

آية رقم 51

ﰁﰂﰃﰄ ﰅ

Fún wọn ní ìró nípa àlejò (Ànábì) ’Ibrọ̄hīm.

آية رقم 52

ﭑﭒﭓﭔﭕﭖﭗﭘﭙ ﭚ

(Rántí) nígbà tí wọ́n wọlé tọ̀ ọ́, wọ́n sì sọ pé: “Àlàáfíà”. Ó sọ pé: “Dájúdájú ẹ̀rù yín ń ba àwa.”

آية رقم 53

ﭛﭜﭝﭞﭟﭠﭡ ﭢ

Wọ́n sọ pé: "Má ṣe bẹ̀rù. Dájúdájú àwa yóò fún ọ ní ìró ìdùnnú (nípa bíbí) ọmọkùnrin onímímọ̀ kan."

آية رقم 54

ﭣﭤﭥﭦﭧﭨﭩﭪ ﭫ

Ó sọ pé: "Ṣé ẹ̀ ń fún mi ní ìró ìdùnnú (nípa bíbí ọmọ) nígbà tí ogbó ti dé sí mi? Ìró ìdùnnú wo ni ẹ̀ ń fún mi ná?"

آية رقم 55

ﭬﭭﭮﭯﭰﭱﭲ ﭳ

Wọ́n sọ pé: “À ń fún ọ ní ìró ìdùnnú pẹ̀lú òdodo. Nítorí náà, má ṣe wà lára àwọn olùjákànmùná.”

آية رقم 56

ﭴﭵﭶﭷﭸﭹﭺﭻ ﭼ

Ó sọ pé: “Kò mà sí ẹni tí ó máa jákànmùná nínú ìkẹ́ Olúwa Rẹ̀ bí kò ṣe àwọn olùṣìnà.”

آية رقم 57

ﭽﭾﭿﮀﮁ ﮂ

Ó sọ pé: “Kí tún ni ọ̀rọ̀ tí ẹ bá wá, ẹ̀yin Òjíṣẹ́?”

آية رقم 58

ﮃﮄﮅﮆﮇﮈ ﮉ

Wọ́n sọ pé: "Dájúdájú Wọ́n rán wa níṣẹ́ sí ìjọ ẹlẹ́ṣẹ̀ ni.

آية رقم 59

ﮊﮋﮌﮍﮎﮏ ﮐ

Àfi ará ilé (Ànábì) Lūt. Dájúdájú àwa yóò gba wọn là pátápátá.

آية رقم 60

ﮑﮒﮓﮔﮕﮖ ﮗ

Àfi ìyàwó rẹ̀; A ti kọ kádàrá rẹ̀ (pé) dájúdájú ó máa wà nínú àwọn t’ó máa ṣẹ́kù lẹ́yìn sínú ìparun."

آية رقم 61

ﮘﮙﮚﮛﮜ ﮝ

Nígbà tí àwọn Òjíṣẹ́ dé ọ̀dọ̀ ará ilé (Ànábì) Lūt,

آية رقم 62

ﮞﮟﮠﮡ ﮢ

(Ànábì Lūt) sọ pé: “Dájúdájú ẹ̀yin jẹ́ àjòjì ènìyàn.”

آية رقم 63

ﮣﮤﮥﮦﮧﮨﮩ ﮪ

Wọ́n sọ pé: “Rárá, a wá sọ́dọ̀ rẹ nítorí ohun tí wọ́n ń ṣeyèméjì nípa rẹ̀.

آية رقم 64

ﮫﮬﮭﮮ ﮯ

A mú òdodo wá bá ọ ni. Àti pé dájúdájú olódodo ni àwa.

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ

Nítorí náà, mú ará ilé rẹ jáde ní apá kan òru. Kí o sì tẹ̀lé wọn lẹ́yìn. Ẹnì kan nínú yín kò sì gbọdọ̀ ṣíjú wo ẹ̀yìn wò. Kí ẹ sì lọ sí àyè tí wọ́n ń pa láṣẹ fun yín."

آية رقم 66

ﯠﯡﯢﯣﯤﯥﯦﯧﯨ ﯩ

A sì jẹ́ kí ìdájọ́ ọ̀rọ̀ yìí hàn sí i pé dájúdájú A máa pa àwọn (ẹlẹ́ṣẹ̀) wọ̀nyí run pátápátá nígbà tí wọ́n bá mọ́júmọ́.

آية رقم 67

ﯪﯫﯬﯭ ﯮ

Àwọn ará ìlú náà dé, wọ́n sì ń yọ̀ sẹ̀sẹ̀.

آية رقم 68

ﯯﯰﯱﯲﯳﯴ ﯵ

(Ànábì Lūt) sọ pé: “Dájúdájú àwọn wọ̀nyí ni àlejò mi. Nítorí náà, ẹ má ṣe dójú tì mí.

آية رقم 69

ﯶﯷﯸﯹ ﯺ

Kí ẹ bẹ̀rù Allāhu. Kí ẹ sì má ṣe yẹpẹrẹ mi."

آية رقم 70

ﯻﯼﯽﯾﯿ ﰀ

Wọ́n wí pé: “Ǹjẹ́ àwa kò ti kọ̀ fún ọ (nípa gbígba àlejò) àwọn ẹ̀dá?”

آية رقم 71

ﭑﭒﭓﭔﭕﭖ ﭗ

Ó sọ pé: “Àwọn ọmọbìnrin mi nìwọ̀nyí, tí ẹ bá ní n̄ǹkan tí ẹ fẹ́ (fi wọ́n) ṣe.”

آية رقم 72

ﭘﭙﭚﭛﭜ ﭝ

(Allāhu sọ pé): “Mo fi ìṣẹ̀mí ìwọ (Ànábì Muhammad) búra; dájúdájú wọ́n kúkú wà nínú ìdààmú ọpọlọ, tí wọ́n ń pa rìdàrìdà.”

آية رقم 73

ﭞﭟﭠ ﭡ

Nítorí náà, ohùn igbe mú wọn nígbà tí òòrùn òwúrọ̀ yọ sí wọn.

آية رقم 74

ﭢﭣﭤﭥﭦﭧﭨﭩ ﭪ

A sì sọ òkè ìlú wọn di ìsàlẹ̀ rẹ̀ (ìlú wọ́n dojú bolẹ̀). A tún rọ òjò òkúta amọ̀ (sísun) lé wọn lórí.

آية رقم 75

ﭫﭬﭭﭮﭯ ﭰ

Dájúdájú àwọn àmì wà nínú ìyẹn fún àwọn alárìíwòye.

آية رقم 76

ﭱﭲﭳ ﭴ

Dájúdájú (ìlú náà) kúkú wà lójú ọ̀nà (tí ẹ̀ ń tọ̀ lọ tọ̀ bọ̀).

آية رقم 77

ﭵﭶﭷﭸﭹ ﭺ

Dájúdájú àmì wà nínú ìyẹn fún àwọn onígbàgbọ́ òdodo.

آية رقم 78

ﭻﭼﭽﭾﭿ ﮀ

Àwọn ará ’Aekah náà jẹ́ alábòsí.
____________________
’Aekah tún túmọ̀ sí igbó. Ìyẹn ni pé, ìlú tí ó wà nínú igbó. Ará ’Aekah ni ìjọ Ànábì Ṣu‘aeb ('alaehi-ssọlātu wa-ssalām).

آية رقم 79

ﮁﮂﮃﮄﮅ ﮆ

A sì gbẹ́san lára wọn. Dájújájú àwọn ìlú méjèèjì l’ó kúkú wà lójú ọ̀nà gban̄gba (tí ẹ̀ ń tọ̀ lọ tọ̀ bọ̀).

آية رقم 80

ﮇﮈﮉﮊﮋ ﮌ

Dájúdájú àwọn ará Ihò àpáta pe àwọn Òjíṣẹ́ ní òpùrọ́.

آية رقم 81

ﮍﮎﮏﮐﮑ ﮒ

A sì fún wọn ní àwọn àmì Wa. Àmọ́ wọ́n gbúnrí kúrò níbẹ̀.

آية رقم 82

ﮓﮔﮕﮖﮗﮘ ﮙ

Wọ́n máa ń gbẹ́ àwọn ilé ìgbé ìfàyàbalẹ̀ sínú àwọn àpáta.

آية رقم 83

ﮚﮛﮜ ﮝ

Ohùn igbe sì mú wọn nígbà tí wọ́n mọ́júmọ́.

آية رقم 84

ﮞﮟﮠﮡﮢﮣ ﮤ

Ohun tí wọ́n ń ṣe níṣẹ́ kò sì rọ̀ wọ́n lọ́rọ̀ (níbi ìyà).

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ

A kò ṣẹ̀dá àwọn sánmọ̀, ilẹ̀ àti n̄ǹkan t’ó wà láààrin àwọn méjèèjì bí kò ṣe pẹ̀lú òdodo. Dájúdájú Àkókò náà máa dé. Nítorí náà, ṣàmójúkúrò ní àmójúkúrò t’ó rẹwà.

آية رقم 86

ﯗﯘﯙﯚﯛ ﯜ

Dájúdájú Olúwa rẹ ni Ẹlẹ́dàá, Onímọ̀.

آية رقم 87

ﯝﯞﯟﯠﯡﯢﯣ ﯤ

Dájúdájú A fún ọ ní Sab‘u Mọthānī (ìyẹn, sūrah al-Fātihah) àti al-Ƙur’ān t’ó tóbi.

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ

Ìwọ kò gbọdọ̀ ṣíjú rẹ wo ohun tí A fi ṣe ìgbádún ayé lóríṣiríṣi fún àwọn kan nínú wọn. Má ṣe banújẹ́ nítorí wọn. Kí o sì rẹ apá rẹ nílẹ̀ fún àwọn onígbàgbọ́ òdodo.

آية رقم 89

ﯵﯶﯷﯸﯹ ﯺ

Kí o sì sọ pé: “Dájúdájú èmi ni olùkìlọ̀ pọ́nńbélé.”

آية رقم 90

ﯻﯼﯽﯾ ﯿ

Gẹ́gẹ́ bí A ṣe sọ (ìyà) kalẹ̀ fún àwọn t’ó ń pín òdodo mọ́ irọ́;
____________________
Pípín òdodo mọ́ irọ́ ni pípín al-Ƙur’ān mọ́ orin, idán, ìdábigba, àlá lílá àti ààlọ́.

آية رقم 91

ﭑﭒﭓﭔ ﭕ

àwọn tí wọ́n sọ al-Ƙur’ān di ìpínkúpìn-ín,

آية رقم 92

ﭖﭗﭘ ﭙ

Olúwa rẹ fi Ara Rẹ̀ búra fún ọ pé, A máa bi gbogbo wọn ní ìbéèrè

آية رقم 93

ﭚﭛﭜ ﭝ

nípa ohun tí wọ́n ń ṣe níṣẹ́.

آية رقم 94

ﭞﭟﭠﭡﭢﭣ ﭤ

Nítorí náà, kéde n̄ǹkan tí A pa láṣẹ fún ọ. Kí o sì ṣẹ́rí kúrò lọ́dọ̀ àwọn ọ̀ṣẹbọ.

آية رقم 95

ﭥﭦﭧ ﭨ

Dájúdájú Àwa yóò tó ọ (níbi aburú) àwọn oníyẹ̀yẹ́,

آية رقم 96

ﭩﭪﭫﭬﭭﭮﭯﭰﭱ ﭲ

àwọn t’ó ń mú ọlọ́hun mìíràn mọ́ Allāhu. Láìpẹ́ wọ́n máa mọ̀.

آية رقم 97

ﭳﭴﭵﭶﭷﭸﭹ ﭺ

Àwa kúkú ti mọ̀ pé dájúdájú ohun tí wọ́n ń wí ń kó ìnira bá ọ.

آية رقم 98

ﭻﭼﭽﭾﭿﮀ ﮁ

Nítorí náà, ṣe àfọ̀mọ́ pẹ̀lú ìdúpẹ́ fún Olúwa rẹ. Kí o sì wà nínú àwọn olùforíkanlẹ̀ (fún Un).

آية رقم 99

ﮂﮃﮄﮅﮆ ﮇ

Jọ́sìn fún Olúwa rẹ títí àmọ̀dájú (ìyẹn, ikú) yóò fi dé bá ọ.

تقدم القراءة