ترجمة معاني سورة الحجر باللغة الطاجيكية من كتاب الترجمة الطاجيكية - عارفي

آية رقم 1

ﭑﭒﭓﭔﭕﭖﭗ ﭘ ​

Алиф, лом, ро. Ин оёти китоб [-и илоҳӣ] ва Қуръони равшангар аст

آية رقم 2

ﭙﭚﭛﭜﭝﭞﭟ ﭠ ​

Чи басо кофирон [ҳангоми рӯбарӯшавӣ бо азоби қиёмат] орзу кунанд, ки кош мусулмон буданд

آية رقم 3

ﭡﭢﭣﭤﭥﭦﭧﭨ ﭩ ​

Бигузор бихӯранд ва [аз лаззатҳои дунё] баҳраманд бошанд ва орзуҳо [-и моддӣ] саргармашон созад, пас, ба зудӣ хоҳанд донист

آية رقم 4

ﭪﭫﭬﭭﭮﭯﭰﭱ ﭲ ​

Мо [сокинони] ҳеҷ [шаҳру] диёреро ҳалок накардем, магар ин ки [муҳлат ва] аҷале муайян доштанд

آية رقم 5

ﭳﭴﭵﭶﭷﭸﭹ ﭺ ​

Ҳеҷ уммате аз аҷали [муқаррарии] худ на пешӣ мегирад ва на [аз он] ақиб мемонад

آية رقم 6

ﭻﭼﭽﭾﭿﮀﮁﮂ ﮃ ​

[Кофирон] гуфтанд: «Эй касе, ки [иддао мекунӣ] Қуръон бар ту нозил шудааст, яқинан девонаӣ

آية رقم 7

ﮄﮅﮆﮇﮈﮉﮊﮋ ﮌ ​

Агар рост мегӯӣ, чаро фариштагонро наздамон намеоварӣ [то дар бораи паёмбариат гувоҳӣ диҳанд]»?

آية رقم 8

ﮍﮎﮏﮐﮑﮒﮓﮔﮕ ﮖ ​

[Бояд бидонанд, ки] Мо фариштагонро ба ҳақ [ва фақат дар ҳангоми азоби кофирон] нозил мекунем ва [агар барои азобашон нозил шаванд] дигар муҳлате намеёбанд

آية رقم 9

ﮗﮘﮙﮚﮛﮜﮝ ﮞ ​

Ба ростӣ, ки мо худ Қуръонро нозил кардем ва ҳатман, худ низ [аз ҳар гуна табдилу таҳрифе] нигаҳбонаш ҳастем

آية رقم 10

ﮟﮠﮡﮢﮣﮤﮥ ﮦ ​

[Эй паёмбар] пеш аз ту низ [фиристодагони худро] миёни гурӯҳҳои пешин фиристодем

آية رقم 11

ﮧﮨﮩﮪﮫﮬﮭﮮ ﮯ ​

Ҳеҷ паёмбаре наздашон намеомад, магар он ки масхарааш мекарданд

آية رقم 12

ﮰﮱﯓﯔﯕ ﯖ ​

Инчунин он [такзиб ва тамасхур]-ро дар дилҳои гунаҳгорон [кофирон] роҳ медиҳем

آية رقم 13

ﯗﯘﯙﯚﯛﯜﯝ ﯞ ​

Онон ба он [Қуръон] имон намеоваранд ва шеваи [Аллоҳ таоло дар муҷозоти] пешиниён [низ чунин] рафтааст [ки ононро бо азобе дарднок ҳалок намояд]

آية رقم 14

ﯟﯠﯡﯢﯣﯤﯥﯦﯧ ﯨ ​

Ва [ҳатто] агар даре аз осмон ба рӯйи онон мекушодем, то пайваста дар он боло раванд [ва шигифтиҳои малакутро бубинанд]

آية رقم 15

ﯩﯪﯫﯬﯭﯮﯯﯰ ﯱ ​

Яқинан, боз ҳам мегуфтанд: «Бе тардид, моро чашмбандӣ кардаанд, балки мо гурӯҳе ҷодушудаем»

آية رقم 16

ﭑﭒﭓﭔﭕﭖﭗ ﭘ ​

Ва ба ростӣ, мо дар осмон ситорагоне [бузургу дурахшон] қарор додем ва онҳоро барои тамошогарон оростем

آية رقم 17

ﭙﭚﭛﭜﭝ ﭞ ​

Ва онро аз [вуруду дастбурди] ҳар шайтони рондашуда ҳифз кардем

آية رقم 18

ﭟﭠﭡﭢﭣﭤﭥ ﭦ ​

Магар он ки [аз малакутиён] дуздона сухане бишнавад, ки [дар он сурат] шиҳобе равшан ӯро дунбол мекунад [ва месӯзонад]

آية رقم 19

ﭧﭨﭩﭪﭫﭬﭭﭮﭯﭰﭱ ﭲ ​

Ва заминро густурдем ва дар он кӯҳҳои устуворе афкандем ва аз ҳар гиёҳи санҷида [ва муносибе] дар он руёнидем

آية رقم 20

ﭳﭴﭵﭶﭷﭸﭹﭺ ﭻ ​

Ва дар он барои шумо ва барои касе, ки рӯзирасонаш нестед [соири мардум ва мавҷудоти зинда], асбоби зиндагӣ падид овардем

آية رقم 21

ﭼﭽﭾﭿﮀﮁﮂﮃﮄﮅﮆ ﮇ ​

Ва ҳеҷ чиз нест, магар он ки ганҷинаҳояш назди Мост ва Мо онро ҷуз ба андозаи муайян фурӯ намефиристем

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ ​

Ва бодҳоро борваркунанда [-и абрҳо] фиристодем, сипас аз осмонҳо обе нозил кардем ва бо он серобатон сохтем, дар ҳоле ки шумо захиракунандааш нестед

آية رقم 23

ﮕﮖﮗﮘﮙﮚ ﮛ ​

Ва яқинан, моем, ки зинда мекунем ва мемиронем ва Мо [бозмондаи ҷовиду] ворис [-и ҳамаи ҷаҳониён] ҳастем

آية رقم 24

ﮜﮝﮞﮟﮠﮡﮢ ﮣ ​

Ва бе тардид, [таваллуду марги] гузаштагони шуморо донистаем ва яқинан [таваллуду марги] ояндагонро [низ ба хубӣ] медонем

آية رقم 25

ﮤﮥﮦﮧﮨﮩﮪﮫ ﮬ ​

Ва [эй паёмбар] бе гумон, Парвардигорат [ҳамаи] ононро [дар қиёмат] маҳшур мекунад. Ба ростӣ, ки Ӯ ҳакиму доност

آية رقم 26

ﮭﮮﮯﮰﮱﯓﯔﯕ ﯖ ​

Ва дар ҳақиқат, Мо [нахустин] инсон [Одам]-ро аз гили хушк [-и бозмонда] аз лойи бадбӯ офаридем

آية رقم 27

ﯗﯘﯙﯚﯛﯜﯝ ﯞ ​

Ва пеш аз он ҷинро аз оташе сӯзон офаридем

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ ​

Ва [ёд кун] аз ҳангоме ки Парвардигорат ба фариштагон фармуд: «Ҳамоно ман башареро аз гили хушк [-и бозмонда] аз лойи бадбӯ хоҳем офарид

آية رقم 29

ﯬﯭﯮﯯﯰﯱﯲﯳﯴ ﯵ ​

Пас, чун [ӯро офаридем ва] ба ӯ сомон додем ва аз рӯҳи хеш дар вай дамидем, [ба нишонаи итоат аз фармони Ман ҳамагӣ] бар ӯ саҷда кунед»

آية رقم 30

ﯶﯷﯸﯹ ﯺ ​

Пас, фариштагон ҳамагӣ саҷда карданд

آية رقم 31

ﯻﯼﯽﯾﯿﰀﰁ ﰂ ​

Магар Иблис, ки аз он ки бо саҷдакунандагон бошад, сарпечӣ кард

آية رقم 32

ﭑﭒﭓﭔﭕﭖﭗﭘ ﭙ ​

[Аллоҳ таоло] Фармуд: «Эй Иблис, чаро ту бо саҷдакунандагон [ҳамроҳ] нестӣ»?

آية رقم 33

ﭚﭛﭜﭝﭞﭟﭠﭡﭢﭣﭤ ﭥ ​

[Иблис] гуфт: «Ман он нестам, ки барои башаре, ки ӯро аз гили хушк [-и бозмонда] аз лойи бадбӯ офаридаӣ саҷда кунам»

آية رقم 34

ﭦﭧﭨﭩﭪ ﭫ ​

[Аллоҳ таоло] Фармуд: «Аз он ҷо [биҳишт] берун шав, [ки] бе тардид, ту [аз боргоҳи Мо] рондашудаӣ

آية رقم 35

ﭬﭭﭮﭯﭰﭱ ﭲ ​

Ва яқинан, то рӯзи қиёмат бар ту лаънат хоҳад буд»

آية رقم 36

ﭳﭴﭵﭶﭷﭸ ﭹ ​

[Иблис] Гуфт: «Парвардигоро, то рӯзе, ки [мардум] барангехта мешаванд, ба ман муҳлат бидеҳ [ва намирон]»

آية رقم 37

ﭺﭻﭼﭽ ﭾ ​

[Аллоҳ таоло] Фармуд: «[Бирав, ки] Яқинан, ту аз муҳлатёфтагонӣ

آية رقم 38

ﭿﮀﮁﮂ ﮃ ​

То рӯзи он вақти маълум [ки тамоми махлуқот бо нафхаи нахуст мемиранд]»

آية رقم 39

ﮄﮅﮆﮇﮈﮉﮊﮋﮌﮍ ﮎ ​

[Ӯ] Гуфт: «Парвардигоро, ба сабаби он ки маро гумроҳ сохтӣ, дар замин [бадиҳоро] дар назарашон нек ҷилва медиҳам ва ҳамаи ононро ба гумроҳӣ мекашонам

آية رقم 40

ﮏﮐﮑﮒ ﮓ ​

Магар бандагони холиси Ту аз [миёни] онон [ки ҳидояташон кардаӣ]»

آية رقم 41

ﮔﮕﮖﮗﮘ ﮙ ​

[Аллоҳ таоло] Фармуд: «Ин [ихлос] роҳи мустақимест [ки ба Ман мерасад]

آية رقم 42

ﮚﮛﮜﮝﮞﮟﮠﮡﮢﮣﮤ ﮥ ​

Яқинан, ту бар бандагонам тасаллуте надорӣ, магар [бар он мушрикон ва] гумроҳоне, ки аз ту пайравӣ мекунанд

آية رقم 43

ﮦﮧﮨﮩ ﮪ ​

Ва бе тардид, дузах ваъдагоҳи ҳамаи онон аст

آية رقم 44

ﮫﮬﮭﮮﮯﮰﮱﯓ ﯔ ​

[Дузах] Ҳафт дар дорад [ва] барои ҳар даре гурӯҳе аз онон тақсим [ва мушаххас] шудаанд»

آية رقم 45

ﯕﯖﯗﯘﯙ ﯚ ​

Яқинан, парҳезгорон дар боғҳо [-и биҳишт] ва дар [канори] чашмаҳо ҳастанд

آية رقم 46

ﯛﯜﯝ ﯞ ​

Ҳангоми вуруд ба онон гуфта мешавад] «Ба саломат ва эминӣ ба он [боғҳо] ворид шавед»

آية رقم 47

ﯟﯠﯡﯢﯣﯤﯥﯦﯧﯨ ﯩ ​

Он чи дар дилҳояшон аз кина [ва ҳасад] аст, бармеканем, бародарона бар тахтҳо муқобили якдигаранд

آية رقم 48

ﯪﯫﯬﯭﯮﯯﯰﯱ ﯲ ​

Дар он ҷо на ранҷе ба онон мерасад ва на аз он ҷо берун ронда мешаванд

آية رقم 49

ﯳﯴﯵﯶﯷﯸﯹ ﯺ ​

[Эй паёмбар] Ба бандагонам хабар бидеҳ, ки ман омурзандаи меҳрубонам

آية رقم 50

ﯻﯼﯽﯾﯿ ﰀ ​

Ва ин ки азоби ман азобе дарднок аст

آية رقم 51

ﰁﰂﰃﰄ ﰅ ​

Ва аз меҳмонони Иброҳим [низ] ба онон хабар бидеҳ

آية رقم 52

ﭑﭒﭓﭔﭕﭖﭗﭘﭙ ﭚ ​

Ҳангоме ки бар ӯ ворид шуданд, салом гуфтанд, [аммо чун даст ба ғизо набурданд, Иброҳим] гуфт: «Мо аз шумо ҳаросонем»

آية رقم 53

ﭛﭜﭝﭞﭟﭠﭡ ﭢ ​

Онон гуфтанд: «Натарс, мо туро ба писаре доно мужда медиҳем»

آية رقم 54

ﭣﭤﭥﭦﭧﭨﭩﭪ ﭫ ​

[Иброҳим] Гуфт: «Оё бо ин ки солхӯрда шудаам, мужда [-и таваллуди фарзанд] ба ман медиҳед? Ба чи [далел инчунин] башорат медиҳед»?

آية رقم 55

ﭬﭭﭮﭯﭰﭱﭲ ﭳ ​

Онон гуфтанд: «Мо туро ба дурустӣ башорат додем, пас, ноумед набош»

آية رقم 56

ﭴﭵﭶﭷﭸﭹﭺﭻ ﭼ ​

[Иброҳим] Гуфт: «Ва ҷуз гумроҳон чи касе аз раҳмати Парвардигораш ноумед мегардад»?

آية رقم 57

ﭽﭾﭿﮀﮁ ﮂ ​

[Он гоҳ ба фариштагон] гуфт: «Эй фиристодагон, кор [-у маъмурият]-и шумо чист»?

آية رقم 58

ﮃﮄﮅﮆﮇﮈ ﮉ ​

Онон гуфтанд: «Дар ҳақиқат, мо ба сӯйи қавми гунаҳгор [-и Лут] фиристода шудаем [то ҳалокашон кунем]

آية رقم 59

ﮊﮋﮌﮍﮎﮏ ﮐ ​

Ба ҷуз хонаводаи Лут, ки мо яқинан, ҳамаи ононро наҷот хоҳем дод

آية رقم 60

ﮑﮒﮓﮔﮕﮖ ﮗ ​

Магар ҳамсараш, ки муқаддар кардаем, ки аз бозмондагон [дар азоб] бошад»

آية رقم 61

ﮘﮙﮚﮛﮜ ﮝ ​

Пас, ҳангоме ки фариштагон [-и Аллоҳ таоло ба шакли инсон] назди хонадони Лут омаданд

آية رقم 62

ﮞﮟﮠﮡ ﮢ ​

[Ӯ] Гуфт: «Шумо гурӯҳе ношинос ҳастед»

آية رقم 63

ﮣﮤﮥﮦﮧﮨﮩ ﮪ ​

[Фариштагон] Гуфтанд: «Балки мо ҳамон чизеро бароят овардаем, ки [ин мардуми гунаҳгор] дар борааш тардид мекарданд [нузули азоб]

آية رقم 64

ﮫﮬﮭﮮ ﮯ ​

Ва мо бароят [хабари ҳақиқӣ ва] рост овардаем ва ҳатман, мо ростгӯем

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

Пас, посе аз шаб [ки гузашт] хонаводаатро бо худ [аз ин ҷо] бибар ва [худат] ба дунболашон бирав ва ҳеҷ як аз шумо пушти сарашро нигоҳ накунад ва ба ҷойе, ки ба шумо фармон медиҳанд, биравед»

آية رقم 66

ﯠﯡﯢﯣﯤﯥﯦﯧﯨ ﯩ ​

Ва Мо ӯ [Лут]-ро аз ин амр огоҳ кардем, ки субҳгоҳон решаи онон канда хоҳад шуд

آية رقم 67

ﯪﯫﯬﯭ ﯮ ​

Ва аҳли шаҳр, дар ҳоле ки [дар бораи омадани афроди ҷадид] бо шодӣ [ба якдигар] хабар медоданд, [ба сӯйи хонаи Лут] омаданд

آية رقم 68

ﯯﯰﯱﯲﯳﯴ ﯵ ​

[Лут] Гуфт: «Инҳо меҳмонони ман ҳастанд, пас, маро расво [ва шармандаи меҳмононам] накунед

آية رقم 69

ﯶﯷﯸﯹ ﯺ ​

Ва аз Аллоҳ таоло битарсед ва саршикастаам насозед»

آية رقم 70

ﯻﯼﯽﯾﯿ ﰀ ​

[Онон] Гуфтанд: «Магар мо туро аз [мизбонии] афроди [ғариб] наҳй накардем»?

آية رقم 71

ﭑﭒﭓﭔﭕﭖ ﭗ ​

[Лут] Гуфт: «Агар мехоҳед, [коре ҳалол] анҷом диҳед, инҳо духтарони [уммати] ман ҳастанд [бо эшон издивоҷ кунед]»

آية رقم 72

ﭘﭙﭚﭛﭜ ﭝ ​

Савганд ба ҷони ту [эй паёмбар], ки онон дар мастии хеш саргашта буданд

آية رقم 73

ﭞﭟﭠ ﭡ ​

Пас, ҳангоми баромадани офтоб бонги [маргбор] ононро фаро гирифт

آية رقم 74

ﭢﭣﭤﭥﭦﭧﭨﭩ ﭪ ​

Он гоҳ он [сарзамин]-ро зерурӯ кардем ва бар онон санггилҳое паёпай боридем

آية رقم 75

ﭫﭬﭭﭮﭯ ﭰ ​

Ба яқин, дар ин [кайфар] барои ҳушёрон ибратҳост

آية رقم 76

ﭱﭲﭳ ﭴ ​

Ва он [шаҳрҳои вайрона ҳанӯз] бар сари роҳи [мусофирон] побарҷост.

آية رقم 77

ﭵﭶﭷﭸﭹ ﭺ ​

Яқинан, дар ин [азоб] нишонаҳое барои [ибрат гирифтани] муъминон аст

آية رقم 78

ﭻﭼﭽﭾﭿ ﮀ ​

Ва асҳоби Айка [қавми Шуайб], ҳатман, ситамгор буданд

آية رقم 79

ﮁﮂﮃﮄﮅ ﮆ ​

Пас, [Мо] аз онон интиқом гирифтем ва [шаҳрҳои вайроншудаи] ин ду [қавм] бар сари роҳ ошкор аст

آية رقم 80

ﮇﮈﮉﮊﮋ ﮌ ​

Ва бе тардид, аҳли Ҳиҷр [қавми Самуд] паёмбаронро дурӯғгӯ ангоштанд

آية رقم 81

ﮍﮎﮏﮐﮑ ﮒ ​

Ва [Мо муъҷизот ва] нишонаҳои худро ба онон додем, ва [-ле] аз онҳо рӯйгардон шуданд

آية رقم 82

ﮓﮔﮕﮖﮗﮘ ﮙ ​

Ва аз кӯҳҳо хонаҳое [барои худ] метарошиданд, ки дар амон бимонанд

آية رقم 83

ﮚﮛﮜ ﮝ ​

Пас, субҳгоҳон бонг [-и маргбор] ононро фаро гирифт

آية رقم 84

ﮞﮟﮠﮡﮢﮣ ﮤ ​

Ва он чи [аз амволу хонаҳои маҳкам] ба даст оварда буданд, суде ба ҳолашон надошт [ва азоби илоҳиро дафъ накард]

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

Ва Мо осмонҳо ва замин ва он чиро, ки миёни онҳост, ҷуз ба ҳақ наофаридаем ва қиёмат ҳатман, омаданӣ аст, пас, [эй паёмбар аз кофирон] ба накуӣ гузашт кун.

آية رقم 86

ﯗﯘﯙﯚﯛ ﯜ ​

Бе тардид, Парвардигорат ҳамон офаринишгари доност.

آية رقم 87

ﯝﯞﯟﯠﯡﯢﯣ ﯤ ​

Ва ба ростӣ, Мо ба ту [сабъу-л-масонӣ» [сураи Фотиҳа] ва Қуръони бузургро додем

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

[Бинобар ин] Ҳаргиз ба он чи [аз неъматҳои дунявие], ки гурӯҳҳое аз онон [кофирон]-ро баҳраманд кардаем, чашм надӯз ва ба хотири [носипосӣ ва ширки] онон андуҳгин мабош ва бо муъминон фурӯтанӣ кун

آية رقم 89

ﯵﯶﯷﯸﯹ ﯺ ​

Ва бигӯ: «Ба ростӣ, ки ман ҳамон бимдиҳандаи ошкорам»

آية رقم 90

ﯻﯼﯽﯾ ﯿ ​

[Ва ононро аз азоб битарсон] Ҳамон гуна ки [онро] бар тақсимкунандагон [-и оёти илоҳӣ] фиристодем

آية رقم 91

ﭑﭒﭓﭔ ﭕ ​

Ҳамон касоне, ки Қуръонро [ба] бахшҳо [-е ҳамчун шеъру пешгӯӣ ва ҷоду тақсим] карданд

آية رقم 92

ﭖﭗﭘ ﭙ ​

Пас, савганд ба Парвардигорат, ҳатман, [дар қиёмат] аз ҳамаи онон суол хоҳем кард

آية رقم 93

ﭚﭛﭜ ﭝ ​

Аз он чи мекарданд

آية رقم 94

ﭞﭟﭠﭡﭢﭣ ﭤ ​

Пас, [эй паёмбар] он чи [-ро, ки аз сӯйи Аллоҳ таоло] дастур ёфтаӣ, ошкор кун ва аз мушрикон рӯ бигардон

آية رقم 95

ﭥﭦﭧ ﭨ ​

Бе тардид, Мо [шарри] масхаракунандагонро аз ту дур мекунем

آية رقم 96

ﭩﭪﭫﭬﭭﭮﭯﭰﭱ ﭲ ​

Онон, ки [барои худ] бо Аллоҳ таоло маъбуди дигаре қарор медиҳанд, пас, ба зудӣ [натиҷаи ширки хешро] хоҳанд донист

آية رقم 97

ﭳﭴﭵﭶﭷﭸﭹ ﭺ ​

Ва [эй паёмбар] яқинан, Мо медонем, ки ту аз он чи онон [кофирон] мегӯянд, озурдахотир мегардӣ

آية رقم 98

ﭻﭼﭽﭾﭿﮀ ﮁ ​

Пас, ба ситоиши Парвардигорат тасбеҳ бигӯ ва аз саҷдакунандагон бош

آية رقم 99

ﮂﮃﮄﮅﮆ ﮇ ​

Ва то ҳангоме ки маргат фаро мерасад, Парвардигоратро парастиш кун