ترجمة معاني سورة الحجر باللغة الماراتية من كتاب الترجمة الماراتية

آية رقم 1

ﭑﭒﭓﭔﭕﭖﭗ ﭘ ​

१. अलिफ. लाम. रॉ या (अल्लाहच्या) ग्रंथाच्या आयती आहेत आणि स्पष्ट अशा कुरआनाच्या.

آية رقم 2

ﭙﭚﭛﭜﭝﭞﭟ ﭠ ​

२. अशीही वेळ येईल जेव्हा इन्कार करणारे आपल्या ईमानधारक होण्याची इच्छा करतील.

آية رقم 3

ﭡﭢﭣﭤﭥﭦﭧﭨ ﭩ ​

३. तुम्ही त्यांना खाण्यात, लाभ उचलण्यात आणि (खोट्या) अपेक्षा बाळगण्यात मग्न असलेले सोडा. ते स्वतः लवकरच जाणून घेतील.

آية رقم 4

ﭪﭫﭬﭭﭮﭯﭰﭱ ﭲ ​

४. आणि कोणत्याही वस्तीला आम्ही नष्ट केले नाही, परंतु हे की तिच्याकरिता निश्चित असे लिखित होते.

آية رقم 5

ﭳﭴﭵﭶﭷﭸﭹ ﭺ ​

५. कोणताही जनसमूह आपल्या मृत्युपासून ना पुढे जाऊ शकतो, ना मागे राहू शकतो.१
____________________
(१) ज्या वस्तीलादेखील आम्ही अवज्ञेपायी नष्ट करतो, तेव्हा घाई करीत नाही किंबहुना आम्ही एक वेळ निर्धारीत केलेली आहे, त्यावेळेपर्यंत आम्ही त्या वस्तीला संधी देतो. परंतु ठरलेली वेळ येताच त्यांना नष्ट केले जाते, मग त्या विनाशापासून ते ना पुढे जाऊ शकतात, ना मागे राहू शकतात.

آية رقم 6

ﭻﭼﭽﭾﭿﮀﮁﮂ ﮃ ​

६. आणि ते म्हणाले, हे माणसा! ज्यावर कुरआन अवतरित केले गेले आहे निश्चितच तू एखादा वेडा आहे.

آية رقم 7

ﮄﮅﮆﮇﮈﮉﮊﮋ ﮌ ​

७. जर तू अगदी सच्चा आहे तर मग आमच्याजवळ फरिश्त्यांना का नाही आणत?

آية رقم 8

ﮍﮎﮏﮐﮑﮒﮓﮔﮕ ﮖ ​

८. आम्ही फरिश्त्यांना सत्यासहच अवतरित करतो. आणि अशा वेळी त्यांना सवड दिली जात नाही.

آية رقم 9

ﮗﮘﮙﮚﮛﮜﮝ ﮞ ​

९. निःसंशय आम्हीच या कुरआनाला अवतरित केले आहे आणि आम्हीच त्याचे संरक्षक आहोत.

آية رقم 10

ﮟﮠﮡﮢﮣﮤﮥ ﮦ ​

१०. आणि आम्ही तुमच्यापूर्वी होऊन गेलेल्या जनसमूहांमध्येही आपले पैगंबर पाठवित राहिलो.

آية رقم 11

ﮧﮨﮩﮪﮫﮬﮭﮮ ﮯ ​

११. आणि (तथापि) जो पैगंबरदेखील त्यांच्याजवळ आला, त्याची ते थट्टाच उडवित राहिले.

آية رقم 12

ﮰﮱﯓﯔﯕ ﯖ ​

१२. अपराधी लोकांच्या मनात आम्ही अशाच प्रकारे हेच रचत असतो.

آية رقم 13

ﯗﯘﯙﯚﯛﯜﯝ ﯞ ​

१३. ते याच्यावर ईमान राखत नाही आणि निःसंशय पूर्वीच्या लोकांची हीच पद्धत राहिली आहे.

آية رقم 14

ﯟﯠﯡﯢﯣﯤﯥﯦﯧ ﯨ ​

१४. आणि जर आम्ही त्यांच्यासाठी आकाशात (जाण्याचा) दरवाजाही उघडून दिला आणि ते तिथे चढूही लागले.

آية رقم 15

ﯩﯪﯫﯬﯭﯮﯯﯰ ﯱ ​

१५. तरीही हेच म्हणतील की आमची नजरबंदी केली गेली आहे, किंबहुना आमच्यावर जादूटोणा केला गेला आहे.

آية رقم 16

ﭑﭒﭓﭔﭕﭖﭗ ﭘ ​

१६. आणि निःसंशय, आम्ही आकाशात बुरुज (राशी) बनविले आहेत आणि पाहणाऱ्यांकरिता याला सुशोभित केले आहे.

آية رقم 17

ﭙﭚﭛﭜﭝ ﭞ ​

१७. आणि धिःक्कारलेल्या प्रत्येक सैतानापासून याला सुरक्षित ठेवले आहे.

آية رقم 18

ﭟﭠﭡﭢﭣﭤﭥ ﭦ ​

१८. तथापि, जो लपून छपून ऐकण्याचा प्रयत्न करतो, भडकत्या आगीचा निखारा त्याच्या पाठीशी लागतो.

آية رقم 19

ﭧﭨﭩﭪﭫﭬﭭﭮﭯﭰﭱ ﭲ ​

१९. आणि जमिनीला आम्ही पसरवून दिले आहे आणि तिच्यावर पर्वत ठेवले आहेत आणि तिच्यात प्रत्येक वस्तू आम्ही निश्चित प्रमाणात उगविली आहे.

آية رقم 20

ﭳﭴﭵﭶﭷﭸﭹﭺ ﭻ ​

२०. आणि तिच्यातच आम्ही तुमच्या अन्न सामुग्रीची व्यवस्था केली आहे आणि (त्यांच्यासाठीही) ज्यांना रोजी देणारे तुम्ही नाहीत.

آية رقم 21

ﭼﭽﭾﭿﮀﮁﮂﮃﮄﮅﮆ ﮇ ​

२१. आणि जेवढ्या म्हणून चीज-वस्तू आहेत, त्या सर्वांचा खजिना आमच्याजवळ आहे, आणि आम्ही प्रत्येक वस्तू तिच्या निर्धारित प्रमाणात उतरवितो.

آية رقم 22

ﮈﮉﮊﮋﮌﮍﮎﮏﮐﮑﮒﮓ ﮔ ​

२२. आणि आम्ही वजनदार वाऱ्यांना पाठिवतो, मग आकाशातून पर्जन्य वृष्टी करून तुम्हाला तृप्त करतो आणि तुम्ही त्याचा संग्रह करून ठेवणारे नाहीत.

آية رقم 23

ﮕﮖﮗﮘﮙﮚ ﮛ ​

२३. आणि आम्हीच जीवन देतो आणि मृत्युही देतो आणि (शेवटी) आम्हीच वारस आहोत.

آية رقم 24

ﮜﮝﮞﮟﮠﮡﮢ ﮣ ​

२४. आणि तुमच्यापैकी पुढे जाणाऱ्यांना आणि मागे राहणाऱ्यांनाही आम्ही चांगल्या प्रकारे जाणतो.

آية رقم 25

ﮤﮥﮦﮧﮨﮩﮪﮫ ﮬ ​

२५. आणि तुमचा पालनकर्ता समस्त लोकांना एकत्रित करेल. निःसंशय तो मोठा तत्त्वदर्शी, मोठा ज्ञानी आहे.

آية رقم 26

ﮭﮮﮯﮰﮱﯓﯔﯕ ﯖ ​

२६. आणि निःसंशय, आम्ही मानवाला खनकणाऱ्या (कोरड्या) मातीपासून, जी सडलेल्या गाऱ्याची होती, निर्माण केले आहे.

آية رقم 27

ﯗﯘﯙﯚﯛﯜﯝ ﯞ ​

२७. आणि त्याच्यापूर्वी जिन्नांना आम्ही अग्निशिखेपासून निर्माण केले.

آية رقم 28

ﯟﯠﯡﯢﯣﯤﯥﯦﯧﯨﯩﯪ ﯫ ​

२८. आणि जेव्हा तुमच्या पालनकर्त्याने फरिश्त्यांना फर्माविले की मी एक मानव, काळ्या सडलेल्या, खनकणाऱ्या मातीपासून निर्माण करणार आहे.

آية رقم 29

ﯬﯭﯮﯯﯰﯱﯲﯳﯴ ﯵ ​

२९. तर जेव्हा मी त्याला पूर्ण बनवून घेईन आणि त्यात आपला आत्मा फुंकेन तेव्हा तुम्ही सर्व त्याला सजदा करा (त्याच्यापुढे माथा टेका)

آية رقم 30

ﯶﯷﯸﯹ ﯺ ​

३०. यास्तव सर्वच्या सर्व फरिश्त्यांनी आपला माथा टेकला.

آية رقم 31

ﯻﯼﯽﯾﯿﰀﰁ ﰂ ​

३१. परंतु इब्लिसने सजदा करणाऱ्यांमध्ये सामील होण्यास इन्कार केला.

آية رقم 32

ﭑﭒﭓﭔﭕﭖﭗﭘ ﭙ ​

३२. (अल्लाहने) फर्माविले, हे इब्लिस! तुला झाले तरी काय की तू सजदा करणाऱ्यांमध्ये सामील झाला नाही?

آية رقم 33

ﭚﭛﭜﭝﭞﭟﭠﭡﭢﭣﭤ ﭥ ​

३३. तो म्हणाला, मी असा नाही की या मानवाला सजदा करावा, ज्याला तू काळ्या आणि सडलेल्या खणखणणाऱ्या मातीपासून निर्माण केले आहे.

آية رقم 34

ﭦﭧﭨﭩﭪ ﭫ ​

३४. (अल्लाहने) फर्माविले, आता तू जन्नतमधून चालता हो कारण तू धिःक्कारलेला आहेस.

آية رقم 35

ﭬﭭﭮﭯﭰﭱ ﭲ ​

३५. आणि तुझ्यावर कयामतच्या दिवसापर्यंत माझ्यातर्फे धिःक्कार आहे.

آية رقم 36

ﭳﭴﭵﭶﭷﭸ ﭹ ​

३६. तो म्हणाला, हे माझ्या पालनकर्त्या! मला त्या दिवसापर्यंत संधी प्रदान कर की लोकांना दुसऱ्यांदा (जिवंत करून) उठविले जाईल.

آية رقم 37

ﭺﭻﭼﭽ ﭾ ​

३७. फर्माविले, (ठीक आहे) तू त्यांच्यापैकी आहेस, ज्यांना संधी दिली गेली आहे.

آية رقم 38

ﭿﮀﮁﮂ ﮃ ​

३८. ठरलेल्या दिवसाच्या वेळेपर्यंतची.

آية رقم 39

ﮄﮅﮆﮇﮈﮉﮊﮋﮌﮍ ﮎ ​

३९. (सैतान) म्हणाला, हे माझ्या पालनकर्त्या! तू मला मार्गभ्रष्ट केलेस तर मीदेखील शपथ घेतो की मी सुद्धा धरतीत त्यांच्यासाठी मोह माया निर्माण करीन आणि त्या सर्वांना बहकवून मार्गभ्रष्ट करीन.

آية رقم 40

ﮏﮐﮑﮒ ﮓ ​

४०. मात्र तुझ्या त्या दासांखेरीज, ज्यांना तू निवडून घेतले आहे.

آية رقم 41

ﮔﮕﮖﮗﮘ ﮙ ​

४१. फर्माविले, हो. हाच माझ्यापर्यंत पोहचण्याचा सरळ मार्ग आहे.

آية رقم 42

ﮚﮛﮜﮝﮞﮟﮠﮡﮢﮣﮤ ﮥ ​

४२. माझ्या (निवडक) दासांवर तुझा कोणताही प्रभाव पडणार नाही, मात्र जे वाट चुकलेले लोक आहेत, तेच तुझे अनुसरण करतील.

آية رقم 43

ﮦﮧﮨﮩ ﮪ ​

४३. आणि निःसंशय, त्या सर्वांच्या वायद्याचे स्थान जहन्नम आहे.

آية رقم 44

ﮫﮬﮭﮮﮯﮰﮱﯓ ﯔ ​

४४. ज्याला सात दरवाजे आहेत. प्रत्येक दारासाठी त्यांचा एक हिस्सा विभाजित आहे.

آية رقم 45

ﯕﯖﯗﯘﯙ ﯚ ​

४५. निःसंशय, अल्लाहचे भय राखून दुराचारापासून दूर राहणारे लोक बागांमध्ये आणि झऱ्यां (प्रवाहां) मध्ये असतील.

آية رقم 46

ﯛﯜﯝ ﯞ ​

४६. (त्यांना सांगितले जाईल) सलामती आणि शांतीपूर्वक यात दाखल व्हा.

آية رقم 47

ﯟﯠﯡﯢﯣﯤﯥﯦﯧﯨ ﯩ ​

४७. आणि त्यांच्या मनात जी काही वैर- द्वेष भावना होती आम्ही ती सर्व दूर करू. ते भाऊ-भाऊ बनून एकमेकांसमोर सिंहासनावर बसलेले असतील.

آية رقم 48

ﯪﯫﯬﯭﯮﯯﯰﯱ ﯲ ​

४८. त्यांना तिथे ना एखादे दुःख स्पर्श करू शकते आणि ना ते तिथून कधी काढले जातील.

آية رقم 49

ﯳﯴﯵﯶﯷﯸﯹ ﯺ ​

४९. माझ्या दासांना सांगा की मी मोठा माफ करणारा आणि खूप खूप दया करणारा आहे.

آية رقم 50

ﯻﯼﯽﯾﯿ ﰀ ​

५०. आणि त्याचबरोबर माझी शिक्षा यातनाही मोठी दुःखदायक आहे.

آية رقم 51

ﰁﰂﰃﰄ ﰅ ​

५१. आणि त्यांना इब्राहीमच्या अतिथींचा वृत्तांत ऐकवा.

آية رقم 52

ﭑﭒﭓﭔﭕﭖﭗﭘﭙ ﭚ ​

५२. की जेव्हा त्यांनी इब्राहीमजवळ येऊन सलाम केला, तेव्हा ते म्हणाले की आम्हाला तुमचे भय वाटते.१
____________________
(१) हजरत इब्राहीम (अलै.) यांना फरिश्त्यांचे भय अशामुळे वाटले की त्यांनी हजरत इब्राहीमचे तयार केलेले, भाजलेल्या वासरुचे मांस खाल्ले नाही. याचे वर्णन सूरह हूद मध्ये आहे. तात्पर्य अल्लाहच्या महान पैगंबरानाही परोक्ष (ग़ैबच्या) गोष्टींचे ज्ञान नव्हते जर त्यांना हे ज्ञान असते तर हजरत इब्राहीम यांनी जाणले असते की आलेले अतिथी फरिश्ते आहेत आणि त्यांच्या भोजनाची व्यवस्था करणे आवश्यक नाही. कारण फरिश्ते मानवांप्रमाणे खात-पित नाहीत.

آية رقم 53

ﭛﭜﭝﭞﭟﭠﭡ ﭢ ​

५३. फरिश्ते म्हणाले, भिऊ नका, आम्ही तुम्हाला एका ज्ञानी पुत्राची शुभ वार्ता देतो.

آية رقم 54

ﭣﭤﭥﭦﭧﭨﭩﭪ ﭫ ​

५४. इब्राहीम म्हणाले, काय या वृद्धावस्थेने स्पर्श केल्यानंतर तुम्ही मला ही शुभ वार्ता देता! ही आनंदाची बातमी तुम्ही कशी काय देत आहात?

آية رقم 55

ﭬﭭﭮﭯﭰﭱﭲ ﭳ ​

५५. फरिश्ते म्हणाले, आम्ही तुम्हाला अगदी खरी शुभवार्ता ऐकवित आहोत. तुम्ही निराश लोकांमध्ये सामील होऊ नका.

آية رقم 56

ﭴﭵﭶﭷﭸﭹﭺﭻ ﭼ ​

५६. म्हणाले, आपल्या पालनकर्त्याच्या दया कृपेपासून केवळ ते (मार्गभ्रष्ट आणि) बहकलेले लोकच निराश होतात.

آية رقم 57

ﭽﭾﭿﮀﮁ ﮂ ​

५७. (इब्राहीम यांनी) विचारले, हे अल्लाहतर्फे पाठविण्यात आलेल्या (फरिश्त्यां) नो! तुमचे असे काय खास काम आहे?

آية رقم 58

ﮃﮄﮅﮆﮇﮈ ﮉ ​

५८. फरिश्त्यांनी उत्तर दिले, आम्हाला अपराधी लोकांकडे पाठविले गेले आहे.

آية رقم 59

ﮊﮋﮌﮍﮎﮏ ﮐ ​

५९. परंतु लूतचे कुटुंब की आम्ही त्या सर्वांना अवश्य वाचवू.

آية رقم 60

ﮑﮒﮓﮔﮕﮖ ﮗ ​

६०. मात्र लूतच्या पत्नीखेरीज की आम्ही तिला थांबणाऱ्या व मागे राहणाऱ्यांमध्ये निश्चित केले आहे.

آية رقم 61

ﮘﮙﮚﮛﮜ ﮝ ​

६१. जेव्हा पाठविलेले फरिश्ते लूतच्या कुटुंबाजवळ पोहोचले.

آية رقم 62

ﮞﮟﮠﮡ ﮢ ​

६२. तेव्हा लूत म्हणाले, तुम्ही लोक तर काहीसे अनोळखी वाटतात.

آية رقم 63

ﮣﮤﮥﮦﮧﮨﮩ ﮪ ​

६३. ते म्हणाले, (नाही) किंबहुना आम्ही तुमच्याजवळ ती वस्तू घेऊन आलो आहोत, जिच्या बाबतीत हे लोक संशय करीत आहेत.

آية رقم 64

ﮫﮬﮭﮮ ﮯ ​

६४. आणि आम्ही तर तुझ्याजवळ (उघड) सत्य घेऊन आलो आहोत, आणि आम्ही आहोतही पुरेपुरे सच्चे!

آية رقم 65

ﮰﮱﯓﯔﯕﯖﯗﯘﯙﯚﯛﯜﯝﯞ ﯟ ​

६५. आता तुम्ही आपल्या कुटुंबासह या रात्रीच्या एखाद्या भागात निघून जा. तुम्ही स्वतः त्यांच्या मागे राहा (आणि सावधान!) तुमच्यापैकी कोणीही मागे वळून पाहू नये आणि ज्या ठिकाणी जायचा तुम्हाला आदेश दिला जात आहे, तिथे चालत जा.

آية رقم 66

ﯠﯡﯢﯣﯤﯥﯦﯧﯨ ﯩ ​

६६. आणि आम्ही त्याच्याकडे या गोष्टीचा फैसला केला की सकाळ होता होताच त्या सर्वांची मुळे कापली जातील.

آية رقم 67

ﯪﯫﯬﯭ ﯮ ​

६७. आणि शहरी लोक मोठा आनंद साजरा करीत आले.

آية رقم 68

ﯯﯰﯱﯲﯳﯴ ﯵ ​

६८. (लूत) म्हणाले, हे लोक माझे अतिथी आहेत, तेव्हा तुम्ही मला अपमानित करू नका.

آية رقم 69

ﯶﯷﯸﯹ ﯺ ​

६९. आणि सर्वश्रेष्ठ अल्लाहचे भय राखा आणि मला अपमानित करू नका.

آية رقم 70

ﯻﯼﯽﯾﯿ ﰀ ​

७०. ते म्हणाले, काय आम्ही तुम्हाला साऱ्या जगाचा ठेका घेण्यापासून मनाई केली नव्हती?

آية رقم 71

ﭑﭒﭓﭔﭕﭖ ﭗ ​

७१. (लूत) म्हणाले, जर तुम्हाला काही करायचेच आहे तर या माझ्या मुली हजर आहेत१
____________________
(१) अर्थात तुम्ही त्यांच्याशी विवाह करून घ्या, अथवा आपल्या जनसमूहाच्या स्त्रियांना आपल्या मुली म्हटले, म्हणजे तुम्ही समाजातील अविवाहीत मुलींशी विवाह करून घ्या आणि आपली इच्छापूर्ती आपल्या पत्नींकडून करुन घ्या.

آية رقم 72

ﭘﭙﭚﭛﭜ ﭝ ​

७२. तुमच्या आयुष्याची शपथ! ते तर आपल्या नशेत धुंद फिरत होते.

آية رقم 73

ﭞﭟﭠ ﭡ ​

७३. मग सूर्योदय होता होता त्यांना एका भयंकर स्फोटाच्या आवाजाने येऊन धरले.

آية رقم 74

ﭢﭣﭤﭥﭦﭧﭨﭩ ﭪ ​

७४. शेवटी आम्ही त्या (शहरा) ला उलथेपालथे करून टाकले आणि त्या लोकांवर कंकर पाषाणांचा वर्षाव केला.

آية رقم 75

ﭫﭬﭭﭮﭯ ﭰ ​

७५. निःसंशय, प्रत्येक बोध प्राप्त करणाऱ्याकरिता यात अनेक निशाण्या आहेत.

آية رقم 76

ﭱﭲﭳ ﭴ ​

७६. आणि ही वस्ती अशा मार्गावर आहे, ज्यावर सतत ये-जा होत असते.

آية رقم 77

ﭵﭶﭷﭸﭹ ﭺ ​

७७. आणि यात ईमान राखणाऱ्यांसाठी मोठी निशाणी आहे.

آية رقم 78

ﭻﭼﭽﭾﭿ ﮀ ​

७८. आणि अयका वस्तीचे राहणारे लोकही मोठे अत्याचारी होते.

آية رقم 79

ﮁﮂﮃﮄﮅ ﮆ ​

७९. ज्यांच्याशी शेवटी आम्ही सूड घेतलाच. ही दोन्ही शहरे खुल्या मार्गावर आहेत.

آية رقم 80

ﮇﮈﮉﮊﮋ ﮌ ​

८०. आणि हिज्रवाल्यांनीही पैगंबरांना खोटे ठरविले.

آية رقم 81

ﮍﮎﮏﮐﮑ ﮒ ​

८१. आणि त्यांना आम्ही आपल्या निशाण्या प्रदान केल्या होत्या, परंतु तरी देखील ते त्या निशाण्यांपासून माना फिरवितच राहिले.

آية رقم 82

ﮓﮔﮕﮖﮗﮘ ﮙ ​

८२. आणि हे लोक आपली घरे पर्वतांना कोरून बनवित असत, भय न राखता.

آية رقم 83

ﮚﮛﮜ ﮝ ​

८३. शेवटी त्यांनाही सकाळ होता होता भयंकर चित्काराने येऊन गाठले.

آية رقم 84

ﮞﮟﮠﮡﮢﮣ ﮤ ​

८४. यास्तव त्यांच्या कोणत्याही युक्ती कौशल्याने आणि कामगिरीने त्यांना कसलाही लाभ पोहचविला नाही.

آية رقم 85

ﮥﮦﮧﮨﮩﮪﮫﮬﮭﮮﮯﮰﮱﯓﯔﯕ ﯖ ​

८५. आणि आम्ही आकाशांना आणि धरतीला आणि त्यांच्या दरम्यानच्या समस्त वस्तूंना सत्यासहच बनविले आहे आणि कयामत अवश्य येणार आहे, तेव्हा तुम्ही भल्या रीतीने सहन करून घ्या.

آية رقم 86

ﯗﯘﯙﯚﯛ ﯜ ​

८६. निःसंशय, तुमचा पालनकर्ताच निर्माण करणारा आणि जाणणारा आहे.

آية رقم 87

ﯝﯞﯟﯠﯡﯢﯣ ﯤ ​

८७. निःसंशय आम्ही तुम्हाला सात आयती प्रदान केल्या आहेत ज्यांची पुनरावृत्ती केली जाते, आणि महान कुरआन देखील प्रदान केला आहे.

آية رقم 88

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

८८. तुम्ही कधीही आपली नजर त्या गोष्टीवर टाकू नका, जिला आम्ही, त्यांच्यापैकी अनेक प्रकारच्या लोकांना प्रदान केले आहे. त्यांच्याबद्दल तुम्ही दुःखही करू नका आणि ईमान राखणाऱ्यांसाठी आपल्या बाजू झुकवा (त्यांना मोठ्या स्नेहाची वागणूक द्या).

آية رقم 89

ﯵﯶﯷﯸﯹ ﯺ ​

८९. आणि सांगा की मी उघडपणे भय दाखविणारा आहे.

آية رقم 90

ﯻﯼﯽﯾ ﯿ ​

९०. ज्याप्रमाणे आम्ही त्या विभाजन करणाऱ्यांवर उतरविला.

آية رقم 91

ﭑﭒﭓﭔ ﭕ ​

९१. ज्यांनी या कुरआनचे तुकडे तुकडे करून टाकले.

آية رقم 92

ﭖﭗﭘ ﭙ ​

९२. शपथ आहे तुमच्या पालनकर्त्याची! आम्ही त्या सर्वांना अवश्य विचारू.

آية رقم 93

ﭚﭛﭜ ﭝ ​

९३. त्या प्रत्येक गोष्टीबाबत जी ते करीत होते.

آية رقم 94

ﭞﭟﭠﭡﭢﭣ ﭤ ​

९४. तेव्हा तुम्ही हा आदेश, जो तुम्हाला दिला जात आहे, स्पष्टतः ऐकवा, आणि अनेकेश्वरवाद्यांपासून तोंड फिरवून घ्या.

آية رقم 95

ﭥﭦﭧ ﭨ ​

९५. तुमच्याशी ते लोक थट्टा मस्करी करतात त्यांच्या (शिक्षे) करिता आम्ही पर्याप्त आहोत.

آية رقم 96

ﭩﭪﭫﭬﭭﭮﭯﭰﭱ ﭲ ​

९६. जे लोक अल्लाहच्या सोबत आणखी इतर उपास्ये बनवितात, त्यांना लवकरच माहीत पडेल.

آية رقم 97

ﭳﭴﭵﭶﭷﭸﭹ ﭺ ​

९७. आणि आम्हाला चांगल्या प्रकारे माहीत आहे की त्यांच्या बोलण्याने तुमच्या मनाला ठेच पोहचते.

آية رقم 98

ﭻﭼﭽﭾﭿﮀ ﮁ ​

९८. तुम्ही आपल्या पालनकर्त्याची महानता आणि स्तुती प्रशंसाचे वर्णन करीत राहा आणि नतमस्तक होणाऱ्यांमध्ये सामील व्हा.

آية رقم 99

ﮂﮃﮄﮅﮆ ﮇ ​

९९. आणि आपल्या पालनकर्त्याची उपासना करीत राहा, येथेपर्यंत की तुम्हाला मरण यावे.