ترجمة معاني سورة النازعات باللغة التلجوية من كتاب الترجمة التلجوية

آية رقم 1

ﮢﮣ ﮤ ​

(అవిశ్వాసుల ప్రాణాలను) కఠినంగా లాగి తీసే వారి (దేవదూతల) సాక్షిగా!

آية رقم 2

ﮥﮦ ﮧ ​

(విశ్వాసుల ప్రాణాలను) నెమ్మదిగా తీసేవారి (దేవదూతల) సాక్షిగా!

آية رقم 3

ﮨﮩ ﮪ ​

(విశ్వంలో) తేలియాడుతూ పోయే వారి సాక్షిగా!

آية رقم 4

ﮫﮬ ﮭ ​

మరియు పందెంలో వలే (ఒకరితో నొకరు) పోటీ పడే వారి సాక్షిగా!

آية رقم 5

ﮮﮯ ﮰ ​

మరియు (తమ ప్రభువు) ఆజ్ఞానుసారం వ్యవహారాలు నిర్వహించేవారి (దేవదూతల) సాక్షిగా!

آية رقم 6

ﮱﯓﯔ ﯕ ​

ఆ రోజు (మొదటి) బాకా ధ్వని భూగోళాన్ని తీవ్రంగా కంపింపజేస్తుంది.

آية رقم 7

ﯖﯗ ﯘ ​

దాని తర్వాత రెండవ సారి బాకా ఊదబడుతుంది. (అప్పుడు అందరూ పునరుత్థరింప బడతారు).

آية رقم 8

ﯙﯚﯛ ﯜ ​

ఆ రోజు (కొన్ని) హృదయాలు (భయంతో) దడదడలాడుతూ ఉంటాయి.

آية رقم 9

ﯝﯞ ﯟ ​

వారి చూపులు క్రిందికి వాలి ఉంటాయి.

آية رقم 10

ﯠﯡﯢﯣﯤ ﯥ ​

వారు ఇలా అంటున్నారు: "ఏమీ? మనం మన పూర్వ స్థితిలోకి మళ్ళీ తీసుకు రాబడతామా?

آية رقم 11

ﯦﯧﯨﯩ ﯪ ​

మనం శిథిలమైన ఎముకలుగా మారి పోయిన తరువాత కూడానా?"

آية رقم 12

ﯫﯬﯭﯮﯯ ﯰ ​

వారు (ఇంకా ఇలా) అంటారు: "అయితే ఈ తిరిగి రావటమనేది చాల నష్టదాయకమైనదే!"

آية رقم 13

ﯱﯲﯳﯴ ﯵ ​

కాని అది వాస్తవానికి, ఒకే ఒక (తీవ్రమైన) ధ్వని.

آية رقم 14

ﯶﯷﯸ ﯹ ​

అప్పుడు వారందరూ, ఒకేసారి లేచి మైదానంలోకి వచ్చి ఉంటారు.

آية رقم 15

ﯺﯻﯼﯽ ﯾ ​

ఏమీ? నీకు మూసా వృత్తాంతం అందిందా?

آية رقم 16

ﯿﰀﰁﰂﰃﰄ ﰅ ​

అతని ప్రభువు పవిత్ర తువా లోయలో అతనిని పిలిచినప్పుడు,

آية رقم 17

ﭑﭒﭓﭔﭕ ﭖ ​

(ఇలా అన్నాడు): "ఫిర్ఔన్ వద్దకు వెళ్ళు, నిశ్చయంగా, అతడు ధిక్కారుడయ్యాడు.

آية رقم 18

ﭗﭘﭙﭚﭛﭜ ﭝ ​

"ఇక (అతనితో) ఇట్లను: 'ఏమీ? నీవు పాపరహితుడవు అవటానికి ఇష్టపడతావా?

آية رقم 19

ﭞﭟﭠﭡ ﭢ ​

మరియు నేను నీకు నీ ప్రభువు వైపునకు మార్గదర్శకత్వం చేస్తాను, మరి నీవు ఆయన పట్ల భీతి కలిగి ఉంటావా?'"

آية رقم 20

ﭣﭤﭥ ﭦ ​

తరువాత అతను (మూసా) అతడికి (ఫిర్ఔన్ కు) గొప్ప అద్భుత నిదర్శనాన్ని చూపాడు.

آية رقم 21

ﭧﭨ ﭩ ​

కాని అతడు (ఫిర్ఔన్) దానిని అబద్ధమని తిరస్కరించాడు మరియు (అతని మాటను) ఉల్లంఘించాడు.

آية رقم 22

ﭪﭫﭬ ﭭ ​

ఆ తర్వాత అతడు (ఫిర్ఔన్) వెనక్కి మరలి పోయి, (కుట్రలు) పన్నసాగాడు.

آية رقم 23

ﭮﭯ ﭰ ​

పిదప (ప్రజలను) సమావేశపరచి, ఎలుగెత్తి చాటుతూ;

آية رقم 24

ﭱﭲﭳﭴ ﭵ ​

ఇలా అన్నాడు: "నేనే మీ యొక్క మహాన్నత ప్రభువును!"

آية رقم 25

ﭶﭷﭸﭹﭺ ﭻ ​

కావున అల్లాహ్ అతనిని ఇహపరలోకాల శిక్షకు గురి చేశాడు.

آية رقم 26

ﭼﭽﭾﭿﮀﮁ ﮂ ​

నిశ్చయంగా, ఇందులో (అల్లాహ్ కు) భయపడే ప్రతి వ్యక్తి కొరకు గుణపాఠముంది.

آية رقم 27

ﮃﮄﮅﮆﮇﮈﮉ ﮊ ​

ఏమీ? మిమ్మల్ని సృష్టించడం కఠినమయిన పనా? లేక ఆకాశాన్నా? ఆయనే కదా దానిని నిర్మించింది!

آية رقم 28

ﮋﮌﮍ ﮎ ​

ఆయన దాని కప్పు (ఎత్తు)ను చాలా పైకి లేపాడు. తరువాత దానిని క్రమపరిచాడు;

آية رقم 29

ﮏﮐﮑﮒ ﮓ ​

మరియు ఆయన దాని రాత్రిని చీకటిగా చేశాడు. మరియు దాని పగటిని (వెలుగును) బహిర్గతం చేశాడు.

آية رقم 30

ﮔﮕﮖﮗ ﮘ ​

మరియు ఆ పిదప భూమిని పరచినట్లు చేశాడు.

آية رقم 31

ﮙﮚﮛﮜ ﮝ ​

దాని నుండి దాని నీళ్ళను మరియు దాని పచ్చికను బయటికి తీశాడు;

آية رقم 32

ﮞﮟ ﮠ ​

మరియు పర్వతాలను (దానిలో) స్థిరంగా నాటాడు;

آية رقم 33

ﮡﮢﮣ ﮤ ​

మీకు మరియు మీ పశువులకు జీవన సామగ్రిగా!

آية رقم 34

ﮥﮦﮧﮨ ﮩ ​

ఇక ఆ గొప్ప దుర్ఘటన (పునరుత్థాన దినం) వచ్చినప్పుడు;

آية رقم 35

ﮪﮫﮬﮭﮮ ﮯ ​

ఆ రోజు మానవుడు తాను చేసిందంతా జ్ఞాపకం చేసుకుంటాడు;

آية رقم 36

ﮰﮱﯓﯔ ﯕ ​

మరియు చూసే వారి యెదుటకు, నరకాగ్ని స్పష్టంగా కనబడేటట్లు తేబడుతుంది.

آية رقم 37

ﯖﯗﯘ ﯙ ​

ఇక ధిక్కారంతో హద్దులు మీరి ప్రవర్తించిన వాడికి;

آية رقم 38

ﯚﯛﯜ ﯝ ​

మరియు ఐహిక జీవితానికి ప్రాధాన్యత నిచ్చిన వాడికి;

آية رقم 39

ﯞﯟﯠﯡ ﯢ ​

నిశ్చయంగా, నరకాగ్నియే, వాని నివాస స్థానమవుతుంది!

آية رقم 40

ﯣﯤﯥﯦﯧﯨﯩﯪﯫ ﯬ ​

మరియు తన ప్రభువు ముందు నిలబడ వలసి వుంటుందన్న భయంతో తన మనస్సును దుష్టవాంఛలకు దూరంగా ఉంచిన వ్యక్తికి;

آية رقم 41

ﯭﯮﯯﯰ ﯱ ​

నిశ్చయంగా, స్వర్గమే, అతని నివాస స్థానమవుతుంది!

آية رقم 42

ﯲﯳﯴﯵﯶ ﯷ ​

(ఓ ముహమ్మద్!) వీరు నిన్ను - ఆ ఘడియను గురించి: "అసలు అది ఎప్పుడొస్తుంది?" అని అడుగుతున్నారు.

آية رقم 43

ﯸﯹﯺﯻ ﯼ ​

దాని గురించి చెప్పడానికి దాంతో నీకేమి సంబంధం?

آية رقم 44

ﯽﯾﯿ ﰀ ​

దాని వాస్తవ జ్ఞానం నీ ప్రభువుకే ఉంది!

آية رقم 45

ﰁﰂﰃﰄﰅ ﰆ ​

(ఓ ముహమ్మద్!) నిశ్చయంగా, నీవు, దానికి భయపడే వారిని హెచ్చరించే వాడవు మాత్రమే!

آية رقم 46

ﰇﰈﰉﰊﰋﰌﰍﰎﰏ ﰐ ​

వారు దానిని చూసిన రోజు (తాము ప్రపంచంలో) కేవలం ఒక సాయంత్రమో లేక ఒక ఉదయమో గడిపినట్లు భావిస్తారు.