ترجمة معاني سورة القمر باللغة التلجوية من كتاب الترجمة التلجوية

آية رقم 1

ﮬﮭﮮﮯ ﮰ ​

ఆ ఘడియ దగ్గరకు వచ్చింది మరియు చంద్రుడు పూర్తిగా చీలిపోయాడు.

آية رقم 2

ﮱﯓﯔﯕﯖﯗﯘ ﯙ ​

అయినా (సత్యతిరస్కారులు), అద్భుత సూచనను చూసినా తమ ముఖాలను త్రిప్పుకుంటున్నారు. మరియు: "ఇది ఎప్పటినుంచో జరుగుతూ వస్తున్న మంత్రజాలమే." అని అంటున్నారు.

آية رقم 3

ﯚﯛﯜﯝﯞﯟﯠ ﯡ ​

మరియు వారు దీనిని (ఈ ఖుర్ఆన్ ను) అసత్యమని తిరస్కరించారు. మరియు తమ మనోవాంఛలను అనుసరించారు. మరియు ప్రతి వ్యవహారం ఒక పర్యవసానానికి చేరవలసి ఉంటుంది.

آية رقم 4

ﯢﯣﯤﯥﯦﯧﯨ ﯩ ​

మరియు వాస్తవానికి, వారి వద్దకు సమాచారాలు వచ్చాయి. అందు వారికి మందలింపులు ఉండేవి.

آية رقم 5

ﯪﯫﯬﯭﯮﯯ ﯰ ​

కావలసినంత వివేకమూ ఉండేది. కాని ఆ హెచ్చరికలు వారికి ప్రయోజనకరం కాలేదు.

آية رقم 6

ﯱﯲﯳﯴﯵﯶﯷﯸﯹ ﯺ ​

కావున (ఓ ముహమ్మద్!) నీవు వారి నుండి మరలిపో! పిలిచేవాడు భయంకరమైన ఒక విషయం వైపునకు పిలిచే రోజున;

آية رقم 7

ﭑﭒﭓﭔﭕﭖﭗﭘ ﭙ ​

వారి చూపులు క్రిందికి వాలి ఉంటాయి, వారు చెల్లాచెదురైన మిడతల వలే, తమ గోరీల నుండి లేచి బయటికి వస్తారు;

آية رقم 8

ﭚﭛﭜﭝﭞﭟﭠﭡﭢ ﭣ ​

వేగంగా పిలిచేవాని వైపునకు! సత్యతిరస్కారులు: "ఇది చాలా కఠినమైన రోజు." అని అంటారు.

آية رقم 9

ﭤﭥﭦﭧﭨﭩﭪﭫﭬﭭ ﭮ ​

వారికి పూర్వం నూహ్ జాతి వారు (తమ ప్రవక్తను) అసత్యవాదుడని తిరస్కరించి ఉన్నారు, అప్పుడు వారు మా దాసుణ్ణి: "అసత్యవాది!" అని అన్నారు. మరియు :"ఇతడు పిచ్చివాడు" అని అన్నారు. మరియు అతను కసిరికొట్టబడ్డాడు.

آية رقم 10

ﭯﭰﭱﭲﭳ ﭴ ​

అప్పుడతను తన ప్రభువును ఇలా ప్రార్థించాడు: "నిశ్చయంగా నేను ఓడిపోయాను కావున నాకు సహాయం చేయి!"

آية رقم 11

ﭵﭶﭷﭸﭹ ﭺ ​

అప్పుడు మేము ఆకాశపు ద్వారాలు తెరిచి కుంభవర్షాన్ని కురిపించాము.

آية رقم 12

ﭻﭼﭽﭾﭿﮀﮁﮂﮃ ﮄ ​

మరియు భూమి నుండి ఊటలను పొంగింపజేశాము అపుడు నిర్ణీత కార్యానికి గాను నీళ్ళన్నీ కలిసి పోయాయి.

آية رقم 13

ﮅﮆﮇﮈﮉ ﮊ ​

మరియు మేము అతనిని (నూహ్ ను) పలకలు మరియు మేకులు గల దాని (ఓడపై) ఎక్కించాము.

آية رقم 14

ﮋﮌﮍﮎﮏﮐ ﮑ ​

అది మా కన్నుల ముందు తేలియాడుతూ పోయింది. (తన జాతి వారి చేత) తిరస్కరించబడిన వానికి ప్రతిఫలంగా!

آية رقم 15

ﮒﮓﮔﮕﮖﮗ ﮘ ​

మరియు వాస్తవానికి మేము దానిని (ఆ ఓడను) ఒక సూచనగా చేసి వదలి పెట్టాము. అయితే, హితబోధ స్వీకరించేవాడు ఎవడైనా ఉన్నాడా?

آية رقم 16

ﮙﮚﮛﮜ ﮝ ​

చూశారా! నా శిక్ష మరియు నా హెచ్చరికలు ఎలా ఉండెనో?

آية رقم 17

ﮞﮟﮠﮡﮢﮣﮤ ﮥ ​

మరియు వాస్తవానికి మేము ఈ ఖుర్ఆన్ ను హితబోధ గ్రహించటం కోసం సులభం చేశాము. అయితే హితబోధను స్వీకరించేవాడు ఎవడైనా ఉన్నాడా?

آية رقم 18

ﮦﮧﮨﮩﮪﮫ ﮬ ​

ఆద్ జాతి సత్యాన్ని తిరస్కరించింది. చూశారా! నా శిక్ష మరియు నా హెచ్చరికలు ఎలా ఉండెనో?

آية رقم 19

ﮭﮮﮯﮰﮱﯓﯔﯕﯖ ﯗ ​

నిశ్చయంగా, మేము పూర్తిగా దురదృష్టకరమైన (అరిష్టదాయకమైన) ఒక రోజున, తీవ్రమైన ఎడతెగని తుఫాను గాలిని పంపాము.

آية رقم 20

ﯘﯙﯚﯛﯜﯝ ﯞ ​

అది ప్రజలను వేర్లతో పెళ్ళగింపబడిన ఖర్జూరపు చెట్ల వలే పెళ్ళగించి వేసింది.

آية رقم 21

ﯟﯠﯡﯢ ﯣ ​

ఇక చూశారా! నా శిక్ష మరియు నా హెచ్చరికలు ఎలా ఉండెనో?

آية رقم 22

ﯤﯥﯦﯧﯨﯩﯪ ﯫ ​

మరియు వాస్తవానికి మేము ఈ ఖుర్ఆన్ ను హితబోధ గ్రహించటం కోసం సులభం చేశాము, అయితే హితబోధను స్వీకరించేవాడు ఎవడైనా ఉన్నాడా?

آية رقم 23

ﯬﯭﯮ ﯯ ​

సమూద్ జాతి హెచ్చరికలను అసత్యాలని తిరస్కరించింది.

آية رقم 24

ﯰﯱﯲﯳﯴﯵﯶﯷﯸﯹ ﯺ ​

అప్పుడు వారు ఇలా అన్నారు: "ఏమీ? మాలోని ఒక వ్యక్తిని, ఒంటరివాడిని, మేము అనుసరించాలా? అలా అయితే నిశ్చయంగా, మేము మార్గభ్రష్టులం మరియు పిచ్చివారం అయినట్లే కదా?"

آية رقم 25

ﯻﯼﯽﯾﯿﰀﰁﰂﰃ ﰄ ​

"ఏమీ? మా అందరిలో, కేవలం అతని మీదనే (దివ్య) సందేశం పంపబడిందా? అలా కాదు! అసలు అతను అసత్యవాది, డంబాలు పలికేవాడు!"

آية رقم 26

ﰅﰆﰇﰈﰉ ﰊ ​

అసత్యవాది, డంబాలు పలికేవాడు! ఎవడో రేపే (త్వరలోనే) వారికి తెలిసిపోతుంది!

آية رقم 27

ﰋﰌﰍﰎﰏﰐﰑ ﰒ ​

నిశ్చయంగా, మేము ఆడ ఒంటెను, వారిని పరీక్షించటం కోసం పంపుతున్నాము, కావున (ఓ సాలిహ్!) వారి విషయంలో వేచి ఉండు మరియు సహనం వహించు!

آية رقم 28

ﭑﭒﭓﭔﭕﭖﭗﭘﭙ ﭚ ​

మరియు వారి మధ్య నీరు (న్యాయంగా) పంచబడాలని వారికి బోధించు. ప్రతి ఒక్కరూ తమ వంతు వచ్చే రోజునే త్రాగాలని నియమించబడింది.

آية رقم 29

ﭛﭜﭝﭞ ﭟ ​

ఆ పిదప వారు తమ సహచరుణ్ణి పిలిచారు. వాడు దాన్ని పట్టుకొని (దాని వెనుక కాలి మోకాలి నరాలు కోసి) చంపాడు.

آية رقم 30

ﭠﭡﭢﭣ ﭤ ​

అప్పుడు చూశారా! నా శిక్ష మరియు నా హెచ్చరికలు ఎలా ఉండెనో?

آية رقم 31

ﭥﭦﭧﭨﭩﭪﭫﭬ ﭭ ​

నిశ్చయంగా, మేము వారి మీదకు ఒక భయంకరమైన శబ్దాన్ని (సయ్ హాను) పంపాము, దాంతో వారు త్రొక్క బడిన పశువుల దొడ్డి కంచె వలే నుగ్గునుగ్గు అయి పోయారు.

آية رقم 32

ﭮﭯﭰﭱﭲﭳﭴ ﭵ ​

మరియు వాస్తవానికి, మేము ఈ ఖుర్ఆన్ ను హితబోధ గ్రహించటానికి సులభం చేశాము. అయితే హితబోధ స్వీకరించేవాడు ఎవడైనా ఉన్నాడా?

آية رقم 33

ﭶﭷﭸﭹ ﭺ ​

లూత్ జాతి కూడా హెచ్చరికలను అసత్యాలని తిరస్కరించింది.

آية رقم 34

ﭻﭼﭽﭾﭿﮀﮁﮂﮃﮄ ﮅ ​

నిశ్చయంగా, మేము లూత్ ఇంటివారు తప్ప! ఇతరుల మీదికి రాళ్ళు విసిరే తుఫాన్ గాలిని పంపాము. (లూత్ ఇంటి) వారిని మేము వేకువ ఝామున రక్షించాము;

آية رقم 35

ﮆﮇﮈﮉﮊﮋﮌﮍ ﮎ ​

మా తరఫు నుండి అనుగ్రహంగా. ఈ విధంగా మేము కృతజ్ఞులకు ప్రతిఫలం ఇస్తాము.

آية رقم 36

ﮏﮐﮑﮒﮓ ﮔ ​

మరియు వాస్తవానికి (లూత్ తన జాతి) వారిని మా రాబోయే శిక్షను గురించి హెచ్చరించాడు. కాని వారు మా హెచ్చరికలను సందేహించి (మొండి) వాదనలకు దిగారు!

آية رقم 37

ﮕﮖﮗﮘﮙﮚﮛﮜﮝ ﮞ ​

మరియు వాస్తవానికి వారు అతని అతిథులను అతని నుండి బలవంతంగా లాక్కోవాలని అనుకున్నారు. కావున మేము వారి కళ్ళను పోగొట్టాము. (వారితో ఇలా అన్నాము): "ఇప్పుడు నా శిక్షను మరియు నా హెచ్చరికను చవి చూడండి."

آية رقم 38

ﮟﮠﮡﮢﮣ ﮤ ​

మరియు వాస్తవానికి, ఉదయపు వేళ శాశ్వతమైన శిక్ష వారి మీద పడింది:

آية رقم 39

ﮥﮦﮧ ﮨ ​

"ఇప్పుడు మీరు నా శిక్షను మరియు నా హెచ్చరికలను చవి చూడండి."

آية رقم 40

ﮩﮪﮫﮬﮭﮮﮯ ﮰ ​

మరియు వాస్తవానికి, మేము ఈ ఖుర్ఆన్ ను హితబోధ గ్రహించటానికి సులభం చేశాము. అయితే హితబోధ స్వీకరించేవాడు ఎవడైనా ఉన్నాడా?

آية رقم 41

ﮱﯓﯔﯕﯖ ﯗ ​

మరియు వాస్తవానికి ఫిర్ఔన్ జాతి వారికి కూడా హెచ్చరికలు వచ్చాయి.

آية رقم 42

ﯘﯙﯚﯛﯜﯝﯞ ﯟ ​

వారు మా సూచనలను అన్నిటినీ అబద్ధాలని తిరస్కరించారు, కావున మేము వారిని పట్టుకున్నాము, సర్వశక్తిమంతుడు సర్వసమర్ధుడు పట్టుకునే విధంగా!

آية رقم 43

ﯠﯡﯢﯣﯤﯦﯧﯨﯩ ﯪ ​

(ఓ ఖురేషులారా!) ఏమీ? మీ సత్యతిరస్కారులు మీకు పూర్వం గడిచిన వారి కంటే శ్రేష్ఠులా? లేక దివ్యగ్రంథాలలో మీ కొరకు (మా శిక్ష నుండి) ఏదైనా మినహాయింపు వ్రాయబడి ఉందా?

آية رقم 44

ﯫﯬﯭﯮﯯ ﯰ ​

లేక వారు: "మాది ఒక శక్తిగల వర్గం, (కావున) మేము ప్రాబల్యం పొందగలం" అని అంటున్నారా?

آية رقم 45

ﯱﯲﯳﯴ ﯵ ​

కాని త్వరలోనే ఈ శక్తిగల వర్గం పరాజయం పొందగలదు. మరియు వారు వెన్నుచూపి పారిపోతారు.

آية رقم 46

ﯶﯷﯸﯹﯺﯻ ﯼ ​

అంతేకాదు! అంతిమ ఘడియయే, వారి వాగ్దాన సమయం మరియు ఆ ఘడియ ఎంతో దారుణమైనది మరియు ఎంతో తీవ్రమైనదీను (చేదైనదీను).

آية رقم 47

ﯽﯾﯿﰀﰁ ﰂ ​

నిశ్చయంగా, పాపాత్ములు మార్గభ్రష్టత్వంలో ఉన్నారు మరియు వారు (పరలోకంలో) నరకాగ్నిలో కాలుతారు.

آية رقم 48

ﰃﰄﰅﰆﰇﰈﰉﰊﰋ ﰌ ​

ఆ రోజు వారు తమ ముఖాల మీద నరకాగ్ని లోకి ఈడ్చబడతారు; (వారితో):"నరకాగ్ని స్పర్శను చవి చూడండి!" అని అనబడుతుంది.

آية رقم 49

ﰍﰎﰏﰐﰑ ﰒ ​

నిశ్చయంగా, మేము ప్రతి దానిని ఒక విధివ్రాత (ఖద్ర్) తో సృష్టించాము.

آية رقم 50

ﭑﭒﭓﭔﭕﭖ ﭗ ​

మరియు మా ఆజ్ఞ కేవలం ఒక్కటే చాలు, కనురెప్పపాటుది, (అది అయిపోతుంది).

آية رقم 51

ﭘﭙﭚﭛﭜﭝ ﭞ ​

మరియు వాస్తవానికి, మేము మీ వంటి వారిని, ఎందరినో నాశనం చేశాము. అయితే, హితబోధ స్వీకరించేవాడు ఎవడైనా ఉన్నాడా?

آية رقم 52

ﭟﭠﭡﭢﭣ ﭤ ​

మరియు వారు చేసిన ప్రతి విషయం వారి కర్మ గ్రంథాలలో (చిట్టాలలో) వ్రాయబడి ఉంది.

آية رقم 53

ﭥﭦﭧﭨ ﭩ ​

మరియు ప్రతి చిన్న మరియు ప్రతి పెద్ద విషయం అన్నీ వ్రాయబడి ఉన్నాయి.

آية رقم 54

ﭪﭫﭬﭭﭮ ﭯ ​

నిశ్చయంగా, దైవభీతి గలవారు స్వర్గవనాలలో సెలయేళ్ళ దగ్గర ఉంటారు.

آية رقم 55

ﭰﭱﭲﭳﭴﭵ ﭶ ​

సత్యపీఠం మీద, విశ్వసామ్రాట్టు, సర్వసమర్ధుని సన్నిధిలో.