ترجمة معاني سورة القمر باللغة الألبانية من كتاب الترجمة الألبانية

آية رقم 1

ﮬﮭﮮﮯ ﮰ ​

U afrua Ora dhe u ça Hëna![341]
____________________
[341] Kjo është një shenjë e afrimit të Orës së Kiametit. Vargu aludon për një mrekulli të famshme të Profetit Muhamed (a.s.), të regjistruar në shumë transmetime autentike të shokëve të tij. Ajo erdhi pas një këmbënguljeje të vazhdueshme të paganëve të Mekës, që Profeti t’u tregonte një shenjë mrekullie në ditët e hershme të misionit të tij.

آية رقم 2

ﮱﯓﯔﯕﯖﯗﯘ ﯙ ​

E megjithatë, sa herë që shohin ndonjë mrekulli, ata kthejnë kurrizin dhe thonë: “Kjo është në vazhdën e magjive të tij!”

آية رقم 3

ﯚﯛﯜﯝﯞﯟﯠ ﯡ ​

Ata e mohojnë (të vërtetën) dhe pasojnë dëshirat dhe tekat e tyre, por çdo gjë është e caktuar.

آية رقم 4

ﯢﯣﯤﯥﯦﯧﯨ ﯩ ​

Sigurisht që atyre u kanë ardhur histori për t’i prapësuar (nga e keqja),

آية رقم 5

ﯪﯫﯬﯭﯮﯯ ﯰ ​

një urtësi e përsosur, por paralajmërimi nuk u bën dobi.

آية رقم 6

ﯱﯲﯳﯴﯵﯶﯷﯸﯹ ﯺ ​

Prandaj, largohu nga ata (o Profet), deri Ditën kur do t’i thërrasë Lajmëtari[342] në diçka të tmerrshme.
____________________
[342] Pra, engjëlli Israfil që i fryn bririt të ringjalljes dhe i fton njerëzit të japin llogari.

آية رقم 7

ﭑﭒﭓﭔﭕﭖﭗﭘ ﭙ ​

Me sy të përulur do të dalin nga varret, sikur të ishin karkaleca të shpërndarë,

آية رقم 8

ﭚﭛﭜﭝﭞﭟﭠﭡﭢ ﭣ ​

duke shpejtuar drejt Lajmëtarit. Atëherë, mohuesit do të thonë: “Kjo është ditë e vështirë!”

آية رقم 9

ﭤﭥﭦﭧﭨﭩﭪﭫﭬﭭ ﭮ ​

Para tyre (i) ka përgënjeshtëruar (shenjat Tona) populli i Nuhut. Ata e quanin gënjeshtar robin Tonë (Nuhun), i thoshin “i çmendur”, e pengonin dhe e kërcënonin.

آية رقم 10

ﭯﭰﭱﭲﭳ ﭴ ​

Kështu, ai iu lut Zotit të vet: “Unë jam i mundur, andaj më ndihmo!”

آية رقم 11

ﭵﭶﭷﭸﭹ ﭺ ​

Dhe Ne i hapëm dyert e qiellit me ujë të rrëmbyeshëm

آية رقم 12

ﭻﭼﭽﭾﭿﮀﮁﮂﮃ ﮄ ​

dhe i shpërthyem burimet e tokës, e u takuan ujërat për një qëllim të paracaktuar.

آية رقم 13

ﮅﮆﮇﮈﮉ ﮊ ​

Ndërsa Nuhun e bartëm në një barkë (të ndërtuar) prej dërrasash dhe gozhdësh,

آية رقم 14

ﮋﮌﮍﮎﮏﮐ ﮑ ​

e cila lundronte nën Sytë[343] Tanë: si shpërblim për atë (Nuhun a.s.) i cili u mohua.
____________________
[343] Pra, nën mbikëqyrjen dhe kujdesin Tonë.

آية رقم 15

ﮒﮓﮔﮕﮖﮗ ﮘ ​

Ne e kemi bërë atë[344] si shenjë, por a ka kush që ia vë veshin?
____________________
[344] Përmbytjen e popullit të Nuhut.

آية رقم 16

ﮙﮚﮛﮜ ﮝ ​

Eh, sa i tmerrshëm qe dënimi Im pas paralajmërimeve të Mia!

آية رقم 17

ﮞﮟﮠﮡﮢﮣﮤ ﮥ ​

Vërtet, Ne e kemi bërë Kuranin të lehtë për t’u kuptuar dhe kujtuar, prandaj, a ka ndonjë që të marrë këshillë?!

آية رقم 18

ﮦﮧﮨﮩﮪﮫ ﮬ ​

Edhe fisi Ad e quajti gënjeshtar (të dërguarin Tonë), por sa i tmerrshëm qe dënimi Im pas paralajmërimeve të Mia!

آية رقم 19

ﮭﮮﮯﮰﮱﯓﯔﯕﯖ ﯗ ​

Ne u dërguam atyre në një ditë fatkeqe një erë të stuhishme të pandërprerë,

آية رقم 20

ﯘﯙﯚﯛﯜﯝ ﯞ ​

e cila i nxirrte njerëzit, sikur të ishin trungje të shkulura hurmash.

آية رقم 21

ﯟﯠﯡﯢ ﯣ ​

Eh, sa i tmerrshëm qe dënimi Im pas paralajmërimeve të Mia!

آية رقم 22

ﯤﯥﯦﯧﯨﯩﯪ ﯫ ​

Vërtet, Ne e kemi bërë Kuranin të lehtë për t’u kuptuar dhe kujtuar, prandaj, a ka ndonjë që të marrë këshillë?!

آية رقم 23

ﯬﯭﯮ ﯯ ​

Edhe fisi Themud i përgënjeshtroi paralajmërimet Tona.

آية رقم 24

ﯰﯱﯲﯳﯴﯵﯶﯷﯸﯹ ﯺ ​

Ata (themudasit) thanë: “Vallë, a të ndjekim një njeri nga mesi ynë? Atëherë do të ishim vërtet në rrugë të humbur dhe të çmendur.

آية رقم 25

ﯻﯼﯽﯾﯿﰀﰁﰂﰃ ﰄ ​

Vallë, vetëm atij mes nesh t’i dërgohet Shpallja? Jo, ai është gënjeshtar mendjemadh!”

آية رقم 26

ﰅﰆﰇﰈﰉ ﰊ ​

(Të dërguarit iu tha): “Nesër do ta marrin vesh ata se, kush është gënjeshtari mendjemadh!

آية رقم 27

ﰋﰌﰍﰎﰏﰐﰑ ﰒ ​

Ne po u dërgojmë devenë[345] për t’i sprovuar, andaj ti (o Salih) priti ata dhe bëhu i durueshëm!
____________________
[345] Shih vargun 64 të sures 11 dhe shënimin përkatës.

آية رقم 28

ﭑﭒﭓﭔﭕﭖﭗﭘﭙ ﭚ ​

Dhe lajmëroji ata se uji do të ndahet ndërmjet tyre e devesë dhe çdo vakt do të shihet me rend!”

آية رقم 29

ﭛﭜﭝﭞ ﭟ ​

Por ata thirrën shokun e tyre, i cili e mori dhe e theri.

آية رقم 30

ﭠﭡﭢﭣ ﭤ ​

Eh, sa i tmerrshëm qe dënimi Im pas paralajmërimeve të Mia!

آية رقم 31

ﭥﭦﭧﭨﭩﭪﭫﭬ ﭭ ​

Ne dërguam mbi ta një ulërimë të vetme e ata u bënë si sana e copëtuar në pleme.

آية رقم 32

ﭮﭯﭰﭱﭲﭳﭴ ﭵ ​

Vërtet, Ne e kemi bërë Kuranin të lehtë për t’u kuptuar dhe kujtuar, prandaj, a ka ndonjë që të marrë këshillë?!

آية رقم 33

ﭶﭷﭸﭹ ﭺ ​

Edhe populli i Lutit nuk i besoi paralajmërimet.

آية رقم 34

ﭻﭼﭽﭾﭿﮀﮁﮂﮃﮄ ﮅ ​

Ne dërguam një stuhi gurësh mbi ta, duke hequr familjen e Lutit, që e shpëtuam në agim,

آية رقم 35

ﮆﮇﮈﮉﮊﮋﮌﮍ ﮎ ​

falë mëshirës Sonë. Ja, kështu Ne i shpërblejmë ata që falënderojnë.

آية رقم 36

ﮏﮐﮑﮒﮓ ﮔ ​

Në fakt, Luti i paralajmëroi ata për fuqinë e dënimit Tonë, por ata i vunë në dyshim paralajmërimet.

آية رقم 37

ﮕﮖﮗﮘﮙﮚﮛﮜﮝ ﮞ ​

Ata i kërkuan t’ua dorëzonte mysafirët e tij. Por Ne ua verbuam sytë (e u thamë): “Shijoni dënimin Tim, tani që e dëgjuat paralajmërimin Tim!”

آية رقم 38

ﮟﮠﮡﮢﮣ ﮤ ​

Dhe të nesërmen në mëngjes, ata i goditi dënimi i përhershëm.

آية رقم 39

ﮥﮦﮧ ﮨ ​

“Shijoni dënimin Tim, tani që e dëgjuat paralajmërimin Tim!”

آية رقم 40

ﮩﮪﮫﮬﮭﮮﮯ ﮰ ​

Vërtet, Ne e kemi bërë Kuranin të lehtë për t’u kuptuar dhe kujtuar, prandaj, a ka ndonjë që të marrë këshillë?!

آية رقم 41

ﮱﯓﯔﯕﯖ ﯗ ​

Edhe njerëzve të Faraonit u patën ardhur paralajmërimet,

آية رقم 42

ﯘﯙﯚﯛﯜﯝﯞ ﯟ ​

por ata i mohuan të gjitha shenjat Tona, andaj Ne i mbërthyem ata, ashtu siç dënon i Plotfuqishmi dhe i Plotpushtetshmi.

آية رقم 43

ﯠﯡﯢﯣﯤﯦﯧﯨﯩ ﯪ ​

Vallë, jobesimtarët tuaj janë më të mirë se këta (popuj të shkatërruar më parë), apo ju keni ndonjë paprekshmëri në librat e shpallur?

آية رقم 44

ﯫﯬﯭﯮﯯ ﯰ ​

Vërtet thonë ata: “Ne jemi grup i pathyeshëm”?!

آية رقم 45

ﯱﯲﯳﯴ ﯵ ​

Së shpejti do të thyhet grupi dhe (secili prej tyre) do t’ia mbathë.

آية رقم 46

ﯶﯷﯸﯹﯺﯻ ﯼ ​

Madje, Ora (e Kiametit) do të jetë takimi i tyre dhe Ora do të jetë më e tmerrshme dhe më e hidhët.

آية رقم 47

ﯽﯾﯿﰀﰁ ﰂ ​

Pa dyshim, keqbërësit janë të humbur (në këtë jetë) dhe do të digjen në zjarr (në jetën tjetër).

آية رقم 48

ﰃﰄﰅﰆﰇﰈﰉﰊﰋ ﰌ ​

Ditën e Gjykimit ata do të tërhiqen me fytyrat e tyre në zjarr (e do t’u thuhet): “Shijoni zjarrin e Xhehenemit!”

آية رقم 49

ﰍﰎﰏﰐﰑ ﰒ ​

Vërtet, Ne çdo gjë e kemi krijuar me masë të paracaktuar.[346]
____________________
[346] Pra, Allahu i Madhëruar e ka krijuar gjithçka sipas paracaktimit të Tij, të shënuar në Librin e Ruajtur Hyjnor (Leuhi Mahfûdh).

آية رقم 50

ﭑﭒﭓﭔﭕﭖ ﭗ ​

Ne urdhërojmë vetëm një herë dhe vullneti Ynë përmbushet sa çel e mbyll sytë.

آية رقم 51

ﭘﭙﭚﭛﭜﭝ ﭞ ​

Ne tashmë i kemi shkatërruar të ngjashmit me ju (në mosbesim). Prandaj, a ka ndonjë që të marrë këshillë?!

آية رقم 52

ﭟﭠﭡﭢﭣ ﭤ ​

Çdo bëmë e tyre është shënuar në librat (e engjëjve që regjistrojnë veprat).

آية رقم 53

ﭥﭦﭧﭨ ﭩ ​

Çdo gjë, e madhe a e vogël qoftë, është shënuar (në Leuhi Mahfudh).

آية رقم 54

ﭪﭫﭬﭭﭮ ﭯ ​

Vërtet, besimtarët e devotshëm do të jenë në kopshtet e Xhenetit, ku rrjedhin lumenj

آية رقم 55

ﭰﭱﭲﭳﭴﭵ ﭶ ​

në kuvendin e së vërtetës (në Xhenet), tek një Sundues i Plotfuqishëm.