ترجمة سورة الذاريات باللغة اليورباوية

آية رقم 1

ﯤﯥ ﯦ

(Allāhu búra pẹ̀lú) atẹ́gùn t’ó ń tu erùpẹ̀ jáde nílẹ̀ tààrà.

آية رقم 2

ﯧﯨ ﯩ

(Ó búra pẹ̀lú) àwọn ẹ̀ṣújò t’ó wúwo rinrin.

آية رقم 3

ﯪﯫ ﯬ

(Ó búra pẹ̀lú) àwọn ọkọ̀ ojú-omi t’ó ń rìn pẹ̀lú ìrọ̀rùn.

آية رقم 4

ﯭﯮ ﯯ

(Ó búra pẹ̀lú) àwọn mọlāika t’ó ń pín n̄ǹkan (tí Ó ti pín fún ẹ̀dá).

آية رقم 5

ﯰﯱﯲ ﯳ

Òdodo mà ni ohun tí À ń ṣe ní àdéhùn fun yín.

آية رقم 6

ﯴﯵﯶ ﯷ

Àti pé dájúdájú Ọjọ́ Ẹ̀san máa ṣẹlẹ̀.

آية رقم 7

ﭑﭒﭓ ﭔ

(Allāhu tún búra pẹ̀lú) sánmọ̀ ọlọ́ṣọ̀ọ́.

آية رقم 8

ﭕﭖﭗﭘ ﭙ

Dájúdájú ẹ̀yin wà lórí ọ̀rọ̀ t’ó ń takora wọn (nípa al-Ƙur’ān).

آية رقم 9

ﭚﭛﭜﭝ ﭞ

Ẹni tí wọ́n ń ṣẹ́ lórí kúrò níbi al-Ƙur’ān ni ẹni tí Wọ́n ti ṣẹ́ lórí kúrò níbẹ̀ (láti inú Laohul-Mahfūṭḥ).

آية رقم 10

ﭟﭠ ﭡ

Ègbé ni fún àwọn òpùrọ́;

آية رقم 11

ﭢﭣﭤﭥﭦ ﭧ

àwọn ni wọ́n wà nínú àìmọ̀kan, àwọn onígbàgbé,

آية رقم 12

ﭨﭩﭪﭫ ﭬ

tí wọ́n ń bèèrè ìgbà tí Ọjọ́ Ẹ̀san máa ṣẹlẹ̀.

آية رقم 13

ﭭﭮﭯﭰﭱ ﭲ

Ní ọjọ́ náà sì ni wọn yóò máa fi Iná jẹ wọ́n níyà.

آية رقم 14

ﭳﭴﭵﭶﭷﭸﭹ ﭺ

Ẹ tọ́ ìyà yín wò. Èyí ni n̄ǹkan tí ẹ ti ń wá pẹ̀lú ìkánjú.

آية رقم 15

ﭻﭼﭽﭾﭿ ﮀ

Dájúdájú àwọn olùbẹ̀rù (Allāhu) yóò wà nínú àwọn Ọgbà Ìdẹ̀ra pẹ̀lú àwọn omi odò (ní ìsàlẹ̀ rẹ̀).

آية رقم 16

ﮁﮂﮃﮄﮅﮆﮇﮈﮉﮊ ﮋ

Wọn yóò máa gba n̄ǹkan tí Olúwa wọn bá fún wọn. Dájúdájú wọ́n ti jẹ́ olùṣe-rere ṣíwájú ìyẹn.

آية رقم 17

ﮌﮍﮎﮏﮐﮑ ﮒ

Wọ́n máa ń sun oorun díẹ̀ nínú òru.

آية رقم 18

ﮓﮔﮕ ﮖ

Wọ́n máa ń tọrọ àforíjìn ní àfẹ̀mọ́júmọ́.

آية رقم 19

ﮗﮘﮙﮚﮛ ﮜ

Nínú dúkìá wọn, wọ́n ní ojúṣe tí wọ́n ń ṣe fún alágbe àti ẹni tí A ṣe arísìkí ní èèwọ̀ fún.

آية رقم 20

ﮝﮞﮟﮠ ﮡ

Àwọn àmì wà ní orí ilẹ̀ fún àwọn alámọ̀dájú.

آية رقم 21

ﮢﮣﮤﮥﮦ ﮧ

Nínú ẹ̀mí ara yín gan-an (àmì ìyanu wà nínú rẹ̀). Ṣé ẹ ò ríran ni?

آية رقم 22

ﮨﮩﮪﮫﮬ ﮭ

Arísìkí yín àti ohun tí À ń ṣe ní àdéhùn fun yín wà nínú sánmọ̀.

آية رقم 23

ﮮﮯﮰﮱﯓﯔﯕﯖﯗ ﯘ

Nítorí náà, Mó fi Olúwa sánmọ̀ àti ilẹ̀ búra, dájúdájú òdodo ni (ọ̀rọ̀ náà) gẹ́gẹ́ bí ó ṣe jẹ́ òdodo pé ẹ̀ ń fẹnu sọ̀rọ̀.

آية رقم 24

ﯙﯚﯛﯜﯝﯞ ﯟ

Ǹjẹ́ ọ̀rọ̀ àwọn àlejò (Ànábì) ’Ibrọ̄hīm, àwọn alápọ̀n-ọ́nlé, ti dé ọ̀dọ̀ rẹ?

آية رقم 25

ﯠﯡﯢﯣﯤﯥﯦﯧﯨﯩ ﯪ

(Rántí) nígbà tí wọ́n wọlé tọ̀ ọ́ wá, wọ́n sì sọ pé: "Àlàáfíà (fún ọ)." Òun náà sọ pé: "Àlàáfíà (fun yín), ẹ̀yin àjòjì ènìyàn."

آية رقم 26

ﯫﯬﯭﯮﯯﯰ ﯱ

Ó lọ sí ọ̀dọ̀ àwọn ará ilé rẹ̀, ó sì dé pẹ̀lú ọmọ màálù ọlọ́ràá (àyangbẹ).

آية رقم 27

ﯲﯳﯴﯵﯶ ﯷ

Ó gbé e súnmọ́ ọ̀dọ̀ wọn. Ó sì sọ pé: "Ṣé ẹ ò níí jẹun ni?"

آية رقم 28

ﯸﯹﯺﯻﯼﯽﯾﯿﰀﰁﰂ ﰃ

Nígbà náà, ó ní ìpáyà wọn nínú ọkàn. Wọ́n sọ pé: "Má ṣe páyà." Wọ́n sì fún un ní ìró ìdùnnú nípa bíbí ọmọkùnrin onímọ̀ kan.

آية رقم 29

ﰄﰅﰆﰇﰈﰉﰊﰋﰌ ﰍ

Nígbà náà, ìyàwó rẹ̀ sì bẹ̀rẹ̀ igbe, ó sì gbára rẹ̀ lójú, ó sọ pé: "Arúgbó, àgàn (mà ni mí)!"

آية رقم 30

ﰎﰏﰐﰑﰒﰓﰔﰕﰖ ﰗ

Wọ́n sọ pé: "Báyẹn ni Olúwa rẹ sọ. Dájúdájú Òun ni Ọlọ́gbọ́n, Onímọ̀."

آية رقم 31

ﭑﭒﭓﭔﭕﭖ ﭗ

(Ànábì ’Ibrọ̄hīm) sọ pé: "Kí tún ni ọ̀rọ̀ tí ẹ bá wá, ẹ̀yin Òjíṣẹ́?"

آية رقم 32

ﭘﭙﭚﭛﭜﭝ ﭞ

Wọ́n sọ pé: "Dájúdájú Wọ́n rán wa níṣẹ́ sí ìjọ ẹlẹ́ṣẹ̀ ni

آية رقم 33

ﭟﭠﭡﭢﭣ ﭤ

nítorí kí á lè fi òkúta amọ̀ (sísun) ránṣẹ́ sí wọn.

آية رقم 34

ﭥﭦﭧﭨ ﭩ

Wọ́n ti fàmì sí i lára lọ́dọ̀ Olúwa rẹ fún àwọn alákọyọ."

آية رقم 35

ﭪﭫﭬﭭﭮﭯ ﭰ

Nítorí náà, A mú àwọn t’ó jẹ́ onígbàgbọ́ òdodo jáde kúrò nínú (ìlú náà).

آية رقم 36

ﭱﭲﭳﭴﭵﭶﭷ ﭸ

A ò sì rí nínú (ìlú náà) tayọ ilé kan t’ó jẹ́ ti àwọn mùsùlùmí.

آية رقم 37

ﭹﭺﭻﭼﭽﭾﭿ ﮀ

A sì fi àmì kan sílẹ̀ nínú (ìlú náà) fún àwọn t’ó ń páyà ìyà ẹlẹ́ta-eléro.

آية رقم 38

ﮁﮂﮃﮄﮅﮆﮇﮈ ﮉ

(Àmì tún wà) lára (Ànábì) Mūsā. Nígbà tí A fi ẹ̀rí pọ́nńbélé rán an níṣẹ́ sí Fir‘aon.

آية رقم 39

ﮊﮋﮌﮍﮎﮏ ﮐ

Ṣùgbọ́n (Fir‘aon) gbúnrí pẹ̀lú àwọn ọmọ ogun rẹ̀. Ó sì wí pé: "Òpìdán tàbí wèrè kan (nìyí)."

آية رقم 40

ﮑﮒﮓﮔﮕﮖﮗ ﮘ

Nítorí náà, A mú òun àti àwọn ọmọ ogun rẹ̀. A sì jù wọ́n sínú agbami odò nígbà tí ó jẹ́ alábùkù.

آية رقم 41

ﮙﮚﮛﮜﮝﮞﮟ ﮠ

(Àmì tún wà) lára ìjọ ‘Ād. (Rántí) nígbà tí A rán atẹ́gùn ìparun sí wọn,

آية رقم 42

ﮡﮢﮣﮤﮥﮦﮧﮨﮩ ﮪ

kò fi kiní kan tó fẹ́ sí lára sílẹ̀ bẹ́ẹ̀ àfi kó sọ ọ́ di bí èso rírún túútú.

آية رقم 43

ﮫﮬﮭﮮﮯﮰﮱﯓ ﯔ

(Àmì tún wà) lára ìjọ Thamūd. (Rántí) nígbà tí A sọ fún wọn pé: "Ẹ jayé fún ìgbà díẹ̀ ná."

آية رقم 44

ﯕﯖﯗﯘﯙﯚﯛﯜ ﯝ

Wọ́n ṣègbéraga sí àṣẹ Olúwa wọn. Nítorí náà, igbe ìparun mú wọ́n; wọ́n sì ń wò bọ̀ọ̀.

آية رقم 45

ﯞﯟﯠﯡﯢﯣﯤ ﯥ

Wọn kò lè dìde nàró. Wọn kò sì lè ran ara wọn lọ́wọ́.

آية رقم 46

ﯦﯧﯨﯩﯪﯫﯬﯭﯮ ﯯ

Àti ìjọ Nūh tí ó ṣíwájú (wọn), dájúdájú Àwa sì ni olùgbòòrò.

آية رقم 47

ﯰﯱﯲﯳﯴ ﯵ

Àti pé sánmọ̀, A mọ ọ́n (sí òkè yín) pẹ̀lú agbára. Dájúdájú Àwa sì ni olùgbòòrò.

آية رقم 48

ﯶﯷﯸﯹ ﯺ

Àti ilẹ̀, A ṣe é ní ìtẹ́. Àwọn olùtẹ́lẹ̀-sílẹ̀ sì dára.

آية رقم 49

ﯻﯼﯽﯾﯿﰀﰁ ﰂ

Àti pé gbogbo n̄ǹkan ni A ṣẹ̀dá ní oríṣi méjì-méjì nítorí kí ẹ lè lo ìrántí.
____________________
Ẹ wo ìtọsẹ̀-ọ̀rọ̀ fún sūrah Yāsīn; 36:36.

آية رقم 50

ﰃﰄﰅﰆﰇﰈﰉﰊﰋ ﰌ

Nítorí náà, ẹ sá lọ sí ọ̀dọ̀ Allāhu (nípa ìronúpìwàdà). Dájúdájú èmi ni olùkìlọ̀ pọ́nńbélé fun yín láti ọ̀dọ̀ Rẹ̀.

آية رقم 51

ﰍﰎﰏﰐﰑﰒﰓﰔﰕﰖﰗﰘ ﰙ

Ẹ má ṣe mú ọlọ́hun mìíràn mọ́ Allāhu. Dájúdájú èmi ni olùkìlọ̀ pọ́nńbélé fun yín láti ọ̀dọ̀ Rẹ̀.

آية رقم 52

ﭑﭒﭓﭔﭕﭖﭗﭘﭙﭚﭛﭜﭝ ﭞ

Báyẹn ni (ọ̀rọ̀ ṣe rí)! Òjíṣẹ́ kan kò wá bá àwọn t’ó ṣíwájú wọn àfi kí wọ́n wí pé: "Òpìdán tàbí wèrè ni."

آية رقم 53

ﭟﭠﭡﭢﭣﭤﭥ ﭦ

Ṣé wọn sọ àsọọ́lẹ̀ nípa rẹ̀ láààrin ara wọn ni? Rárá o! Ìjọ olùtayọ-ẹnu-àlà ni wọ́n ni.

آية رقم 54

ﭧﭨﭩﭪﭫ ﭬ

Nítorí náà, ṣẹ́rí kúrò lọ́dọ̀ wọn ná. Ìwọ kì í ṣe alábùkù.

آية رقم 55

ﭭﭮﭯﭰﭱ ﭲ

Ṣèrántí nítorí pé, dájúdájú ìrántí máa wúlò fún àwọn onígbàgbọ́ òdodo.

آية رقم 56

ﭳﭴﭵﭶﭷﭸ ﭹ

Àti pé Èmi kò ṣẹ̀dá àlùjànnú àti ènìyàn bí kò ṣe pé kí wọ́n lè jọ́sìn fún Mi.

آية رقم 57

ﭺﭻﭼﭽﭾﭿﮀﮁﮂ ﮃ

Èmi kò gbèrò arísìkí kan láti ọ̀dọ̀ wọn. Èmi kò sì gbèrò pé kí wọ́n máa bọ́ Mi.

آية رقم 58

ﮄﮅﮆﮇﮈﮉﮊ ﮋ

Dájúdájú Allāhu, Òun ni Olùpèsè, Alágbára líle.

آية رقم 59

ﮌﮍﮎﮏﮐﮑﮒﮓﮔ ﮕ

Dájúdájú ìpín ìyà tí ó máa jẹ àwọn t’ó ṣàbòsí (wọ̀nyí) ni irú ìpín ìyà tí ó jẹ ìjọ ẹlẹ́ṣẹ̀ (irú) wọn. Nítorí náà, kí wọ́n má ṣe kán Mi lójú (nípa ìyà wọn).

آية رقم 60

ﮖﮗﮘﮙﮚﮛﮜ ﮝ

Nítorí náà, ègbé ni fún àwọn t’ó ṣàì gbàgbọ́ ní ọjọ́ wọn tí À ń ṣe ní àdéhùn fún wọn.

ترجمة معاني سورة الذاريات باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية