ترجمة معاني سورة الذاريات باللغة السواحلية من كتاب الترجمة السواحلية - عبد الله محمد وناصر خميس

Anaepushwa na Qur’ani na Mtume yule aliyeepushwa na lile la kuviamini hivyo viwili kwa kuzipa mgongo dalili za Mwenyezi Mungu na hoja Zake za yakini, na kwa hivyo haafikiwi kwenye kheri.

آية رقم 10

ﭟﭠ ﭡ

Wamelaaniwa warongo wenye dhana zisizo za kweli,

آية رقم 11

ﭢﭣﭤﭥﭦ ﭧ

waliomo ndani ya dimbwi la ukafiri na upotevu hali ya kuwa wameghafilika na kujikita kwenye ubatilifu wao.

آية رقم 12

ﭨﭩﭪﭫ ﭬ

Wanauliza hawa wenye kukanusha suali la kuonyesha kuwa ni jambo lisilowezekana na la kuonyesha ukanushaji, «Ni lini Siku ya kuhesabiwa na kulipwa?»

آية رقم 13

ﭭﭮﭯﭰﭱ ﭲ

Siku ya Malipo ni Siku ya wao kuadhibiwa kwa kuchomwa kwa Moto na waambiwe,

آية رقم 14

ﭳﭴﭵﭶﭷﭸﭹ ﭺ

«Onjeni adhabu yenu ambayo mlikuwa mkiifanyia haraka duniani.»

آية رقم 15

ﭻﭼﭽﭾﭿ ﮀ

Hakika ya wale wanaomcha Mwenyezi Mungu watakuwa kwenye mabustani ya Pepo makubwa na chemchemi za maji yenye kutembea. Mwenyezi Mungu Atawapa yote wanayoyatamani ya aina mbalimbali za starehe.

آية رقم 16

ﮁﮂﮃﮄﮅﮆﮇﮈﮉﮊ ﮋ

Watazipokea neema hizo wakiwa wameridhika nazo na nafsi zao zina furaha. Hakika wao, kabla ya kupata sterehe hizo, walikuwa wema duniani kwa matendo yao mema.

آية رقم 17

ﮌﮍﮎﮏﮐﮑ ﮒ

Wema hawa walikuwa wakilala kipindi kichache usiku, wakiswali kwa Mola wao wakimnyenyekea,

آية رقم 18

ﮓﮔﮕ ﮖ

na katika nyakati za mwisho wa usiku, kabla ya alfajiri kwa muda mchache, walikuwa wakimuomba Mwenyezi Mungu msamaha wa dhambi zao.

آية رقم 19

ﮗﮘﮙﮚﮛ ﮜ

Na katika mali yao kulikuwa na haki ya lazima na ya kupendekezwa kupewa wahitaji wanaowaomba watu na wasiowaomba kwa kuona haya.

آية رقم 20

ﮝﮞﮟﮠ ﮡ

Na katika ardhi kuna mazingatio na dalili waziwazi za uweza wa Mwenyezi Mungu kwa watu wenye yakini kuwa Mwenyezi Mungu Ndiye Mola wa haki, Aliye Peke Yake na asiye na mshirika, na wenye kumuamini Mtume Wake. rehema ya Mwenyezi Mungu na amani zimshukie.

آية رقم 21

ﮢﮣﮤﮥﮦ ﮧ

Na katika kuwaumba nyinyi kuna dalili za uweza wa Mwenyezi Mungu Aliyetukuka, na kuna mazingatio ya kuwaonyesha nyinyi upweke wa Muumba wenu na kwamba Yeye hakuna Mola Anayestahiki kuabudiwa isipokuwa Yeye. Je, mumeghafilika na hilo mkawa hamlioni mkazingatia kwalo?

آية رقم 22

ﮨﮩﮪﮫﮬ ﮭ

Na mbinguni kuna riziki yenu na yale mnayoahidiwa ya kheri na shari, na thawabu na mateso na yasiyokuwa hayo. Yote yameandikwa na kukadiriwa.

آية رقم 23

ﮮﮯﮰﮱﯓﯔﯕﯖﯗ ﯘ

Anaapa Mwenyezi Mungu kwa dhati Yake tukufu kwamba kile Alichowaahidi ni kweli, msikifanyie shaka kama ambavyo hamshuku kuwa nyinyi mnasema.

آية رقم 24

ﯙﯚﯛﯜﯝﯞ ﯟ

Je imekujia wewe, ewe Mtume, habari ya wageni wa Ibrāhīm aliyewakirimu

آية رقم 25

ﯠﯡﯢﯣﯤﯥﯦﯧﯨﯩ ﯪ

na walikuwa ni miongoni mwa Malaika watukufu- wakati walipomjia nyumbani kwake, wakamwamkia kwa kumwambia, «Salama!»Akawarudishia maamkizi kwa kusema, «Salama ni kwenu! Nyinyi ni watu wageni hatuwajui.»

آية رقم 26

ﯫﯬﯭﯮﯯﯰ ﯱ

Akaondoka kwa siri na akaelekea kwa watu wa nyumbani kwake akamlenga ndama mnono akamchinja, akamchoma

آية رقم 27

ﯲﯳﯴﯵﯶ ﯷ

kisha akamuweka mbele yao na akawakaribisha kwa upole kwa kusema, «Si mle».

آية رقم 28

ﯸﯹﯺﯻﯼﯽﯾﯿﰀﰁﰂ ﰃ

Alipowaona hawali aliingiwa na kicho cha kuwaogopa, na hapo wakamwambia, «Usiogope! Sisi ni wajumbe wa Mwenyezi Mungu. Na wakampa bishara kwamba mkewe Sarah atamzalia mtoto atakayekuwa ni miongoni mwa watu wanaomjua Mwenyezi Mungu na kuijua Dini Yake, naye ni Isḥāq, amani imshukie.

آية رقم 29

ﰄﰅﰆﰇﰈﰉﰊﰋﰌ ﰍ

Aliposikia mke wa Ibrāhīm maneno ya bishara ya hao Malaika, alielekea upande wao na ukelele, akajipiga uso wake kwa kulionea ajabu jambo hili na akasema, «Vipi nitazaa na mimi ni tasa sizai?»

آية رقم 30

ﰎﰏﰐﰑﰒﰓﰔﰕﰖ ﰗ

Malaika wa Mwenyezi Mungu wakamwambia, «Hivyo ndivyo Alivyosema Mola wako kama tulivyokwambia. Na Yeye Muweza wa hilo, hapana la ajabu kutokana na uweza Wake. Hakika Yeye, Aliyetakasika na kutukuka, Ndiye Mwenyew hekima Anayeviweka vitu mahali pake, Ndiye Mwenye kuyajua maslahi ya waja Wake.

آية رقم 31

ﭑﭒﭓﭔﭕﭖ ﭗ

Akasema Ibrāhīm, amani imshukie, kuwaambia Malaika wa Mwenyezi Mungu «Mna jambo gani na mmetumwa na ujumbe gani?

آية رقم 32

ﭘﭙﭚﭛﭜﭝ ﭞ

Wakasema, «Mwenyezi Mungu Ametutuma tuende kwa watu waliofanya uhalifu kwa kumkanusha Mwenyezi Mungu,

آية رقم 33

ﭟﭠﭡﭢﭣ ﭤ

ili tuwaangamize kwa mawe ya udongo uliokuwa mkavu kama mawe,

آية رقم 34

ﭥﭦﭧﭨ ﭩ

uliotiwa alama kutoka kwa Mola wako ya hawa waliokiuka mpaka katika uchafu na uasi.

آية رقم 35

ﭪﭫﭬﭭﭮﭯ ﭰ

Tukamtoa kila aliyekuwa kwenye mji wa watu wa Lūṭ katika watu walioamini.

آية رقم 36

ﭱﭲﭳﭴﭵﭶﭷ ﭸ

Hatukupata kwenye mji huo isipokuwa nyumba moja ya Waislamu, nayo ni nyumba ya Lūṭ, amani imshukie.

آية رقم 37

ﭹﭺﭻﭼﭽﭾﭿ ﮀ

Na tukaacha kwenye mji huo uiliotajwa athari iliyosalia ya adhabu iwe ni alama ya uweza wa Mwenyezi Mungu Aliyetukuka na vile alivyowatesa makafiri. Ili hilo liwe ni zingatio kwa wale wanaoiogopa adhabu ya Mwenyezi Mungu iliyo kali na yenye kuumiza.

آية رقم 38

ﮁﮂﮃﮄﮅﮆﮇﮈ ﮉ

Na katika kumtumiliza kwetu Mūsā, aende kwa Fir'awn na wakuu wa utawala wake, kwa aya na miujiza yenye kushinda, kuna alama kwa wanaoogopa adhabu kali.

آية رقم 39

ﮊﮋﮌﮍﮎﮏ ﮐ

Fir'awn akayapa mgongo akighurika nguvu zake na wasaidizi wake na akasema kuhusu Mūsā, «Yeye ni mchawi au ni mwendawazimu,»

آية رقم 40

ﮑﮒﮓﮔﮕﮖﮗ ﮘ

Tukamchukua Fir'awn na askari wake tukawatupa baharini, na hali ameleta jambo la kulaumiwa kwa sababu ya ukafiri wake, kukanusha kwake na ubaya wake.

آية رقم 41

ﮙﮚﮛﮜﮝﮞﮟ ﮠ

Na kuhusu mambo ya watu wa kabila la 'Ād na kuwaangamiza wao kuna dalili na mazingatio kwa mwenye kutia mambo akilini, tulipowapelekea wao upepo usiokuwa na baraka na usioleta kheri yoyote,

آية رقم 42

ﮡﮢﮣﮤﮥﮦﮧﮨﮩ ﮪ

hauachi kitu chochote unachokipitia isipokuwa hukifanya ni kama kitu kilichochakaa.

آية رقم 43

ﮫﮬﮭﮮﮯﮰﮱﯓ ﯔ

Na kuhusu watu wa kabila la Thamūd na kuangamizwa kwao kuna dalili na mazingatio, walipoambiwa-na msemaji hapa ni Nabii wao Ṣāliḥ, amani imshukie-, «Jistarehesheni mjini kwenu siku tatu mpaka muda wenu wa kuishi ukome.

آية رقم 44

ﯕﯖﯗﯘﯙﯚﯛﯜ ﯝ

Wakaasi amri ya Mola wao, wakapatikana na ukelele wa adhabu, na huku wanayaangalia mateso yao kwa macho yao.

آية رقم 45

ﯞﯟﯠﯡﯢﯣﯤ ﯥ

Haikumkinika wao kukimbia wala kusimama kwa adhabu waliokuwa nayo, na hawakuwa ni wenye kujitetea nafsi zao.

آية رقم 46

ﯦﯧﯨﯩﯪﯫﯬﯭﯮ ﯯ

Na tuliwaangamiza watu wa Nūḥ kabla ya hawa, hakika wao walikuwa ni watu wenye kuenda kinyume na amri ya Mwenyezi Mungu, wenye kutoka nje ya utiifu Kwake.

آية رقم 47

ﯰﯱﯲﯳﯴ ﯵ

Na mbingu tuliziumba na tukazitengeneza vizuri, na tukazifanya ni sakafu ya ardhi kwa nguvu na uweza mkubwa, na sisi tutayapanua maeneo yake na pande zake.

آية رقم 48

ﯶﯷﯸﯹ ﯺ

Na ardhi tuliifanya ni tandiko la viumbe wapate kutulia juu yake, Basi bora wa wenye kutandika ni sisi.

آية رقم 49

ﯻﯼﯽﯾﯿﰀﰁ ﰂ

Na kutokana na kila kitu katika jinsi ya vitu vilivyoko tumeumba aina mbili tafauti, ili mjikumbushe uweza wa Mwenyezi Mungu na mzingatie.

آية رقم 50

ﰃﰄﰅﰆﰇﰈﰉﰊﰋ ﰌ

Basi kimbieni, enyi watu , kutoka kwenye mateso ya Mwenyezi Mungu na muelekee kwenye rehema Yake kwa kumuamini Yeye na Mtume Wake, kufuata amri Yake na kufanya mambo ya utiifu Kwake. Hakika mimi, kwenu nyinyi, ni muonyaji ambaye maonyo yake yako waziwazi. Na Mtume, rehema ya Mwenyezi Mungu na amani zimshukie, alikuwa akizungukwa na mambo hukimbilia Swala, na huku ndiko kumkimbilia Mwenyezi Mungu.

آية رقم 51

ﰍﰎﰏﰐﰑﰒﰓﰔﰕﰖﰗﰘ ﰙ

Na msimfanye pamoja na Mwenyezi Mungu muabudiwa mwingine, Hakika mimi kwenu nyinyi ni muonyaji amabaye uonyaji wake uko waziwazi.

آية رقم 52

ﭑﭒﭓﭔﭕﭖﭗﭘﭙﭚﭛﭜﭝ ﭞ

Kama walivyomkanusha Makureshi Mtume wao Muhammad, rehema ya Mwenyezi Mungu na amani zimshukie, wakasema, «Yeye ni mshairi, au mchawi, au mwendawazimu.», ndivyo walivyofanya ummah waliowakanusha Mitume wao kabla ya Makureshi, na Mwenyezi Mungu Akawashushia mateso Yake.

آية رقم 53

ﭟﭠﭡﭢﭣﭤﭥ ﭦ

Je, waliusiana wa mwanzo na wa mwisho kumkanusha Mtume waliposema hivyo kwa umoja wao? Bali wao ni watu wenye kukiuka mipaka kwa uhalifu, nyoyo zao zimefanana na vitendo vyao kwa ukafiri na ukiukaji mipaka, ndipo waliokuja nyuma wakasema hayo kama walivyosema waliotangulia.

آية رقم 54

ﭧﭨﭩﭪﭫ ﭬ

Wapuuze hao washirikina, ewe Mtume, mpaka itakapokujia wewe amri ya Mwenyezi Mungu kuhusu wao, hapatakuwa na yoyote mwenye kukulaumu, kwani ushafikisha yale uliyotumilizwa kwayo.

آية رقم 55

ﭭﭮﭯﭰﭱ ﭲ

Pamoja na kuwapuuza wao, ewe Mtume, na kutoshughulika na ufidhuli wao, endelea kuwaidhia wale uliotumilizwa kwao, kwani kukumbusha na kuwaidhia watanufaika nako wale wenye nyoyo zenye kuamini, na katika kufanya mawili hayo kuna kusimamisha hoja kwa wenye kupa mgongo.

آية رقم 56

ﭳﭴﭵﭶﭷﭸ ﭹ

Na sikuumba majini na binadamu na kutumiliza Mitume wote isipokuwa kwa lengo tukufu, nalo niabudiwe mimi Peke Yangu, na sio asiyekuwa mimi.

آية رقم 57

ﭺﭻﭼﭽﭾﭿﮀﮁﮂ ﮃ

Sitaki kutoka kwao riziki wala sitaki wanilishe, kwani mimi Ndiye Mpaji Mwenye kuruzuku. Kwani Yeye, Aliyetakasika na kila sifa za upungufu, hawahitaji viumbe Vyake, bali wao ndio wahitaji Kwake katika hali zao zote, Yeye Ndiye Mwenye kuwaumba na kuwaruzuku na Aliyejikwasisha nao kwa kutowahitajia.

آية رقم 58

ﮄﮅﮆﮇﮈﮉﮊ ﮋ

Hakika Mwenyezi Mungu , Peke Yake, Ndiye Mwenye kuviruzuku viumbe Vyake, Ndiye Anayedhamini chakula chao, Mwenye nguvu Aliye Thabiti, Hatendeshwi nguvu wala hakuna Mwenye kushindana Naye. Ni Wake Yeye uweza wote na nguvu.

آية رقم 59

ﮌﮍﮎﮏﮐﮑﮒﮓﮔ ﮕ

Hakika wale waliodhulumu kwa kumkanusha kwao Mtume Muhammad, rehema ya Mwenyezi Mungu na amani zimshukie, wana fungu la adhabu ya Mwenyezi Mungu mfano wa fungu la wenzi wao waliopita kabla yao. Basi wasiifanyie haraka adhabu , kwani hapana budi ni yenye kuwajia.

آية رقم 60

ﮖﮗﮘﮙﮚﮛﮜ ﮝ

maangamivu na usumbufu ni wa wale waliomkanusha Mwenyezi Mungu na Mtume Wake, kutokana na Siku yao wanayoahidiwa kuteremkiwa na adhabu, nayo ni Siku ya Kiyama.

تقدم القراءة