ترجمة معاني سورة الذاريات باللغة الطاجيكية من كتاب الترجمة الطاجيكية - عارفي

آية رقم 1

ﯤﯥ ﯦ ​

Савганд ба бодҳои хокафшон

آية رقم 2

ﯧﯨ ﯩ ​

Ва савганд ба абрҳои сангинбор

آية رقم 3

ﯪﯫ ﯬ ​

Ва савганд ба киштиҳои сабуксайр

آية رقم 4

ﯭﯮ ﯯ ​

Ва савганд ба фариштагон, ки умури илоҳиро [миёни мардум] тақсим мекунанд

آية رقم 5

ﯰﯱﯲ ﯳ ​

Ки он чӣ ба шумо [дар мавриди подош ва азоб] ваъда дода шуда, ҳақиқат дорад

آية رقم 6

ﯴﯵﯶ ﯷ ​

Ва [рӯзи] ҷазо, ҳатман, ба вуқуъ мепайвандад

آية رقم 7

ﭑﭒﭓ ﭔ ​

Савганд ба осмон, ки [бо ситорагон ороста шуда ва гӯӣ] дорои роҳҳост

آية رقم 8

ﭕﭖﭗﭘ ﭙ ​

Ки шумо [дар мавриди Паёмбару Қуръон] ихтилофи назар доред

آية رقم 9

ﭚﭛﭜﭝ ﭞ ​

Ҳар ки [аз роҳи ҳақ] бозгардонда шавад, аз [имон ба] Паёмбар ва Қуръон низ бозгардонда хоҳад шуд

آية رقم 10

ﭟﭠ ﭡ ​

Марг [ва лаънат] бар дурӯғгӯён!

آية رقم 11

ﭢﭣﭤﭥﭦ ﭧ ​

Ҳамон касоне, ки дар вартаи ҷаҳл ғофиланд

آية رقم 12

ﭨﭩﭪﭫ ﭬ ​

Онон [пайваста ва аз рӯйи инкор] мепурсанд: «Рӯзи ҷазо чи замоне аст?»

آية رقم 13

ﭭﭮﭯﭰﭱ ﭲ ​

Ҳамон рӯзе аст, ки ба оташ муҷозот мешаванд

آية رقم 14

ﭳﭴﭵﭶﭷﭸﭹ ﭺ ​

[Ва ба онон гуфта мешавад:] «Азоби худро бичашед; ин ҳамон оташест, ки ба шитоб мехостед»

آية رقم 15

ﭻﭼﭽﭾﭿ ﮀ ​

[Дар рӯзи қиёмат] Мусалламан, парҳезкорон дар боғҳое [аз биҳишт] ва [канори] чашмасорҳо ба сар мебаранд

آية رقم 16

ﮁﮂﮃﮄﮅﮆﮇﮈﮉﮊ ﮋ ​

Он чи Парвардигорашон ба онон ато кардааст, дарёфт медоранд; зеро дар [зиндагии] гузашта накукор будаанд

آية رقم 17

ﮌﮍﮎﮏﮐﮑ ﮒ ​

Онон андаке аз шабро мехуфтанд [ва бақияро ба намоз ва ниёиш машғул буданд]

آية رقم 18

ﮓﮔﮕ ﮖ ​

Ва саҳаргоҳон омурзиш мехостанд

آية رقم 19

ﮗﮘﮙﮚﮛ ﮜ ​

Ва дар амволашон барои соил ва маҳрум ҳаққе [муайян аз садақа ва закот] буд

آية رقم 20

ﮝﮞﮟﮠ ﮡ ​

Дар замин нишонаҳо [-и қудрати илоҳӣ] барои аҳли яқин падидор аст

آية رقم 21

ﮢﮣﮤﮥﮦ ﮧ ​

ва дар вуҷуди худатон; оё намебинед?

آية رقم 22

ﮨﮩﮪﮫﮬ ﮭ ​

Ва ризқу рӯзиатон ва он чӣ [аз кайфару подош ва хайру шар, ки] ба шумо ваъда дода мешавад, дар осмон аст

آية رقم 23

ﮮﮯﮰﮱﯓﯔﯕﯖﯗ ﯘ ​

Пас савганд ба Парвардигори осмону замин, ки ваъда [-и қиёмат ва подош ва азоб] ҳамчун сухан гуфтанатон ҳақиқӣ ва қатъӣ аст

آية رقم 24

ﯙﯚﯛﯜﯝﯞ ﯟ ​

[Эй Паёмбар] Оё достони меҳмонони гиромии Иброҳим ба ту расидааст?

آية رقم 25

ﯠﯡﯢﯣﯤﯥﯦﯧﯨﯩ ﯪ ​

Чун бар ӯ ворид шуданд ва салом гуфтанд, ӯ гуфт: «Салом» [ва зери лаб гуфт:] «Гурӯҳе ношиносанд»

آية رقم 26

ﯫﯬﯭﯮﯯﯰ ﯱ ​

Он гоҳ назди хонаводаи худ рафт ва [гӯшти бирёни] гӯсолаи фарбеҳе [барои пазироӣ] овард

آية رقم 27

ﯲﯳﯴﯵﯶ ﯷ ​

[Ӯ ғизоро] Назди онон гузошт ва [чанд лаҳза баъд] гуфт: «Оё намехӯред?»

آية رقم 28

ﯸﯹﯺﯻﯼﯽﯾﯿﰀﰁﰂ ﰃ ​

[Пас, чун даст ба ғизо назаданд] Аз онон эҳсоси тарс кард; гуфтанд: «Натарс [мо фариштаем]; ва ӯро ба [таваллуди] писари доно башорат доданд

آية رقم 29

ﰄﰅﰆﰇﰈﰉﰊﰋﰌ ﰍ ​

Ҳамсараш бо фарёд [-у шигифтӣ] пеш омад ва дар ҳоле ки ба рӯйи худ мезад, гуфт: «Пиразани нозо [фарзанд мезояд]?

آية رقم 30

ﰎﰏﰐﰑﰒﰓﰔﰕﰖ ﰗ ​

[Фариштагон] гуфтанд: «Парвардигорат чунин фармудааст; ва бе гумон, Ӯ ҳакиму доност»

آية رقم 31

ﭑﭒﭓﭔﭕﭖ ﭗ ​

[Иброҳим] Гуфт: «Эй фариштагон [-и Аллоҳ таоло], кору маъмурияти шумо чист?»

آية رقم 32

ﭘﭙﭚﭛﭜﭝ ﭞ ​

[Фариштагон] Гуфтанд: «Мо барои [муҷозоти] қавме муҷрим [ва гунаҳкор] фиристода шудаем

آية رقم 33

ﭟﭠﭡﭢﭣ ﭤ ​

То сангҳое аз гил [-и сахтшуда] бар сарашон фуру борем

آية رقم 34

ﭥﭦﭧﭨ ﭩ ​

[Сангҳое] Ки назди Парвардигорат барои исрофкорон нишон гузошта шудааст

آية رقم 35

ﭪﭫﭬﭭﭮﭯ ﭰ ​

Пас, муъминонеро, ки дар он [шаҳрҳои қавми Лут] буданд, [пеш аз нузули азоб] берун овардем

آية رقم 36

ﭱﭲﭳﭴﭵﭶﭷ ﭸ ​

Вале фақат як хонаводаро ёфтем, ки [нисбат ба авомири илоҳӣ] таслим буданд

آية رقم 37

ﭹﭺﭻﭼﭽﭾﭿ ﮀ ​

Ва дар он [шаҳрҳо] барои мардуме, ки аз азоби дарднок [-и илоҳӣ] тарс доранд, нишонае равшан бар ҷой гузоштем

آية رقم 38

ﮁﮂﮃﮄﮅﮆﮇﮈ ﮉ ​

Дар [достони] Мӯсо [низ нишона ва ибратест]; он гоҳ ки ӯро бо далеле равшан назди Фиръавн фиристодем

آية رقم 39

ﮊﮋﮌﮍﮎﮏ ﮐ ​

Вале [Фиръавн] бо такя бар қудраташ [ҳақро] напазируфт ва гуфт: [«Ин мард ё] Ҷодугар аст ё девона»

آية رقم 40

ﮑﮒﮓﮔﮕﮖﮗ ﮘ ​

Ӯро ҳамроҳ бо сипоҳиёнаш гирифтем ва ба дарё афкандем [ва ҳалок кардем]; дар ҳоле ки [дар лаҳзаи марг худро ба хотири нофармонӣ ва куфраш] сарзаниш мекард

آية رقم 41

ﮙﮚﮛﮜﮝﮞﮟ ﮠ ​

Дар [достони қавми] Од [низ дарси ибратест]; он гоҳ ки тундбоде бе хайру баракат бар онон фиристодем

آية رقم 42

ﮡﮢﮣﮤﮥﮦﮧﮨﮩ ﮪ ​

[Тундбоде] Ки бар ҳар чиз вазид, хоку хошокаш кард

آية رقم 43

ﮫﮬﮭﮮﮯﮰﮱﯓ ﯔ ​

Дар [достони қавми] Самуд [низ дарси ибрате аст] он гоҳ ки [тавассути паёмбарашон Солеҳ] ба онон гуфта шуд: «Андаке [аз лаззатҳои зиндагӣ] баҳраманд шавед [ки танҳо се рӯз фурсат доред]»

آية رقم 44

ﯕﯖﯗﯘﯙﯚﯛﯜ ﯝ ​

Онон аз фармони Парвардигорашон сарпечӣ карданд; пас, дар ҳоле ки [ба чашми худ азобро] медиданд, соиқа ононро фаро гирифт

آية رقم 45

ﯞﯟﯠﯡﯢﯣﯤ ﯥ ​

[Чунон бар замин афтоданд, ки] На тавони бархостан [ва гурез] доштанд ва на ёрои дифоъ

آية رقم 46

ﯦﯧﯨﯩﯪﯫﯬﯭﯮ ﯯ ​

Пеш аз он қавми Нуҳро, ки гурӯҳе нофармон буданд [ҳалок кардем]

آية رقم 47

ﯰﯱﯲﯳﯴ ﯵ ​

Мо осмонро ба тавон [-и худ] бино ниҳодем ва ҳамвора онро вусъат мебахшем

آية رقم 48

ﯶﯷﯸﯹ ﯺ ​

Ва заминро [барои зиндагӣ] густурдем ва чи нек густуронандае ҳастем!

آية رقم 49

ﯻﯼﯽﯾﯿﰀﰁ ﰂ ​

Ва ҳама чизро ба сурати завҷ [ҷуфт] офаридем; бошад, ки [таваҷҷуҳ кунед ва] панд гиред

آية رقم 50

ﰃﰄﰅﰆﰇﰈﰉﰊﰋ ﰌ ​

[Эй Паёмбар, ба мардум бигӯ:] «Пас, ба сӯйи Аллоҳ таоло биштобед, ки ман аз ҷониби Ӯ барои шумо ҳушдордиҳандае ошкорам

آية رقم 51

ﰍﰎﰏﰐﰑﰒﰓﰔﰕﰖﰗﰘ ﰙ ​

Ва дар канори Аллоҳ таоло маъбуди дигаре қарор надиҳед, яқинан, ман аз [ҷониби] Ӯ барои шумо ҳушдордиҳандае ошкорам»

آية رقم 52

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Ҳар паёмбаре, ки бар пешиниёнашон мабъус шуд, ҳамин гуна гуфтанд: «[Ӯ ё] Ҷодугар аст ё девона»

آية رقم 53

ﭟﭠﭡﭢﭣﭤﭥ ﭦ ​

Оё якдигарро ба ин [куфру такзиб] супориш карда буданд? На, балки мардуме саркаш буданд

آية رقم 54

ﭧﭨﭩﭪﭫ ﭬ ​

Пас, [эй паёмбар] аз онон рӯй бигардон, ки ту [ба хотири куфри онон] ҳаргиз сазовори сарзаниш нестӣ

آية رقم 55

ﭭﭮﭯﭰﭱ ﭲ ​

Ва [пайваста ба онон] тазаккур бидеҳ, ки, ҳатман, тазаккур барои муъминон судбахш аст

آية رقم 56

ﭳﭴﭵﭶﭷﭸ ﭹ ​

Ва ҷинну инсро фақат барои ин офаридам, ки Маро ибодат кунанд [ва аз бандагии дигарон сар боз зананд]

آية رقم 57

ﭺﭻﭼﭽﭾﭿﮀﮁﮂ ﮃ ​

На аз онон рӯзӣ мехоҳам, на ин ки Маро хӯрок диҳанд

آية رقم 58

ﮄﮅﮆﮇﮈﮉﮊ ﮋ ​

[Зеро] Аллоҳ таоло аст, ки рӯзирасони неруманд ва барқарор аст

آية رقم 59

ﮌﮍﮎﮏﮐﮑﮒﮓﮔ ﮕ ​

Ситамгорон [-и мушрик низ] ҳамчун ёрон [-и гузашта]-и хеш саҳме аз азоб доранд; пас, ба шитоб [онро] аз Ман нахоҳанд

آية رقم 60

ﮖﮗﮘﮙﮚﮛﮜ ﮝ ​

Пас, вой бар кофирон аз [азоби] рӯзи мавъудашон!