ترجمة معاني سورة عبس باللغة تتاري من كتاب Tatar - Tatar translation

آية رقم 1

ﭑﭒ ﭓ ​

Йөзен чытты һәм төмсәләнеп борылды.

آية رقم 2

ﭔﭕﭖ ﭗ ​

Аңа сукыр ибнү өммү Мәктүм килгән вакытта. (Бер- вакыт Мухәммәд г-м, кураешларның олугълары вә байлары илә сөйләшеп аларны иманга өндәп утырганда ибнү өммү Мәктүм килеп Мухәммәд г-мнең мәшгуль икәнен белмичә, йә Мухәммәд миңа Коръән укысаңчы, диде. Мухәммәд г-м кураешларның иманга килүләрен өмет итеп утырганлыктан мәҗлесне бүләсе килмичә, ибнү өммү Мәктүмгә йөзен чытты һәм аңардан борылды. Соңра Аллаһ ошбу сүрәне иңдереп расүлне шелтә кылды. Шуннан соң Мухәммәд г-м ибнү өммү Мәктүмне һәрвакыт хөрмәтли торган булды.)

آية رقم 3

ﭘﭙﭚﭛ ﭜ ​

Сиңа нәрсә белдерде ягъни ул кураешлар илә сөйләшүме яки Коръән өйрәтүме яхшы икәнен кайдан белдең, шаять ибнү өммү Мәктум синнән Коръән укырга өйрәнеп гөнаһлардан яки батыл диннән пакьләнер.

آية رقم 4

ﭝﭞﭟﭠ ﭡ ​

Яисә Коръән белән вәгазъләнер дә, вәгазь аңа файда бирер.

آية رقم 5

ﭢﭣﭤ ﭥ ​

Әмма берәү байлыгына таянып хак динне кирәксенмәсә һәм Аллаһуга гыйбадәт кылудан баш тартса,

آية رقم 6

ﭦﭧﭨ ﭩ ​

син аңа таба борыласың һәм сүзенә колак саласың.

آية رقم 7

ﭪﭫﭬﭭ ﭮ ​

Сиңа нинди зарар бар ул кешенең мөшриклектән һәм гөнаһтан пакьләнмәвеннән?

آية رقم 8

ﭯﭰﭱﭲ ﭳ ​

Вә әмма берәү ашыгып сиңа килсә,

آية رقم 9

ﭴﭵ ﭶ ​

Раббысыннан курыккан хәлдә,

آية رقم 10

ﭷﭸﭹ ﭺ ​

син аңардан борылып башкалар илә мәшгуль буласың.

آية رقم 11

ﭻﭼﭽ ﭾ ​

Юк, алай кирәкмәс, тәхкыйк ул Коръән кешегә файдалы вә зарарлы нәрсәләрнең һәммәсен сөйлидер.

آية رقم 12

ﭿﮀﮁ ﮂ ​

Теләгән кеше Коръәнне аңлап гыйбрәтләнсен, аның белән гамәл кылып төзәлсен һәм туры юлны тапсын! (Димәк, Коръән белән вәгазьләнүне, Коръәндәге Аллаһ хөкемнәре белән танышуны һәм аның белән гамәл кылуны һичнәрсәгә алыштырырга ярамый).

آية رقم 13

ﮃﮄﮅ ﮆ ​

Ул Коръән хөрмәтле сәхифәләрдәдер.

آية رقم 14

ﮇﮈ ﮉ ​

Хөрияте бик югары, хатадан бик пакь.

آية رقم 15

ﮊﮋ ﮌ ​

Язучы фәрештәләр кулындадыр.

آية رقم 16

ﮍﮎ ﮏ ​

Ул фәрештәләр Аллаһ хозурында хөрмәтлеләр вә бик итагатьлеләр.

آية رقم 17

ﮐﮑﮒﮓ ﮔ ​

Ләгънәт төшкән кеше ни гаҗәп көфран нигъмәттә ифрат кылучыдыр, ягъни бик каты көферлек кыладыр!

آية رقم 18

ﮕﮖﮗﮘ ﮙ ​

Аллаһ аны ни нәрсәдән яратты соң?

آية رقم 19

ﮚﮛﮜﮝ ﮞ ​

Мәни суыннан бит! Кешене яратты да, аның әгъзасын, гомерен һәм ризыкларын чикләде.

آية رقم 20

ﮟﮠﮡ ﮢ ​

Соңра хак юлны табарга мөмкинлек бирде ягъни гакыл, фикер бирде һәм китап иңдереп, пәйгамбәр күндереп туры юлны күрсәтте.

آية رقم 21

ﮣﮤﮥ ﮦ ​

Соңра аны үтерде дә кабергә куйды, ягъни хайваннар кеби җир өстенә ташламады.

آية رقم 22

ﮧﮨﮩﮪ ﮫ ​

Соңра теләгән вакытында тергезеп кубарыр аны.

آية رقم 23

ﮬﮭﮮﮯﮰ ﮱ ​

Юк, әле алай була торып та, Аллаһ әмерләрен җиренә җиткермәде.

آية رقم 24

ﯓﯔﯕﯖ ﯗ ​

Кеше карасын ашаган ризыгына.

آية رقم 25

ﯘﯙﯚﯛ ﯜ ​

Тәхкыйк Без аңа суны чын кою белән койдык.

آية رقم 26

ﯝﯞﯟﯠ ﯡ ​

Соңра җирне чын яру илә ярдык та,

آية رقم 27

ﯢﯣﯤ ﯥ ​

ул җирдә иген бөртекләрен үстердек.

آية رقم 28

ﯦﯧ ﯨ ​

Йөземне вә җыеп алган коры җимешләрне,

آية رقم 29

ﯩﯪ ﯫ ​

дәхи зәйтүн, хөрмә агачларын үстердек.

آية رقم 30

ﯬﯭ ﯮ ​

Дәхи күп агачлы бакчаларны,

آية رقم 31

ﯯﯰ ﯱ ​

дәхи төрле җимешләрне вә печәннәрне үстердек.

آية رقم 32

ﯲﯳﯴ ﯵ ​

Күп нәрсәләр үстердек үзегез һәм хайваннарыгыз файдалану өчен.

آية رقم 33

ﯶﯷﯸ ﯹ ​

Һәркайчан колакны тондыручы каты сур тавышы килсә.

آية رقم 34

ﯺﯻﯼﯽﯾ ﯿ ​

Ул көндә кеше качар карендәшләреннән.

آية رقم 35

ﰀﰁ ﰂ ​

Һәм анасыннан вә атасыннан.

آية رقم 36

ﰃﰄ ﰅ ​

Һәм хатыныннан вә балаларыннан качар.

آية رقم 37

ﰆﰇﰈﰉﰊﰋ ﰌ ​

Алардан һәм кеше өчен бардыр кыямәт көнендә аны мәшгуль итәрлек каты эшләр.

آية رقم 38

ﰍﰎﰏ ﰐ ​

Ул көндә кайбер йөзләр якты,

آية رقم 39

ﰑﰒ ﰓ ​

көлүче, шатланучыдыр.

آية رقم 40

ﰔﰕﰖﰗ ﰘ ​

Вә ул көндә кайбер йөзләрдә караңгылык тузан булыр.

آية رقم 41

ﭑﭒ ﭓ ​

Ул йөзләрне каралык вә караңгылык каплар.

آية رقم 42

ﭔﭕﭖﭗ ﭘ ​

Бу кара йөзле кешеләр көфран нигъмәт кылучы һәм Аллаһуга итагать итмәүче кешеләрдер.