ترجمة معاني سورة النّمل باللغة ماراناو من كتاب Maranao - Maranao translation
ﰡ
آية رقم 1
Ta, Sin. (so Allah i Matao ko paka-aantapan Iyan on). Giyaya man na manga ayat ko Qor´an, - go kitab a miyakaosay.
آية رقم 2
ﭙﭚﭛ
ﭜ
Toroan, go tothol a mapiya a bagian o miyamaratiyaya,
آية رقم 3
Siran na ipphamayandg iran so sambayang go pthonayn iran so zakat, go siran na so akhirat na tatangkdn iran.
آية رقم 4
Mataan! a siran a di mapaparatiyaya ko akhirat, na pipharasan Ami kiran so manga galbk iran; na siran na pphromparompak siran.
آية رقم 5
Siran man so mapmbagian iran so marata a siksa: Go siran sii ko akhirat na siran i titho a manga logi.
آية رقم 6
Na mataan! a ska (hay Mohammad) i titho a pphaladan ko Qor´an a phoon ko hadapan o Allah a Mawngangn, a Matao.
آية رقم 7
(Tadming ka) Gowani na pitharo o Mosa ko taalok on a: "Mataan! a sakn na miyakaylay sa apoy; na kabgan ko skano ron sa tothol, odi na kabgan ko skano sa masindaw a barabad, ka ang kano makathitirarang."
آية رقم 8
Na kagiya a makawma on, na minitawag on: "Piyakambarakat so taw a matatago ko apoy go so taw a makalilibt on: Na Soti so Allah, a Kadnan o manga kaadn."
آية رقم 9
ﮥﮦﮧﮨﮩﮪ
ﮫ
"Hay Mosa, mataan aya! a Sakn so Allah, a Mabagr, a Mawngangn!"
آية رقم 10
"Na ithogn ka so badas ka!" (na iniithog iyan). Na kagiya a maylay niyan skaniyan a gii kaokhaog lagid o skaniyan na nipay a magaan i kadola, na miyakatingr a tomiyalikhod, go da dingil, (pitharo o Allah:) "Hay Mosa, di ka khalk: Mataan! a Sakn na di khalk ko hadapan ko so manga sogo,"
آية رقم 11
"Ogaid na so taw a miyakasalimbot, oriyan iyan na somiyambi sa mapiya ko oriyan o marata, na mataan! a Sakn na Manapi, a Makalimoon.
آية رقم 12
"Na soldn ka a limang ka ko lig o bangkala aka, ka an ka mapakaliyo a masindaw a knaa ba sakit: Pd ko siyaw a manga tanda a pagowitn ko Pir´awn go so pagtaw niyan: Mataan! a siran na miyabaloy siran a pagtaw manga songklid."
آية رقم 13
Na kagiya a makawma kiran so manga tanda Ami, a marayag, na pitharo iran a: "Giyaya na balik mata a mapayag!"
آية رقم 14
Na siyangka iran oto, oba di tiyangkd oto o manga ginawa iran, sa kapanalimbot go kaphaporo; na pamimikiranang ka o antonaa i miyambtad o kiya akiran ko miyamaminasa!
آية رقم 15
Na sabnsabnar a bigan Ami so Dawood, go so Solayman sa katao: Na pitharo iran a: "So podi na rk o Allah, so inilbi kami Niyan ko madakl ko manga oripn Iyan a miyamaratiyaya!"
آية رقم 16
Na kiyapangowarisan o Solayman so Dawood. Na pitharo iyan: "Hay manga manosiya, piyakisabotan rkami so katharo o manga papanok, go bigan kami ko langowan taman: Mataan! a giyaya na skaniyan dn so limo a mapayag."
آية رقم 17
Na linimod ko Solayman so manga tantara iyan, a manga jinn go manga manosiya, go manga papanok, na siran na pakapphnanayawaan siran.
آية رقم 18
Taman sa kagiya makatalingoma siran ko balintad o manga pila, na pitharo o (dato a) pila: "Hay manga pila, sold kano ko manga darpa iyo, di kano phakiropt ko Solayman go so manga tantara iyan a siran na di iran maiin´ng ka."
آية رقم 19
Na miyakang gmnggmn (so Solayman), a makakhakala phoon ko katharo (o pila); go miyatharo iyan: "Kadnan ko, ilahamn Ka rakn so kapakapanalamat akn ko limoo Ka, a so inipangalimoo Ka rakn ago so mbala a loks akn, go so kapakang galbk akn sa mapiya a masoat Ka on: Go pakasold akong Ka (ko sorga), sabap ko limoo Ka, a pd ko manga oripn Ka a manga bilangataw."
آية رقم 20
Na piyariksa iyan so manga papanok; na miyatharo iyan a: "Ino a di akn khaylay so (papanok a) Hodhod? Ba miyabaloy a pd ko miyamangigaib?"
آية رقم 21
"Mataan a siksaan ko dn skaniyan sa siksa a sangat, odi na mataan a sombaliin ko dn skaniyan, odi na mataan a kabgan ako niyan sa karina a mapayag."
آية رقم 22
Na miyakatarg sa da mathay; na miyatharo (o Hodhod) a: "Miyaszb akn so dang ka maszb skaniyan, go minitalingoma ko rka phoon sa Saba so tothol a matatangkd."
آية رقم 23
"Mataan! a sakn na miyatoon ko a babay a kandadatoan iyan siran, go kiyabgan ko langowan taman, go adn a kantir iyan a mala."
آية رقم 24
"Miyatoon ko skaniyan ago so pagtaw niyan a pzodiodan iran so alongan a salakaw ko Allah: Go phipharasan kiran o shaytan so manga galbk iran, na kiyaalangan iyan siran ko lalan (a ontol), na siran na di siran makaoontol,"
آية رقم 25
"Sa di iran kazodiod ko Allah, a so pphakagmaw ko masoln ko manga langit go so lopa, go Matao ko pag-umaan iyo go so papayagn iyo."
آية رقم 26
"So Allah! - da a tohan inonta Skaniyan! - a Kadnan o arash a mala!"
آية رقم 27
Pitharo (o Solayman) a: "Ilayn ta dn o ino bnar ka, antawaa miyabaloy ka a pd ko manga bokhag!"
آية رقم 28
"Lalakawn ka a sorat akn nai, na sampain ka ya kiran: Oriyan iyan na awatang ka siran, na ilayang ka o antonaa i phakakasowin iran (a smbag)."
آية رقم 29
Pitharo (o bai sa Saba) a: "Hay manga nakoda, mataan! a sakn na minisampay rakn a sorat a pagaadatan."
آية رقم 30
"Mataan aya! a phoon ko Solayman, go mataan aya! (a misosorat on) a: Sii ko ngaran o Allah, a Masalinggagaw, a Makalimoon:"
آية رقم 31
ﮯﮰﮱﯓﯔ
ﯕ
"Di ako niyo pphaporoi, go song kano rakn a mbabayorantang kano."
آية رقم 32
Pitharo iyan a: "Hay manga nakoda, mosawiri ako niyo sa pnggolawlaang ko: da a pagimasadng ko a pnggolawlaan taman sa di kano makamasa."
آية رقم 33
Pitharo iran a: "Sktano i khipakatatangan ko bagr, go khipakatatangan ko guus ko kambonoay a mala: Na so kapanonogo na sii rka; na phandapating ka o antonaa i izogoo ka."
آية رقم 34
Pitharo iyan a: "Mataan! a so manga dato, na igira a somiyold siran ko ingd, na pmbinasaan iran oto, go pmbalowin iran so manga ala i pangkatan ko taw ron a pphamakarondan, na lagid oto a gi iran ngolawlaan."
آية رقم 35
"Na mataan! a sakn na phakiwitan ko siran sa pammgayan, ka pagilaing ko o antonaa i mipmbalingan o manga sogo."
آية رقم 36
Na kagiya a makawma ko Solayman (so sogo iyan), na pitharo (o Solayman) a: "Ino ako niyo mbgi sa tamok? A so inibgay rakn o Allah na tomo a di so inibgay niyan rkano! Kna, ka skano na so pammgayan iyo na pkhababayaan niyo!"
آية رقم 37
"Kasowin ka kiran, ka mataan a khitalingoma mi kiran dn so manga tantara a da a kaphakaato iran on: Go mataan a mbogawn ami siran dn roo a khipakarorondan, a siran na khipakadadapanas."
آية رقم 38
Pitharo iyan: "Hay manga nakoda! antawaa rkano i makawit rakn ko kantir iyan ko da iran rakn pn kapakatalingoma, a mbabayorantang siran?"
آية رقم 39
Pitharo o Ifrit, a pd ko manga jinn a: "Sakn i makawit rka on ko ding ka pn kapakaganat ko darpa aka: Na mataan! a sakn ko makapantag on na titho a mabagr, a kasasanaan."
آية رقم 40
Pitharo o (Ashif Ibno Barkiya a) adn a zisii rkaniyan a katao ko kitab a: "Sakn i makawit rka on sa di pn makandod sii rka so kaylaing ka!" Na kagiya a maylay niyan a makabbkn ko obay niyan, na miyatharo iyan a: "Giyai na pd ko limo o Kadnan ko! - ka ithpng iyan rakn o ino phanalamat ako antawaa magongkir ako. Na sadn sa manalamat, na mataan! a so kapphanalamat iyan na bagian o ginawa niyan; na sadn sa mongkir, na mataan! a so Kadnan ko na Kawasa, a Maginawa!"
آية رقم 41
Pitharo iyan a: "Barngkasa niyo ron so kantir iyan, ka ilayn tano o ino khakilala niyan, antawaa mabaloy a pd ko siran a di ron phamakakilala."
آية رقم 42
Na kagiya a makawma (so bai sa Saba), na adn a mitharo: "Ba lagidai so kantir ka?" Pitharo iyan a: "Lagid oba skaniyan; na inibgay rkami so katao ko onaan aya, go miyabaloy kami a mimbabayorantang."
آية رقم 43
Na kiyaalangan skaniyan, (ko paratiyaya ko Allah) o miyabaloy a pzimbaan iyan a salakaw ko Allah: Ka mataan! a skaniyan na miyabaloy a pd ko pagtaw a manga kafir.
آية رقم 44
Pitharo on: "Sold ka ko astana": Na kagiya maylay niyan oto, na tiyarima iyan oto sa mala a ig, na kiyasawaan iyan so mbala a pamosoan iyan. Pitharo (on o Solayman) a: "Mataan aya! a astana a matilak a pagalongan. Pitharo iyan a: "Kadnan ko, mataan! a sakn na kiyasalimbotan ko a ginawa ko: Na mimbayorantang ako a pd o Solayman ko Allah, a Kadnan o manga kaadn."
آية رقم 45
Na sabnsabnar a siyogo Ami ko (pagtaw a) Samod, so pagari ran a Salih, sa "Simbaa niyo so Allah": Na samawto, na siran na miyadowa siran lompok a gii siran zasawala.
آية رقم 46
Pitharo iyan: "Hay pagtaw akn, ino niyo phagalokaloki so marata ko da pn so mapiya? Ino kano di phangni sa maap ko Allah, ka ang kano mipangalimo."
آية رقم 47
Pitharo iran a: "Kiyazoknaan kami sa marata sa sabap rka, go sabap ko manga pd ka". Pitharo iyan a: "So sokna iyo a marata na sii ko Allah; kna, ka skano na pagtaw a phphaniyobaan."
آية رقم 48
Na adn a matatago ko bandar a ingd a siyaw kataw a pphamaminasa siran ko lopa, go di siran phangompiya.
آية رقم 49
Pitharo iran a: "Zasapai kano sa ibt ko Allah ka mataan a slmn tano dn skaniyan go so taalok on, oriyan iyan na tharoon tano dn ko wali ron a: ´Da tano kamasai a kiyapolang o taalok on, go mataan! a sktano na titho a manga bnar´."
آية رقم 50
Na miyagikmat siran sa samporna a ikmat, go miyagikmat Kami sa samporna a ikmat, a siran na di iran maiin´ngka.
آية رقم 51
Na nggdagdaang ka o antonaa i miyambtad o kiya akiran ko ikmat iran! - mataan! a Skami na piyolang Ami siran go so pagtaw iran, sa langon siran.,
آية رقم 52
Na giyoto man so manga walay ran, - a miyangaggba, - sabap ko kiyandarowaka iran mataan! a adn a matatago roo man a titho a tanda ko pagtaw a manga tatao.
آية رقم 53
ﯗﯘﯙﯚﯛ
ﯜ
Na siyabt Ami so miyamaratiyaya, go mimbaloy siran a khipanananggila.
آية رقم 54
Na (aloyang ka) so Lot gowani na pitharo iyan ko pagtaw niyan a: "Ino niyo gii nggolawlaa so pakasisingay, a skano na pkhaylay niyo (a marata)?"
آية رقم 55
Ino a mataan! a skano na ipthalingoma niyo ko manga mama so kababaya a salakaw ko manga babay? Kna, ka skano na pagtaw a da a manga mlng iyo!
آية رقم 56
Na da a miyabaloy a smbag o pagtaw niyan a rowar sa kiyatharoa iran sa: "Pakaawaa niyo so manga taalok ko Lot ko ingd iyo: Mataan siran! a manga taw a pzosoti!"
آية رقم 57
Na siyabt Ami skaniyan go so taalok on, inonta so karoma niyan: Ka inokor Ami skaniyan a pd ko mithatalimbagak.
آية رقم 58
Na piyakawranan Ami siran sa oran (a ator): Na miyakaratarata a inioran ko piyamakaiktiyar (a da siran dn paratiyaya)!
آية رقم 59
Tharoang ka a: So podi na rk o Allah, go kalilintad a sii ko manga oripn Iyan a pinili Iyan. Ino so Allah aya lbi a mapiya, antawaa so ipphanakoto iran?
آية رقم 60
Ba (di aya lbi a mapiya) so miyadn ko manga langit ago so lopa, go piyakatoron an kano Niyan phoon ko kawang sa ig? Na piyakatho Ami sa sabap rkaniyan so manga sapad a manga pipiya i paras: Na da a miyabaloy a kapaar iyo ko kapakathoa niyo ko kayo niyan. Ba adn a tohan a pd o Allah? Kna, ka siran na pagtaw a phrimbangn iran (so Allah).
آية رقم 61
Ba (di aya lbi a mapiya) so biyaloy Niyan so lopa a thatakna; go tiyagoan Iyan so pagltltan iyan sa manga lawasayg; go tiyagoan Iyan sa manga palaw; go tiyagoan Iyan so pagltan a dowa kalodan sa lt? Ba adn a tohan a pd o Allah? Kna, ka so kadaklan kiran na di iran katawan.
آية رقم 62
Ba (di aya lbi a mapiya) so pzmbag ko karrgnan, igira a miyangni Ron, go pphokas ko marata, go pmbaloy rkano a pphamakasambi ko lopa? Ba adn a tohan a pd o Allah? Miyakaytoito a kapphakatadm iyo!
آية رقم 63
Ba (di aya lbi a mapiya) so gii rkano ngonanao ko manga lilibotng ko kalopaan go so kalodan, go so pmbotawan rkano ko manga ndo a pphamalata ko anaan o limo Iyan? Ba adn a tohan a pd o Allah? Maporo so Allah a ka-aawat Iyan ko ipphamanakoto iran (Non)!
آية رقم 64
Ba (di aya lbi a mapiya) so pphanagipoon ko kapangadn, oriyan iyan (ko kapatay), na khasowin Iyan (madn so miyamatay), go pphagpr rkano ko phoon ko kawang ago so lopa? Ba adn a tohan a pd o Allah? Tharoang ka a: "Bgan iyo i karina niyo, a skano i manga bnar!"
آية رقم 65
Tharoang ka a: Da a matao a taw a matatago ko manga langit go so lopa, ko migagaib a inonta so Allah: Go di iran maiin´ngka o anday kapagoyaga kiran.
آية رقم 66
Ba riyaot a katao iran so akhirat? Kna, ka siran na pkhadowandowaan siran on, kna, ka siran na miyangabobota siran on!
آية رقم 67
Na pitharo o siran a miyamangongkir a: "Ino amay ka mbaloy kami a botha, ago so manga loks ami, ba mataan! a skami na phamakagmawn dn (ko manga kobor)?"
آية رقم 68
"Sabnsabnar a minidiyandi rktano aya, - sktano go so manga loks tano gowani: Da ko ngkaya inonta na manga iringa a kabokhag o miyangaoona."
آية رقم 69
Tharoang ka: "Lalakaw kano ko lopa na phapandapati niyo so miyambtad o kiya akiran ko manga rarata i ongar."
آية رقم 70
Go ding ka siran pmboko on, go di nggagtn a rarb ka so ikmat iran.
آية رقم 71
Na gi iran tharoon a: "Anda dn angkai a diyandi (a kaphakatalingoma o siksa) o skano i manga bnar?"
آية رقم 72
Tharoang ka a: "Matatangkd a khabaloy a marani rkano so sabaad ko pphagalokalokan iyo (a siksa)!"
آية رقم 73
Na mataan! a so Kadnan ka i titho a Malai-gagaw ko manga manosiya: Na ogaid na so kadaklan kiran na di siran phanalamat.
آية رقم 74
Na mataan! a so Kadnan ka na katawan Iyan dn so pag-umaan o manga rarb iran, go so papayagn iran.
آية رقم 75
Go da a migagaib, ko langit ago so lopa, a ba di matatago ko (Laoh Mahfod a) daptar a mapayag.
آية رقم 76
Mataan! a giyang kaya a Qor´an na pphanotholn iyan ko manga moriyataw o Israil so kadaklan ko siran na di siran on phagayonayon.
آية رقم 77
ﭑﭒﭓﭔ
ﭕ
Na mataan aya! a titho a toroan go limo ko miyamaratiyaya.
آية رقم 78
Mataan! a so Kadnan ka na ikhokom Iyan kiran so kokoman Iyan: Go Skaniyan so Domadaag, a Matao.
آية رقم 79
Na sariging ka so Allah, mataan! a ska na sii ko bnar, a mapayag.
آية رقم 80
Mataan! a ska na ding ka maphakin´g ko miyamatay, go ding ka maphakin´g ko manga bngl so pananawag igira a tominingr siran a khitatalikhod.
آية رقم 81
Na da rka i bang ka manggonanao so manga bota, sa kapokas ko kadadadag iran: da a maphakan´g ka a rowar ko taw a mapaparatiyaya ko manga ayat Ami, na siran i mimbabayorantang.
آية رقم 82
Na amay ka makatana kiran so katharo, na pakagmawan Ami siran sa binatang ko lopa: Sa imbitiyarai niyan siran, sa mataan! a so manga manosiya na miyabaloy siran a so manga ayat Ami na di iran tatangkdn.
آية رقم 83
Na sii ko gawii a timo on Ami phoon ko oman i pagtaw so isa ka sagorompong a pd ko taw a gii niyan pakambokhagn so manga ayat Ami, na siran na pakaphpnanayawaan siran,
آية رقم 84
Taman sa amay ka makawma siran (ko Allah), na tharoon Iyan: "Ino niyo pakapmbokhaga so manga ayat Akn, go da niyo to szba a katao, ino antonaa so pinggolawla niyo?"
آية رقم 85
Na makatana kiran so katharo, sabap ko kiyandarowaka iran, na siran na di siran maka ptharo.
آية رقم 86
Ba iran da manggdagda a mataan! a Skami na biyaloy Ami so gagawii ka an siran on pphakadkha, go so dawndaw a mipphangilaylay? Mataan! a adn a matatago roo man a titho a manga tanda ko pagtaw a khipaparatiyaya!
آية رقم 87
Na sii ko gawii a kaiyopa ko sanggakala, na kalkan so matatago ko manga langit, go so matatago ko lopa, inonta so kabaya o Allah: Na oman iisa na makatalingoma siran Rkaniyan a khipakapangangalimbabaan.
آية رقم 88
Na maylaing ka so manga palaw, a aya tarima aka on na thatakna; a (o ba di) skaniyan na somasagmbt sa (lagid o) kasasagmbt o gabon: Galbk o Allah, a so mimbaibait ko langowan taman: Mataan! a Skaniyan i Kaip ko gii niyo nggolawlaan.
آية رقم 89
Sa taw a mitalingoma niyan so mapiya, na adn a bagian iyan a mapiya a di skaniyan; go siran ko pakalklk sa alongan oto na khisasarig siran.
آية رقم 90
Na sa taw a mitalingoma niyan so marata, na phozangn so manga paras iran ko naraka (tharoon kiran:) "Ba adn a imbalas rkano a rowar ko pinggolawla niyo?"
آية رقم 91
(Tharoang ka:) Aya bo a inisogo rakn na so kasimbaa ko ko Kadnan angkai a ingd, a so piyakipagadatan Iyan skaniyan, go rk Iyan so langowan taman: Go inisogo rakn a mabaloy ako a pd ko mimbabayorantang, -
آية رقم 92
Go so kapphangadii ko ko Qor´an: Na sa taw a montol, na phakaontol sa rk bo o ginawa niyan; na sa taw a somilay, na tharoang ka a: "Sakn na matag ako pd ko pphamakaiktiyar."
آية رقم 93
Go tharoang ka a: "So bantogan na rk o Allah, phakiilay Niyan rkano so manga tanda Iyan, na khakilala niyo to; na da ko Kadnan ka i ba Niyan kalilipati so gii niyo nggolawlaan."
تقدم القراءة