ترجمة معاني سورة الإنشقاق باللغة المالديفية من كتاب Divehi - Divehi; Dhivehi; Maldivian translation

آية رقم 1

ﭣﭤﭥ ﭦ ​

އުޑުފަޅަފަޅައިގެންދާ ހިނދެވެ.

آية رقم 2

ﭧﭨﭩ ﭪ ​

އަދި އެ އުޑުގެ ވެރިރަސްކަލާނގެ أمر ފުޅަށް އެ އުޑު ކިޔަމަންވާހިނދެވެ. އެ އުޑަށް އެކަން حق ވެގެންވެއެވެ.

آية رقم 3

ﭫﭬﭭ ﭮ ​

އަދި ބިންގަނޑު ދެމި، ފެތުރިގެންދާ ހިނދެވެ.

آية رقم 4

ﭯﭰﭱﭲ ﭳ ​

އަދި އެ ބިމުގެ ތެރޭގައިވާ ތަކެތި އުކާލައި، އެ ބިން ހުސްވެގެންދާ ހިނދެވެ.

آية رقم 5

ﭴﭵﭶ ﭷ ​

އަދި އެ ބިމުގެ ވެރިރަސްކަލާނގެ أمر ފުޅަށް އެ ބިން ކިޔަމަންވާ ހިނދެވެ. އެ ބިމަށް އެކަން حق ވެގެންވެއެވެ.

آية رقم 6

ﭸﭹﭺﭻﭼﭽﭾﭿ ﮀ ​

އޭ އިންސާނާއެވެ! ހަމަކަށަވަރުން، ތިބާއީ، ތިބާގެ ވެރިރަސްކަލާނގެ حضرة އަށް ދިޔުމަށް ވަރަށްބޮޑަށް ގަދައަޅައި މަސައްކަތްކުރާ މީހެކެވެ. ފަހެ، ތިބާ (އެ މަސައްކަތާއިގެން) އެކަލާނގެއާ ބައްދަލުވާނެތެވެ.

آية رقم 7

ﮁﮂﮃﮄﮅ ﮆ ​

ފަހެ، އެމީހެއްގެ ފަތް، އެމީހެއްގެ ކަނާތަށް ލިބުނު މީހާ ދަންނާށެވެ!

آية رقم 8

ﮇﮈﮉﮊ ﮋ ​

ފަހެ، ލުއިފަސޭހަވެގެންވާ حساب ބެއްލެވުމަކުން، ނިކަންހުރެ އެމީހަކާމެދު حساب ބައްލަވާނެތެވެ.

آية رقم 9

ﮌﮍﮎﮏ ﮐ ​

އަދި އުފަލުންހުރެ، އޭނާގެ أهل ވެރިންގެގާތަށް (ސުވަރުގެޔަށް) އެނބުރިދާނެތެވެ.

آية رقم 10

ﮑﮒﮓﮔﮕﮖ ﮗ ​

އަދި އެމީހެއްގެ ފަތް، އެމީހެއްގެ ފުރަގަހުން (ވާތަށް) ލިބުނުމީހާ ދަންނާށެވެ.

آية رقم 11

ﮘﮙﮚ ﮛ ​

ފަހެ، ނިކަންހުރެ އެމީހަކު ގޮވާނެތެވެ. އޭ ހުރި ހަލާކެއްގެ ބޮޑުކަމާއެވެ!

آية رقم 12

ﮜﮝ ﮞ ​

އަދި އަނދައަނދާ ހުންނަ ނަރަކަޔަކަށް އޭނާ ވަންނާނެތެވެ.

آية رقم 13

ﮟﮠﮡﮢﮣ ﮤ ​

ހަމަކަށަވަރުން، އޭނާގެ أهل ވެރިންގެ ގާތުގައި އުފާވެރިވެގެންވާ މީހަކު ކަމުގައި (ދުނިޔޭގައި) އޭނާވިއެވެ.

آية رقم 14

ﮥﮦﮧﮨﮩ ﮪ ​

ހަމަކަށަވަރުން (އޭނާގެ ވެރިރަސްކަލާނގެ حضرة އަށް) އެނބުރި ނުދާނޭކަމަށް އޭނާ ހީކުޅައެވެ.

آية رقم 15

ﮫﮬﮭﮮﮯﮰﮱ ﯓ ​

އެހެންނަކުންނޫނެވެ. ހަމަކަށަވަރުން، އޭނާގެ ވެރިރަސްކަލާނގެ އޭނާ ދެކެވޮޑިގެންވާ ކަމުގައިވެއެވެ.

آية رقم 16

ﯔﯕﯖ ﯗ ​

ފަހެ، ތިމަންރަސްކަލާނގެ ރަތްވިލާ ގަންދެއްވަމެވެ.

آية رقم 17

ﯘﯙﯚ ﯛ ​

އަދި ރޭގަނޑާއި، އެ ރޭގަނޑު އެއްކުޅަހާ ތަކެތި ގަންދެއްވަމެވެ.

آية رقم 18

ﯜﯝﯞ ﯟ ​

އަދި ހަނދުގެ އަލިކަން ފުރިހަމަވާހިނދު، އެ ހަނދު ގަންދެއްވަމެވެ.

آية رقم 19

ﯠﯡﯢﯣ ﯤ ​

ހަމަކަށަވަރުން، ތިޔަބައިމީހުން އެއް حالة އަކަށްފަހު، އަނެއް حالة އަކަށް ބަދަލުވަމުން ދާނޭކަން ކަށަވަރެވެ.

آية رقم 20

ﯥﯦﯧﯨ ﯩ ​

އެއުރެން إيمان ނުވަނީ ފަހެ، އެއުރެންނަށް ކީއްވެގެން ހެއްޔެވެ؟

آية رقم 21

ﯪﯫﯬﯭﯮﯯﯰ ﯱ ​

އަދި އެއުރެންނަށް قرآن ކިޔަވައިދެވޭހިނދު، އެއުރެން سجدة އެއް ނުކުރެތެވެ.

آية رقم 22

ﯲﯳﯴﯵ ﯶ ​

އަދި ކިއެއްތަ! كافر ވި މީހުން (އެ قرآن) ދޮގުކުރޫއެވެ.

آية رقم 23

ﯷﯸﯹﯺ ﯻ ​

އަދި އެއުރެންގެ ހިތްތަކުގައި ފޮރުވާފައިވާ ކަންތައް، اللَّه ދެނެވޮޑިގަތުން ބޮޑެވެ.

آية رقم 24

ﯼﯽﯾ ﯿ ​

ފަހެ، ވޭންދެނިވި عذاب ހުރިކަމުގެ ވާހަކައިން ކަލޭގެފާނު އެއުރެންނަށް خبر ދެއްވާށެވެ!

آية رقم 25

ﭑﭒﭓﭔﭕﭖﭗﭘﭙ ﭚ ​

إيمان ވެ صالح عمل ތައް ކުޅަމީހުން މެނުވީއެވެ. އެއުރެންނަށް ކެނޑިގެންނުދާނޭ ދަރުމަހުށްޓެވެ.