ترجمة سورة المرسلات

Abubakar Mahmoud Gumi - Hausa translation
ترجمة معاني سورة المرسلات باللغة الهوساوية من كتاب Abubakar Mahmoud Gumi - Hausa translation .

ﰡ

ﮑﮒ ﰀ​

Al-Mursalat


Ina rantsuwa da iskõkin da ake sakõwa jẽre, sunã bin jũna.
ﮔﮕ ﰁ​

Sa'an nan, su zamã iskõki mãsu ƙarfi suna kaɗãwa da ƙarfi.
ﮗﮘ ﰂ​

Kuma, mãsu watsa rahama wãtsãwa.
ﮚﮛ ﰃ​

sa'an nan, da ãyõyi mãsu rarrabe gaskiya da ƙarya rarrabẽwa.
ﮝﮞ ﰄ​

Sa'an nan da malã'iku mãsu jẽfa tunãtarwa ga Manzanni.
ﮠﮡﮢ ﰅ​

Domin yanke hamzari ko dõmin gargadi.
ﮤﮥﮦ ﰆ​

Lalle ne, abin da ake yi muku wa'adi da shi tabbas mai aukuwa ne
ﮨﮩﮪ ﰇ​

To, idan taurãri aka shãfe haskensu.
ﮬﮭﮮ ﰈ​

Kuma, idan sama aka tsãge ta.
ﮰﮱﯓ ﰉ​

Kuma, idan duwãtsu aka nike su.
ﯕﯖﯗ ﰊ​

Kuma, idan manzanni aka ƙayyade lõkacin tãra su.
ﯙﯚﯛ ﰋ​

Domin babbar rãnar da aka yi wa ajali.
ﯝﯞ ﰌ​

Domin rãnar rarrabẽwa.
ﯠﯡﯢﯣﯤ ﰍ​

Kuma, me ya sanar da kai rãnar rarrabẽwa?
ﯦﯧﯨ ﰎ​

Bone yã tabbata a rãnar nan, ga mãsu ƙaryatãwa!
ﯪﯫﯬ ﰏ​

Ashe, ba Mu halakar da (mãsu ƙaryatãw) na farko ba.
ﯮﯯﯰ ﰐ​

Sa'an nan, kuma zã Mu biyar musu da na ƙarshe?
ﯲﯳﯴ ﰑ​

Haka nan, Muke aikatãwa da mãsu yin laifi.
ﯶﯷﯸ ﰒ​

Bone yã tabbata a rãnar nan ga mãsu ƙaryatãwa!
ﭑﭒﭓﭔﭕ ﰓ​

Ashe, ba Mu halitta ku daga wani ruwa wulakantacce ba.
ﭗﭘﭙﭚ ﰔ​

Sa'an nan Muka sanya shi a cikin wani wurin natsuwa amintacce.
ﭜﭝﭞ ﰕ​

Zuwa ga wani gwargwadon mudda sananna.
ﭠﭡﭢ ﰖ​

Sa'an nan, Muka nũna iyãwarMu? Madalla da Mu, Mãsu nũna iyãwa.
ﭤﭥﭦ ﰗ​

Bone ya tabbata a rãnar nan ga mãsu ƙaryatãwa!
ﭨﭩﭪﭫ ﰘ​

Ashe, ba Mu sanya ƙasa matattarã ba.
ﭭﭮ ﰙ​

Ga rãyayyu da matattu,
ﭰﭱﭲﭳﭴﭵﭶ ﰚ​

Kuma, Muka sanya, a cikinta, kafaffun duwãtsu maɗaukaka, kuma Muka shayar da ku ruwa mai dãɗi?
ﭸﭹﭺ ﰛ​

Bone ya tabbata, a rãnar nan, ga mãsu ƙaryatãwa!
ﭼﭽﭾﭿﮀﮁ ﰜ​

Ku tafi zuwa ga abin da kuka kasance kuna ƙaryatãwa game da shi!
ﮃﮄﮅﮆﮇﮈ ﰝ​

Ku tafi zuwa ga wata inuwa mai rassa uku.
ﮊﮋﮌﮍﮎﮏ ﰞ​

Ita ba inuwar ba, kuma ba ta wadãtarwa daga harshen wuta.
ﮑﮒﮓﮔ ﰟ​

Lalle ne, ita, tanã jifã da tartsatsi kamar sõraye.
ﮖﮗﮘ ﰠ​

Kamar dai su raƙumma ne baƙãƙe.
ﮚﮛﮜ ﰡ​

Bone ya tabbata, a rãnar nan, ga mãsu ƙaryatãwa!
ﮞﮟﮠﮡ ﰢ​

Wannan, yini ne da bã zã su iya yin magana ba.
ﮣﮤﮥﮦ ﰣ​

Bã zã a yi musu izni ba, balle su kãwo hanzari.
ﮨﮩﮪ ﰤ​

Bone ya tabbata, a rãnar nan, ga mãsu ƙaryatãwa!
ﮬﮭﮮﮯﮰﮱ ﰥ​

Wannan rãnar rarrabẽwa ce, Mun tattara ku tare da mutãnen farko.
ﯔﯕﯖﯗﯘ ﰦ​

To, idan akwai wata dabara gare ku, sai ku yi ma Ni ita.
ﯚﯛﯜ ﰧ​

Bone ya tabbata, a rãnar nan, ga mãsu ƙaryatãwa!
ﯞﯟﯠﯡﯢ ﰨ​

Lalle ne, mãsu taƙawa suna a cikin inuwõwi da marẽmari.
ﯤﯥﯦ ﰩ​

Da wasu 'ya'yan itãce irin waɗanda suke marmari.
ﯨﯩﯪﯫﯬﯭ ﰪ​

(A ce musu) "Ku ci ku sha cikin ni'ima sabõda abin da kuka kasance kuna aikatãwa."
ﯯﯰﯱﯲ ﰫ​

Lalle ne, Mũ haka Muke sãka wa mãsu kyautatãwa.
ﯴﯵﯶ ﰬ​

Bone ya tabbata, a rãnar nan, ga mãsu ƙaryatãwa!
ﯸﯹﯺﯻﯼ ﰭ​

(Ana ce musu) "Ku ci ku ji ɗan dãdi kaɗan, lalle ne dai ku mãsu laifi ne."
ﯾﯿﰀ ﰮ​

Bone ya tabbata, a rãnar nan, ga mãsu ƙaryatãwa!
ﰂﰃﰄﰅﰆﰇ ﰯ​

Kuma, idan an ce musu: "Ku yi rukũ'i; bã zã su yi rukũ'in (salla) ba."
ﰉﰊﰋ ﰰ​

Bone ya tabbata, a rãnar nan, ga mãsu ƙaryatãwa!
ﰍﰎﰏﰐ ﰱ​

To, da wane lãbãri (Littãfi), waninsa (Alƙur'ãni) zã su yi ĩmãni
Icon