Fassarar Surar Al-Muzzammil a الهوساوية daga Abubakar Mahmoud Gumi - Hausa translation
Verse 1
ﭑﭒ
ﭓ
Al-Muzzammil
Yã wanda ya lulluɓe!
Verse 2
ﭔﭕﭖﭗ
ﭘ
Ka tsayu domin yin salla a cikin dare (duka) fãce kaɗan.
Verse 3
ﭙﭚﭛﭜﭝ
ﭞ
Rabinsa, ko ka rage abu kaɗan daga gare shi.
Verse 4
ﭟﭠﭡﭢﭣﭤ
ﭥ
Ko ka ƙara kansa kuma ka kyautata karanta Alƙu'ãni, daki daki.
Verse 5
ﭦﭧﭨﭩﭪ
ﭫ
Lalle ne, Mũ, zã Mu jẽfa maka magana mai nauyi.
Verse 6
Lalle ne, tashin dare shi ne mafi tsananin natsuwa, kuma mafi daidaituwa ga magana.
Verse 7
ﭵﭶﭷﭸﭹﭺ
ﭻ
Lalle ne, kanã da, a cikin yini, wani tasĩhi mai tsawo.
Verse 8
ﭼﭽﭾﭿﮀﮁ
ﮂ
Kuma ka ambaci sũnan Ubangijinka, kuma ka yanke (ƙauna daga kowa ka koma) zuwa gare Shi, yankewa.
Verse 9
Shi ne Ubangijin mafitar rãnã da mafãɗarta, bãbu abin bautawa fãce Shi. Sabõda haka ka riƙe Shi wakili.
Verse 10
Kuma ka yi haƙuri ga abin da suke faɗã, kuma ka ƙaurace musu, ƙauracẽwa mai kyãwo.
Verse 11
ﮕﮖﮗﮘﮙﮚ
ﮛ
Kuma ka bar Ni da mãsu ƙaryatãwa, mawadãta, kuma ka jinkirta musu kaɗan.
Verse 12
ﮜﮝﮞﮟ
ﮠ
Lalle ne, a wurinMu, akwai wasu marũruwa mãsu nauyi da Jahĩm.
Verse 13
ﮡﮢﮣﮤﮥ
ﮦ
Da wani abinci mai mãƙara da azãba mai raɗaɗi.
Verse 14
Rãnar da ƙasa ke raurawa, da duwãtsu kuma duwãtsu su kasance tudun rairayi mai malãlã.
Verse 15
Lalle ne, Mũ. Mun aika zuwa gare ku, wani Manzo mai shaida a kanku, kamar yadda Muka aika wani Manzo zuwaga Fir'auna,
Verse 16
ﯝﯞﯟﯠﯡﯢ
ﯣ
Sai Fir'auna ya saɓa wa Manzon, saboda haka Muka kãma shi kãmu mai tsanani.
Verse 17
To, yãya, idan kun kãfirta, zã ku kãre (azabar) wani yini mai mayar da yãra (tsofaffi) mãsu hurhura.
Verse 18
Sama za ta tsãge a cikinsa, wa'adinsa yã kasance mai aukuwa.
Verse 19
Lalle ne, wannan wata tunãtarwa ce, sai dai wanda ya so, ya kãma hanyar ƙwarai zuwa ga Ubangijinsa.
Verse 20
Lalle ne, Ubangijinka Yã sani cẽwa, kai kana tsayuwa a kusan kashi biyu daga uku na dare, da rabinsa, da sulusinsa, tãre da wani ɓangare na waɗanda ke tãre da kai. Allah Yake iya ƙaddara dare da yini, Ya san bã zã ku iya lissafa shi ba, sabõda haka Ya karɓi tubarku sai, ku karanta abin da ya sauƙaƙa na Alƙur'ãni. Ya san wasu daga cikinku, zã su yi cĩwo, kuma wasu zã su yi tafiya cikin ƙasa suna nẽman falalar Allah da fatauci, kuma wasu zã su yi yãƙi a cikin banyar Allah. Sabõda haka ku karanta abin da ya sauƙaƙa daga gare shi, kuma ku tsai da salla kuma ku bãyar da zakka, kumaa ku bai wa Allah rance, rance mai kyãwo. Kuma abin da kuka gabatar dõmin kanku, na alhẽri, zã ku sãme shi a wurin Allah zai kasance mafifici (daga wanda kuka ajiye) kuma zai fi girma ga sakamako, kuma ku rõƙi Allah gãfara; lalle ne Allah Mai gãfara ne, Mai jin ƙai.
تقدم القراءة