Surah سورة عبس

Verse 1

ﭑﭒ ﭓ

Abasa

Yã game huska kuma ya jũya bãya.

Verse 2

ﭔﭕﭖ ﭗ

Sabõda makãho yã je masa.

Verse 3

ﭘﭙﭚﭛ ﭜ

To, me ya sanar da kai cẽwa watakila shi ne zai tsarkaka.

Verse 4

ﭝﭞﭟﭠ ﭡ

Ko ya tuna, dõmin tunãwar ta amfane shi?

Verse 5

ﭢﭣﭤ ﭥ

Amma wanda ya wadãtu da dũkiya.

Verse 6

ﭦﭧﭨ ﭩ

Sa'an nan kai kuma ka ɗora bijira zuwa gare shi!

Verse 7

ﭪﭫﭬﭭ ﭮ

To, me zai cũce ka idan bai tsarkaka ba?

Verse 8

ﭯﭰﭱﭲ ﭳ

Kuma, amma wanda ya zomaka yana gaugãwa.

Verse 9

ﭴﭵ ﭶ

Alhãli shĩ yanã jin tsõrõn Allah.

Verse 10

ﭷﭸﭹ ﭺ

Kai kuma kã shagala ga barinsa!

Verse 11

ﭻﭼﭽ ﭾ

A'aha! Lalle ne, wannan tunãtarwa ce.

Verse 12

ﭿﮀﮁ ﮂ

Sabõda wanda ya so ya tunaShi (Allah).

Verse 13

ﮃﮄﮅ ﮆ

(Tunãtarwa ce) ta cikin littafai abãban girmamãwa,

Verse 14

ﮇﮈ ﮉ

Abãban ɗaukakãwa, abãban tsarkakẽwa.

Verse 15

ﮊﮋ ﮌ

A cikin hannãyen mala'iku marubũta.

Verse 16

ﮍﮎ ﮏ

Mãsu daraja, mãsu ɗã'a ga Allah.

Verse 17

ﮐﮑﮒﮓ ﮔ

An la'ani mutum (kafiri). Mẽ yã yi kãfircinsa!

Verse 18

ﮕﮖﮗﮘ ﮙ

Daga wane abu, (Allah) Ya halitta shi?

Verse 19

ﮚﮛﮜﮝ ﮞ

Daga ɗigon maniyyi, Ya halitta shi sa'an nan Ya ƙaddarã shi (ga halaye).

Verse 20

ﮟﮠﮡ ﮢ

Sa'an nan, hanyarsa ta fita Ya sauƙaƙe masa.

Verse 21

ﮣﮤﮥ ﮦ

Sa'an nan, Ya matar da shi sai Ya sanya shi a cikin kabari.

Verse 22

ﮧﮨﮩﮪ ﮫ

Sa'an nan, idan Ya so lalle ne zai tãyar da shi.

Verse 23

ﮬﮭﮮﮯﮰ ﮱ

Haƙĩƙa bai i da aikata abin da Allah Ya umurce shi ba (lõkacin sanya shi a cikin kabari).

Verse 24

ﯓﯔﯕﯖ ﯗ

To, mutum ya dũba zuwa ga abincinsa.

Verse 25

ﯘﯙﯚﯛ ﯜ

Lalle ne Mũ, Mun zuo ruwa, zubõwa.

Verse 26

ﯝﯞﯟﯠ ﯡ

Sa'an nan, Muka tsattsãge ƙasa tsattsagewa.

Verse 27

ﯢﯣﯤ ﯥ

Sa'an nan, Muka tsirar da ƙwaya, a cikinta.

Verse 28

ﯦﯧ ﯨ

Da inabi da ciyãwa.

Verse 29

ﯩﯪ ﯫ

Da zaitũni da itãcen dabĩno.

Verse 30

ﯬﯭ ﯮ

Da lambuna, mãsu yawan itãce.

Verse 31

ﯯﯰ ﯱ

Da 'yã'yan itãcen marmari, da makiyãyã ta dabbõbi.

Verse 32

ﯲﯳﯴ ﯵ

Domin jin dãɗi a gare ku, ku da dabbobinku.

Verse 33

ﯶﯷﯸ ﯹ

To, idan mai tsãwa (busa ta biyu) ta zo.

Verse 34

ﯺﯻﯼﯽﯾ ﯿ

Rãnar da mutum yake gudu daga ɗan'uwansa.

Verse 35

ﰀﰁ ﰂ

Da uwarsa da ubansa.

Verse 36

ﰃﰄ ﰅ

Da mãtarsa da ɗiyansa.

Verse 37

ﰆﰇﰈﰉﰊﰋ ﰌ

Ga kõwane mutum daga cikinsu, a rãnar nan akwai wani sha'ani da ya ishe shi.

Verse 38

ﰍﰎﰏ ﰐ

Wasu huskõki, a rãnar nan, mãsu haske ne.

Verse 39

ﰑﰒ ﰓ

Mãsu dãriya ne, mãsu bushãra.

Verse 40

ﰔﰕﰖﰗ ﰘ

Wasu huskõki, a rãnar nan, akwai ƙũra a kansu.

Verse 41

ﭑﭒ ﭓ

Baƙi zai rufe su.

Verse 42

ﭔﭕﭖﭗ ﭘ

Waɗannan sũ ne kãfirai fãjirai (ga ayyukansu).

Fassarar سورة عبس

سورة عبس

Fassarar Surar Abasa a الهوساوية daga Abubakar Mahmoud Gumi - Hausa translation

Abubakar Mahmoud Gumi - Hausa translation

Abubakar Mahmoud Gumi - Hausa translation

Abasa