Verse 1

ﭑ ﭒ ​

As-Shu'ara

¦. S̃. M̃.

Verse 2

ﭓﭔﭕﭖ ﭗ ​

Waɗancan ãyõyin Littãfi ne bayyananne.

Verse 3

ﭘﭙﭚﭛﭜﭝ ﭞ ​

Tsammãninka kai mai halakar da ranka ne, dõmin ba su kasance mũminai ba!

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

Idan Mun so zã Mu saukar, a kansu, da wata ãyã daga sama, sai wuyõyinsu su yini sabõda ita sunã mãsu ƙasƙantar da kai.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

Kuma wata tunãtarwa ba ta jẽ musu ba, daga Mai rahama, sãbuwa, fãce sun kasance daga barinta sunã mãsu bijirẽwa.

Verse 6

ﭷﭸﭹﭺﭻﭼﭽﭾ ﭿ ​

To, lalle ne, sun ƙaryata, to, lãbãran abin da suka kasance sunã yi na izgili da shi zã ya je musu.

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

Shin, ba su dũba ba zuwa ga ƙasa, da yawa Muka tsirar a cikinta, daga dukan nau'i mai kyau?

Verse 8

ﮌﮍﮎﮏﮐﮑﮒﮓﮔ ﮕ ​

Lalle ne, a cikin wancan akwai ãyã, kuma mafi yawansu ba su kasance mũminai ba.

Verse 9

ﮖﮗﮘﮙﮚ ﮛ ​

Kuma lalle ne, Ubangijinka, haƙĩƙa, Shĩ ne Mabuwãyi, Mai rahama.

Verse 10

ﮜﮝﮞﮟﮠﮡﮢﮣ ﮤ ​

Kuma a lõkacin da Ubangijinka Ya kirãyi Mũsã, "Ka je wa mutãnen nan azzãlumai.

Verse 11

ﮥﮦﮧﮨﮩ ﮪ ​

"Mutãnen Fir'auna bã zã su yi taƙawa ba?"

Verse 12

ﮫﮬﮭﮮﮯﮰ ﮱ ​

Ya ce: "Ya Ubangijĩna, nĩ inã tsõron su ƙaryata ni.

Verse 13

ﯓﯔﯕﯖﯗﯘﯙﯚ ﯛ ​

"Kuma ƙirjĩna ya yi ƙunci kuma harshẽna bã zai saku ba sabõda haka ka aika zuwa ga Harũna.

Verse 14

ﯜﯝﯞﯟﯠﯡ ﯢ ​

"Kuma sunã da wani laifi a kaina, sabõda haka inã tsõron kada su kashe ni."

Verse 15

ﯣﯤﯥﯦﯧﯨﯩﯪﯫ ﯬ ​

Ya ce: "Kayya! Ku tafi, kũ biyu, da ÃyõyinMu. Lalle ne, Munã tãre da ku Munã Mãsu saurãre."

Verse 16

ﯭﯮﯯﯰﯱﯲﯳ ﯴ ​

"Sai ku je wa Fir'auna, sa'an nan ku ce, Lalle ne, mu, Manzannin Ubangijin halitta ne."

Verse 17

ﯵﯶﯷﯸﯹ ﯺ ​

"Ka saki Banĩ Isrã'ila tãre da mu."

Verse 18

ﯻﯼﯽﯾﯿﰀﰁﰂﰃﰄ ﰅ ​

Ya ce: "Shin, ba mu yi rẽnonka ba a cikinmu kanã jãrĩri, kuma ka zauna a cikinmu shẽkarudaga lõkacin rãyuwarka?"

Verse 19

ﰆﰇﰈﰉﰊﰋﰌ ﰍ ​

"Kuma ka aikata aikinka wanda ka aikata alhãli kai kanã daga butulai?"

Verse 20

ﭑﭒﭓﭔﭕﭖ ﭗ ​

Ya ce: "Na aikata shi a lõkacin inã daga mãsu jãhilcin hushi."

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

"Sabõda haka na gudu daga gãre ku a lõkacin da na ji tsõronku, sai Ubangijĩna Ya bã ni hukunci, kuma Ya sanya ni daga Manzanni."

Verse 22

ﭤﭥﭦﭧﭨﭩﭪﭫ ﭬ ​

"Kuma waccan ni'ima ce, kanã gõrint a kaina, dõmin kã bautar da Banĩ Isrã'ĩla."

Verse 23

ﭭﭮﭯﭰﭱ ﭲ ​

Fir'auna ya ce: "Kuma mene ne Ubangijin halittu?"

Verse 24

ﭳﭴﭵﭶﭷﭸﭹﭺﭻﭼ ﭽ ​

Ya ce: "Ubangijin sammai da ƙasa da abin da yake a tsakãninsu, idan kun kasance mãsu ƙarfin ĩmãni."

Verse 25

ﭾﭿﮀﮁﮂ ﮃ ​

Ya ce wa waɗanda suke a gẽfensa, "Bã za ku saurãra ba?"

Verse 26

ﮄﮅﮆﮇﮈ ﮉ ​

Ya ce: "Ubangijinku, kuma Ubangijin ubanninku na farko."

Verse 27

ﮊﮋﮌﮍﮎﮏﮐ ﮑ ​

Ya ce: "Lalle ne Manzonku, wanda aka aiko zuwa gare ku, haƙi ƙa, mahaukaci ne."

Verse 28

ﮒﮓﮔﮕﮖﮗﮘﮙﮚﮛ ﮜ ​

Ya ce: "Ubangijin mafitar rãnã da maɓũyarta da abin dayake a tsakaninsu, idan kun kasance kunã hankalta."

Verse 29

ﮝﮞﮟﮠﮡﮢﮣﮤ ﮥ ​

Ya ce: "Lalle ne idan ka riƙi wani abin bautãwa wanĩna haƙĩƙa, inã sanyã ka daga ɗaurarru."

Verse 30

ﮦﮧﮨﮩﮪ ﮫ ​

Ya ce: "Ashe, kuma kõ dã nã zõ maka da wani, abu mai bayyanãwa?"

Verse 31

ﮬﮭﮮﮯﮰﮱﯓ ﯔ ​

Ya ce: "To, ka zõ da shi idan ka kasance daga, mãsu gaskiya."

Verse 32

ﯕﯖﯗﯘﯙﯚ ﯛ ​

Sai ya jẽfa sandarsa, sai ga ta kumurci bayyananne.

Verse 33

ﯜﯝﯞﯟﯠﯡ ﯢ ​

Kuma ya fizge hannunsa, sai ga shi fari ga mãsu kallo.

Verse 34

ﯣﯤﯥﯦﯧﯨﯩ ﯪ ​

(Fir'auna) ya ce ga mashãwarta a gẽfensa, "Lalle ne, wannan haƙĩƙa, masihirci ne, mai ilmi!

Verse 35

ﯫﯬﯭﯮﯯﯰﯱﯲ ﯳ ​

"Yanã son ya fitar da ku daga ƙasarku game da sihirinSa. To mẽne ne kuke shãwartãwa?"

Verse 36

ﯴﯵﯶﯷﯸﯹﯺ ﯻ ​

Suka ce: "Ka jinkirtar da shi, shĩ da ɗan'uwansa, kuma ka aika mãsu gayya a cikin birãne."

Verse 37

ﯼﯽﯾﯿ ﰀ ​

"Zã su zõ maka da dukkan mai yawan sihiri masani."

Verse 38

ﰁﰂﰃﰄﰅ ﰆ ​

Sai aka tãra masihirta dõmin ajalin yini sananne.

Verse 39

ﰇﰈﰉﰊﰋ ﰌ ​

Kuma aka ce wa mutãne "Kõ kũ mãsu tãruwã ne?

Verse 40

ﭑﭒﭓﭔﭕﭖﭗ ﭘ ​

"Tsammãninmu mu bi masihirta, idan sun kasance sũ ne marinjãya."

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

To, a lõkacin da masihirta suka jẽ suka ce wa Fir'auna,"Shin, lalle ne, haƙĩƙa munã da ijãra idan mun kasance mũ ne marinjãya?"

Verse 42

ﭦﭧﭨﭩﭪﭫ ﭬ ​

Ya ce: "Na'am! Kuma lalle ne, kũ ne a lõkacin haƙĩƙa muƙarrabai."

Verse 43

ﭭﭮﭯﭰﭱﭲﭳ ﭴ ​

Mũsã ya ce musu, "Ku jẽfa abin da kuke mãsu jẽfãwa."

Verse 44

ﭵﭶﭷﭸﭹﭺﭻﭼﭽ ﭾ ​

Sai suka jẽfa igiyõyinsu, da sandunansu, kuma suka ce: "Da ƙarfin Fir'auna lalle ne mũ, haƙĩƙa, mũ ne marinjãya."

Verse 45

ﭿﮀﮁﮂﮃﮄﮅﮆ ﮇ ​

Sai Mũsa ya jẽfa sandarsa, sai ga ta tanã harhaɗe abin da suke yi na ƙarya.

Verse 46

ﮈﮉﮊ ﮋ ​

Sai aka jẽfar da masihirta sunã mãsu sujada.

Verse 47

ﮌﮍﮎﮏ ﮐ ​

Suka ce: "Mun yi ĩmãni da Ubangijin halitta."

Verse 48

ﮑﮒﮓ ﮔ ​

"Ubangijin Mũsa da Hãrũna."

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

Ya ce: "Ashe, kun yi ĩmãni sabõda shĩ, a gabãnin in yi muku izni? Lalle ne shi, haƙĩƙa babbanku ne wanda ya kõya muku sihirin, to, zã ku sani. Lalle ne haƙĩƙa, zan kakkãtse hannuwanku da kafãfunku a tarnaƙi, kuma haƙĩƙa, zan tsĩrẽ ku gabã ɗaya."

Verse 50

ﮭﮮﮯﮰﮱﯓﯔﯕ ﯖ ​

Suka ce: "Bãbu wata cũta! Lalle ne mũ mãsu jũyãwa ne zuwa ga Ubangijinmu."

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

"Lalle ne mu munã kwaɗayin Ubangijinmu, Ya gãfarta mana kurakuranmu dõmin mun kasance farkon mãsu ĩmãni."

Verse 52

ﯣﯤﯥﯦﯧﯨﯩﯪﯫ ﯬ ​

Kuma Muka aika zuwa ga Mũsã cẽwa ka yi tafiyar dare da bãyiNa, lalle ne kũ waɗanda ake biyã ne.

Verse 53

ﯭﯮﯯﯰﯱ ﯲ ​

Sai Fir'auna ya aika mãsu gayya a cikin birãne.

Verse 54

ﯳﯴﯵﯶ ﯷ ​

"Lalle ne, waɗannan, haƙĩƙa, ƙungiya ce kaɗan."

Verse 55

ﯸﯹﯺ ﯻ ​

"Kuma lalle ne sũ, a gare Mu, Mãsu fusãtarwa ne."

Verse 56

ﯼﯽﯾ ﯿ ​

"Kuma lalle ne mũ haƙĩƙa gabã ɗaya mãsu sauna ne."

Verse 57

ﰀﰁﰂﰃ ﰄ ​

Sai Muka fitar da su daga gonaki da marẽmari.

Verse 58

ﰅﰆﰇ ﰈ ​

Da taskõki da mazauni mai kyau.

Verse 59

ﰉﰊﰋﰌﰍ ﰎ ​

Kamar haka! Kuma Muka gãdar da su ga Banĩ Isrãĩla.

Verse 60

ﰏﰐ ﰑ ​

Sai suka bĩ su sunã mãsu fita a lõkacin hũdõwar rãnã.

Verse 61

ﭑﭒﭓﭔﭕﭖﭗﭘ ﭙ ​

Sa'an nan a lõkacin da jama'a biyu suka ga jũna, sai abõkan Mũsã suka ce: "Lalle ne mũ haƙĩ ƙa, waɗanda ake riska ne."

Verse 62

ﭚﭛﭜﭝﭞﭟﭠ ﭡ ​

Ya ce: "Kayya! Lalle ne Ubangijina Yanã tare da ni, zai shiryar da ni."

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Sai Muka yi wahayi zuwa ga Mũsã cẽwa "Ka dõki tẽku da sandarka." Sai tẽku ta tsãge, kõwane tsãgi ya kasance kamar falalen dũtse mai girma.

Verse 64

ﭱﭲﭳ ﭴ ​

Kuma Muka kusantar da waɗansu mutãne a can.

Verse 65

ﭵﭶﭷﭸﭹ ﭺ ​

Kuma Muka tsĩrar da Mũsã da waɗanda suke tãre da shi gabã ɗaya.

Verse 66

ﭻﭼﭽ ﭾ ​

Sa'an nan kuma Muka nutsar da waɗansu mutãnen.

Verse 67

ﭿﮀﮁﮂﮃﮄﮅﮆﮇ ﮈ ​

Lalle ne a cikin wannan akwai ãyã, kuma mafi yawansu ba su kasance mãsu ĩmãni ba.

Verse 68

ﮉﮊﮋﮌﮍ ﮎ ​

Kuma lalle ne Ubangijinka, kaƙĩƙa, Shĩ ne Mabũwayi, Mai jin ƙai.

Verse 69

ﮏﮐﮑﮒ ﮓ ​

Kuma ka karanta, a kansu, lãbãrin Ibrãhĩm.

Verse 70

ﮔﮕﮖﮗﮘﮙ ﮚ ​

A sã'ilin da ya ce wa ubansa da mutãnensa, "Mẽne ne kuke bauta wa?"

Verse 71

ﮛﮜﮝﮞﮟﮠ ﮡ ​

Suka ce: "Munã bauta wa gumãka, sabõda haka munã yini mãsu lazimta a gare su."

Verse 72

ﮢﮣﮤﮥﮦ ﮧ ​

Ya ce: "Shin, sunã jin ku, a lõkacin da kuke kira?"

Verse 73

ﮨﮩﮪﮫ ﮬ ​

"Kõ kuwa sunã amfãnin ku, kõ sunã cũtar ku?"

Verse 74

ﮭﮮﮯﮰﮱﯓ ﯔ ​

Suka ce: "Ã'a mun sãmĩ ubanninmu, kamar haka ne suke aikatãwa."

Verse 75

ﯕﯖﯗﯘﯙ ﯚ ​

Ya ce: "Shin to, kun ga abin da kuka kasance kunã bautã wa?"

Verse 76

ﯛﯜﯝ ﯞ ​

"Kũ da ubanninku mafi daɗẽwa?"

Verse 77

ﯟﯠﯡﯢﯣﯤ ﯥ ​

"To lalle ne, sũ maƙiya ne a gare ni, fãce Ubangijin halittu."

Verse 78

ﯦﯧﯨﯩ ﯪ ​

"Wanda Ya halitta ni, sa'an nan Yanã shiryar da ni."

Verse 79

ﯫﯬﯭﯮ ﯯ ​

"Kuma Wanda Yake Shĩ ne Yake ciyar da ni, kuma Yanã shãyar da ni."

Verse 80

ﯰﯱﯲﯳ ﯴ ​

"Kuma idan na yi jiyya, to, Shĩ ne Yake warkar da ni."

Verse 81

ﯵﯶﯷﯸ ﯹ ​

"Kuma wanda Yake matar da ni, sa'an nan Ya rãyar da ni."

Verse 82

ﯺﯻﯼﯽﯾﯿﰀﰁ ﰂ ​

"Kuma wanda Yake inã kwaɗayin Ya gãfarta mini kurãkuraina, a rãnar sãkamako."

Verse 83

ﰃﰄﰅﰆﰇﰈ ﰉ ​

"Ya Ubangijĩna! Ka ba ni hukunci, kuma Ka riskar da ni ga sãlihai."

Verse 84

ﭑﭒﭓﭔﭕﭖ ﭗ ​

"Kuma Ka sanya mini harshen gaskiya a cikin mutãnen ƙarshe."

Verse 85

ﭘﭙﭚﭛﭜ ﭝ ​

"Kuma Ka sanya ni daga magãdan Aljannar ni'ima."

Verse 86

ﭞﭟﭠﭡﭢﭣ ﭤ ​

"Kuma Ka gãfarta wa ubãna, lalle ne shi, ya kasance daga ɓatattu."

Verse 87

ﭥﭦﭧﭨ ﭩ ​

"Kuma kada Ka kunyata ni a rãnar da ake tãyar da su."

Verse 88

ﭪﭫﭬﭭﭮﭯ ﭰ ​

"A rãnar da dũkiya bã ta amfãni, kuma ɗiya bã su yi."

Verse 89

ﭱﭲﭳﭴﭵﭶ ﭷ ​

"Fãce wanda ya jẽ wa Allah da zũciya mai tsarki."

Verse 90

ﭸﭹﭺ ﭻ ​

Kuma aka kusantar da Aljanna ga mãsu taƙawa.

Verse 91

ﭼﭽﭾ ﭿ ​

Kuma aka fitar da wutã babba dõmin halakakku.

Verse 92

ﮀﮁﮂﮃﮄﮅ ﮆ ​

Kuma aka ce musu, "Inã abin da kuka kasance kunã bautawa?"

Verse 93

ﮇﮈﮉﮊﮋﮌﮍ ﮎ ​

"Baicin Allah? Shin sunã tamakon ku kõ kuwa sunã tsare kansu?"

Verse 94

ﮏﮐﮑﮒ ﮓ ​

Sai aka kikkife su a cikinta, su da halakakkun.

Verse 95

ﮔﮕﮖ ﮗ ​

Da rundunar Ibilĩsa gabã ɗaya.

Verse 96

ﮘﮙﮚﮛ ﮜ ​

Suka ce: alhãli sunã a cikinta sunã yin husũma,

Verse 97

ﮝﮞﮟﮠﮡﮢ ﮣ ​

"Rantsuwa da Allah! Lalle ne mun kasance, haƙĩƙa, a cikin ɓata bayyananna."

Verse 98

ﮤﮥﮦﮧ ﮨ ​

"A lõkacin da muke daidaita ku da Ubangijin halittu.

Verse 99

ﮩﮪﮫﮬ ﮭ ​

"Kuma bãbu abin da ya ɓatar da mu fãce mãsu laifi."

Verse 100

ﮮﮯﮰﮱ ﯓ ​

"Sabõda haka bã mu da waɗansu macẽta."

Verse 101

ﯔﯕﯖ ﯗ ​

"Kuma bã mu da abõki, masõyi."

Verse 102

ﯘﯙﯚﯛﯜﯝﯞ ﯟ ​

"Sabõda haka dã lalle munã da (dãmar) kõmawa, dõmin mu kasance daga mũminai!"

Verse 103

ﯠﯡﯢﯣﯤﯥﯦﯧﯨ ﯩ ​

Lalle ne, a cikin wancan akwai ãyã, kuma mafi yawansu, bã su kasance mũminai ba.

Verse 104

ﯪﯫﯬﯭﯮ ﯯ ​

Kuma lalle ne, Ubangijinka, Shi ne Mabuwãyi, Mai jin ƙai.

Verse 105

ﯰﯱﯲﯳ ﯴ ​

Mutãnen Nũhu sun ƙaryata Manzanni.

Verse 106

ﯵﯶﯷﯸﯹﯺﯻ ﯼ ​

A lõkacin da ɗan'uwansu, Nũhu, ya ce musu, "Shin, bã zã ku yi taƙawa ba?"

Verse 107

ﯽﯾﯿﰀ ﰁ ​

"Lalle ne, zuwa gare ku, ni Manzo ne amintacce."

Verse 108

ﰂﰃﰄ ﰅ ​

"To, ku bi Allah da taƙawa, kuma ku yi mini ɗã'ã."

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

"Kuma bã ni tambayar ku wata ijãra a kansa. Ijãrãtã ba ta zama ba fãce daga Ubangijin halittu."

Verse 110

ﰓﰔﰕ ﰖ ​

"Sabõda haka, ku bi Allah da taƙawa, kuma ku yi mini ɗã'ã."

Verse 111

ﰗﰘﰙﰚﰛﰜ ﰝ ​

Suka ce: "Ashe, zã mu yi ĩmãni sabõda kai alhãli kuwa mafiya ƙasƙanci sun bi ka?"

Verse 112

ﭑﭒﭓﭔﭕﭖ ﭗ ​

Ya ce: "Kuma bã ni da sani ga abin da suka kasance sanã aikatãwa."

Verse 113

ﭘﭙﭚﭛﭜﭝﭞﭟ ﭠ ​

"Hisãbinsu bai zama ba fãce ga Ubangijina, dã kunã sansancẽwa."

Verse 114

ﭡﭢﭣﭤ ﭥ ​

"Ban zama mai kõre mũminai ba."

Verse 115

ﭦﭧﭨﭩﭪ ﭫ ​

"Nĩ ba kõwa ba ne sai mai gargaɗi mai bayyanãwa."

Verse 116

ﭬﭭﭮﭯﭰﭱﭲﭳ ﭴ ​

Suka ce: "Lalle ne, idan ba ka hanu ba, yã Nũhu, (daga maganarka,) haƙĩƙa, kanã kasancẽwa daga waɗanda ake jẽfewa"

Verse 117

ﭵﭶﭷﭸﭹ ﭺ ​

Ya ce: "Yã Ubangijĩna! Lalle ne mutãnena sun ƙaryatã ni."

Verse 118

ﭻﭼﭽﭾﭿﮀﮁﮂﮃ ﮄ ​

"Sai ka yi hukunci, a tsakãnĩna da tsakãninsu tabbataccen hukanci, kuma ka tsĩrar da ni, da waɗanda suke tãre da ni daga mũminai."

Verse 119

ﮅﮆﮇﮈﮉﮊ ﮋ ​

Sai Muka tsĩrar da shi, shi da waɗanda suke tãre da shi, a cikin jirgi wanda aka yi wa lõdi.

Verse 120

ﮌﮍﮎﮏ ﮐ ​

Sa'an nan Muka nutsar a bãyan haka, da sauran.

Verse 121

ﮑﮒﮓﮔﮕﮖﮗﮘﮙ ﮚ ​

Lalle ne a cikin wannan akwai ãyã, kuma mafi yawansu, ba su kasance mãsu ĩmãni ba.

Verse 122

ﮛﮜﮝﮞﮟ ﮠ ​

Kuma Lalle ne, Ubangijinka, haƙĩƙa, Shĩ ne Mabuwãyi, Mai Rahama.

Verse 123

ﮡﮢﮣ ﮤ ​

Ãdãwa sun ƙaryata Manzanni.

Verse 124

ﮥﮦﮧﮨﮩﮪﮫ ﮬ ​

A lõkacin da ɗan'uwansu, Hũdu ya ce musu, "Bã zã ku yi taƙawa ba?"

Verse 125

ﮭﮮﮯﮰ ﮱ ​

"Lalle ne ni, zuwa gare ku, haƙĩƙa, Manzo ne, amintacce."

Verse 126

ﯓﯔﯕ ﯖ ​

"Sabõda haka ku bi Allah da taƙawa, kuma ku yi mini ɗã'ã."

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

"Kuma bã ni tambayar wata ijãra a kansa. Ijãrãta ba ta zama ba, fãce daga Ubangijin halittu."

Verse 128

ﯤﯥﯦﯧﯨ ﯩ ​

"Shin, kunã yin ginin sitadiyo a kõwane tsauni ne, kunã yin wãsa?"

Verse 129

ﯪﯫﯬﯭ ﯮ ​

"Kuma kunã riƙon matsãrar ruwa, tsammãninku, ku dawwama?"

Verse 130

ﯯﯰﯱﯲ ﯳ ​

"Kuma idan kun yi damƙa, sai ku yi damƙar kunã mãsu tanƙwasãwa."

Verse 131

ﯴﯵﯶ ﯷ ​

"To ku bi Allah da taƙawa, kuma ku yi mini ɗã'ã."

Verse 132

ﯸﯹﯺﯻﯼ ﯽ ​

"Ku ji tsõron wanda Ya taimake ku da abin da kuka sani."

Verse 133

ﯾﯿﰀ ﰁ ​

"Ya taimake ku da dabbõbin ni'ima da ɗiya."

Verse 134

ﰂﰃ ﰄ ​

"Da gõnaki da marẽmari."

Verse 135

ﰅﰆﰇﰈﰉﰊ ﰋ ​

"Lalle ne nĩ, inã ji muku tsõron azãbar wani yini mai girma."

Verse 136

ﰌﰍﰎﰏﰐﰑﰒﰓﰔ ﰕ ​

Suka ce: "Daidai ne a kanmu: Kã yi wa'azi kõ ba ka kasance daga mãsu wa'azi ba."

Verse 137

ﭑﭒﭓﭔﭕ ﭖ ​

"Wannan abu bai zamõ ba fãce hãlãyen mutãnen farko."

Verse 138

ﭗﭘﭙ ﭚ ​

"Kuma mũ ba mu zama waɗanda ake yi wa azãba ba."

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Sabõda haka suka ƙaryata shi, sai Muka halakar da sũ. Lalle ne a cikin wannan akwai ãyã, kuma mafi yawansu ba su kasance mãsu ĩmãni ba.

Verse 140

ﭨﭩﭪﭫﭬ ﭭ ​

Kuma lalle ne, Ubangijinka, haƙĩƙa, Shi ne Mabuwãyi, Mai jin ƙai.

Verse 141

ﭮﭯﭰ ﭱ ​

Samũdãwa sun ƙaryata Manzanni.

Verse 142

ﭲﭳﭴﭵﭶﭷﭸ ﭹ ​

A lõkacin da ɗan'uwansu Sãlihu ya ce: "Shin, bã zã ku bi Allah da taƙawa ba?"

Verse 143

ﭺﭻﭼﭽ ﭾ ​

"Lalle ne nĩ zuwã gare ku, Manzo ne, amintacce."

Verse 144

ﭿﮀﮁ ﮂ ​

"Sabõda haka ku bi Allah da taƙawa, kuma ku yi mini ɗã'ã.

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

"Kuma bã ni tambayar ku wata ijãra a kansa. Ijãrãta ba ta zama ba fãce da a Ubangijin halittu."

Verse 146

ﮐﮑﮒﮓﮔ ﮕ ​

"Shin, anã barin ku a cikin abin da yake a nan, kunã amintattu?"

Verse 147

ﮖﮗﮘ ﮙ ​

"A cikin gõnaki da marẽmari."

Verse 148

ﮚﮛﮜﮝ ﮞ ​

"Da shuke-shuke da dabĩ nai, 'ya'yan itãcensu hirtsi mãsu narkẽwa a ciki?"

Verse 149

ﮟﮠﮡﮢﮣ ﮤ ​

"Kuma kunã sassaƙa gidãje daga duwãtsu, kunã mãsu alfãhari?"

Verse 150

ﮥﮦﮧ ﮨ ​

"Sabõda haka ku bi Allah da taƙawa, kuma ku yi mini ɗã'ã."

Verse 151

ﮩﮪﮫﮬ ﮭ ​

"Kada ku yi ɗã'ã ga umurnin maɓarnata."

Verse 152

ﮮﮯﮰﮱﯓﯔ ﯕ ​

"Waɗanda suke yin ɓarna a cikin ƙasa, kuma bã su kyautatãwa."

Verse 153

ﯖﯗﯘﯙﯚ ﯛ ​

Suka ce: "Kai daga mãsu sihiri kurum kake."

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

"Bã kõwa kake ba, fãce mutum kamarmu. To, kã zo da wata ãyã idan kã kasance daga mãsu gaskiya."

Verse 155

ﯨﯩﯪﯫﯬﯭﯮﯯﯰ ﯱ ​

Ya ce: "Wannan rãkuma ce tanã da shan yini, kuma kunã da shan yini sasanne."

Verse 156

ﯲﯳﯴﯵﯶﯷﯸ ﯹ ​

"Kada ku shãfe ta da cũta har azãbar yini mai girmã ta shãfe ku."

Verse 157

ﯺﯻﯼ ﯽ ​

Sai suka sõke ta sa'an nan suka wãyi gari sunã mãsu nadãma.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Sabõda haka azãba ta kãma su. Lalle ne a cikin wannan akwai ãyã, kuma mafi yawansu, ba su kasance mãsu ĩmãni ba.

Verse 159

ﰋﰌﰍﰎﰏ ﰐ ​

Lalle ne Ubangijinka, haƙĩ ƙa, Shĩ ne Mabuwayi, Mai jin ƙai.

Verse 160

ﭑﭒﭓﭔ ﭕ ​

Mutãnen Lũɗu sun ƙaryata Manzanni.

Verse 161

ﭖﭗﭘﭙﭚﭛﭜ ﭝ ​

A lõkacin da ɗan'uwansu, Lũɗu ya ce musu, "Bã zã ku yi taƙawa ba?"

Verse 162

ﭞﭟﭠﭡ ﭢ ​

"Lalle ne nĩ, zuwa gare ku, Manzõ ne, amintacce."

Verse 163

ﭣﭤﭥ ﭦ ​

"Sabõda haka ku bi Allah da taƙawa, kuma ku yi mini ɗã'ã."

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

"Kuma bã ni tambayar ku wata ijãra, Ijãrãta ba ta zama ba fãce daga Ubangijin halittu."

Verse 165

ﭴﭵﭶﭷ ﭸ ​

"Shin kunã jẽ wa maza daga cikin talikai?"

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

"Kuma kunã barin abin da Ubangijinku Ya halitta muku daga mãtanku? Ã'a, ku mutãne ne mãsu ƙẽtarẽwa!"

Verse 167

ﮆﮇﮈﮉﮊﮋﮌﮍ ﮎ ​

Suka ce: "Lalle ne haƙĩƙa idan ba ka hanu ba, yã Lũɗu! Tĩlas ne kanã kasancẽwa daga waɗanda ake fitarwa (daga gari)."

Verse 168

ﮏﮐﮑﮒﮓ ﮔ ​

Ya ce: "Lalle ne ga aikinku, haƙĩƙa, inã daga mãsu ƙinsa."

Verse 169

ﮕﮖﮗﮘﮙ ﮚ ​

"Ya Ubangijina! Ka tsĩrar da ni da iyãlĩna daga abin da suke aikatãwa."

Verse 170

ﮛﮜﮝ ﮞ ​

Sabõda haka Muka tsĩrar da shi, Shi da mutãnensa gabã ɗaya.

Verse 171

ﮟﮠﮡﮢ ﮣ ​

Fãce wata tsõhuwa a cikin mãsu wanzuwa.

Verse 172

ﮤﮥﮦ ﮧ ​

Sa'an nan kuma Muka darkãke wasu.

Verse 173

ﮨﮩﮪﮫﮬﮭﮮ ﮯ ​

Kuma Muka yi ruwan sama a kansu ruwa, sai dai ruwan waɗanda ake yi wa gargaɗi ya mũnana.

Verse 174

ﮰﮱﯓﯔﯕﯖﯗﯘﯙ ﯚ ​

Lalle ne ga wannan, akwai ãyã, kuma mafi yawansu bã su kasance mãsu ĩmãni ba.

Verse 175

ﯛﯜﯝﯞﯟ ﯠ ​

Kuma lalle ne Ubangijinka, haƙĩƙa, Shĩ ne Mabuwãyi, Mai jin ƙai.

Verse 176

ﯡﯢﯣﯤ ﯥ ​

Ma'abũta ƙunci sun ƙaryata Manzanni.

Verse 177

ﯦﯧﯨﯩﯪﯫ ﯬ ​

A lõkacin da Shu'aibu ya ce musu, "Bã zã ku yi taƙawa ba?"

Verse 178

ﯭﯮﯯﯰ ﯱ ​

"Lalle ne ni, zuwa gare ku, Manzo ne, amintacce."

Verse 179

ﯲﯳﯴ ﯵ ​

"Sabõda haka ku bi Allah da taƙawa kuma ku yi mini ɗã'ã."

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

"Kuma ba ni tambayar ku wata ijãra a kansa. Ijãrata ba ta zama ba fãce daga Ubangijin halittu."

Verse 181

ﰃﰄﰅﰆﰇﰈﰉ ﰊ ​

"Ku cika mũdu, kuma kada ku kasance daga mãsu sanyãwar hasãra (ga mutãne)."

Verse 182

ﰋﰌﰍ ﰎ ​

"Kuma ku yi awo da sikẽli daidaitacce."

Verse 183

ﰏﰐﰑﰒﰓﰔﰕﰖﰗ ﰘ ​

"Kuma kada ku nakasa wa mutãne abũbuwansu kuma kada ku yi fasãdi a cikin ƙasa kuna mãsu ɓarna."

Verse 184

ﭑﭒﭓﭔﭕ ﭖ ​

"Kuma ku ji tsõron Allah wanda Ya halitta ku, kũ da jama'ar farko."

Verse 185

ﭗﭘﭙﭚﭛ ﭜ ​

Suka ce: "Kai dai daga waɗanda suke sihirtattu kawai ne."

Verse 186

ﭝﭞﭟﭠﭡﭢﭣﭤﭥ ﭦ ​

"Kuma bã kõwa kake ba, fãce mutum kamarmu kuma lalle ne munã zaton ka, haƙĩƙa, daga maƙaryata."

Verse 187

ﭧﭨﭩﭪﭫﭬﭭﭮﭯ ﭰ ​

"To ka jẽfo wani ɓaɓɓake daga sama a kanmu, idan ka kasance daga mãsu gaskiya."

Verse 188

ﭱﭲﭳﭴﭵ ﭶ ​

Ya ce: "Ubangijĩna ne Mafi sani ga abin da kuke aikatãwa."

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

Sai suka ƙaiyatã shi, sabõda haka, azãbar rãnar girgije ta kãma su. Lalle ne ita, tã kasance azãbar yini mai girma.

Verse 190

ﮃﮄﮅﮆﮇﮈﮉﮊﮋ ﮌ ​

Lalle a cikin wancan haƙĩka akwai ãya, amma mafi yawansu ba su kasance mãsu ĩmãni ba.

Verse 191

ﮍﮎﮏﮐﮑ ﮒ ​

Kuma lalle Ubangijĩnka, haƙĩƙa, Shĩ ne Mabuwãyi, Mai jin ƙai.

Verse 192

ﮓﮔﮕﮖ ﮗ ​

Kuma lalle shi (Alƙur'ãni), haƙĩƙa, saukarwar Ubangijinhalittu ne.

Verse 193

ﮘﮙﮚﮛ ﮜ ​

Rũhi amintacce ne ya sauka da shi.

Verse 194

ﮝﮞﮟﮠﮡ ﮢ ​

A kan zũciyarka, dõmin ka kasance daga mãsu gargaɗi.

Verse 195

ﮣﮤﮥ ﮦ ​

Da harshe na Larabci mai bayãni.

Verse 196

ﮧﮨﮩﮪ ﮫ ​

Kuma lalle shin, haƙĩƙa, yanã a cikin litattafan (Manzannin) farko.

Verse 197

ﮬﮭﮮﮯﮰﮱﯓﯔﯕ ﯖ ​

Ashe, bai kasance ãyã ba a gare su, ya zama Mãlaman Banĩ Isrã'ĩla sun san shi?

Verse 198

ﯗﯘﯙﯚﯛ ﯜ ​

Kuma dã mun saukar da shi a kan sãshen Ajamãwa,

Verse 199

ﯝﯞﯟﯠﯡﯢ ﯣ ​

Ya karanta shi a kansu, ba su kasance sabõda shi mãsu ĩmãni ba.

Verse 200

ﯤﯥﯦﯧﯨ ﯩ ​

Kamar wancan ne! Muka shigar da shi a cikin zukãtan mãsu laifi.

Verse 201

ﯪﯫﯬﯭﯮﯯﯰ ﯱ ​

Bã zã su yi ĩmãni da shĩ ba sai sun ga azãbar nan mai raɗadi.

Verse 202

ﯲﯳﯴﯵﯶ ﯷ ​

Sai ta taho musu kwatsam, alhãli kuwa sũ, ba su sansance ba.

Verse 203

ﯸﯹﯺﯻ ﯼ ​

Sai su ce: "Shin, mu waɗanda ake yi wa jinkiri ne?"

Verse 204

ﯽﯾ ﯿ ​

Ashe, to, da azãbarMu suke nẽman gaggãwa?

Verse 205

ﰀﰁﰂﰃ ﰄ ​

Ashe, to, kã gani, idan Muka jĩshe su daɗi a shẽkaru,

Verse 206

ﰅﰆﰇﰈﰉ ﰊ ​

Sa'an nan abin da suka kasance anã yi musu wa'adi (da shi) ya jẽ musu,

Verse 207

ﭑﭒﭓﭔﭕﭖ ﭗ ​

Abin da suka kasance anã jĩshe su dãɗin bã zai tunkuɗe azãba ba daga gare su.

Verse 208

ﭘﭙﭚﭛﭜﭝﭞ ﭟ ​

Kuma bã Mu halakar da wata alƙarya ba fãce tanã da mãsu gargaɗi.

Verse 209

ﭠﭡﭢﭣ ﭤ ​

Dõmin tunãtarwa, kuma ba Mu kasance Mãsu zãlunci ba.

Verse 210

ﭥﭦﭧﭨ ﭩ ​

Kuma (Alƙur'ãni) Shaiɗãnu ba su ɗõra sauka da shĩba.

Verse 211

ﭪﭫﭬﭭﭮ ﭯ ​

Kuma bã ya kamãta a gare su (su Shaiɗãnu su sauka da shi), kuma ba su iyãwa.

Verse 212

ﭰﭱﭲﭳ ﭴ ​

Lalle ne sũ, daga saurãre, haƙĩƙa, waɗanda aka nĩsantar ne.

Verse 213

ﭵﭶﭷﭸﭹﭺﭻﭼﭽ ﭾ ​

Sabõda haka, kada ka kira wani abin bautãwa na dabam tãre da Allah, sai ka kasance daga waɗanda ake yi wa azãba.

Verse 214

ﭿﮀﮁ ﮂ ​

Kuma ka yi gargaɗi ga danginka mafiya kusanci.

Verse 215

ﮃﮄﮅﮆﮇﮈ ﮉ ​

Kuma ka sassauta fikãfikanka ga wanda ya bĩ ka daga mũminai.

Verse 216

ﮊﮋﮌﮍﮎﮏﮐ ﮑ ​

Sa'an nan idan suka sãɓã maka to ka ce: "Lalle nĩ, barrantacce ne daga abin da kuko aikatãwa."

Verse 217

ﮒﮓﮔﮕ ﮖ ​

Kuma ka dõgara ga Mabuwãyi, Mai jin ƙai.

Verse 218

ﮗﮘﮙﮚ ﮛ ​

Wanda Yake ganin ka a lõkacin da kake tãshi tsaye.

Verse 219

ﮜﮝﮞ ﮟ ​

Da jujjuyãwarka a cikin mãsu yin sujada.

Verse 220

ﮠﮡﮢﮣ ﮤ ​

Lalle Shi, Shi ne Mai ji, Masani.

Verse 221

ﮥﮦﮧﮨﮩﮪ ﮫ ​

Shin, (kunã so) in gaya muku a kan wanda Shaiɗãnnu kan sauka?

Verse 222

ﮬﮭﮮﮯﮰ ﮱ ​

Sukan sauka a kan dukkan maƙaryaci, mai zunubi.

Verse 223

ﯓﯔﯕﯖ ﯗ ​

Sunã jẽfa (abin da suka) ji, alhãli kuwa mafi yawansu maƙaryata ne.

Verse 224

ﯘﯙﯚ ﯛ ​

Kuma mawãƙa halakakku ne ke bin su.

Verse 225

ﯜﯝﯞﯟﯠﯡﯢ ﯣ ​

Shin, ba ku cẽwa, lalle ne sũ, cikin kõwane rango sunã yin ɗimuwa (su ƙẽtare haddi) ba?

Verse 226

ﯤﯥﯦﯧﯨ ﯩ ​

Kuma lalle ne, sũ, sunã faɗin abin da bã su aikatãwa?

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Fãce waɗanda suka yi ĩmãni suka aikata ayyukan ƙwarai, kuma suka ambaci Allah da yawa, kuma suka rãma zãlunci, daga bãyan an zãlunce su. Kuma waɗanda suka yi zãlunci, zã su sani a wace majũya suke jũyãwa.