ترجمة معاني سورة القيامة
باللغة النيبالية من كتاب الترجمة النيبالية
.
من تأليف:
جمعية أهل الحديث المركزية
.
ﰡ
१) म कियामतको दिनको कसम खान्छु,
२) र म कसम खान्छु त्यस नफ्सको (आत्मा) जो निन्दा गर्नेवाला हो ।
३) के मानिसले यो ठान्दछ कि हामीले कदापि उसका हाडहरूलाई एकत्र गर्नेछैनौं ?
४) अवश्य गर्नेछौं (र) हामी यस कुरामा सामथ्र्यवान छौं कि उसका औंलाका टुप्पाहरू दुरुस्त गरिदेऔं।
५) (होइन) बरु मानिसले चाहन्छ कि आफ्नो अगाडि–अगाडि अवज्ञा गर्दै जाओस् ।
६) सोध्छ कि कियामतको दिन कहिले आउँछ ?
७) जब आँखाहरू तिर्मीराइहाल्नेछन् ।
ﮰﮱ
ﰇ
८) र चन्द्र प्रकाशहीन भइहाल्नेछ ।
९) र सूर्य र चन्द्र एकत्रित गरिनेछन् ।
१०) त्यस दिन मानिसले भन्नेछ कि आज भागेर जाने ठाउँ कहाँ छ ?
११) निःसन्देह कुनै शरणस्थल छैन ।
१२) आज त तिम्रो पालनकर्तातिरै चैन पाइने ठाउँ छ ।
१३) मानिसहरूलाई आज त्यसले अगाडि बढाएको र पछाडि छाडेको कुराहरूसित अवगत गराइनेछ ।
१४) बरु मानिस स्वयं आफ्नो साक्षी छ ।
१५) यद्यपि उसले जति क्षमायाचना गर्न खोजोस् ।
१६) र (हे मुहम्मद सल्लल्लाहो अलैहे वसल्लम !) कुरआनलाई छिटै कण्ठस्थ गर्न आफ्नो जिब्रो नचलाउनुस् ।
१७) त्यसलाई एकत्रित गर्नु र उसलाई पठनीय बनाउनु हाम्रो जिम्मा छ ।
१८) अतः जब हामीले त्यसलाई पढ्छौ तब तपाईले त्यस पढाईको अनुशरण गर्नुस् ।
१९) अनि हाम्रो जिम्मामा छ उसको स्पष्टिकरण गर्नु ।
२०) होइन, होइन तिमी शीघ्र प्राप्त हुने कुरासित प्रेम गर्दछौ ।
ﭖﭗ
ﰔ
२१) र आखिरतलाई (परलोकलाई) छोडिराखेका छौ,
२२) त्यस दिन धेरै अनुहारहरू प्रफुल्लित र गौरवान्वित हुनेछन्,
२३) आफ्नो पालनकर्तातिर (साक्षत्कार प्राप्त गर्न) देखिराखेका हुनेछन् ।
२४) र कैयन् अनुहारहरू त्यस दिन उदास हुनेछन् ।
२५) बुझ्नेछन् कि उनीहरूमाथि ठूलो विपदा आउनेवाला छ ।
२६) होइन–होइन जब प्राण कण्ठसम्म आइपुग्ने छ ।
२७) र भनिनेछः कि कोही झाडफूँक गर्नेवाला छ ?
२८) र त्यसले जान्दछ कि अब सबैबाट विदाईको समय छ ।
२९) र एउटा खुट्टा अर्को खुट्टासित जोडिनेछ ।
३०) आज तिमीले आफ्नो पालनकर्तातिर प्रस्थान गर्नुछ ।
३१) तर उसले नत सत्य मान्यो न नमाज पढ्यो ।
३२) बरु झूठो ठहरायो र विमुख भयो ।
३३) अनि आफ्ना घरवालाहरूको पासमा घमण्ड गर्दै हिंडिहाल्यो ।
३४) अफशोच छ तिमीमाथि, झन् धिक्कार छ ।
३५) धिक्कार छ र खराबी छ तिमीमाथि ।
३६) के मानिसले यो ठान्दछ कि उसलाई यस्तै छाडिदिइनेछ ?
३७) के ऊ एउटा बाक्लो पानीको (वीर्यको) एक थोपा थिएन? जसलाई टपकाइएको थियो ?
३८) फेरि ऊ रगतको डल्लो भयो, अनि अल्लाहले उसलाई पैदा गरी ठिकठाक गर्यो ।
३९) अनि उसका जोडाहरू बनायो, पुरुष र स्त्री ।
४०) त के उसलाई यस कुरामा सामथ्र्य छैन कि मृतकहरूलाई जीवित पारिहलोस् ।
