ترجمة معاني سورة الطور باللغة الطاجيكية من كتاب الترجمة الطاجيكية

آية رقم 1

ﮞ ﮟ ​

1.       Ва Аллоҳ таъоло савганд ёд мекунад: Савганд ба кӯҳи Тур.(1)
____________________
1. Яъне, он кӯҳест, ки Аллоҳу таъоло бо Мӯсо дар он сухан гуфтааст. Тафсири Саъдӣ 1/813

آية رقم 2

ﮠﮡ ﮢ ​

2.       Ва савганд ба китоби навишташуда(1),
____________________
1. Эҳтимол аст, ки он Лавҳи Маҳфуз бошад.

آية رقم 3

ﮣﮤﮥ ﮦ ​

3.       дар саҳифаҳои кушодашуда навишта шудааст, ки бар ҳеҷ оқил ва бинандае пӯшида нест.

آية رقم 4

ﮧﮨ ﮩ ​

4.       Ва савганд ба Байтулмаъмур, ки дар осмон аст ва малоикаҳои киром доим дар гирди он тавоф мекунанд.

آية رقم 5

ﮪﮫ ﮬ ​

5.       Ва савганд ба сақфи барафрошта ва он осмони дунё аст.

آية رقم 6

ﮭﮮ ﮯ ​

6.       Ва савганд ба дарёи пуркардашуда,

آية رقم 7

ﮰﮱﯓﯔ ﯕ ​

7.       Бегумон (эй Паёмбар), азоби Парвардигорат, бар кофирон ҳатман воқеъ шуданист.

آية رقم 8

ﯖﯗﯘﯙ ﯚ ​

8.       Ва онро ҳангоми воқеъ шуданаш дафъкунандае нест.

آية رقم 9

ﯛﯜﯝﯞ ﯟ ​

9.       Рӯзе ки осмон сахт такон хӯрад ба такон хӯрдани сахт, пас низоми он вайрон ва аҷзояш пора пора шавад ва дар он вақт ҳаёти дунё ба охир расад.

آية رقم 10

ﯠﯡﯢ ﯣ ​

10.   Ва дар он рӯз кӯҳҳо аз ҷои худ канда зуд равон шаванд, мисли абрҳое, ки равон мешаванд.(1)
____________________
1. Тафсири Табарӣ 22\462

آية رقم 11

ﯤﯥﯦ ﯧ ​

11.   Пас вой, (ҳалокӣ бод) дар он рӯз бар дурӯғбарорандагон,

آية رقم 12

ﯨﯩﯪﯫﯬ ﯭ ​

12.   касоне, ки дар беҳудагӯӣ машғуланд ва динашонро ба бозию беҳудагӣ иваз мекунанд!,(1)
____________________
1. Тафсири Ибни Касир 7\431

آية رقم 13

ﯮﯯﯰﯱﯲﯳ ﯴ ​

13.   Рӯзе, ки онҳоро ба қаҳр ва сахтӣ ба ҷониби ҷаҳаннам равона кунанд.

آية رقم 14

ﯵﯶﯷﯸﯹﯺ ﯻ ​

14.   Ба онҳо аз рӯи сарзаниш гуфта шавад: Ин аст он оташе, ки дар дунё дурӯғаш мешумурдед.

آية رقم 15

ﭑﭒﭓﭔﭕﭖ ﭗ ​

15.   Оё ин чизе, ки ҳам акнун мебинед ва мушоҳида мекунед (аз азоб), ҷоду аст ё шумо намебинед?

آية رقم 16

ﭘﭙﭚﭛﭜﭝﭞﭟﭠﭡﭢﭣﭤ ﭥ ​

16.   Ба оташ дароед. Хоҳ бар азоби он сабр кунед ё сабр накунед, баробар аст бар шумо, пас ҳаргиз аз шумо азобро сабук карда намешавад ва ҳаргиз аз он берун намеоед. Ҳароина, шумо дар баробари корҳое, ки дар дунё мекардаед, ҷазо дода мешавед.(1)
____________________
1. Тафсири Саъдӣ 1/814

آية رقم 17

ﭦﭧﭨﭩﭪ ﭫ ​

17.   Ҳароина, парҳезгорон дар биҳиштҳо ва нозу неъмат хоҳанд буд.

آية رقم 18

ﭬﭭﭮﭯﭰﭱﭲﭳ ﭴ ​

18.   Хушҳолшуда ба сабаби он ки онҳоро Парвардигорашон неъмат дод ва онҳоро аз азоби дӯзах нигоҳ дошт.

آية رقم 19

ﭵﭶﭷﭸﭹﭺ ﭻ ​

19.   Бихӯреду бинӯшед аз таъому шаробҳо хушу гуворо ба сабаби аъмоли неке, ки дар дунё анҷом медодед.

آية رقم 20

ﭼﭽﭾﭿﮀﮁﮂﮃ ﮄ ​

20.   Бар он тахтҳои канори ҳам чида такя мезананд ва хонадор кунем онҳоро бо ҳурони зебою шаҳлочашм.(1)
____________________
1. Тафсири Табарӣ 22\467

آية رقم 21

ﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕﮖﮗﮘ ﮙ ​

21.   Касоне, ки худ имон оварда ва фарзандонашон дар имон пайравияшон карданд, фарзандонашонро бо онҳо
дар ҷаннат бирасонем(1) ва аз он подоши амалашон ҳеҷ кам накунем, ҳар кас дар гарави кору кирдори хештан аст ва гуноҳи касеро бар дӯши худ намегирад.
____________________
1. Гарчанде, ки мисли падарҳояшон амал накарда бошанд ҳам, то, ки чашмони падарон ба будани фарзандон дар наздашон шодмон гардад, пас онон дар беҳтарин ҳолат ҷамъ карда мешаванд. Тафсири Бағавӣ 7/388

آية رقم 22

ﮚﮛﮜﮝﮞ ﮟ ​

22.   Ва пайи ҳам ато кунем (зиёда кунем) ба аҳли ҷаннат, аз мева ва гӯшт ҳар навъе, ки мехоҳанд.

آية رقم 23

ﮠﮡﮢﮣﮤﮥﮦﮧ ﮨ ​

23.   Дар ҷаннат аз дасти якдигар пиёлаву ҷомҳои шаробро мегиранд, ки баъди нӯшидани он шароб на беҳудагӯие бошад ва на гуноҳе.(1)
____________________
1. Албатта шароби ҷаннат аз шароби ин дунё фарқ мекунад, яъне, ақлро намебарад ва баъди нӯшиданаш беҳудагӯи ва гуноҳ намешавад. Тафсири Бағавӣ 7/390

آية رقم 24

ﮩﮪﮫﮬﮭﮮﮯﮰ ﮱ ​

24.   Ва барояшон навҷавононе ҳастанд, ки хушсурату покиза ва сафедрӯй гуё мисли гавҳаранд дар дохили садаф, бар гирдогирди онҳо биҳиштиён мегарданд ва ба хидмати онҳо омодаанд.

آية رقم 25

ﯓﯔﯕﯖﯗ ﯘ ​

25.   Ва аҳли ҷаннат рӯ ба якдигар рӯй оварда ва аз ҳоли гузаштаи якдигар мепурсанд; ки чӣ ранҷҳое дидаанд.

آية رقم 26

ﯙﯚﯛﯜﯝﯞﯟ ﯠ ​

26.   Гӯянд: «Албатта мо пеш аз ин дар дунё, дар миёни хонадони худ (аз азоби илоҳӣ) тарсон будем.

آية رقم 27

ﯡﯢﯣﯤﯥﯦ ﯧ ​

27.   Пас, Аллоҳ бар мо миннат ниҳод, (яъне, ҳидоят ва тавфиқ дод) ва моро аз азоби самум(1) нигаҳ дошт.
____________________
1. Самум боди гарму сӯзонест дар дузах.

آية رقم 28

ﯨﯩﯪﯫﯬﯭﯮﯯﯰﯱ ﯲ ​

28.   Ҳароина, мо пеш аз ин Ӯро ба ягонагӣ мехондем(1) ва Ӯро парастиш мекардем ва аз Ӯ мепурсидем, моро аз азоби самум нигаҳ дорад ва ба сарои неъмат бирасонад, пас дуоямонро қабул ва ҳоҷатҳоямонро баробар кард, ки албатта, Ӯ эҳсонкунандаву меҳрубон аст!» (Ва аз ҷумлаи некӣ ва меҳрубониаш ба мо ин аст, ки аз мо хушнуд гардид ва моро вориди биҳишт гардонд ва аз нохушнудии хеш ва азоби ҷаҳаннам наҷот дод).(2)
____________________
1. Яъне, Ӯро ибодат мекардем ва ба Ӯ шарик намеовардем ва аз Ӯ мепурсидем, ки моро аз азоби самум наҷот диҳад ва ба неъматҳояш бирасонад. Тафсири Саъдӣ 1/815 2. Тафсири Саъдӣ 1/815

آية رقم 29

ﯳﯴﯵﯶﯷﯸﯹﯺ ﯻ ​

29.   Пас, эй Расул, панд деҳ инсонҳоро ба оятҳои Қуръон, зеро ту ба фазлу марҳамати Аллоҳ коҳин (ғайбгӯву) девона нестӣ! Чунонки кофирон ин гуна нисбатҳои дурӯғро бар ту мезананд.(1)
____________________
1. Тафсири Бағавӣ 7\391

آية رقم 30

ﯼﯽﯾﯿﰀﰁﰂ ﰃ ​

30. Ё мушрикон мегӯянд туро эй Расул: «Ӯ шоир аст, мунтазири марги ӯ ҳастем».

آية رقم 31

ﰄﰅﰆﰇﰈﰉ ﰊ ​

31.    Бигӯ барояшон: Шумо мунтазири марги ман бимонед, ки ҳароина, ман низ азоби шуморо интизорӣ мекашам. Ва зуд аст, ки мебинед оқибати кор аз они кист.

آية رقم 32

ﭑﭒﭓﭔﭕﭖﭗﭘﭙ ﭚ ​

32.    Оё мушриконро ақлҳояшон ба ин суханҳои мутаноқиз(1) амр мекунад. Ё ки онҳо худ қавми таҷовузкор ҳастанд.(2)
____________________
1. Яъне, Қуръон сеҳр, ё каҳонат, ё шеър аст, дастур медиҳад? Ҳеҷ мумкин нест, ки ин сифатҳо дар як замон бо ҳам ҷамъ шаванд. 2. Яъне, ҳақиқат ҳамин аст, ки саркашиашон аз роҳи ҳақ онҳоро ба гуфтани чунин суханҳо водор сохтааст.

آية رقم 33

ﭛﭜﭝﭞﭟﭠﭡ ﭢ ​

33.    Ё, ки мушрикон мегӯянд: Қуръонро Муҳаммад аз пеши худ бофтааст! Балки, онҳо имон намеоваранд! Пас агар имон меоварданд, чунин суханҳоро намегуфтанд.(1)
____________________
1. Тафсири Саъдӣ 1/816

آية رقم 34

ﭣﭤﭥﭦﭧﭨ ﭩ ​

34.    Пас, сухане монанди Қуръон биёваранд, агар ростгӯй бошанд дар даъвоҳояшон, (ки Муҳаммад онро аз назди худ бофтааст).(1)
____________________
1. Тафсири Бағавӣ 7/392

آية رقم 35

ﭪﭫﭬﭭﭮﭯﭰﭱ ﭲ ​

35.   Оё ин мушрикон бе ҳеҷ офаридагоре халқ карда шудаанд ё ки худашон офаридагоранд? Ҳарду эҳтимолот ботил ва номумкин мебошанд. Пас муъайян шуд, ки Аллоҳ таъоло худ онҳоро халқ кардааст ва Ӯ ягона сазовори ибодат аст.(1)
____________________
1. Тафсири Саъдӣ 1/816

آية رقم 36

ﭳﭴﭵﭶﭷﭸﭹﭺ ﭻ ​

36.   Оё осмонҳову заминро халқ кардаанд? На! Балки, онҳо боварӣ ба азоби Аллоҳ надоранд, пас онҳо мушриканд.

آية رقم 37

ﭼﭽﭾﭿﮀﮁﮂ ﮃ ​

37.   Оё хазинаҳои Парвардигорат назди онҳост ҳар гуна, ки хоҳанд дар он тасарруф мекунанд, ё ки онҳо ғолибу пурқувват ҳастанд бар махлуқҳои Аллоҳ? На! ҳаргиз чунин нест, балки онҳо оҷизу нотавон ҳастанд.

آية رقم 38

ﮄﮅﮆﮇﮈﮉﮊﮋﮌﮍ ﮎ ​

38.   Оё нардбоне доранд, ки ба воситаи он ба сӯи осмон баромада асрори ваҳйро мешунаванд? Пас бояд шунавандаи онҳо бар ин даъво далелу ҳуҷҷати равшанеро биёрад, ки гӯё дар ҳақиқат хабардор аст аз амри Аллоҳ.

آية رقم 39

ﮏﮐﮑﮒﮓ ﮔ ​

39.    Оё Аллоҳро духтарон асту шуморо писарон чунонки даъвои дурӯғ мекунед?

آية رقم 40

ﮕﮖﮗﮘﮙﮚﮛ ﮜ ​

40.    Оё ту эй Паёмбар аз мушрикон музде металабӣ барои таблиғи рисолат, пас онҳо аз додани он музд машаққат мекашанд?(1)
____________________
1. Тафсири Саъдӣ 1/816

آية رقم 41

ﮝﮞﮟﮠﮡ ﮢ ​

41.    Ё илми ғайб пеши онҳост, пас онҳо ҳар чи бихоҳанд менависанд онро барои одамон ва хабардорашон мекунанд? Не, инчунин нест, пас ба дурустӣ намедонад ҳеҷ кас илми ғайбро дар замину осмонҳо, магар Аллоҳ.(1)
____________________
1. Тафсири Табарӣ 22/484

آية رقم 42

ﮣﮤﮥﮦﮧﮨﮩﮪ ﮫ ​

42.    Ё мехоҳанд ба Расулаллоҳ ва мӯъминон ҳиллае кунанд? Пас онҳое, ки кофиранд, бармегардад ҳиллаашон ба худашон.

آية رقم 43

ﮬﮭﮮﮯﮰﮱﯓﯔﯕﯖ ﯗ ​

43.    Ё онҳоро маъбудест, ки сазовори ибодат аст ғайр аз Аллоҳи барҳақ? Пок аст Аллоҳ аз ҳар чӣ шарикаш месозанд, пас нест Ӯро шарик дар подшоҳии Ӯ ва на дар ягонагии Ӯ ва на дар ибодати Ӯ.(1)
____________________
1. Тафсири Саъдӣ 1/816

آية رقم 44

ﯘﯙﯚﯛﯜﯝﯞﯟﯠ ﯡ ​

44.   Ва агар мушрикон, порае аз абрро аз осмон, барои азобашон афтода бубинанд, боз ҳам аз куфри худ боз намеистанд, балки мегӯянд: Ин абрест бар рӯи ҳам нишастааст ва аз нишонаҳое, ки мебинанд, ибрат намегиранд.(1)
____________________
1. Тафсири Бағавӣ 7/394

آية رقم 45

ﯢﯣﯤﯥﯦﯧﯨ ﯩ ​

45.   Пас, эй Паёмбар мушриконро ба ҳоли худ вогузор, то ба он рӯзе бирасанд, ки дар он рӯз аз сахтии он беҳуш мешаванд ва он рӯз қиёмат аст.

آية رقم 46

ﯪﯫﯬﯭﯮﯯﯰﯱﯲ ﯳ ​

46.   Рӯзе, ки найрангашон чизе аз азоби Аллоҳро аз онон дур намекунад ва ба онҳо мададу ёрӣ дода намешавад.

آية رقم 47

ﯴﯵﯶﯷﯸﯹﯺﯻﯼﯽ ﯾ ​

47.   Ва ҳароина, барои касоне, ки ситам мекунанд, азобест дар дунё пеш аз омадани азоби қиёмат,(1) вале бештаринашон намедонанд.
____________________
1. Яъне, кушта мешаванд ва асир мешаванд ва ба азоби барзах дучор мешаванд. Тафсири Саъдӣ 1/818

آية رقم 48

ﯿﰀﰁﰂﰃﰄﰅﰆﰇﰈﰉ ﰊ ​

48.   Ва эй Паёмбар дар баробари озору азияти кофирон ба фармони Парвардигорат сабр кун. Ҳароина, ту зери назари Мо ҳастӣ. Яъне, ҳамеша дар ҳифзи Мо мебошӣ. Ва чун аз хоб бармехезӣ, бо ситоиши Парвардигорат тасбеҳ гӯй!(1)
____________________
1. Дар ин оят исботи сифати ду чашм аст, ки лоиқ ба зоти бузургии Худаш мебошад бемисл ва бемонанд, чунонки дар суннат омадааст ва уламо ҳама бар ин ақидаанд. Лафз ба шакли ҷамъ омадааст, ки мақсад аз он таъзим мебошад.

آية رقم 49

ﰋﰌﰍﰎﰏ ﰐ ​

49. Ва дар қисме аз шаб Ӯро ба покӣ ёд кун ва низ баъди ғоиб шудани ситорагон дар вақти саҳар ба покӣ ёд кун!