ترجمة معاني سورة الملك باللغة ماراناو من كتاب Maranao - Maranao translation

آية رقم 1

ﭑﭒﭓﭔﭕﭖﭗﭘﭙ ﭚ ​

Maporo so (Allah a) zisii sa tangan Iyan so kapaar; go Skaniyan sii ko langowan taman na Gaos Iyan,

آية رقم 2

ﭛﭜﭝﭞﭟﭠﭡﭢﭣﭤﭥﭦ ﭧ ​

So miyadn ko kapatay ago so kawyag, ka ang kano Niyan katpngi o antawaa rkano i mapiya i galbk: Na Skaniyan so Domadaag, a Manapi,

آية رقم 3

ﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻ ﭼ ​

So miyadn ko pito a manga langit a miyaka phapangkata: da a khaylaing ka ko kiyapangadn o Masalinggagaw a sombang. Na pharomaning ka milay: Ba adn a khaylaing ka on a manga opak?

آية رقم 4

ﭽﭾﭿﮀﮁﮂﮃﮄﮅﮆ ﮇ ​

Oriyan iyan na pharomaning ka milay sa makadowa: Ka makambalingan rka so kaylay a kalolobayan, a skaniyan na lalamnn.

آية رقم 5

ﮈﮉﮊﮋﮌﮍﮎﮏﮐﮑﮒﮓﮔ ﮕ ​

Na sabnsabnar a phipharasan Ami so langit a marani sa manga bitoon, go biyaloy Ami oto a manga lbad ko manga shaytan; go pithiyagaran Ami siran sa siksa a kadg.

آية رقم 6

ﮖﮗﮘﮙﮚﮛﮜﮝ ﮞ ​

Na bagian o siran a miyamangongkir ko Kadnan iran so siksa ko naraka Jahannam: Na miyakaratarata a khabolosan!

آية رقم 7

ﮟﮠﮡﮢﮣﮤﮥﮦ ﮧ ​

Amay ka pamozangn siran on na makan´g siran on sa dalg a skaniyan na phlikabo,

آية رقم 8

ﮨﮩﮪﮫﮬﮭﮮﮯﮰﮱﯓﯔﯕﯖ ﯗ ​

Mayto bo na makapzisibaya phoon sa gani. Oman i phozangn on a salompok na izaan siran o khisisiyap on: "Ba da a miyakatalingoma rkano a pphamakaiktiyar?"

آية رقم 9

ﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩ ﯪ ​

Tharoon iran: "Oway; sabnar a miyakaoma rkami so pphamakaiktiyar, na piyakambokhag ami ago pitharo ami: ´Da a piyakatoron o Allah a mayto bo, da ko skano inonta na matatago ko karibat a mala´!"

آية رقم 10

ﯫﯬﯭﯮﯯﯰﯱﯲﯳﯴﯵ ﯶ ​

Go tharoon iran: "Opama ka miyakapamamakin´g kami, odi na miyakapamimikiran kami, na di kami mabaloy a pd ko manga taw ko kadg!"

آية رقم 11

ﯷﯸﯹﯺﯻ ﯼ ​

Na mipagikral iran so dosa iran; na kapakawatan ko limo a bagian o manga taw ko kadg!

آية رقم 12

ﯽﯾﯿﰀﰁﰂﰃﰄﰅ ﰆ ​

Mataan! a so ikaalk iran so Kadnan iran sa masoln, na adn a bagian iran a maap, go balas a mala.

آية رقم 13

ﭑﭒﭓﭔﭕﭖﭗﭘﭙﭚ ﭛ ​

Na pnanayn iyo so katharo iyo odi na pakatanogn iyo skaniyan. Mataan! a Skaniyan na katawan Iyan so zisii ko manga rarb.

آية رقم 14

ﭜﭝﭞﭟﭠﭡﭢ ﭣ ​

Ba Niyan di katawi so inadn Iyan? A Skaniyan so Lambasi-katao, a Kaip.

آية رقم 15

ﭤﭥﭦﭧﭨﭩﭪﭫﭬﭭﭮﭯﭰﭱﭲ ﭳ ​

Skaniyan so biyaloy Niyan rkano so lopa a phapasiyonot, na lalakaw kano ko mbalabala on, go kang kano ko pagpr o Allah. Na sii Rkaniyan so kaphangoyag zaroman.

آية رقم 16

ﭴﭵﭶﭷﭸﭹﭺﭻﭼﭽﭾ ﭿ ​

Ba kano sasarig ko Skaniyan a zisii ko langit sa di kano Niyan landngn ko lopa amay ka skaniyan na mabirbir?

آية رقم 17

ﮀﮁﮂﮃﮄﮅﮆﮇﮈﮉﮊﮋﮌ ﮍ ​

Antawaa ba kano sasarig ko Skaniyan a zisii ko langit sa di kano Niyan botawanan sa ndo (a maka-aawid sa ator)? Na katokawan iyo bo o antonaa so kapphamakaiktiyar Akn!

آية رقم 18

ﮎﮏﮐﮑﮒﮓﮔﮕ ﮖ ​

Na sabnsabnar a piyakambokhag o siran a miyaonaan iran (so manga rasol), na antonaa i miyambtad o kiyaalina Ko (kiran)?

آية رقم 19

ﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧ ﮨ ​

Ba iran da maylay so manga papanok ko kaporoan iran a khikakayat sa papak go ipkhakp iran? da a makakakapt kiran inonta so Masalinggagaw. Mataan! a Skaniyan sii ko langowan taman na phagilayn Iyan.

آية رقم 20

ﮩﮪﮫﮬﮭﮮﮯﮰﮱﯓﯔﯕﯖﯗﯘﯙ ﯚ ​

Ba adn a taw a giyaya so skaniyan na tantara iyo a phakatabang rkano a salakaw ko (Allah a) Masalinggagaw? Da ko miyamangongkir inonta na matatago ko kalilimpang.

آية رقم 21

ﯛﯜﯝﯞﯟﯠﯡﯢﯣﯤﯥﯦﯧ ﯨ ​

Ba adn a taw a giyaya so phakabgay rkano sa riskhi, amay ka rnn (o Allah) so rizkhi Niyan? Kna, ka piyakapamts iyo so kathakabor, ago so kaphapalagoy;

آية رقم 22

ﯩﯪﯫﯬﯭﯮﯯﯰﯱﯲﯳﯴ ﯵ ​

Ino so taw a pphlalakaw a iggpha niyan a paras iyan, aya makaoontol antawaa so taw a pphlalakaw a mbabatang ko lalan a matitho?

آية رقم 23

ﯶﯷﯸﯹﯺﯻﯼﯽﯾﯿﰀﰁﰂ ﰃ ​

Tharoang ka a: "Skaniyan so miyadn rkano go sominggay rkano ko kan´g, ago so manga kaylay, go so manga poso. Miyakayto ito a kapphanalamat iyo!"

آية رقم 24

ﰄﰅﰆﰇﰈﰉﰊﰋ ﰌ ​

Tharoang ka a: "Skaniyan so miyarmbad rkano ko lopa, go Ron kano plimoda."

آية رقم 25

ﰍﰎﰏﰐﰑﰒﰓ ﰔ ​

Na gi iran tharoon a: Anda dn angkai a diyandi o skano na mmamataan kano?

آية رقم 26

ﰕﰖﰗﰘﰙﰚﰛﰜﰝ ﰞ ​

Tharoang ka a: "So katawi ron na sii bo ko Allah, ka sakn na matag pphamakaiktiyar a mapayag."

آية رقم 27

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

Na amay ka maylay ran skaniyan a marani, na makarimng so manga paras o siran a miyamangongkir; na adn a ptharo: "So giyai so skano na pphangnin iyo skaniyan."

آية رقم 28

ﭟﭠﭡﭢﭣﭤﭥﭦﭧﭨﭩﭪﭫﭬﭭ ﭮ ​

Tharoang ka a: "Ay gda iyo amay ka binasaan ako o Allah ago so manga pd akn, odi na ikalimo kami Niyan, na antawaa i makalinding ko miyamangongkir phoon ko siksa a malipds?"

آية رقم 29

ﭯﭰﭱﭲﭳﭴﭵﭶﭷﭸﭹﭺﭻﭼ ﭽ ​

Tharoang ka a: "Skaniyan so Masalinggagaw: Piyaratiyaya mi Skaniyan, go Skaniyan bo i siyarigan ami: Na katokawan iyo bo o antawaa i skaniyan i matatago ko karibat a mapayag."

آية رقم 30

ﭾﭿﮀﮁﮂﮃﮄﮅﮆﮇ ﮈ ​

Tharoang ka a: "Ay gda iyo amay ka mabaloy so ig iyo a somnp, na antawaa i katalingomaan kano niyan sa ig a pthoga?"