ترجمة معاني سورة الإنفطار باللغة الكردية من كتاب Burhan Muhammad - Kurdish translation

آية رقم 1

ﭑﭒﭓ ﭔ ​

کاتێك ئاسمان له‌ت له‌ت و پارچه پارچه ده‌بێت.

آية رقم 2

ﭕﭖﭗ ﭘ ​

کاتێك ئه‌ستێره و هه‌ساره‌کان په‌رش و بلاو ده‌بنه‌وه و ورد و خاش ده‌بن.

آية رقم 3

ﭙﭚﭛ ﭜ ​

کاتێك ده‌ریاکان ده‌ته‌قێنرێنه‌وه‌.

آية رقم 4

ﭝﭞﭟ ﭠ ​

کاتێك که گۆره‌کان ژێره و ژوور ده‌کرێن (مردووه‌کانی ناویان ده‌هێنرێنه ده‌ره‌وه و زیندوو ده‌کرێنه‌وه‌).

آية رقم 5

ﭡﭢﭣﭤﭥ ﭦ ​

ئه‌وسا هه‌رکه‌س ده‌زانێت چی پێشخستووه و چی دواخستووه‌، چی ده‌ستپێشکه‌ری کردووه و چیشی هێشتۆته‌وه (له کارو کرده‌وه‌ی چاك، یان خراپ که خه‌ڵکی دوای خۆی چاویان لێ کردووه‌).

آية رقم 6

ﭧﭨﭩﭪﭫﭬ ﭭ ​

ئه‌ی ئینسان!! تۆ چی وای لێکردویت که سه‌رکه‌ش بیت به‌رامبه‌ر په‌روه‌ردگاری میهره‌بان و به‌ڕێزت؟ چی وای لێکردویت که وه‌کو پێویست قه‌دری نه‌زانیت؟ (نافه‌رمان و یاخی بیت؟).

آية رقم 7

ﭮﭯﭰﭱ ﭲ ​

(به‌مه‌رجێك) ئه‌و په‌روه‌ردگاره تۆی دروست کردووه‌، به ڕێكوپێکترین شێوه‌، به‌جوانترین شێواز (ئه‌ندامه‌کان هه‌موو له‌شوێنی تایبه‌تی خۆیاندا دانراون که بتوانن کارو فرنانی خۆیان به‌چاکی ئه‌نجام بده‌ن و ئه‌و ئه‌ندامانه‌ش که جووتن قه‌باره و درێژی و شێوه‌یان چوونیه‌که‌، جگه له‌وه‌ی که یارمه‌تی و ته‌باییه‌کی ته‌واو هه‌یه له‌نێوانیاندا و هه‌مووان هاوکارن).

آية رقم 8

ﭳﭴﭵﭶﭷﭸ ﭹ ​

له‌هه‌ر شێوه و شێوازێكدا که ویستوویه‌تی تۆی ڕێکخستووه و ئه‌ندامه‌کانتی به‌یه‌که‌وه لکاندووه‌.

آية رقم 9

ﭺﭻﭼﭽ ﭾ ​

واز بهێنن له بێ ئاگایی، (نه‌ده‌بوو وابێت به‌رامبه‌ر ئه‌و په‌روه‌ردگاره جوانکاره‌ت، سه‌ره‌ڕای ئه‌و هه‌موو ڕوون کردنه‌وانه‌) به‌ڵکو بڕوا به‌ڕۆژی پاداشت ناکه‌ن!!

آية رقم 10

ﭿﮀﮁ ﮂ ​

بێگومان ئێوه چاودێرتان له‌سه‌ر دانراوه‌.

آية رقم 11

ﮃﮄ ﮅ ​

له فریشته به‌ڕێزه تۆمارکاره‌کان.

آية رقم 12

ﮆﮇﮈ ﮉ ​

که ئاگاو زانان به‌هه‌وو ئه‌و کرده‌وه و ڕه‌فتارانه‌ی که ئه‌نجامی ده‌ده‌ن.

آية رقم 13

ﮊﮋﮌﮍ ﮎ ​

(سه‌رئه‌نجام) به‌ڕاستی چاکان، خواناسان له‌ناو نازو نیعمه‌تدا ژیانی پڕ له شادی و خۆشی ده‌به‌نه‌سه‌ر.

آية رقم 14

ﮏﮐﮑﮒ ﮓ ​

بێگومان تاوانبارو تاوانکاره‌کانیش له‌ناو دۆزه‌خدا ژیانی پڕ له ئێش و ئازار ده‌به‌نه‌سه‌ر.

آية رقم 15

ﮔﮕﮖ ﮗ ​

که له ڕۆژی قیامه‌تدا ده‌خرێنه ناوی و دووچاری ده‌بن.

آية رقم 16

ﮘﮙﮚﮛ ﮜ ​

له‌ناویدا ئه‌وان به‌هیچ شێوه‌یه‌ك ڕزگاریان نابێت و ناتوانن لێی دووربکه‌نه‌وه و خۆیانی لێ بشارنه‌وه‌.

آية رقم 17

ﮝﮞﮟﮠﮡ ﮢ ​

جا تۆ ئه‌ی ئینسان چووزانیت ڕۆژی قیامه‌ت چیه و چۆنه‌؟!

آية رقم 18

ﮣﮤﮥﮦﮧﮨ ﮩ ​

پاشان تۆ چووزانیت ئه‌و ڕۆژه چۆن ڕۆژێکه‌، (چه‌ند سه‌خته‌، چه‌ند سامناکه‌، چه‌نده پڕ له مه‌ینه‌ته‌).

آية رقم 19

ﮪﮫﮬﮭﮮﮯﮰﮱﯓﯔ ﯕ ​

ئه‌و ڕۆژه که‌س فریای که‌س ناکه‌وێت، که‌س هیچ شتێکی له ده‌ست نایه‌ت بۆ که‌سانی تر، ئه‌و ڕۆژه هه‌موو شتێك به‌ده‌ست خوایه‌، فه‌رمان ته‌نها فه‌رمانی په‌روه‌ردگاری دادپه‌روه‌ره‌.