ترجمة سورة الغاشية باللغة اليورباوية

آية رقم 1

ﭽﭾﭿﮀ ﮁ

Ǹjẹ́ ọ̀rọ̀ nípa ohun t’ó máa bo ẹ̀dá mọ́lẹ̀ ti dé ọ̀dọ̀ rẹ?

آية رقم 2

ﮂﮃﮄ ﮅ

Àwọn ojú kan yóò wálẹ̀ (ní ti ìyẹpẹrẹ) ní ọjọ́ yẹn.

آية رقم 3

ﮆﮇ ﮈ

Oníṣẹ́ àṣekúdórógbó (ni wọ́n nílé ayé).

آية رقم 4

ﮉﮊﮋ ﮌ

Wọ́n máa wọ inú Iná t’ó gbóná janjan (ní ọ̀run).

آية رقم 5

ﮍﮎﮏﮐ ﮑ

Wọ́n sì máa fún (wọn) ní omi gbígbóná mu.

آية رقم 6

ﮒﮓﮔﮕﮖﮗ ﮘ

Kò sí oúnjẹ kan fún wọn àyàfi igi ẹlẹ́gùn-ún gbígbẹ.

آية رقم 7

ﮙﮚﮛﮜﮝﮞ ﮟ

Kò níí mú wọn sanra. Kò sì níí rọ̀ wọ́n lọ́rọ̀ nínú ebi.

آية رقم 8

ﮠﮡﮢ ﮣ

Àwọn ojú kan yó sì kún fún ìgbádùn ní ọjọ́ yẹn

آية رقم 9

ﮤﮥ ﮦ

nítorí pé (ó) yọ́nú sí (ẹ̀san) iṣẹ́ rẹ̀.

آية رقم 10

ﮧﮨﮩ ﮪ

(Ó máa) wà nínú Ọgbà Ìdẹ̀ra gíga.

آية رقم 11

ﮫﮬﮭﮮ ﮯ

Wọn kò níí gbọ́ ìsọkúsọ nínú rẹ̀.

آية رقم 12

ﮰﮱﯓ ﯔ

Omi ìṣẹ́lẹ̀rú t’ó ń ṣàn wà nínú rẹ̀.

آية رقم 13

ﯕﯖﯗ ﯘ

Àwọn ibùsùn tí wọ́n gbé sókè wà nínú rẹ̀,

آية رقم 14

ﯙﯚ ﯛ

àti àwọn ife ìmumi tí wọ́n gbé kalẹ̀ (sí àrọ́wọ́tó wọn),

آية رقم 15

ﯜﯝ ﯞ

àti àwọn ìrọ̀rí tí wọ́n tò sí ẹ̀gbẹ́ ara wọn,

آية رقم 16

ﯟﯠ ﯡ

àti àwọn ìtẹ́ àtẹ́ẹ̀ká.

آية رقم 17

ﯢﯣﯤﯥﯦﯧ ﯨ

Nítorí náà, ṣé wọn kò wo ràkúnmí, bí A ti ṣẹ̀dá rẹ̀ ni;

آية رقم 18

ﯩﯪﯫﯬ ﯭ

àti sánmọ̀, bí A ti ṣe gbé e sókè;

آية رقم 19

ﯮﯯﯰﯱ ﯲ

àti àpáta, bí A ti ṣe gbé e nàró (sínú ilẹ̀);

آية رقم 20

ﯳﯴﯵﯶ ﯷ

àti ilẹ̀, bí A ti ṣe tẹ́ ẹ sílẹ̀ ní gban̄sasa?

آية رقم 21

ﯸﯹﯺﯻ ﯼ

Nítorí náà, ṣèrántí. Ìwọ kúkú ni olùṣèràntí.

آية رقم 22

ﯽﯾﯿ ﰀ

Ìwọ kì í ṣe ajẹni-nípá lórí wọn

آية رقم 23

ﭑﭒﭓﭔ ﭕ

àfi ẹni tí ó bá pẹ̀yìndà (sí òdodo), tí ó sì ṣàì gbàgbọ́.

آية رقم 24

ﭖﭗﭘﭙ ﭚ

Allāhu sì máa jẹ ẹ́ níyà t’ó tóbi jùlọ.

آية رقم 25

ﭛﭜﭝ ﭞ

Dájúdájú ọ̀dọ̀ Wa ni àbọ̀ wọn wà.

آية رقم 26

ﭟﭠﭡﭢ ﭣ

Lẹ́yìn náà, dájúdájú Àwa l’A máa ṣe ìṣírò-iṣẹ́ wọn.

ترجمة معاني سورة الغاشية باللغة اليورباوية من كتاب الترجمة اليورباوية

الترجمة اليورباوية

الترجمة اليورباوية