ترجمة سورة الليل

Maranao - Maranao translation
ترجمة معاني سورة الليل باللغة ماراناو من كتاب Maranao - Maranao translation .


Ibt ko gagawii igira a pkhikolob (so kalibotng iyan),

Go so dawndaw igira a lominiwanag,

Go so miyadn ko mama, go so babay,

Ka mataan! a so galbk iyo na sabnar a mbidabida.

Na so pman so taw a miyammgay ago miyananggila,

Go tiyanto niyan so mapiya,

Na plbodn Ami ron a (kaparoliya niyan ko) malbod,

Na so pman so taw a miligt go mitharambisa,

Go piyakambokhag iyan so mapiya;

Na plbodn Ami ron a (kaakir iyan ko) margn.

Go di ron phakanggay a gona so tamok iyan amay ka mawlog (ko naraka).

Mataan! a sii Rkami so titho a toroan,

Go mataan! a Rkami so khawri, ago so paganay.

Na piyakiiktiyaran Ko rkano so apoy a pkhadg;

Daa phakasold on a rowar ko marata i okor,

A so tomiyaplis go tomiyalikhod.

Na phakawatan on so miyananggila (sa dosa).

A so pphammgay ko tamok iyan, ka an masoti;

Go kna a ba adn a rk o isa a taw a zisii rkaniyan a limo a mbalasan,

Ogaid na singanin ko kasosoat o Kadnan iyan a Maporo;

Na matatangkd a khasoat dn.
Icon