ترجمة معاني سورة الطور باللغة الأوزبكية من كتاب Uzbek - Uzbek translation

Ўзлари иймон келтириб, зурриётлари уларга иймон билан эргашганларнинг зурриётини уларга қўшдик ва уларнинг амалларидан ҳеч нарсани камайтирмадик. Ҳар бир киши ўз касби гаровидир. (Бу дунёда иймону ислом билан ўтган кишиларнинг агар зурриётлари ҳам иймон билан ўтган бўлса, даражалари унча юқори бўлмаса ҳам, Аллоҳ уларни оталарига қўшиб қўяр экан. Лекин, шу билан бирга оталарнинг амалидан ҳеч бир нарса камайтирилмас экан. Яъни, болаларига олиб берилиб, уларнинг даражаси тенглатилмас экан. Чунки ҳар ким ўзи қилган касб-амалнинг гаровидир, амали яхши бўлса, оқибати ҳам яхши бўлади. Аллоҳ кўрсатмасин, амали ёмон бўлса, оқибати ҳам...)

آية رقم 22

ﮚﮛﮜﮝﮞ ﮟ

Ва Биз уларга хоҳлаган мевалари ва гўштларини муҳайё қилиб қўйдик.

آية رقم 23

ﮠﮡﮢﮣﮤﮥﮦﮧ ﮨ

Улар унда қадаҳларни бир-бирларига узатурлар. У ерда беҳуда сергаплик ва гуноҳ йўқ. (Охират шаробида нохуш ишларнинг биронтаси рўй бермас экан.)

آية رقم 24

ﮩﮪﮫﮬﮭﮮﮯﮰ ﮱ

Ва атрофларида худди садафдаги дурдек ғуломлари айланиб, хизматда юришадир.

آية رقم 25

ﯓﯔﯕﯖﯗ ﯘ

Баъзилари бошқаларидан ўгрилиб сўраша бошладилар.

آية رقم 26

ﯙﯚﯛﯜﯝﯞﯟ ﯠ

Албатта, биз илгари ўз аҳлимиз даврасида У зотдан қўрқувчилардан эдик.

آية رقم 27

ﯡﯢﯣﯤﯥﯦ ﯧ

Бас, Аллоҳ бизга марҳамат қилди ва бизни дўзах азобидан сақлади.

آية رقم 28

ﯨﯩﯪﯫﯬﯭﯮﯯﯰﯱ ﯲ

Албатта, биз илгари Унга дуо қилардик. Албатта, Унинг Ўзи яхшилик қилувчи ва раҳмлидур.

آية رقم 29

ﯳﯴﯵﯶﯷﯸﯹﯺ ﯻ

Бас, эслатгин: сен Роббинг неъмати ила фолбин ҳам эмассан, мажнун ҳам эмассан. (Оятдаги «коҳин» сўзини биз фолбин деб таржима қилдик. Аслида, Арабистон ярим оролида коҳин алоҳида тушунчадир. У жинлар билан алоқаси борлигини ва ғойибдан хабар беришни даъво қилувчи шахсдир. Шунингдек, коҳинлар руҳлар, худолар билан ҳам алоқамиз бор дейишади ва баъзан табиблик даъвосини ҳам қилишади.)

آية رقم 30

ﯼﯽﯾﯿﰀﰁﰂ ﰃ

Балки улар: «У шоир, биз унга ўлим етишини кутамиз», дерлар?

آية رقم 31

ﰄﰅﰆﰇﰈﰉ ﰊ

Сен: «Кутинглар, албатта, мен ҳам сизлар билан бирга кутувчидирман», деб айт.

آية رقم 32

ﭑﭒﭓﭔﭕﭖﭗﭘﭙ ﭚ

Ё ақллари шунга буюрарми ёки улар туғёнга кетган қавмларми?

آية رقم 33

ﭛﭜﭝﭞﭟﭠﭡ ﭢ

Балки, у(Қуръон)ни ўзи тўқиди, дерлар? Йўқ, улар иймон келтирмаслар.

آية رقم 34

ﭣﭤﭥﭦﭧﭨ ﭩ

Агар уларнинг гапи рост бўлса, у(Қуръон)га ўхшаш сўзни келтирсинлар.

آية رقم 35

ﭪﭫﭬﭭﭮﭯﭰﭱ ﭲ

Балки, улар ҳеч нарсадан ҳеч нарса йўқ ўзлари яралгандирлар?! Ёки улар яратувчиларми?

آية رقم 36

ﭳﭴﭵﭶﭷﭸﭹﭺ ﭻ

Балки, улар осмонлару ерни яратгандирлар?! Йўқ, улар ишонмаслар.

آية رقم 37

ﭼﭽﭾﭿﮀﮁﮂ ﮃ

Балки уларнинг ҳузурида Роббингнинг хазиналари бордир?! Ёки улар бошқарувчиларми?

آية رقم 38

ﮄﮅﮆﮇﮈﮉﮊﮋﮌﮍ ﮎ

Балки уларнинг (хабар) эшитадиган нарвонлари бордир?! Ундоқ бўлса, эшитувчилари равшан ҳужжат келтирсинлар. (Мушриклар Муҳаммад алайҳиссаломни ёлғончига чиқарганлар. Хўш, нимага асосланиб бундай қилишган? Ёки уларнинг осмонга қўйган нарвонлари бор-у унга чиқиб, Муҳаммад Пайғамбар эмас, унга ваҳий юборилаётгани йўқ, деган хабарни эшитишдими? Агар ҳақиқатда эшитган бўлсалар, очиқ-ойдин далил кўрсатсинлар.)

آية رقم 39

ﮏﮐﮑﮒﮓ ﮔ

Ёки У зотга қизлару сизларга ўғилларми?!

آية رقم 40

ﮕﮖﮗﮘﮙﮚﮛ ﮜ

Ёки сен улардан ҳақ сўраяпсан-у, улар тўловдан қийналаяптиларми?!

آية رقم 41

ﮝﮞﮟﮠﮡ ﮢ

Балки уларнинг ихтиёрида ғайб (илми) бўлиб, улар ёзиб олаётгандирлар?!

آية رقم 42

ﮣﮤﮥﮦﮧﮨﮩﮪ ﮫ

Балки ҳийла кўрсатишни хоҳларлар?! Бас, кофирлар ҳийлаларининг жазосини тортурлар.

آية رقم 43

ﮬﮭﮮﮯﮰﮱﯓﯔﯕﯖ ﯗ

Балки, уларнинг Аллоҳдан бошқа худолари бордир?! Аллоҳ улар келтираётган ширкдан пок бўлди.

آية رقم 44

ﯘﯙﯚﯛﯜﯝﯞﯟﯠ ﯡ

Агар улар бошларига тушаётган парчани кўрсалар ҳам, тўпланган булут, дерлар.

آية رقم 45

ﯢﯣﯤﯥﯦﯧﯨ ﯩ

Уларни ҳалокатга учрайдиган кунларига йўлиққунларигача тек қўй. (Мушрик ва динсизларни қиёмат кунигача қўйиб бер, нима қилишса қилишаверсин.)

آية رقم 46

ﯪﯫﯬﯭﯮﯯﯰﯱﯲ ﯳ

У кунда ҳийлалари уларга ҳеч қандай фойда бермас ва уларга ёрдам ҳам берилмас.

آية رقم 47

ﯴﯵﯶﯷﯸﯹﯺﯻﯼﯽ ﯾ

Ва, албатта, зулм қилганларга ундан ўзга азоб ҳам бор, лекин кўплари билмаслар. (Яъни, кофир, золимларга охират азобидан ўзга бу дунёнинг азоби ҳам бор ёки қабр азоби бўлиши ҳам мумкин.)

آية رقم 48

ﯿﰀﰁﰂﰃﰄﰅﰆﰇﰈﰉ ﰊ

Бас, Роббинг ҳукмига сабр қил. Албатта, сен кўз ўнгимиздасан, ўрингдан турганингда Роббингга тасбиҳ айт!

آية رقم 49

ﰋﰌﰍﰎﰏ ﰐ

Ва кечаси ҳам. Бас, юлдузлар ботгандан кейин ҳам тасбиҳ айт. (Демак, ҳар доим Аллоҳга боғлиқ бўлмоқ зарур. Имом Молик Зуҳрийдан қилган ривоятларида Ибн Матъамнинг отаси айтадики, «Пайғамбар алайҳиссаломни шом намозида «Ват-Тур» сурасини ўқиётганларини эшитдим. У кишидан кўра овози ширинроқ ва қироати яхшироқ одамни кўрмаганман».)

تقدم القراءة