Verse 1

ﭑ ﭒ ​

૧) તૉ-સીન્-મીમ્

Verse 2

ﭓﭔﭕﭖ ﭗ ​

૨) આ આયતો પ્રકાશિત કિતાબની છે.

Verse 3

ﭘﭙﭚﭛﭜﭝ ﭞ ​

૩) તે લોકોના ઈમાન ન લાવવા પર કદાચ તમે તમારા પ્રાણ ગુમાવી દેશો.

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

૪) જો અમે ઇચ્છતા તો તેમના માટે આકાશ માંથી કોઈ એવી નિશાની ઉતારતા, કે જેની સામે તે લોકોની ગરદનો ઝૂકી પડતી.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

૫) અને તેમની પાસે રહમાન (અલ્લાહ) તરફથી જે પણ નવી શિખામણ આવી, આ લોકો તેના વિરોધ કરનારા બની ગયા.

Verse 6

ﭷﭸﭹﭺﭻﭼﭽﭾ ﭿ ​

૬) તે લોકોએ જુઠલાવ્યું છે, હવે તેમના માટે નજીકમાં જ તેમની જાણકારી આવી પહોંચશે, જેની સાથે તેઓ મશ્કરી કરી રહ્યા છે.

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

૭) શું તે લોકોએ ધરતી પર જોયું નથી કે, અમે તેમાં દરેક પ્રકારની ઉત્તમ જોડીઓ કેવી રીતે ઊપજાવી છે ?

Verse 8

ﮌﮍﮎﮏﮐﮑﮒﮓﮔ ﮕ ​

૮) નિ:શંક તેમાં નિશાની છે અને તે લોકો માંથી વધારે પડતા લોકો ઈમાન નથી લાવતા.

Verse 9

ﮖﮗﮘﮙﮚ ﮛ ​

૯) અને ખરેખર તમારો પાલનહાર તે (અલ્લાહ) જ વિજયી અને દયાળુ છે.

Verse 10

ﮜﮝﮞﮟﮠﮡﮢﮣ ﮤ ​

૧૦) અને જ્યારે તમારા પાલનહારે મૂસા અ.સ.ને પોકાર્યા, કે તમે અત્યાચારી કોમ તરફ જાઓ.

Verse 11

ﮥﮦﮧﮨﮩ ﮪ ​

૧૧) ફિરઔનની કોમ પાસે, શું તે ડરવાવાળા નહીં બને ?

Verse 12

ﮫﮬﮭﮮﮯﮰ ﮱ ​

૧૨) મૂસા અ.સ.એ કહ્યું, મારા પાલનહાર ! મને તો ડર લાગે છે કે ક્યાંક તેઓ મને જુઠલાવી (ન) દે.

Verse 13

ﯓﯔﯕﯖﯗﯘﯙﯚ ﯛ ​

૧૩) અને મારું હૃદય તંગ થઇ રહ્યું છે, મારી જબાન ચાલતી નથી, બસ ! તું હારૂન તરફ પણ (વહી) ઉતાર.

Verse 14

ﯜﯝﯞﯟﯠﯡ ﯢ ​

૧૪) અને મારા પર તેમનો એક ભૂલનો (દાવો) પણ છે, મને ડર લાગે છે કે ક્યાંક તેઓ મને મારી ન નાંખે.

Verse 15

ﯣﯤﯥﯦﯧﯨﯩﯪﯫ ﯬ ​

૧૫) અલ્લાહએ કહ્યું, આવું ક્યારેય નહીં થાય, તમે બન્ને અમારી નિશાનીઓ લઇને જાઓ, અમે પોતે સાંભળનાર, તમારી સાથે છે.

Verse 16

ﯭﯮﯯﯰﯱﯲﯳ ﯴ ​

૧૬) તમે બન્ને ફિરઔન પાસે જઇને કહો, કે ખરેખર અમે અલ્લાહ તરફથી મોકલવામાં આવ્યા છે.

Verse 17

ﯵﯶﯷﯸﯹ ﯺ ​

૧૭) કે તું અમારી સાથે ઇસ્રાઇલના સંતાનોને મોકલી દે.

Verse 18

ﯻﯼﯽﯾﯿﰀﰁﰂﰃﰄ ﰅ ​

૧૮) ફિરઔને કહ્યું, કે શું અમે અમારે ત્યાં તારું બાળપણમાં પાલન-પોષણ ન કર્યું ? અને તારો ઘણો સમય અમારી સાથે ન વિતાવ્યો ?

Verse 19

ﰆﰇﰈﰉﰊﰋﰌ ﰍ ​

૧૯) પછી તેં કામ કર્યું (અને) કરી ચૂક્યો, અને તું કૃતઘ્ની છે.

Verse 20

ﭑﭒﭓﭔﭕﭖ ﭗ ​

૨૦) મૂસા અ.સ.એ જવાબ આપ્યો કે મેં તે કામને તે સમયે કર્યું હતું, જ્યારે કે મને સત્યમાર્ગનું જ્ઞાન ન હતું.

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

૨૧) પછી તમારા ભયથી હું તમારી પાસેથી ભાગી ગયો, પછી મને મારા પાલનહારે આદેશ અને જ્ઞાન આપ્યું. અને મને તેના પયગંબરો માંથી કરી દીધો.

Verse 22

ﭤﭥﭦﭧﭨﭩﭪﭫ ﭬ ​

૨૨) તારો ઉપકાર મારા પર શું આ જ છે, જે તું જણાવી રહ્યો છે કે તેં ઇસ્રાઇલના સંતાનોને દાસ બનાવી રાખ્યા છે.

Verse 23

ﭭﭮﭯﭰﭱ ﭲ ​

૨૩) ફિરઔને કહ્યું “રબ્બુલ્ આલમીન્” (સૃષ્ટિનો પાલનહાર) શું છે ?

Verse 24

ﭳﭴﭵﭶﭷﭸﭹﭺﭻﭼ ﭽ ​

૨૪) મૂસા અ.સ.એ કહ્યું, તે આકાશો, ધરતી અને તે બન્ને વચ્ચેની દરેક વસ્તુઓનો પાલનહાર છે. જો તમે વિશ્વાસ કરતા હોય.

Verse 25

ﭾﭿﮀﮁﮂ ﮃ ​

૨૫) ફિરઔને પોતાના આજુ-બાજુના લોકોને કહ્યું કે શું તમે સાંભળતા નથી ?

Verse 26

ﮄﮅﮆﮇﮈ ﮉ ​

૨૬) મૂસા અ.સ.એ કહ્યું, તે તમારો અને તમારા પૂર્વજોનો પાલનહાર છે.

Verse 27

ﮊﮋﮌﮍﮎﮏﮐ ﮑ ​

૨૭) ફિરઔને કહ્યું, (લોકો) તમારો આ પયગંબર, જે તમારી તરફ મોકલવામાં આવ્યો છે, તે તો ખરેખર પાગલ છે.

Verse 28

ﮒﮓﮔﮕﮖﮗﮘﮙﮚﮛ ﮜ ​

૨૮) મૂસા અ.સ.એ કહ્યું, તે જ પૂર્વ અને પશ્ચિમ અને તે બન્ને વચ્ચેની દરેક વસ્તુનો પાલનહાર છે, જો તમે બુદ્ધિ ધરાવતા હોવ.

Verse 29

ﮝﮞﮟﮠﮡﮢﮣﮤ ﮥ ​

૨૯) ફિરઔન કહેવા લાગ્યો, સાંભળ ! જો તેં મને છોડીને બીજા કોઈને પૂજ્ય બનાવ્યો તો, હું તને કેદીઓ સાથે નાખી દઇશ.

Verse 30

ﮦﮧﮨﮩﮪ ﮫ ​

૩૦) મૂસા અ.સ.એ કહ્યું, જો હું તારી સામે કોઈ સ્પષ્ટ નિશાની લઇ આવું ?

Verse 31

ﮬﮭﮮﮯﮰﮱﯓ ﯔ ​

૩૧) ફિરઔને કહ્યું, જો તું સાચા લોકો માંથી હોવ, તો તેને લાવ,

Verse 32

ﯕﯖﯗﯘﯙﯚ ﯛ ​

૩૨) મૂસા અ.સ.એ (તે જ સમયે) પોતાની લાકડી નાખી દીધી, જે અચાનક ખુલ્લો અજગર બની ગઇ,

Verse 33

ﯜﯝﯞﯟﯠﯡ ﯢ ​

૩૩) અને પોતાનો હાથ ખેંચ્યો તો, તે પણ તે જ સમયે દરેક જોનારા માટે સફેદ ચમકદાર દેખાવા લાગ્યો.

Verse 34

ﯣﯤﯥﯦﯧﯨﯩ ﯪ ​

૩૪) ફિરઔન પોતાની આજુબાજુ સરદારોને કહેવા લાગ્યો, ભાઇ આ તો ખૂબ જ જાણકાર જાદુગર છે.

Verse 35

ﯫﯬﯭﯮﯯﯰﯱﯲ ﯳ ​

૩૫) આ તો ઇચ્છે છે કે પોતાના જાદુ વડે તમને તમારી ધરતી પરથી કાઢી મૂકે, કહો ! હવે તમે શું આદેશ આપો છો ?

Verse 36

ﯴﯵﯶﯷﯸﯹﯺ ﯻ ​

૩૬) તે સૌએ કહ્યું, કે તમે તેને અને તેના ભાઇને મહેતલ આપો અને દરેક શહેરોમાં પોતાના લોકોને મોકલી દો.

Verse 37

ﯼﯽﯾﯿ ﰀ ​

૩૭) જે તમારી પાસે જાણકાર જાદુગરોને લઇ આવે.

Verse 38

ﰁﰂﰃﰄﰅ ﰆ ​

૩૮) પછી એક નક્કી કરેલ દિવસે, દરેક જાદુગરોને ભેગા કરવામાં આવ્યા,

Verse 39

ﰇﰈﰉﰊﰋ ﰌ ​

૩૯) અને દરેક લોકોને કહી દેવામાં આવ્યું કે તમે પણ સભામાં હાજર રહેજો,

Verse 40

ﭑﭒﭓﭔﭕﭖﭗ ﭘ ​

૪૦) જેથી જો જાદુગરો વિજય પ્રાપ્ત કરે, તો અમે તેમનું જ અનુસરણ કરીશું,

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

૪૧) જાદુગરો આવી ફિરઔનને કહેવા લાગ્યા, કે જો અમે વિજય મેળવી લઇએ તો શું અમને કંઇ ઇનામ મળશે ?

Verse 42

ﭦﭧﭨﭩﭪﭫ ﭬ ​

૪૨) ફિરઔને કહ્યું, હાં, જો એવું થયું તો તમે મારા ખાસ લોકો બની જશો.

Verse 43

ﭭﭮﭯﭰﭱﭲﭳ ﭴ ​

૪૩) મૂસા અ.સ.એ જાદુગરોને કહ્યું, જે કંઇ તમારે નાંખવું હોય, નાખી દો,

Verse 44

ﭵﭶﭷﭸﭹﭺﭻﭼﭽ ﭾ ​

૪૪) તેઓએ પોતાના દોરડા અને લાકડીઓ નાખી દીધી અને કહેવા લાગ્યા કે, ફિરઔનના ઇજજતના સોગંદ ! ખરેખર અમે જ વિજય મેળવીશું.

Verse 45

ﭿﮀﮁﮂﮃﮄﮅﮆ ﮇ ​

૪૫) હવે મૂસા અ.સ.એ પણ પોતાની લાકડી મેદાનમાં નાખી દીધી, જેણે તે જ સમયે તેમના જુઠ્ઠા કરતબને ગળી જવાનું શરું કર્યું

Verse 46

ﮈﮉﮊ ﮋ ​

૪૬) આ જોતાજ જાદુગર તરત જ સિજદામાં પડી ગયા,

Verse 47

ﮌﮍﮎﮏ ﮐ ​

૪૭) અને તેઓએ સ્પષ્ટ કહી દીધું કે અમે તો અલ્લાહ સમગ્રસૃષ્ટિના પાલનહાર પર ઈમાન લાવ્યા,

Verse 48

ﮑﮒﮓ ﮔ ​

૪૮) એટલે કે મૂસા અ.સ. અને હારૂન અ.સ.ના પાલનહાર પર,

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

૪૯) ફિરઔને કહ્યું, કે મારી પરવાનગી પહેલા જ આના પર ઈમાન લઇ આવ્યા ? ખરેખર આ જ તમારો મોટો (સરદાર) છે, જેણે તમને સૌને જાદુ શિખવાડ્યું છે, તમને હમણા જ ખબર પડી જશે. સોગંદ છે, હું હમણાં જ તમારા હાથ અને પગને વિરુદ્ધ દિશા માંથી કાપી નાખીશ. અને તમને સૌને ફાંસીએ લટકાવી દઇશ.

Verse 50

ﮭﮮﮯﮰﮱﯓﯔﯕ ﯖ ​

૫૦) તેમણે કહ્યું, કંઇ વાંધો નથી, અમે તો અમારા પાલનહાર તરફ પાછા ફરવાવાળા જ છે.

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

૫૧) એટલા માટે કે અમે સૌ પ્રથમ ઈમાન લાવનારા બન્યા, અમને આશા છે કે અમારો પાલનહાર અમારા બધા જ પાપોને માફ કરી દેશે.

Verse 52

ﯣﯤﯥﯦﯧﯨﯩﯪﯫ ﯬ ​

૫૨) અને અમે મૂસાને વહી કરી કે રાતની રાતમાં જ મારા બંદાઓને કાઢીને લઇ જા, તમારો સૌનો પીછો કરવામાં આવશે.

Verse 53

ﯭﯮﯯﯰﯱ ﯲ ​

૫૩) ફિરઔને શહેરોમાં પોતાના લોકોને મોકલી દીધા.

Verse 54

ﯳﯴﯵﯶ ﯷ ​

૫૪) કે નિ:શંક આ જૂથના લોકો થોડાંક જ છે.

Verse 55

ﯸﯹﯺ ﯻ ​

૫૫) અને અમને આ લોકો સખત ગુસ્સે કરી રહ્યા છે.

Verse 56

ﯼﯽﯾ ﯿ ​

૫૬) અને ખરેખર અમારું જૂથ મોટું છે, તેમનાથી ચેતીને રહેનારા.

Verse 57

ﰀﰁﰂﰃ ﰄ ​

૫૭) છેવટે અમે તેઓને બગીચા અને ઝરણા વડે,

Verse 58

ﰅﰆﰇ ﰈ ​

૫૮) અને ખજાના વડે ઉત્તમ જગ્યાઓથી કાઢી મુક્યા.

Verse 59

ﰉﰊﰋﰌﰍ ﰎ ​

૫૯) આવી જ રીતે થયું અને અમે તે વસ્તુઓના વારસદાર ઇસ્રાઇલના સંતાનને બનાવ્યા,

Verse 60

ﰏﰐ ﰑ ​

૬૦) બસ ! ફિરઔનના લોકો સૂર્ય ઉગતાની સાથે જ તેમનો પીછો કરવા લાગ્યા.

Verse 61

ﭑﭒﭓﭔﭕﭖﭗﭘ ﭙ ​

૬૧) બસ ! જ્યારે બન્નેએ એકબીજાને જોઇ લીધા, તો મૂસાના મિત્રોએ કહ્યું, ખરેખર અમે તો પકડાઇ ગયા.

Verse 62

ﭚﭛﭜﭝﭞﭟﭠ ﭡ ​

૬૨) મૂસાએ કહ્યું, ક્યારેય નહીં, ખરેખર મારો પાલનહાર મારી સાથે છે, જે જરૂર મને માર્ગ બતાવશે.

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

૬૩) અમે મૂસા તરફ વહી ઉતારી કે દરીયા પર પોતાની લાકડી માર, બસ ! તે જ સમયે દરીયો ફાટી ગયો અને પાણીનો દરેક ભાગ મોટા પર્વતો જેવો થઇ ગયો.

Verse 64

ﭱﭲﭳ ﭴ ​

૬૪) અને અમે તે જ જગ્યાએ બીજાને નજીક લાવી દીધા,

Verse 65

ﭵﭶﭷﭸﭹ ﭺ ​

૬૫) અને મૂસા અ.સ.ને અને તેમના દરેક મિત્રોને છૂટકારો આપ્યો,

Verse 66

ﭻﭼﭽ ﭾ ​

૬૬) પછી બીજા લોકોને ડુબાડી દીધા.

Verse 67

ﭿﮀﮁﮂﮃﮄﮅﮆﮇ ﮈ ​

૬૭) ખરેખર આમાં મોટી શિખામણ છે અને તેમના માંથી વધારે પડતા લોકો ઈમાનવાળા નથી.

Verse 68

ﮉﮊﮋﮌﮍ ﮎ ​

૬૮) અને નિ:શંક તમારો પાલનહાર ઘણો જ પ્રતિષ્ઠિત અને દયાળુ છે.

Verse 69

ﮏﮐﮑﮒ ﮓ ​

૬૯) તે લોકોને ઇબ્રાહીમ અ.સ.નો કિસ્સો પણ સંભળાવી દો,

Verse 70

ﮔﮕﮖﮗﮘﮙ ﮚ ​

૭૦) જ્યારે તેમણે પોતાના પિતા અને પોતાની કોમને કહ્યું કે તમે કોની બંદગી કરો છો ?

Verse 71

ﮛﮜﮝﮞﮟﮠ ﮡ ​

૭૧) તેમણે જવાબ આપ્યો કે મૂર્તિઓની બંદગી કરી રહ્યા છે, અમે તો તેમની ખૂબ જ બંદગી કરનારા છે.

Verse 72

ﮢﮣﮤﮥﮦ ﮧ ​

૭૨) તેમણે કહ્યું કે જ્યારે તમે તેમને પોકારો છો, તો શું તેઓ સાંભળે છે ?

Verse 73

ﮨﮩﮪﮫ ﮬ ​

૭૩) અથવા તમને ફાયદો અને નુકસાન પણ પહોંચાડી શકે છે ?

Verse 74

ﮭﮮﮯﮰﮱﯓ ﯔ ​

૭૪) તે લોકોએ જવાબ આપ્યો, આ (કંઇ નથી જાણતા), અમે તો અમારા પૂર્વજોને આવી રીતે કરતા જોયા,

Verse 75

ﯕﯖﯗﯘﯙ ﯚ ​

૭૫) તેમણે કહ્યું, કંઇ ખબર છે જેઓની બંદગી તમે કરી રહ્યા છો ?

Verse 76

ﯛﯜﯝ ﯞ ​

૭૬) તમે અને તમારા પૂર્વજો તે સૌ મારા શત્રુ છે.

Verse 77

ﯟﯠﯡﯢﯣﯤ ﯥ ​

૭૭) અલ્લાહ તઆલા સિવાય, જે સમ્રગ સૃષ્ટિનો પાલનહાર છે.

Verse 78

ﯦﯧﯨﯩ ﯪ ​

૭૮) જેણે મારું સર્જન કર્યું અને તે જ મને માર્ગદર્શન આપે છે.

Verse 79

ﯫﯬﯭﯮ ﯯ ​

૭૯) તે જ છે, જે મને ખવડાવે અને પીવડાવે છે.

Verse 80

ﯰﯱﯲﯳ ﯴ ​

૮૦) અને જ્યારે હું બિમાર પડું તો મને તંદુરસ્ત પણ તે જ કરે છે.

Verse 81

ﯵﯶﯷﯸ ﯹ ​

૮૧) અને તે જ મને મૃત્યુ આપશે અને ફરી જીવિત કરશે.

Verse 82

ﯺﯻﯼﯽﯾﯿﰀﰁ ﰂ ​

૮૨) અને જેનાથી આશા છે કે બદલાના દિવસે તે મારા પાપોને માફ કરી દેશે.

Verse 83

ﰃﰄﰅﰆﰇﰈ ﰉ ​

૮૩) હે મારા પાલનહાર ! મને ફેંસલો કરવાની શક્તિ આપ અને મને સદાચારી લોકો માંથી કરી દે.

Verse 84

ﭑﭒﭓﭔﭕﭖ ﭗ ​

૮૪) અને મારું સન્માન પાછળના લોકોમાં બાકી રાખ.

Verse 85

ﭘﭙﭚﭛﭜ ﭝ ​

૮૫) મને નેઅમતોવાળી જન્નતના વારસદારો માંથી બનાવ.

Verse 86

ﭞﭟﭠﭡﭢﭣ ﭤ ​

૮૬) અને મારા પિતાને માફ કરી દે, ખરેખર તે પથભ્રષ્ટ લોકો માંથી હતાં.

Verse 87

ﭥﭦﭧﭨ ﭩ ​

૮૭) અને તે દિવસે, જ્યારે લોકો ફરી વાર જીવિત કરવામાં આવશે, મને અપમાનિત ન કર.

Verse 88

ﭪﭫﭬﭭﭮﭯ ﭰ ​

૮૮) જે દિવસે ધન અને સંતાન કંઇ કામ નહીં આવે.

Verse 89

ﭱﭲﭳﭴﭵﭶ ﭷ ​

૮૯) પરંતુ ફાયદાવાળો તે જ હશે, જે અલ્લાહ તઆલાની સામે સલામતીવાળું દિલ લઇને આવશે.

Verse 90

ﭸﭹﭺ ﭻ ​

૯૦) અને ડરવાવાળાઓ માટે જન્નત અત્યંત નજીક કરી દેવામાં આવશે.

Verse 91

ﭼﭽﭾ ﭿ ​

૯૧) અને પથભ્રષ્ટ લોકો માટે જહન્નમ જાહેર કરી દેવામાં આવશે.

Verse 92

ﮀﮁﮂﮃﮄﮅ ﮆ ​

૯૨) અને તેમને સવાલ કરવામાં આવશે કે જેમની તમે બંદગી કરતા રહ્યા તે લોકો ક્યાં છે ?

Verse 93

ﮇﮈﮉﮊﮋﮌﮍ ﮎ ​

૯૩) જે અલ્લાહ સિવાય બીજા લોકો હતાં, શું તેઓ તમારી મદદ કરે છે ? અથવા કોઈ બદલો લઇ શકે છે ?

Verse 94

ﮏﮐﮑﮒ ﮓ ​

૯૪) બસ ! તે સૌ અને બધા પથભ્રષ્ટ લોકો જહન્નમમાં ઊંધા નાખવામાં આવશે.

Verse 95

ﮔﮕﮖ ﮗ ​

૯૫) અને ઇબ્લિસના લશ્કરો પણ ત્યાં,

Verse 96

ﮘﮙﮚﮛ ﮜ ​

૯૬) અંદરોઅંદર ઝઘડો કરતા કહેશે,

Verse 97

ﮝﮞﮟﮠﮡﮢ ﮣ ​

૯૭) કે અલ્લાહના નામના સોગંદ ! ખરેખર અમે તો સ્પષ્ટ રીતે પથભ્રષ્ટ હતાં.

Verse 98

ﮤﮥﮦﮧ ﮨ ​

૯૮) જ્યારે તમને અલ્લાહ-સમગ્રસૃષ્ટિના પાલનહારના ભાગીદાર સમજી બેઠા હતાં.

Verse 99

ﮩﮪﮫﮬ ﮭ ​

૯૯) અને અમને તો, તે વિદ્રોહી સિવાય બીજા કોઈએ પણ પથભ્રષ્ટ નહતાં કર્યા.

Verse 100

ﮮﮯﮰﮱ ﯓ ​

૧૦૦) હવે તો અમારા માટે કોઈ ભલામણ કરનાર પણ નથી.

Verse 101

ﯔﯕﯖ ﯗ ​

૧૦૧) અને ન તો શુભેચ્છુક મિત્ર.

Verse 102

ﯘﯙﯚﯛﯜﯝﯞ ﯟ ​

૧૦૨) જો કદાચ એક વાર ફરી અમને જવાનું મળતું તો, અમે સાચા ઈમાનવાળા બની જતાં.

Verse 103

ﯠﯡﯢﯣﯤﯥﯦﯧﯨ ﯩ ​

૧૦૩) આ દૃશ્ય ખરેખર એક જબરદસ્ત નિશાની છે. તેમના માંથી વધારે લોકો ઈમાન લાવવાવાળા નથી.

Verse 104

ﯪﯫﯬﯭﯮ ﯯ ​

૧૦૪) નિ:શંક તમારો પાલનહાર જ વિજયી, દયાળુ છે.

Verse 105

ﯰﯱﯲﯳ ﯴ ​

૧૦૫) નૂહની કોમના લોકોએ પણ પયગંબરોને જુઠલાવ્યા.

Verse 106

ﯵﯶﯷﯸﯹﯺﯻ ﯼ ​

૧૦૬) જ્યારે કે તેમના ભાઇ નૂહ અ.સ.એ કહ્યું, કે શું તમને અલ્લાહનો ભય નથી ?

Verse 107

ﯽﯾﯿﰀ ﰁ ​

૧૦૭) સાંભળો ! હું તમારી તરફ અલ્લાહનો નિષ્ઠાવાન પયગંબર છું.

Verse 108

ﰂﰃﰄ ﰅ ​

૧૦૮) બસ ! તમારે અલ્લાહનો ડર રાખવો જોઇએ અને મારી વાત માનવી જોઇએ.

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

૧૦૯) હું તમારી પાસે તેના માટે કોઈ વળતર નથી ઇચ્છતો, મારો બદલો તો ફક્ત સૃષ્ટિના પાલનહાર (અલ્લાહ) પાસે જ છે.

Verse 110

ﰓﰔﰕ ﰖ ​

૧૧૦) બસ ! તમે અલ્લાહનો ડર રાખો અને મારું આજ્ઞાપાલન કરો.

Verse 111

ﰗﰘﰙﰚﰛﰜ ﰝ ​

૧૧૧)કૌમે જવાબ આપ્યો, કે શું અમે તારા પર ઈમાન લાવીએ તારું આજ્ઞાપાલન તો નબળા લોકોએ કર્યું છે.

Verse 112

ﭑﭒﭓﭔﭕﭖ ﭗ ​

૧૧૨) પયગંબરે જવાબ આપ્યો, મને શું ખબર કે તેઓ પહેલા શું કરતા હતાં?

Verse 113

ﭘﭙﭚﭛﭜﭝﭞﭟ ﭠ ​

૧૧૩) તેમનો હિસાબ તો મારા પાલનહારના શિરે છે, જો તમને સમજણ હોય.

Verse 114

ﭡﭢﭣﭤ ﭥ ​

૧૧૪) હું ઈમાનવાળાઓને ધક્કા મારનારો નથી,

Verse 115

ﭦﭧﭨﭩﭪ ﭫ ​

૧૧૫) હું તો સ્પષ્ટ રીતે સચેત કરનારો છું.

Verse 116

ﭬﭭﭮﭯﭰﭱﭲﭳ ﭴ ​

૧૧૬) તે લોકોએ જવાબ આપ્યો, કે હે નૂહ ! જો તું છેટો ન રહ્યો તો ખરેખર તને પથ્થરો વડે મારી નાખીશું.

Verse 117

ﭵﭶﭷﭸﭹ ﭺ ​

૧૧૭) નૂહ અ.સ.એ કહ્યું કે હે મારા પાલનહાર ! મારી કોમના લોકોએ મને જુઠલાવી દીધો,

Verse 118

ﭻﭼﭽﭾﭿﮀﮁﮂﮃ ﮄ ​

૧૧૮) બસ ! તું મારી અને તેમની વચ્ચે સચોટ નિર્ણય કરી દે અને મને અને ઈમાનવાળાઓને છૂટકારો આપ.

Verse 119

ﮅﮆﮇﮈﮉﮊ ﮋ ​

૧૧૯) છેવટે અમે તેને અને તેના સાથીઓને ભરેલી હોડીમાં (સવારી કરાવી) છૂટકારો આપી દીધો.

Verse 120

ﮌﮍﮎﮏ ﮐ ​

૧૨૦) બીજા દરેક લોકોને અમે ડુબાડી દીધા.

Verse 121

ﮑﮒﮓﮔﮕﮖﮗﮘﮙ ﮚ ​

૧૨૧)નિ:શંક આમાં મોટી શિખામણ છે, તેમાંથી વધારે પડતા લોકો ઈમાનવાળા ન હતાં.

Verse 122

ﮛﮜﮝﮞﮟ ﮠ ​

૧૨૨) અને નિ:શંક તમારો પાલનહાર તે જ છે, અત્યંત દયાળુ.

Verse 123

ﮡﮢﮣ ﮤ ​

૧૨૩) આદના લોકોએ પણ પયગંબરોને જુઠલાવ્યા.

Verse 124

ﮥﮦﮧﮨﮩﮪﮫ ﮬ ​

૧૨૪) જ્યારે તેમને તેમના ભાઇ હૂદ અ.સ.એ કહ્યું, કે શું તમે ડરતા નથી ?

Verse 125

ﮭﮮﮯﮰ ﮱ ​

૧૨૫) હું તમારા માટે નિષ્ઠાવાન પયગંબર છું.

Verse 126

ﯓﯔﯕ ﯖ ​

૧૨૬) બસ ! અલ્લાહથી ડરો અને મારી વાત માનો.

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

૧૨૭) હું તેના માટે તમારી પાસે કંઇ વળતર નથી ઇચ્છતો. મારો બદલો તો સમગ્ર સૃષ્ટિના પાલનહાર પાસે જ છે.

Verse 128

ﯤﯥﯦﯧﯨ ﯩ ​

૧૨૮) શું તમે એક ટેકરી પર રમત-ગમત માટે આલીશાન (ઇમારતો) બનાવી રહ્યા છો.

Verse 129

ﯪﯫﯬﯭ ﯮ ​

૧૨૯) અને ઘણા મજબૂત મહેલો બનાવી રહ્યા છો, જાણે કે તમે હંમેશા અહીંયા જ રહેશો.

Verse 130

ﯯﯰﯱﯲ ﯳ ​

૧૩૦) અને જ્યારે કોઈને સજા આપો છો તો સખત અને અત્યાચાર સાથે આપો છો.

Verse 131

ﯴﯵﯶ ﯷ ​

૧૩૧) અલ્લાહથી ડરો અને મારું આજ્ઞાપાલન કરો.

Verse 132

ﯸﯹﯺﯻﯼ ﯽ ​

૧૩૨) તેનાથી ડરો, જેણે તે વસ્તુ દ્વારા તમારી મદદ કરી જેને તમે જાણો છો.

Verse 133

ﯾﯿﰀ ﰁ ​

૧૩૩) તેણે તમારી મદદ કરી, ધન અને સંતાન દ્વારા.

Verse 134

ﰂﰃ ﰄ ​

૧૩૪) બગીચા અને ઝરણાં દ્વારા.

Verse 135

ﰅﰆﰇﰈﰉﰊ ﰋ ​

૧૩૫) મને તો તમારી બાબતે મોટા દિવસની યાતનાનો ભય છે.

Verse 136

ﰌﰍﰎﰏﰐﰑﰒﰓﰔ ﰕ ​

૧૩૬) તે લોકોએ કહ્યું કે તમે શિખામણ આપો અથવા ન આપો અમારા માટે સરખું છે.

Verse 137

ﭑﭒﭓﭔﭕ ﭖ ​

૧૩૭) આ તો જૂના લોકોની આદત છે.

Verse 138

ﭗﭘﭙ ﭚ ​

૧૩૮) અને અમને ક્યારેય યાતના આપવામાં નહીં આવે.

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

૧૩૯) જો કે આદના લોકોએ હૂદ અ.સ.ને જુઠલાવ્યા, એટલા માટે અમે તે લોકોને નષ્ટ કરી દીધા, ખરેખર આમાં નિશાની છે અને તેમના માંથી વધારે પડતા લોકો ઇન્કાર કરનારા હતાં.

Verse 140

ﭨﭩﭪﭫﭬ ﭭ ​

૧૪૦) નિ:શંક તમારો પાલનહાર વિજયી, દયાળુ છે.

Verse 141

ﭮﭯﭰ ﭱ ​

૧૪૧) ષમૂદના લોકોએ પણ પયગંબરોને જુઠલાવ્યા.

Verse 142

ﭲﭳﭴﭵﭶﭷﭸ ﭹ ​

૧૪૨) તેમના ભાઇ સાલિહ અ.સ.એ તેમને કહ્યું કે શું તમે અલ્લાહથી નથી ડરતા ?

Verse 143

ﭺﭻﭼﭽ ﭾ ​

૧૪૩) હું તમારી તરફ અવતરિત કરેલો નિષ્ઠાવાન પયગંબર છું.

Verse 144

ﭿﮀﮁ ﮂ ​

૧૪૪) તો તમે અલ્લાહથી ડરો અને મારી વાત માનો,

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

૧૪૫) હું આના માટે તમારી પાસે કોઈ વળતર નથી ઇચ્છતો. મારું વળતર તો ફક્ત સમગ્ર સૃષ્ટિના પાલનહાર (અલ્લાહ) પાસે છે.

Verse 146

ﮐﮑﮒﮓﮔ ﮕ ​

૧૪૬) શું આ વસ્તુઓમાં, જે અહીંયા છે, તમને અમસ્તા જ છોડી દેવામાં આવશે.

Verse 147

ﮖﮗﮘ ﮙ ​

૧૪૭) એટલે કે આ બગીચાઓ અને ઝરણા,

Verse 148

ﮚﮛﮜﮝ ﮞ ​

૧૪૮) અને આ ખેતરો તથા ખજૂરોના બગીચાઓમાં, જેમના ગુચ્છા નરમ છે.

Verse 149

ﮟﮠﮡﮢﮣ ﮤ ​

૧૪૯) અને તમે પર્વતોને કોતરીને ગર્વ માટે મકાનો બનાવી રહ્યા છો.

Verse 150

ﮥﮦﮧ ﮨ ​

૧૫૦) બસ ! અલ્લાહથી ડરો અને મારું આજ્ઞાપાલન કરો.

Verse 151

ﮩﮪﮫﮬ ﮭ ​

૧૫૧) નીડરતાથી હદ વટાવી જનારાઓનું કહ્યું ન માનો.

Verse 152

ﮮﮯﮰﮱﯓﯔ ﯕ ​

૧૫૨) જે રાજ્યમાં વિદ્રોહ ફેલાવી રહ્યા છે અને પોતાનો સુધારો નથી કરતા.

Verse 153

ﯖﯗﯘﯙﯚ ﯛ ​

૧૫૩) તેમણે કહ્યું કે બસ ! તમે તે લોકો માંથી છો, જેમના પર જાદુ કરી દેવામાં આવ્યું.

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

૧૫૪) તમે તો અમારા જેવા જ માનવી છો, જો તમે સાચા છો, તો કોઈ ચમત્કાર બતાવો.

Verse 155

ﯨﯩﯪﯫﯬﯭﯮﯯﯰ ﯱ ​

૧૫૫) પયગંબરે કહ્યું છે. આ છે ઊંટડી, પાણી પીવા માટે એક વારો તેનો અને એક નક્કી કરેલ દિવસે પીવાનો વારો તમારો.

Verse 156

ﯲﯳﯴﯵﯶﯷﯸ ﯹ ​

૧૫૬) (ખબરદાર) તેને ખરાબ ઇરાદા સાથે હાથ પણ ન લગાવશો, નહિતો એક મોટા દિવસની યાતના તમારી પકડ કરી લેશે.

Verse 157

ﯺﯻﯼ ﯽ ​

૧૫૭) તો પણ તેઓએ તેના પગ કાપી નાંખ્યા, બસ ! તેઓએ દિલગીરી વ્યક્ત કરી.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

૧૫૮) અને યાતનાએ તેમની પકડ કરી લીધી, નિ:શંક આમાં શિખામણ છે અને તેમના માંથી વધારે પડતા લોકો ઈમાનવાળા ન હતાં.

Verse 159

ﰋﰌﰍﰎﰏ ﰐ ​

૧૫૯) અને નિ:શંક તમારો પાલનહાર ઘણો જ જબરદસ્ત અને દયાળુ છે.

Verse 160

ﭑﭒﭓﭔ ﭕ ​

૧૬૦) લૂતની કોમના લોકોએ પણ પયગંબરને જુઠલાવ્યા.

Verse 161

ﭖﭗﭘﭙﭚﭛﭜ ﭝ ​

૧૬૧) તેમને તેમના ભાઇ લૂત અ.સ.એ કહ્યું, શું તમે અલ્લાહનો ડર નથી રાખતા ?

Verse 162

ﭞﭟﭠﭡ ﭢ ​

૧૬૨) હું તમારા માટે નિષ્ઠાવાન પયગંબર છું.

Verse 163

ﭣﭤﭥ ﭦ ​

૧૬૩) બસ ! તમે અલ્લાહથી ડરો અને મારું આજ્ઞાપાલન કરો.

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

૧૬૪) હું તમારી પાસેથી આના માટે કોઈ વળતર નથી ઇચ્છતો, મારું વળતર તો ફક્ત અલ્લાહ પાસે છે, જે સમગ્ર સૃષ્ટિનો પાલનહાર છે.

Verse 165

ﭴﭵﭶﭷ ﭸ ​

૧૬૫) શું તમે દુનિયાના લોકો માંથી પુરુષો સાથે (સંભોગ) કરો છો.

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

૧૬૬) અને તમારી જે સ્ત્રીઓને અલ્લાહએ તમારા જોડકા બનાવ્યા છે, તેમને છોડી દો છો, પરંતુ તમે હદ વટાવી જનારા જ છો.

Verse 167

ﮆﮇﮈﮉﮊﮋﮌﮍ ﮎ ​

૧૬૭) તે લોકોએ જવાબ આપ્યો, કે હે લૂત ! જો તુ આનાથી વંચિત ન રહ્યો તો ખરેખર તારો દેશનિકાલ કરવામાં આવશે.

Verse 168

ﮏﮐﮑﮒﮓ ﮔ ​

૧૬૮) લૂતે કહ્યું કે હું તમારા કાર્યથી ખૂબ જ નારાજ છું.

Verse 169

ﮕﮖﮗﮘﮙ ﮚ ​

૧૬૯) મારા પાલનહાર ! મને અને મારા ઘરને આનાથી બચાવી લે જે આ લોકો કરે છે.

Verse 170

ﮛﮜﮝ ﮞ ​

૧૭૦) બસ ! અમે તેને અને તેના (જૂથને) બચાવી લીધા.

Verse 171

ﮟﮠﮡﮢ ﮣ ​

૧૭૧) એક વૃદ્વ સ્ત્રી સિવાય, તે પાછળ રહી જનારા લોકો માંથી થઇ ગઇ.

Verse 172

ﮤﮥﮦ ﮧ ​

૧૭૨) પછી અમે બીજા દરેકને નષ્ટ કરી દીધા.

Verse 173

ﮨﮩﮪﮫﮬﮭﮮ ﮯ ​

૧૭૩) અને અમે તેમના પર એક ખાસ પ્રકારનો વરસાદ વરસાવ્યો. બસ ! ઘણો જ ખરાબ વરસાદ હતો, જે સચેત કરવામાં આવેલ લોકો પર વરસ્યો.

Verse 174

ﮰﮱﯓﯔﯕﯖﯗﯘﯙ ﯚ ​

૧૭૪) આ વાતમાં પણ ખરેખર શિખામણ છે, તેમના માંથી પણ વધારે પડતા લોકો મુસલમાન ન હતાં.

Verse 175

ﯛﯜﯝﯞﯟ ﯠ ​

૧૭૫) નિ:શંક તમારો પાલનહાર તે જ છે, વિજયી અને દયાળુ.

Verse 176

ﯡﯢﯣﯤ ﯥ ​

૧૭૬) અયકહવાળાઓએ પણ પયગંબરને જુઠલાવ્યા.

Verse 177

ﯦﯧﯨﯩﯪﯫ ﯬ ​

૧૭૭) જ્યારે તેમને શુઐબ અ.સ.એ કહ્યું, કે શું તમને ડર નથી.

Verse 178

ﯭﯮﯯﯰ ﯱ ​

૧૭૮) હું તમારા માટે નિષ્ઠાવાન પયગંબર છું.

Verse 179

ﯲﯳﯴ ﯵ ​

૧૭૯) અલ્લાહથી ડરો અને મારું આજ્ઞાપાલન કરો.

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

૧૮૦) હું આના માટે તમારી પાસે કંઇ વળતર નથી ઇચ્છતો, મારું વળતર સમગ્ર સૃષ્ટિના પાલનહાર પાસે છે.

Verse 181

ﰃﰄﰅﰆﰇﰈﰉ ﰊ ​

૧૮૧) માપ-તોલ પૂરેપૂરું આપો, ઓછું આપનારા ન બનો.

Verse 182

ﰋﰌﰍ ﰎ ​

૧૮૨) અને સાચા ત્રાજવા વડે તોલો.

Verse 183

ﰏﰐﰑﰒﰓﰔﰕﰖﰗ ﰘ ​

૧૮૩) લોકોને તેમની વસ્તુ ઓછી કરીને ન આપો. નીડરતા સાથે ધરતીમાં વિદ્રોહ કરતા ન ફરો.

Verse 184

ﭑﭒﭓﭔﭕ ﭖ ​

૧૮૪) તે અલ્લાહનો ડર રાખો, જેણે તમારું અને તમારા પૂર્વજોનું સર્જન કર્યું

Verse 185

ﭗﭘﭙﭚﭛ ﭜ ​

૧૮૫) તે લોકોએ કહ્યું, તમે તે લોકો માંથી છો જેમના પર જાદુ કરી દેવામાં આવે છે.

Verse 186

ﭝﭞﭟﭠﭡﭢﭣﭤﭥ ﭦ ​

૧૮૬) અને તું તો અમારા જેવો જ એક માનવી છે. અને અમે તો તને જુઠ બોલનારાઓ માંથી સમજીએ છીએ.

Verse 187

ﭧﭨﭩﭪﭫﭬﭭﭮﭯ ﭰ ​

૧૮૭) જો તું સાચા લોકો માંથી હોય તો અમારા પર આકાશના ટુકડા ફેંકી બતાવ.

Verse 188

ﭱﭲﭳﭴﭵ ﭶ ​

૧૮૮) કહ્યું કે મારો પાલનહાર ખૂબ સારી રીતે જાણે છે જે કંઇ તમે કરી રહ્યા છો.

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

૧૮૯) કારણકે તે લોકોએ તેમને જુઠલાવ્યા તો, તેમને છાંયડાના દિવસના પ્રકોપે પકડી લીધા, તે ભારે દિવસનો પ્રકોપે હતો.

Verse 190

ﮃﮄﮅﮆﮇﮈﮉﮊﮋ ﮌ ​

૧૯૦) નિ:શંક આમાં મોટી શિખામણ છે અને તેમના માંથી વધારે પડતા લોકો મુસલમાન ન હતાં.

Verse 191

ﮍﮎﮏﮐﮑ ﮒ ​

૧૯૧) અને ખરેખર તમારો પાલનહાર તે જ છે, વિજયી અને દયાળુ.

Verse 192

ﮓﮔﮕﮖ ﮗ ​

૧૯૨)અને નિ:શંક આ (કુરઆન) સમગ્ર સૃષ્ટિના પાલનહારે અવતરિત કરેલ છે.

Verse 193

ﮘﮙﮚﮛ ﮜ ​

૧૯૩) આને નિષ્ઠાવાન ફરિશ્તો લઇને આવ્યો છે.

Verse 194

ﮝﮞﮟﮠﮡ ﮢ ​

૧૯૪) તમારા હૃદય પર અવતરિત થયું છે, કે તમે સચેત કરનારાઓ માંથી થઇ જાવ.

Verse 195

ﮣﮤﮥ ﮦ ​

૧૯૫) સ્પષ્ટ અરબી ભાષામાં છે.

Verse 196

ﮧﮨﮩﮪ ﮫ ​

૧૯૬) આગળના પયગંબરોની કિતાબોમાં પણ આ કુરઆનનું વર્ણન છે.

Verse 197

ﮬﮭﮮﮯﮰﮱﯓﯔﯕ ﯖ ​

૧૯૭) શું તે લોકો માટે આ નિશાની પૂરતી નથી કે કુરઆનની સત્યતાને તો ઇસ્રાઇલના વિદ્વાનો પણ જાણે છે ?

Verse 198

ﯗﯘﯙﯚﯛ ﯜ ​

૧૯૮) અને જો અમે આ (કુરઆન)ને કોઈ ગેરઅરબ પર અવતરિત કરતા,

Verse 199

ﯝﯞﯟﯠﯡﯢ ﯣ ​

૧૯૯) બસ ! તે તેમની સામે આ કુરઆન પઢતો તો તેને ન સમજતા.

Verse 200

ﯤﯥﯦﯧﯨ ﯩ ​

૨૦૦) આવી જ રીતે અમે પાપીઓના હૃદયમાં આ ઇન્કારને નાંખી દીધું.

Verse 201

ﯪﯫﯬﯭﯮﯯﯰ ﯱ ​

૨૦૧) તે લોકો જ્યાં સુધી દુ:ખદાયી યાતનાને જોઇ ન લે, ત્યાં સુધી ઈમાન નહીં લાવે.

Verse 202

ﯲﯳﯴﯵﯶ ﯷ ​

૨૦૨) બસ ! તે યાતના તેમની પાસે અચાનક આવી જશે, તેમને આના વિશે ભાન પણ નહીં હોય.

Verse 203

ﯸﯹﯺﯻ ﯼ ​

૨૦૩) તે સમયે કહેશે કે શું અમને થોડીક મહેતલ આપવામાં આવશે ?

Verse 204

ﯽﯾ ﯿ ​

૨૦૪) બસ ! શું આ લોકો અમારી યાતના માટે ઉતાવળ કરે છે ?

Verse 205

ﰀﰁﰂﰃ ﰄ ​

૨૦૫) સારું, એ પણ જણાવો કે જો અમે તે લોકોને કેટલાય વર્ષ સુધી લાભ લેવા દઇએ.

Verse 206

ﰅﰆﰇﰈﰉ ﰊ ​

૨૦૬) પછી તેમને તે યાતના આવશે, જેની ધમકી આપવામાં આવતી હતી.

Verse 207

ﭑﭒﭓﭔﭕﭖ ﭗ ​

૨૦૭) તો જે કંઇ પણ આ લોકો કરતા રહ્યા, તે માંથી કંઇ પણ ફાયદો નહીં પહોંચે.

Verse 208

ﭘﭙﭚﭛﭜﭝﭞ ﭟ ​

૨૦૮) અમે સચેત કરનારાને મોકલ્યા વગર કોઈ વસ્તીવાળાઓને નષ્ટ નથી કર્યા.

Verse 209

ﭠﭡﭢﭣ ﭤ ​

૨૦૯) શિખામણ માટે. અને અમે અત્યાચાર કરવાવાળા નથી.

Verse 210

ﭥﭦﭧﭨ ﭩ ​

૨૧૦) આ કુરઆનને શેતાન નથી લાવ્યા.

Verse 211

ﭪﭫﭬﭭﭮ ﭯ ​

૨૧૧) તે આના માટે સક્ષમ નથી, ન તો તે આ બાબતે શક્તિ ધરાવે છે.

Verse 212

ﭰﭱﭲﭳ ﭴ ​

૨૧૨) પરંતુ તે તો સાંભળવાથી પણ વંચિત કરી દેવામાં આવ્યા.

Verse 213

ﭵﭶﭷﭸﭹﭺﭻﭼﭽ ﭾ ​

૨૧૩) બસ ! તમે અલ્લાહ સિવાય કોઈને ન પોકારો, જેથી તમે પણ સજા પામનારા બની જાવ.

Verse 214

ﭿﮀﮁ ﮂ ​

૨૧૪) પોતાના સંબંધીઓને સચેત કરી દો.

Verse 215

ﮃﮄﮅﮆﮇﮈ ﮉ ​

૨૧૫) જે પણ ઈમાન લાવી તમારું અનુસરણ કરે, તેમની સાથે નમ્રતાભર્યું વર્તન કરો.

Verse 216

ﮊﮋﮌﮍﮎﮏﮐ ﮑ ​

૨૧૬) જો આ લોકો તમારી અવજ્ઞા કરે તો તમે જાહેર કરી દો કે, હું તે કાર્યોથી અળગો છું જે તમે કરી રહ્યા છો.

Verse 217

ﮒﮓﮔﮕ ﮖ ​

૨૧૭) પોતાનો સંપૂર્ણ ભરોસો વિજયી, દયાળુ અલ્લાહ પર રાખ.

Verse 218

ﮗﮘﮙﮚ ﮛ ​

૨૧૮) જે તમને જોતો રહે છે, જ્યારે તમે ઊભા થાવ છો.

Verse 219

ﮜﮝﮞ ﮟ ​

૨૧૯) અને સિજદા કરવાવાળાઓની વચ્ચે તમારું ફરવું પણ.

Verse 220

ﮠﮡﮢﮣ ﮤ ​

૨૨૦) તે ખૂબ જ સાંભળનાર અને ખૂબ જાણકાર છે.

Verse 221

ﮥﮦﮧﮨﮩﮪ ﮫ ​

૨૨૧) શું તમને હું જણાવું કે શેતાન કોની તરફ આવે છે ?

Verse 222

ﮬﮭﮮﮯﮰ ﮱ ​

૨૨૨) તે દરેક જુઠ્ઠા અને પાપીઓ તરફ આવે છે.

Verse 223

ﯓﯔﯕﯖ ﯗ ​

૨૨૩) અફવાઓ સંભળાવી દે છે અને તેમના માંથી વધારે પડતા લોકો જુઠ્ઠા છે.

Verse 224

ﯘﯙﯚ ﯛ ​

૨૨૪) કવિઓનું અનુસરણ તે લોકો કરે છે, જે પથભ્રષ્ટ છે.

Verse 225

ﯜﯝﯞﯟﯠﯡﯢ ﯣ ​

૨૨૫) શું તમે નથી જોયું કે કવિ જંગલોમાં માથા પછાડતા ફરે છે ?

Verse 226

ﯤﯥﯦﯧﯨ ﯩ ​

૨૨૬) અને તે લોકો જે કહે છે તે કરતા નથી.

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

૨૨૭)ઈમાનવાળા અને સત્કાર્ય કરનારા સિવાય અને અલ્લાહના નામનું સ્મરણ વધારે કર્યું અને પોતાના પર થયેલ અત્યાચાર પછી બદલો લીધો, જે લોકોએ અત્યાચાર કર્યો છે, તે લોકો પણ નજીકમાં જાણી લેશે કે કેવા પડખે પલટશે.