Verse 1

ﭑﭒ ﭓ ​

૧) સોગંદ છે લાઈનબંધ ઊભા રહેનારા (ફરિશ્તાઓ)ના.

Verse 2

ﭔﭕ ﭖ ​

૨) પછી સંપૂર્ણ રીતે ધમકી આપનારાઓના.

Verse 3

ﭗﭘ ﭙ ​

૩) પછી અલ્લાહના સ્મરણમાં વ્યસ્ત રહેનારાઓના.

Verse 4

ﭚﭛﭜ ﭝ ​

૪) નિ:શંક તમારા સૌનો પૂજ્ય એક જ છે.

Verse 5

ﭞﭟﭠﭡﭢﭣﭤ ﭥ ​

૫) આકાશો અને ધરતી અને તે બન્ને વચ્ચેની દરેક વસ્તુઓ અને પશ્વિમનો પાલનહાર તે જ છે.

Verse 6

ﭦﭧﭨﭩﭪﭫ ﭬ ​

૬) અમે દુનિયાના આકાશને તારાઓથી શણગાર્યું.

Verse 7

ﭭﭮﭯﭰﭱ ﭲ ​

૭) અને વિદ્રોહી શેતાનોથી સુરક્ષા કરી.

Verse 8

ﭳﭴﭵﭶﭷﭸﭹﭺﭻ ﭼ ​

૮) "મલઉલ્ અ-અલા" (ફરિશ્તાઓનું એક જૂથ)ના ફરિશ્તાઓને સાંભળવા માટે તેઓ (શેતાનો) કાન પણ નથી લગાવી શકતા, પરંતુ દરેક બાજુથી તેઓને મારવામાં આવે છે.

Verse 9

ﭽﭾﭿﮀﮁ ﮂ ​

૯) ભગાડવા માટે. અને તેમના માટે હંમેશા રહેવાવાળી યાતના છે.

Verse 10

ﮃﮄﮅﮆﮇﮈﮉ ﮊ ​

૧૦) પરંતુ જે કોઇ એકાદ વાત સાંભળી લે તો (તરત જ) તેની પાછળ સળગેલો અંગારો લાગી જાય છે.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

૧૧) તે ઇન્કાર કરનારાઓને સવાલ કરો કે તમારું સર્જન કરવું વધારે અઘરું છે અથવા જેમનું અમે (તેમના ઉપરાંત) સર્જન કર્યું ? અમે (માનવીઓ)નું સર્જન ચીકણી માટી વડે કર્યું.

Verse 12

ﮙﮚﮛ ﮜ ​

૧૨) પરંતુ તમે આશ્વર્ય પામો છો અને આ લોકો મશ્કરી કરી રહ્યા છે.

Verse 13

ﮝﮞﮟﮠ ﮡ ​

૧૩) અને જ્યારે તેમને શિખામણ આપવામાં આવે છે, તો આ લોકો નથી માનતા.

Verse 14

ﮢﮣﮤﮥ ﮦ ​

૧૪) અને જ્યારે કોઇ ચમત્કારને જુએ છે તો મશ્કરી કરે છે.

Verse 15

ﮧﮨﮩﮪﮫﮬ ﮭ ​

૧૫) અને કહે છે કે આ તો ખુલ્લુ જાદુ છે.

Verse 16

ﮮﮯﮰﮱﯓﯔﯕ ﯖ ​

૧૬) શું જ્યારે આપણે મૃત્યુ પામીશું અને માટી તથા હાડકાં થઇ જઇશું, તો શું ફરીવાર આપણને ઉઠાવવામાં આવશે ?

Verse 17

ﯗﯘ ﯙ ​

૧૭) શું આપણા પહેલાના પૂર્વજોને પણ ?

Verse 18

ﯚﯛﯜﯝ ﯞ ​

૧૮) તમે જવાબ આપી દો કે હા-હા અને તમે અપમાનિત (પણ) થશો.

Verse 19

ﯟﯠﯡﯢﯣﯤﯥ ﯦ ​

૧૯) તે તો ફક્ત એક સખત ઝટકો છે, અચાનક તેઓ જોવા લાગશે.

Verse 20

ﯧﯨﯩﯪﯫ ﯬ ​

૨૦) અને કહેશે કે હાય અમારું દુર્ભાગ્ય ! આ જ બદલાનો દિવસ છે.

Verse 21

ﯭﯮﯯﯰﯱﯲﯳ ﯴ ​

૨૧)આ જ નિર્ણયનો દિવસ છે જેને તમે જુઠલાવતા હતા.

Verse 22

ﯵﯶﯷﯸﯹﯺﯻﯼ ﯽ ​

૨૨) અત્યાચારીઓને અને તેમના સાથીઓને અને જેમની તેઓ અલ્લાહને છોડીને બંદગી કરતા હતા,

Verse 23

ﯾﯿﰀﰁﰂﰃﰄ ﰅ ​

૨૩) (તે સૌને) ભેગા કરી તેમને જહન્નમનો માર્ગ બતાવી દો.

Verse 24

ﰆﰇﰈﰉ ﰊ ​

૨૪) અને તેમને થોભાવો, તેમને સવાલ પુછવામાં આવશે.

Verse 25

ﭑﭒﭓﭔ ﭕ ​

૨૫) તમને શું થઇ ગયું છે કે તમે એકબીજાની મદદ નથી કરતા.

Verse 26

ﭖﭗﭘﭙ ﭚ ​

૨૬) પરંતુ તે (સૌ) આજના દિવસે આજ્ઞાકારી બની ગયા.

Verse 27

ﭛﭜﭝﭞﭟ ﭠ ​

૨૭) તે એકબીજા તરફ જોઇ સવાલ-જવાબ કરવા લાગશે.

Verse 28

ﭡﭢﭣﭤﭥﭦ ﭧ ​

૨૮) કહેશે કે તમે તો અમારી પાસે અમારી જમણી બાજુથી આવતા હતા.

Verse 29

ﭨﭩﭪﭫﭬ ﭭ ​

૨૯) તેઓ જવાબ આપશે કે ના, પરંતુ તમે જ ઈમાનવાળા ન હતા.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

૩૦) અને અમારી બળજબરી તમારા પર હતી (જ) નહીં, પરંતુ તમે (પોતે) વિદ્રોહી હતા.

Verse 31

ﭺﭻﭼﭽﭾﭿﮀ ﮁ ​

૩૧) હવે અમે (બધા) પર અમારા પાલનહારની એ વાત સાબિત થઇ ગઇ કે અમે (યાતના)નો સ્વાદ ચાખીશું.

Verse 32

ﮂﮃﮄﮅ ﮆ ​

૩૨) બસ ! અમે તમને પથભ્રષ્ટ કર્યા, અમે પોતે જ પથભ્રષ્ટ હતા.

Verse 33

ﮇﮈﮉﮊﮋ ﮌ ​

૩૩) આજના દિવસે તો (બધા જ) યાતનામાં ભાગીદાર છે.

Verse 34

ﮍﮎﮏﮐ ﮑ ​

૩૪) અમે અપરાધીઓ સાથે આવું જ કરીએ છીએ.

Verse 35

ﮒﮓﮔﮕﮖﮗﮘﮙﮚﮛ ﮜ ​

૩૫) આ તેઓ છે કે, જ્યારે તેમને કહેવામાં આવે કે અલ્લાહ સિવાય કોઇ પૂજ્ય નથી, તો આ લોકો વિદ્રોહ કરતા હતા.

Verse 36

ﮝﮞﮟﮠﮡﮢ ﮣ ​

૩૬) અને કહેતા હતા કે શું અમે અમારા પૂજ્યોને એક પાગલ કવિની વાત માની લઇને છોડી દઇએ ?

Verse 37

ﮤﮥﮦﮧﮨ ﮩ ​

૩૭) (ના ના) પરંતુ (પયગંબર) તો સત્ય લાવ્યા અને દરેક પયગંબરોને સાચા માને છે.

Verse 38

ﮪﮫﮬﮭ ﮮ ​

૩૮) નિ:શંક તમે દુ:ખદાયી યાતનાનો સ્વાદ ચાખશો.

Verse 39

ﮯﮰﮱﯓﯔﯕ ﯖ ​

૩૯) તમને તેનો જ બદલો આપવામાં આવશે, જે તમે કરતા હતા.

Verse 40

ﯗﯘﯙﯚ ﯛ ​

૪૦) પરંતુ અલ્લાહ તઆલાના નિખાલસ બંદાઓ (સુરક્ષિત હશે).

Verse 41

ﯜﯝﯞﯟ ﯠ ​

૪૧) તેમના માટે જ નક્કી કરેલ રોજી છે.

Verse 42

ﯡﯢﯣ ﯤ ​

૪૨) (દરેક પ્રકારના) ફળો અને તે ઇજજતવાળા, પ્રતિષ્ઠિત હશે.

Verse 43

ﯥﯦﯧ ﯨ ​

૪૩) નેઅમતો વાળી જન્નતોમાં,

Verse 44

ﯩﯪﯫ ﯬ ​

૪૪) આસનો પર એકબીજાની સામે હશે.

Verse 45

ﯭﯮﯯﯰﯱ ﯲ ​

૪૫) શરાબના ઝરણાંઓ માંથી પ્યાલા ભરી-ભરીને તેમની વચ્ચે ફેરવવામાં આવશે.

Verse 46

ﯳﯴﯵ ﯶ ​

૪૬) જે પારદર્શક હશે અને પીવામાં સ્વાદિષ્ટ હશે.

Verse 47

ﯷﯸﯹﯺﯻﯼﯽ ﯾ ​

૪૭) ન તેનાથી માથાનો દુખાવો થશે અને ન તો તેઓ વિકૃત થશે.

Verse 48

ﯿﰀﰁﰂ ﰃ ​

૪૮) અને તેમની પાસે નીચી નજરોવાળી, સુંદર આંખોવાળી (હૂરો) હશે.

Verse 49

ﰄﰅﰆ ﰇ ​

૪૯) એવી, જેવા કે, છૂપાયેલા ઇંડા,

Verse 50

ﰈﰉﰊﰋﰌ ﰍ ​

૫૦) (જન્નતી લોકો) એકબીજા સામે જોઇ સવાલ કરશે,

Verse 51

ﰎﰏﰐﰑﰒﰓﰔ ﰕ ​

૫૧) તેમના માંથી એક કહેશે કે મારો એક મિત્ર હતો,

Verse 52

ﭑﭒﭓﭔ ﭕ ​

૫૨) જે કહેતો હતો કે શું તું (કયામતના દિવસ પર) યકીન કરવાવાળાઓ માંથી છે?

Verse 53

ﭖﭗﭘﭙﭚﭛﭜ ﭝ ​

૫૩) શું જ્યારે આપણે મૃત્યુ પામી, માટી અને હાડકાં બની જઇશું, તે દિવસે આપણને બદલો આપવામાં આવશે ?

Verse 54

ﭞﭟﭠﭡ ﭢ ​

૫૪) કહેશે કે તમે શું જોવા ઇચ્છો છો ?

Verse 55

ﭣﭤﭥﭦﭧ ﭨ ​

૫૫) જોતાં ની સાથે જ તેને જહન્નમની વચ્ચે જોશે.

Verse 56

ﭩﭪﭫﭬﭭ ﭮ ​

૫૬) કહેશે, અલ્લાહ ! શક્ય હતું કે તું મને (પણ) બરબાદ કરી દેતો.

Verse 57

ﭯﭰﭱﭲﭳﭴ ﭵ ​

૫૭) જો મારા પાલનહારનો ઉપકાર ન હોત, તો હું પણ જહન્નમમાં હાજર કરવાવાળાઓ માંથી હોત.

Verse 58

ﭶﭷﭸ ﭹ ​

૫૮) શું (આ સાચું છે) કે અમે મૃત્યુ પામવાના જ નથી ?

Verse 59

ﭺﭻﭼﭽﭾﭿ ﮀ ​

૫૯) પ્રથમ મૃત્યુ સિવાય અને ન આપણને યાતના આપવામાં આવશે.

Verse 60

ﮁﮂﮃﮄﮅ ﮆ ​

૬૦) પછી તો આ ભવ્ય સફળતા છે.

Verse 61

ﮇﮈﮉﮊ ﮋ ​

૬૧)આવી (સફળતા) માટે કર્મો કરનારાઓએ કર્મ કરવા જોઇએ.

Verse 62

ﮌﮍﮎﮏﮐﮑ ﮒ ​

૬૨)શું આ મહેમાન નવાજી સારી છે અથવા ઝક્કુમ (થોર)નું વૃક્ષ ?

Verse 63

ﮓﮔﮕﮖ ﮗ ​

૬૩) જેને અમે અત્યાચારીઓ માટે સખત કસોટી માટે બનાવ્યું છે.

Verse 64

ﮘﮙﮚﮛﮜﮝ ﮞ ​

૬૪) નિ:શંક તે વૃક્ષ જહન્નમની જડ માંથી નીકળે છે.

Verse 65

ﮟﮠﮡﮢ ﮣ ​

૬૫) જેના ગુચ્છા શેતાનોના માથા જેવા છે.

Verse 66

ﮤﮥﮦﮧﮨﮩ ﮪ ​

૬૬) (જહન્નમના લોકો) આ જ વૃક્ષ માંથી ભોજન કરશે અને તેનાથી જ પેટ ભરશે.

Verse 67

ﮫﮬﮭﮮﮯﮰﮱ ﯓ ​

૬૭) પછી તેના ઉપર પીવા માટે, ઊકળતું પાણી લાવવામાં આવશે.

Verse 68

ﯔﯕﯖﯗﯘ ﯙ ​

૬૮) પછી તે સૌનું પાછું ફરવાનું, જહન્નમ તરફ હશે.

Verse 69

ﯚﯛﯜﯝ ﯞ ​

૬૯) નિ:શંક તેમણે પોતાના પૂર્વજોને પથભ્રષ્ટ જોયા.

Verse 70

ﯟﯠﯡﯢ ﯣ ​

૭૦) અને આ લોકો તેમના જ માર્ગ ઉપર દોડતા રહ્યા.

Verse 71

ﯤﯥﯦﯧﯨ ﯩ ​

૭૧) તેમના પહેલાના ઘણા લોકો પણ પથભ્રષ્ટ થઇ ગયા હતા.

Verse 72

ﯪﯫﯬﯭ ﯮ ​

૭૨) જેમની પાસે અમે સચેત કરનારા મોકલ્યા હતા.

Verse 73

ﯯﯰﯱﯲﯳ ﯴ ​

૭૩) હવે તમે જોઇ લો કે જે લોકોને ધમકી આપવામાં આવી હતી, તેમની દશા કેવી થઇ.

Verse 74

ﯵﯶﯷﯸ ﯹ ​

૭૪) અલ્લાહના નિકટના બંદાઓ સિવાય,

Verse 75

ﯺﯻﯼﯽﯾ ﯿ ​

૭૫) અને અમને નૂહ અ.સ.એ પોકાર્યા, તો (જોઇ લો) અમે કેટલા શ્રેષ્ઠ દુઆ કબૂલ કરનારા છે.

Verse 76

ﰀﰁﰂﰃﰄ ﰅ ​

૭૬) અમે તેમને અને તેમના ઘરવાળાઓને તે ભયાનક મુસીબતથી બચાવી દીધા.

Verse 77

ﭑﭒﭓﭔ ﭕ ​

૭૭) અને તેમના સંતાનને અમે બાકી રહેનારા બનાવી દીધા.

Verse 78

ﭖﭗﭘﭙ ﭚ ​

૭૮) અને અમે તેમનું (સારું નામ) પાછળના લોકોમાં જાળવી રાખ્યું.

Verse 79

ﭛﭜﭝﭞﭟ ﭠ ​

૭૯) નૂહ અ.સ. પર સમગ્ર સૃષ્ટિના સલામ છે.

Verse 80

ﭡﭢﭣﭤ ﭥ ​

૮૦) અમે સત્કાર્ય કરવાવાળાઓને આવી જ રીતે બદલો આપીએ છીએ.

Verse 81

ﭦﭧﭨﭩ ﭪ ​

૮૧) તે અમારા ઈમાનવાળા બંદાઓ માંથી હતા.

Verse 82

ﭫﭬﭭ ﭮ ​

૮૨) પછી અમે બીજાને ડુબાડી દીધા.

Verse 83

ﭯﭰﭱﭲﭳ ﭴ ​

૮૩) અને તે (નૂહ અ.સ.નું) અનુસરણ કરનારાઓ માંથી (જ) ઇબ્રાહીમ અ.સ. પણ હતા.

Verse 84

ﭵﭶﭷﭸﭹ ﭺ ​

૮૪) જ્યારે પોતાના પાલનહાર પાસે પવિત્ર હૃદય લાવ્યા.

Verse 85

ﭻﭼﭽﭾﭿﮀ ﮁ ​

૮૫) તેમણે પોતાના પિતા અને કોમના લોકોને કહ્યું, તમે કઇ વસ્તુની પૂજા કરી રહ્યા છો ?

Verse 86

ﮂﮃﮄﮅﮆ ﮇ ​

૮૬) શું તમે અલ્લાહ સિવાય ઘડી કાઢેલા પૂજ્યો ઇચ્છો છો ?

Verse 87

ﮈﮉﮊﮋ ﮌ ​

૮૭) તો એવું (જણાવો કે) તમે સમગ્રસૃષ્ટિના પાલનહારને શું સમજો છો ?

Verse 88

ﮍﮎﮏﮐ ﮑ ​

૮૮) હવે ઇબ્રાહીમ અ.સ.એ એક નજર તારાઓ તરફ કરી.

Verse 89

ﮒﮓﮔ ﮕ ​

૮૯)અને કહ્યું કે હું બિમાર છું.

Verse 90

ﮖﮗﮘ ﮙ ​

૯૦) આમ તે લોકો તેનાથી મોઢું ફેરવી જતા રહ્યા.

Verse 91

ﮚﮛﮜﮝﮞﮟ ﮠ ​

૯૧) (ઇબ્રાહીમ અ.સ.) તેમના પૂજ્યો પાસે ગયા અને કહેવા લાગ્યા કે તમે ભોજન કેમ નથી લેતા ?

Verse 92

ﮡﮢﮣﮤ ﮥ ​

૯૨) તમને શું થઇ ગયું છે કે વાત પણ નથી કરતા.

Verse 93

ﮦﮧﮨﮩ ﮪ ​

૯૩) પછી (સંપૂર્ણ તાકાત સાથે) જમણા હાથ વડે તેમને મારવા લાગ્યા.

Verse 94

ﮫﮬﮭ ﮮ ​

૯૪) તે (મૂર્તિ પૂજકો) દોડતા દોડતા તેમની પાસે આવ્યા.

Verse 95

ﮯﮰﮱﯓ ﯔ ​

૯૫) (ઇબ્રાહીમ અ.સ.)એ કહ્યું, તમે તેમની પૂજા કરી રહ્યા છો, જેમને તમે કોતરો છો.

Verse 96

ﯕﯖﯗﯘ ﯙ ​

૯૬) જો કે તમારું અને તમારી બનાવેલી વસ્તુઓનું સર્જન અલ્લાહએ જ કર્યું.

Verse 97

ﯚﯛﯜﯝﯞﯟﯠ ﯡ ​

૯૭) તેઓ કહેવા લાગ્યા, તેના માટે એક ઘર બનાવો અને તે (ભળકે બળતી) આગમાં તેને નાંખી દો.

Verse 98

ﯢﯣﯤﯥﯦ ﯧ ​

૯૮) તેમણે તો તેમની (ઇબ્રાહીમ) સાથે યુક્તિ કરવાનું ઇચ્છયું, પરંતુ અમે તેમને જ હીન કરી દીધા.

Verse 99

ﯨﯩﯪﯫﯬﯭ ﯮ ​

૯૯) અને તેમણે કહ્યું, હું તો હિજરત કરી પોતાના પાલનહાર તરફ જવાનો છું, તે જરૂર મને માર્ગ બતાવશે.

Verse 100

ﯯﯰﯱﯲﯳ ﯴ ​

૧૦૦) હે મારા પાલનહાર ! મને સદાચારી સંતાન આપ,

Verse 101

ﯵﯶﯷ ﯸ ​

૧૦૧) તો અમે તેમને એક ધૈર્યવાન સંતાનની ખુશખબરી આપી.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

૧૦૨) પછી જ્યારે તે (બાળક) એટલી વયે પહોંચ્યો કે તેમની સાથે હરે-ફરે, તો તેમણે કહ્યું, મારા વ્હાલા દીકરા ! હું સપનામાં તને ઝબેહ કરતા જોઇ રહ્યો છું, હવે તું જણાવ કે તારો વિચાર શું છે ? દીકરાએ જવાબ આપ્યો કે, પિતાજી ! જે આદેશ આપવામાં આવ્યો છે તેને કરી લો, "ઇન્ શાઅ અલ્લાહ" તમે મને ધીરજ રાખનાર પામશો.

Verse 103

ﭑﭒﭓﭔ ﭕ ​

૧૦૩)જ્યારે બન્ને માની ગયા અને તેમણે (પિતાએ) તેને (દીકરાને) ઊંધા માથે પાડી દીધો,

Verse 104

ﭖﭗﭘ ﭙ ​

૧૦૪) તો અમે અવાજ આપ્યો કે હે ઇબ્રાહીમ !

Verse 105

ﭚﭛﭜﭝﭞﭟﭠﭡ ﭢ ​

૧૦૫) ખરેખર તમે પોતાના સપનાને સાચું કરી બતાવ્યું. નિ:શંક અમે સત્કાર્યો કરનારને આવી જ રીતે બદલો આપીએ છીએ.

Verse 106

ﭣﭤﭥﭦﭧ ﭨ ​

૧૦૬) ખરેખર આ ખુલ્લી કસોટી હતી.

Verse 107

ﭩﭪﭫ ﭬ ​

૧૦૭) અને અમે એક મોટી કુરબાની તેના ફિદયહમાં (બદલામાં) આપી દીધી,

Verse 108

ﭭﭮﭯﭰ ﭱ ​

૧૦૮) અને અમે તેમનું સારું નામ પાછળના લોકોમાં બાકી રાખ્યું.

Verse 109

ﭲﭳﭴ ﭵ ​

૧૦૯) ઇબ્રાહીમ અ.સ. પર સલામ છે.

Verse 110

ﭶﭷﭸ ﭹ ​

૧૧૦) અમે સદાચારી લોકોને આવી જ રીતે બદલો આપીએ છીએ.

Verse 111

ﭺﭻﭼﭽ ﭾ ​

૧૧૧) નિ:શંક તે અમારા ઈમાનવાળા બંદાઓ માંથી હતા.

Verse 112

ﭿﮀﮁﮂﮃ ﮄ ​

૧૧૨) અને અમે તેમને ઇસ્હાક અ.સ,પયગંબરની ખુશખબરી આપી, જે સદાચારી લોકો માંથી હશે.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

૧૧૩) અને અમે ઇબ્રાહીમ અને ઇસ્હાક પર ખૂબ કૃપા કરી અને તે બન્નેના સંતાન માંથી કેટલાક સદાચારી છે અને કેટલાક પોતાના પર ખુલ્લો અત્યાચાર કરવાવાળા છે.

Verse 114

ﮑﮒﮓﮔﮕ ﮖ ​

૧૧૪) નિ:શંક અમે મૂસા અને હારૂન અ.સ. પર ઘણો જ ઉપકાર કર્યો.

Verse 115

ﮗﮘﮙﮚﮛ ﮜ ​

૧૧૫) અને તેમને તથા તેમની કોમને ખૂબ જ દુ:ખદાયી યાતનાથી છુટકારો આપ્યો.

Verse 116

ﮝﮞﮟﮠ ﮡ ​

૧૧૬) અને તેમની મદદ કરી, જેથી તેઓ જ વિજયી રહ્યા.

Verse 117

ﮢﮣﮤ ﮥ ​

૧૧૭) અને અમે તેમને પ્રકાશિત કિતાબ આપી.

Verse 118

ﮦﮧﮨ ﮩ ​

૧૧૮) અને તેમને સત્ય માર્ગ પર રાખ્યા.

Verse 119

ﮪﮫﮬﮭ ﮮ ​

૧૧૯) અને અમે તે બન્ને માટે પાછળ આવનારામાં આ વાત બાકી રાખી.

Verse 120

ﮯﮰﮱﯓ ﯔ ​

૧૨૦) કે મૂસા અને હારૂન અ.સ. પર સલામ,

Verse 121

ﯕﯖﯗﯘ ﯙ ​

૧૨૧) નિ:શંક અમે સદાચારી લોકોને આવી જ રીતે બદલો આપીએ છીએ.

Verse 122

ﯚﯛﯜﯝ ﯞ ​

૧૨૨) નિ:શંક તે બન્ને અમારા ઈમાનવાળા બંદાઓ માંથી હતા.

Verse 123

ﯟﯠﯡﯢ ﯣ ​

૧૨૩) નિ:શંક ઇલ્યાસ અ.સ. પણ પયગંબરો માંથી હતા.

Verse 124

ﯤﯥﯦﯧﯨ ﯩ ​

૧૨૪) જ્યારે તેમણે પોતાની કોમને કહ્યું, તમે અલ્લાહથી ડરતા નથી ?

Verse 125

ﯪﯫﯬﯭﯮ ﯯ ​

૧૨૫) શું તમે બ-અ-લ (એક મૂર્તિનું નામ)ને પોકારો છો ? અને સૌથી શ્રેષ્ઠ સર્જનહારને છોડી દો છો.

Verse 126

ﯰﯱﯲﯳﯴ ﯵ ​

૧૨૬) અલ્લાહ, જે તમારો અને તમારાથી પહેલાના લોકોનો પાલનહાર છે.

Verse 127

ﭑﭒﭓ ﭔ ​

૧૨૭)પરંતુ કોમના લોકોએ તેમને જુઠલાવ્યા. બસ ! તેઓને જરૂર (યાતનામાં) હાજર કરવામાં આવશે.

Verse 128

ﭕﭖﭗﭘ ﭙ ​

૧૨૮) અલ્લાહ તઆલાના નિખાલસ બંદાઓ સિવાય.

Verse 129

ﭚﭛﭜﭝ ﭞ ​

૧૨૯) અમે (ઇલ્યાસ અ.સ.) નું સારું નામ પાછળના લોકોમાં બાકી રાખ્યું.

Verse 130

ﭟﭠﭡﭢ ﭣ ​

૧૩૦) ઇલ્યાસ પર સલામ,

Verse 131

ﭤﭥﭦﭧ ﭨ ​

૧૩૧) અમે સત્કાર્ય કરવાવાળાઓને આવી જ રીતે બદલો આપીએ છીએ.

Verse 132

ﭩﭪﭫﭬ ﭭ ​

૧૩૨) નિ:શંક તે અમારા સદાચારી બંદાઓ માંથી હતા.

Verse 133

ﭮﭯﭰﭱ ﭲ ​

૧૩૩) નિ:શંક લૂત અ.સ. પણ પયગંબરો માંથી હતા,

Verse 134

ﭳﭴﭵﭶ ﭷ ​

૧૩૪) અમે તેમને અને તેમના ઘરવાળાઓ, દરેકને છુટકારો આપ્યો,

Verse 135

ﭸﭹﭺﭻ ﭼ ​

૧૩૫) તે વૃદ્વ સ્ત્રી સિવાય, જે પાછળ રહેનારા લોકોમાં બાકી રહી ગઇ.

Verse 136

ﭽﭾﭿ ﮀ ​

૧૩૬) પછી અમે બીજાને નષ્ટ કરી દીધા.

Verse 137

ﮁﮂﮃﮄ ﮅ ​

૧૩૭) અને તમે સવારના સમયે તેમની વસ્તીઓ પાસેથી પસાર થાવ છો.

Verse 138

ﮆﮇﮈﮉ ﮊ ​

૧૩૮) અને રાતના સમયે પણ, શું તો પણ નથી સમજતા ?

Verse 139

ﮋﮌﮍﮎ ﮏ ​

૧૩૯) અને નિ:શંક યૂનુસ અ.સ. પયગંબરો માંથી હતા.

Verse 140

ﮐﮑﮒﮓﮔ ﮕ ​

૧૪૦) જ્યારે ભાગીને ભરેલી હોડી તરફ પહોંચ્યા.

Verse 141

ﮖﮗﮘﮙ ﮚ ​

૧૪૧) પછી ચિઠ્ઠી નાંખવામાં આવી, તો તેઓ હારી ગયા.

Verse 142

ﮛﮜﮝﮞ ﮟ ​

૧૪૨)તો પછી તેમને માછલી ગળી ગઇ અને તેઓ પોતાને જ દોષિત ઠેરવવા લાગ્યા.

Verse 143

ﮠﮡﮢﮣﮤ ﮥ ​

૧૪૩) બસ ! જો તેઓ પવિત્રતાનું વર્ણન ન કરતા,

Verse 144

ﮦﮧﮨﮩﮪﮫ ﮬ ​

૧૪૪)તો લોકોને ઉઠાડવાના (કયામતના) દિવસ સુધી માછલીના પેટમાં રહેતા.

Verse 145

ﮭﮮﮯﮰﮱ ﯓ ​

૧૪૫)બસ ! તેમને અમે સપાટ મેદાનમાં નાંખી દીધા અને તેઓ તે સમયે બિમાર હતા.

Verse 146

ﯔﯕﯖﯗﯘ ﯙ ​

૧૪૬)અને તેમના પર છાંયડો કરવા માટે એક વેલવાળું વૃક્ષ અમે ઉગાડી દીધું.

Verse 147

ﯚﯛﯜﯝﯞﯟ ﯠ ​

૧૪૭)અને અમે તેમને એક લાખ કરતાં પણ વધારે લોકો તરફ મોકલ્યા.

Verse 148

ﯡﯢﯣﯤ ﯥ ​

૧૪૮) બસ ! તેઓ ઈમાન લાવ્યા અને અમે તેમને એક સમયગાળા સુધી વૈભવી જીવન આપ્યું.

Verse 149

ﯦﯧﯨﯩﯪ ﯫ ​

૧૪૯) તેમને પૂછો કે શું તમારા પાલનહારને દીકરીઓ છે અને તેમના દીકરા છે?

Verse 150

ﯬﯭﯮﯯﯰﯱ ﯲ ​

૧૫૦) અથવા આ લોકો તે સમયે હાજર હતા, જ્યારે અમે ફરિશ્તાઓનું સર્જન સ્ત્રીજાતિમાં કર્યું ?

Verse 151

ﯳﯴﯵﯶﯷ ﯸ ​

૧૫૧) જાણી લો, કે આ લોકો પોતે ઘડી કાઢેલી વાતો કહી રહ્યા છે.

Verse 152

ﯹﯺﯻﯼ ﯽ ​

૧૫૨) કે અલ્લાહને સંતાન છે, ખરેખર આ લોકો જુઠ્ઠા છે.

Verse 153

ﯾﯿﰀﰁ ﰂ ​

૧૫૩)શું અલ્લાહ તઆલાએ પોતાના માટે દીકરીઓને દીકરાઓ પર પ્રાથમિકતા આપી ?

Verse 154

ﭑﭒﭓﭔ ﭕ ​

૧૫૪) તમને શું થઇ ગયું છે ? કેવી વાતો કહેતા ફરો છો ?

Verse 155

ﭖﭗ ﭘ ​

૧૫૫) શું તમે સમજતા પણ નથી ?

Verse 156

ﭙﭚﭛﭜ ﭝ ​

૧૫૬) અથવા તમારી પાસે આ વાતનો કોઇ સ્પષ્ટ પુરાવો છે ?

Verse 157

ﭞﭟﭠﭡﭢ ﭣ ​

૧૫૭) તો જાવ, સાચા હોવ તો પોતાની જ કિતાબ લઇ આવો.

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

૧૫૮) અને તે લોકોએ અલ્લાહ અને જિન્નાત વચ્ચે સંબંધ ઠેરાવ્યો, જો કે જિન્નાતો પોતે જાણે છે કે તેઓ (આવી આસ્થા રાખનારા લોકો)યાતના સામે રજૂ કરવામાં આવશે.

Verse 159

ﭰﭱﭲﭳ ﭴ ​

૧૫૯) જે કંઈ આ લોકો વર્ણન કરી રહ્યા છે તેનાથી અલ્લાહ તઆલા પવિત્ર છે.

Verse 160

ﭵﭶﭷﭸ ﭹ ​

૧૬૦) અલ્લાહના નિખાલસ બંદાઓ સિવાય.

Verse 161

ﭺﭻﭼ ﭽ ​

૧૬૧) ખરેખર તમે સૌ અને તમારા પૂજ્યો,

Verse 162

ﭾﭿﮀﮁ ﮂ ​

૧૬૨) કોઇ એકને પણ પથભ્રષ્ટ કરી નથી શકતા.

Verse 163

ﮃﮄﮅﮆﮇ ﮈ ​

૧૬૩) જે જહન્નમમાં રહેવાવાળો છે તેના સિવાય.

Verse 164

ﮉﮊﮋﮌﮍﮎ ﮏ ​

૧૬૪) (ફરિશ્તાઓની વાત એવી છે કે) અમારા માંથી દરેકની જગ્યા નક્કી છે.

Verse 165

ﮐﮑﮒ ﮓ ​

૧૬૫) અને અમે (અલ્લાહની બંદગી માટે) લાઇનબંધ ઊભા છે.

Verse 166

ﮔﮕﮖ ﮗ ​

૧૬૬) અને તેના નામનું સ્મરણ કરી રહ્યા છે.

Verse 167

ﮘﮙﮚ ﮛ ​

૧૬૭) ઇન્કાર કરનાર કહેતા હતા,

Verse 168

ﮜﮝﮞﮟﮠﮡ ﮢ ​

૧૬૮) કે જો અમારી સામે પહેલાના લોકોનું વર્ણન કરવામાં આવતું,

Verse 169

ﮣﮤﮥﮦ ﮧ ​

૧૬૯) તો અમે પણ અલ્લાહના નિકટના બંદા બની જતાં.

Verse 170

ﮨﮩﮪﮫﮬ ﮭ ​

૧૭૦) પરંતુ આ કુરઆનનો ઇન્કાર કરવા લાગ્યા, બસ ! હવે નજીકમાં જ જાણી લેશે.

Verse 171

ﮮﮯﮰﮱﯓ ﯔ ​

૧૭૧) અને અમારું વચન પહેલાથી જ પોતાના પયગંબરો માટે નક્કી થઇ ગયું છે.

Verse 172

ﯕﯖﯗ ﯘ ​

૧૭૨) કે ખરેખર તે લોકોની જ મદદ કરવામાં આવશે.

Verse 173

ﯙﯚﯛﯜ ﯝ ​

૧૭૩) અને અમારું જ લશ્કર વિજય મેળવશે.

Verse 174

ﯞﯟﯠﯡ ﯢ ​

૧૭૪) હવે તમે થોડાંક દિવસ સુધી તેમનાથી મોઢું ફેરવી લો.

Verse 175

ﯣﯤﯥ ﯦ ​

૧૭૫) અને તેમને જોતા રહો અને તે લોકો પણ આગળ જોઇ લેશે.

Verse 176

ﯧﯨ ﯩ ​

૧૭૬) શું આ લોકો અમારા પ્રકોપની ઉતાવળ કરી રહ્યા છે ?

Verse 177

ﯪﯫﯬﯭﯮﯯ ﯰ ​

૧૭૭) સાંભળો ! જ્યારે અમારો પ્રકોપ તેમના મેદાનમાં આવી જશે, તે સમયે તેમની સવાર ખૂબ જ ખરાબ હશે , જે લોકોને સચેત કરવામાં આવ્યા હતા.

Verse 178

ﯱﯲﯳﯴ ﯵ ​

૧૭૮) તમે થોડોક સમય સુધી તેમનો વિચાર કરવાનું છોડી દો.

Verse 179

ﯶﯷﯸ ﯹ ​

૧૭૯) અને જોતા રહો કે તે લોકો પણ હમણા જ જોઇ લેશે.

Verse 180

ﯺﯻﯼﯽﯾﯿ ﰀ ​

૧૮૦) પવિત્ર છે તમારો પાલનહાર, જે ઘણી જ ઇજજતવાળો છે, તે દરેક વસ્તુથી (જેનું મુશરિક લોકો) વર્ણન કરે છે.

Verse 181

ﰁﰂﰃ ﰄ ​

૧૮૧) પયગંબરો પર સલામ છે.

Verse 182

ﰅﰆﰇﰈ ﰉ ​

૧૮૨) અને દરેક પ્રકારની પ્રશંસા અલ્લાહ માટે જ છે જે સમગ્ર સૃષ્ટિનો પાલનહાર છે.