ترجمة معاني سورة الأنبياء باللغة اللوغندية من كتاب الترجمة اللوغندية - المؤسسة الإفريقية للتنمية

آية رقم 1

ﭑﭒﭓﭔﭕﭖﭗ ﭘ ​

1. Kusemberedde abantu okubalibwa kwa bwe nga bo bali mu butafaayo, era nga bo bakola byennyume.

آية رقم 2

ﭙﭚﭛﭜﭝﭞﭟﭠﭡﭢﭣ ﭤ ​

2. Tewali kujjukiza kwonna kubajjira okupya okuva ewa Mukama omulabirizi waabwe okugyako okuba nti bakuwuliriza nga bwe bazannya.

آية رقم 3

ﭥﭦﭧﭨﭩﭪﭫﭬﭭﭮﭯﭰﭱﭲﭳﭴﭵ ﭶ ​

3. Emitima gya bwe nga miragajjavu, abo abeeyisa obubi ne boogera mu kyama nga bagamba nti, abaffe ono alina kyali okugyako okuba nti muntu nga mmwe, abaffe mugenda ku ddogo nga nammwe mulabira ddala!.

آية رقم 4

ﭷﭸﭹﭺﭻﭼﭽﭾﭿﮀﮁ ﮂ ​

4. (Nabbi Muhammad) naagamba nti: Mukama omulabirizi wange amanyi ekigambo ekiri mu ggulu ne mu nsi era yye y'awulira ennyo, amanyi ennyo.

آية رقم 5

ﮃﮄﮅﮆﮇﮈﮉﮊﮋﮌﮍﮎﮏﮐ ﮑ ​

5. (Wabula Abakaafiiri) baagamba nti: okwo kulogojjana mu kuloota oba ye yennyini yaabyegunjirawo, si nakindi yye mutontomi, (bwaba ayagala tukkirize byagamba) kale atuleetere akabonero nga abaasooka bwe baatumwa.

آية رقم 6

ﮒﮓﮔﮕﮖﮗﮘﮙﮚ ﮛ ​

6. Tewali kitundu kye twazikiriza nga abantu ba mu bakkiriza, abaffe bo be banakkiriza!.

آية رقم 7

ﮜﮝﮞﮟﮠﮡﮢﮣﮤﮥﮦﮧﮨﮩﮪ ﮫ ​

7. Oluberyeberyelwo tetwatumanga okugyako basajja nga tubawa obubaka kale mubuuze abalina okumanya bwe muba nga temumanyi.

آية رقم 8

ﮬﮭﮮﮯﮰﮱﯓﯔﯕ ﯖ ​

8. Era tetwafuula (ba Nabbi) mubiri nga tebalya mmere (nga ba Malayika) era tebaali ba kubeera mu nsi lubeerera.

آية رقم 9

ﯗﯘﯙﯚﯛﯜﯝﯞ ﯟ ​

9. Oluvanyuma twabatuukiririza endagaano (gye twabawa) netubawonya awamu n'abo be twayagala era netuzikiriza abaayonoona ekisukkiridde.

آية رقم 10

ﯠﯡﯢﯣﯤﯥﯦﯧﯨ ﯩ ​

10. Mazima twabassiza ekitabo (Kur’ane) nga kirimu okwogera ku kitiibwa kya mmwe abaffe temutegeera!.

آية رقم 11

ﭑﭒﭓﭔﭕﭖﭗﭘﭙﭚ ﭛ ​

11. Ebyalo bimeka bye twazikiriza ebyali byeyisa obubi olwo nno netuleeta abantu abalala (oluvanyuma lwa bwe).

آية رقم 12

ﭜﭝﭞﭟﭠﭡﭢ ﭣ ​

12. Bwe baamala okumanya nti ebibonerezo byaffe bijja olwo nnonebabidduka.

آية رقم 13

ﭤﭥﭦﭧﭨﭩﭪﭫﭬﭭ ﭮ ​

13. (Baagambibwa) nti temudduka era mudde eri ebyo bye mubadde mweyagaliramu era mudde mu mayumba gammwe luliba lumu mulibuuzibwa.

آية رقم 14

ﭯﭰﭱﭲﭳ ﭴ ​

14. Nebagamba nti: zitusanze mazima ffe twali tweyisa bubi.

آية رقم 15

ﭵﭶﭷﭸﭹﭺﭻﭼ ﭽ ​

15. Okuwanjaga kwa bwe okwo kwali bwe kutyo okutuusa lwe twabafuula nga ennimiro ekunguddwa ne ggwawo.

آية رقم 16

ﭾﭿﮀﮁﮂﮃﮄ ﮅ ​

16. Tetwatonda eggulu n'ensi n'ebiri wakati wa byombi nga bya muzannyo.

آية رقم 17

ﮆﮇﮈﮉﮊﮋﮌﮍﮎﮏﮐ ﮑ ​

17. Singa twayagala kweteerawo muzannyo, twaligukoze mu bano abali eno gye tuli singa twali ba kukikola.

آية رقم 18

ﮒﮓﮔﮕﮖﮗﮘﮙﮚﮛﮜﮝﮞﮟ ﮠ ​

18. Wabula tukasuka amazima ku bulimba negabuggyawo, olwo nno bwo nebuvaawo era mugenda kubonerezebwa olw'ebyo bye mwogera.

آية رقم 19

ﮡﮢﮣﮤﮥﮦﮧﮨﮩﮪﮫﮬﮭﮮ ﮯ ​

19. Bibye ebyo byonna ebiri mu ggulu ne mu nsi, n'abo abali waali tebeekuluntaza ku kumusinza era tebakaluubirirwa.

آية رقم 20

ﮰﮱﯓﯔﯕ ﯖ ​

20. Batendereza (Katonda) emisana n'ekiro tebakoowa.

آية رقم 21

ﯗﯘﯙﯚﯛﯜﯝ ﯞ ​

21. Oba beeteerawo ba Katonda nga ba ku nsi nga bo be balizuukiza (abafu).

آية رقم 22

ﯟﯠﯡﯢﯣﯤﯥﯦﯧﯨﯩﯪﯫﯬ ﯭ ​

22. Singa (ensi n'eggulu) byalimu ba katonda abalala atali Katonda omu byombi byaliyonoonese, (ekyo nno kikulage) nti yasukkuluma Katonda Mukama omulabirizi wa Arishi kw'ebyo bye boogera.

آية رقم 23

ﯮﯯﯰﯱﯲﯳ ﯴ ​

23. Tabuuzibwa ku byakola ate bo babuuzibwa.

آية رقم 24

ﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎ ﰏ ​

24. Abo bateekawo ba katonda ne baleka Katonda omu, gamba nti muleete obujulizi bwa mmwe (ku ekyo). Kuno kwe kubuulirira abali nange era kwe kubuulirira kw'abo abaakulembera wabula abasinga obungi mu bo (Abakaafiiri) tebamanyi mazima olwo nno bo bagakuba amabega.

آية رقم 25

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

25. Era tetwatuma oluberyeberyelwo Mubaka yenna okugyako nga tumutumira obubaka nti tewali kisinzibwa kyonna (mu butuufu) okugyako nze (Katonda) kale munsinze.

آية رقم 26

ﭡﭢﭣﭤﭥﭦﭧﭨﭩﭪ ﭫ ​

26. Era baagamba nti: Katonda ow'ekisa ekingi yeeteerawo omwana, musukkulumu (ku ebyo byonna) wabula (ba malayika bebamugattako) baddu abaweebwa ekitiibwa.

آية رقم 27

ﭬﭭﭮﭯﭰﭱ ﭲ ​

27. Tebayinza kumukulembera na kigambo era bbo bakolera ku kiragirokye.

آية رقم 28

ﭳﭴﭵﭶﭷﭸﭹﭺﭻﭼﭽﭾﭿﮀﮁ ﮂ ​

28. Amanyi ebyo ebiri mu maaso gaabwe n'ebyo ebiri emabega waabwe, tebagenda kuwolereza okugyako oyo gwaliba asiimye nabo olw'okumutya beegendereza.

آية رقم 29

ﮃﮄﮅﮆﮇﮈﮉﮊﮋﮌﮍﮎﮏﮐﮑ ﮒ ​

29. Oyo yenna mubo agamba nti mazima nze ndi Katonda naaleka Katonda omu, oyo tugenda kumusasula omuliro Jahannama. Bwe tutyo bwe tusasula abeeyisa obubi.

آية رقم 30

ﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦ ﮧ ​

30. Abo abaakaafuwala tebakiraba nti mazima eggulu omusanvu n'ensi byali kitole netubyabuluzaamu era netuggya mu mazzi buli kintu ekiramu abaffe tebakkiriza!.

آية رقم 31

ﮨﮩﮪﮫﮬﮭﮮﮯﮰﮱﯓﯔﯕ ﯖ ​

31. Era netussa mu nsi ensozi ebe nga tebayuuza era netussa mu yo amakubo kibayambe okumanya gye balaga.

آية رقم 32

ﯗﯘﯙﯚﯛﯜﯝﯞﯟ ﯠ ​

32. Era netufuula eggulu akasolya akakuumibwa, wabula bbo tebafaayo ku bya magero bya byo (ebya byonna ebyogeddwa waggulu).

آية رقم 33

ﯡﯢﯣﯤﯥﯦﯧﯨﯩﯪﯫﯬ ﯭ ​

33. Era (Katonda) yye yooyo eyatonda ekiro n'emisana n'enjuba n'omwezi buli kimu kiri mu bbanga (nga byonna) biwuga.

آية رقم 34

ﯮﯯﯰﯱﯲﯳﯴﯵﯶﯷﯸ ﯹ ​

34. Era tetuwanga muntu yenna oluberyeberyelwo buwangaazi obw'olubeerera, bwoba ofudde bo be b'okubeerawo olubeerera.

آية رقم 35

ﯺﯻﯼﯽﯾﯿﰀﰁﰂﰃﰄﰅ ﰆ ​

35. Buli muntu wa kukomba ku kufa era tubagezesa n'obubi n'obulungi nga kikemo era gye tuli gye mulizzibwa.

آية رقم 36

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡ ﭢ ​

36. Abaakaafuwala bwe bakulaba tebakufuula okugyako eky'omuzannyo (ne bagamba) nti ono y'oyo ayogera ku bye musinza nga nabo bawakanya okwogera ku Katonda ow'ekisa ekingi.

آية رقم 37

ﭣﭤﭥﭦﭧﭨﭩﭪﭫ ﭬ ​

37. Omuntu yatondebwa nga ayanguyiriza nja ku balaga obubonerero bwange kale temunsaba kubanguyiriza bibonerezo.

آية رقم 38

ﭭﭮﭯﭰﭱﭲﭳ ﭴ ​

38. Era abakaafiiri bagamba nti ekiragaanyiso ekyo kiribaawo ddi bwe muba nga mwogera mazima.

آية رقم 39

ﭵﭶﭷﭸﭹﭺﭻﭼﭽﭾﭿﮀﮁﮂﮃﮄ ﮅ ​

39. Abo abaakaafuwala singa bamanyi (ekiribaawo) mu kiseera we batalisobolera kuziyiza muliro kutuuka ku byenyi bya bwe wadde e migongo gya bwe, era nga tebagenda kutaasibwa.

آية رقم 40

ﮆﮇﮈﮉﮊﮋﮌﮍﮎﮏ ﮐ ​

40. Wabula biribatuukako kibwatukira nebibakanga, tebalisobola kubizzayo era si baakulindirizibwa.

آية رقم 41

ﮑﮒﮓﮔﮕﮖﮗﮘﮙﮚﮛﮜﮝ ﮞ ​

41. Mazima ababaka (bangi) baagyejebwa olubereberyelwo, nebituuka ku abo abaabanyoomanga ebyo bye baalinga bajeeja. (Abo abaali babajeeja baatuukibwako ebibonerezo bye baali bajeeja)

آية رقم 42

ﮟﮠﮡﮢﮣﮤﮥﮦﮧﮨﮩﮪﮫﮬ ﮭ ​

42. Bagambe nti ani abakuuma ekiro n'emisana okubawonya ekyandibatuseeko okuva ewa Katonda ow'ekisa ekingi wabula bbo abatakkiriza beesamba okwogera ku Mukama omulabirizi waabwe.

آية رقم 43

ﮮﮯﮰﮱﯓﯔﯕﯖﯗﯘﯙﯚﯛﯜﯝ ﯞ ​

43. Abaffe balina ba katonda abalibawonya ku ffe abatali ffe (ba katonda baabwe bennyini) tebagenda kusobola kwetaasa era tebagenda kufuna gwe baliba naye abawonya ku ffe.

آية رقم 44

ﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ ﯳ ​

44. Wabula twabawa bo ne bakitaabwe okweyagala, okutuusa obuwangaazi lwe bwabawanvuwako, abaffe tebalaba nti mazima ffe, tuddira ensi netugikendeeza okuva ku nsalo zaayo abaffe bo be b'okulema!.

آية رقم 45

ﭑﭒﭓﭔﭕﭖﭗﭘﭙﭚﭛﭜ ﭝ ​

45. Bagambe nti mazima mbatiisa nga nkozesa obubaka, wabula ba kiggala tebawulira kukoowoola bwe baba balabuddwa.

آية رقم 46

ﭞﭟﭠﭡﭢﭣﭤﭥﭦﭧﭨ ﭩ ​

46. So nga bwe balituukwako akatundu ku bibonerezo bya Mukama omulabiriziwo bagenda kugambira ddala nti zitusanze mazima ffe tubadde tweyisa bubi.

آية رقم 47

ﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻﭼﭽﭾﭿ ﮀ ​

47. Tugenda kussaawo minzane entuufu ezirikozesebwa ku lunaku lw'enkomerero, olwo nno tewali muntu aliryazaamaanyizibwa kintu kyonna, ne bwe kiriba kyenkana obuzito bwe mpeke ya khardali tugenda kukireeta. Kimala bumazi okuba nti ffe tuliba ababazi.

آية رقم 48

ﮁﮂﮃﮄﮅﮆﮇﮈ ﮉ ​

48. Twawa Musa ne Haruna amateeka (Taurat) agaawula wakati wa mazima n'obulimba era nga kitangaaala era nga kya kubuulirira eri abatya Katonda.

آية رقم 49

ﮊﮋﮌﮍﮎﮏﮐﮑ ﮒ ​

49. Abo abatya Mukama omulabirizi waabwe awamu n'okuba nga tebamulaba era nga nabo beeraliikirira ekiseera ky'enkomerero.

آية رقم 50

ﮓﮔﮕﮖﮗﮘﮙﮚ ﮛ ​

50. Eno (k’urane) kubuulirira okw'omukisa kwe twassa, abaffe mugiwakanya?.

آية رقم 51

ﮜﮝﮞﮟﮠﮡﮢﮣﮤﮥ ﮦ ​

51. Mazima twawa Ibrahim obulungamubwe okuva oluberyeberye era twali tumanyi ebimukwatako.

آية رقم 52

ﮧﮨﮩﮪﮫﮬﮭﮮﮯﮰﮱ ﯓ ​

52. Jjukira bwe yagamba kitaawe n'abantu be nti: bifaananyi ki bino, ebyo mmwe bye mulemeddeko!.

آية رقم 53

ﯔﯕﯖﯗﯘ ﯙ ​

53. Nebagamba nti twasanga bakadde baffe nga byebasinza.

آية رقم 54

ﯚﯛﯜﯝﯞﯟﯠﯡ ﯢ ​

54. (Ibrahim) naagamba nti mazima mmwe ne bakadde ba mmwe mwali mu bubuze obw'olwatu.

آية رقم 55

ﯣﯤﯥﯦﯧﯨﯩ ﯪ ​

55. Nebagamba nti otuleetedde mazima oba oli mu ba kazannyirizi.

آية رقم 56

ﯫﯬﯭﯮﯯﯰﯱﯲﯳﯴﯵﯶﯷ ﯸ ​

56. Naagamba nti wabula Mukama omulabirizi wa mmwe, ye Mukama omulabirizi w'eggulu (omusanvu) n'ensi oyo eyabitonda nange ku ekyo ndi omu ku bajulizi.

آية رقم 57

ﯹﯺﯻﯼﯽﯾﯿ ﰀ ​

57. Era ndayira Katonda amasanamu ga mmwe nja kugasalira amagezi singa munaaba mugaleseewo ne mubaako wemulaga.

آية رقم 58

ﭑﭒﭓﭔﭕﭖﭗﭘ ﭙ ​

58. (Yagabetenta) naagafuula bubajjo okugyako (essanamu) erigasinga obunene, olwo nno badde gye liri (lye baba babuuza).

آية رقم 59

ﭚﭛﭜﭝﭞﭟﭠﭡ ﭢ ​

59. (Bwe badda) nebagamba nti ani akoze kino ku ba katonda baffe, mazima yye ali mu beeyisa obubi.

آية رقم 60

ﭣﭤﭥﭦﭧﭨﭩ ﭪ ​

60. Nebagamba nti twawulidde omuvubuka ayitibwa Ibrahim nga agoogerako.

آية رقم 61

ﭫﭬﭭﭮﭯﭰﭱﭲ ﭳ ​

61. Nebagamba nti kale mumuleete mu maaso g'abantu bamuweeko obujulizi.

آية رقم 62

ﭴﭵﭶﭷﭸﭹ ﭺ ​

62. (Bwe baamutuusa) nebamugamba nti: Gwe wakoze kino ku ba katonda baffe owange Ibrahim!.

آية رقم 63

ﭻﭼﭽﭾﭿﮀﮁﮂﮃ ﮄ ​

63. Naabagamba nti: nedda omukulu waabwe ono ye yakikoze, kale mubabuuze bwe baba nga baatula.

آية رقم 64

ﮅﮆﮇﮈﮉﮊﮋ ﮌ ​

64. Nebeetunulako nebagamba nti mazima mmwe, mmwe abeeyisa obubi.

آية رقم 65

ﮍﮎﮏﮐﮑﮒﮓﮔﮕ ﮖ ​

65. Ate oluvanyuma (lw'ekyo) beekyusa, (mu kifo ky'okwenenya baalemera ku bukaafiiri era nebagamba nti) mazima okimanyi nti amasanamu ago tegoogera.

آية رقم 66

ﮗﮘﮙﮚﮛﮜﮝﮞﮟﮠﮡ ﮢ ​

66. (Ibrahim) naagamba nti ate muva ku Katonda nemusinza ebitabagasa kantu konna wadde okubatuusaako akabi.

آية رقم 67

ﮣﮤﮥﮦﮧﮨﮩﮪﮫﮬ ﮭ ​

67. Kivve ku mmwe, lwaki musinza ebintu ebirala nemuleka Katonda abaffe temutegeera!.

آية رقم 68

ﮮﮯﮰﮱﯓﯔﯕ ﯖ ​

68. Nebagamba nti (oba bwatyo bwagamba) mumwokye mutaase ba katonda ba mmwe bwe muba nga mulina kye munaakola.

آية رقم 69

ﯗﯘﯙﯚﯛﯜﯝ ﯞ ​

69. Netugamba nti owange muliro beera bunnyogovu era mirembe ku Ibrahim.

آية رقم 70

ﯟﯠﯡﯢﯣ ﯤ ​

70. Baayagala okumukolera olukwe naye twabafuula abataalufunamu.

آية رقم 71

ﯥﯦﯧﯨﯩﯪﯫﯬ ﯭ ​

71. Netumuwonya netuwonya ne Luutu netubatwala mu nsi gye twawa omukisa ku lw'ebitonde.

آية رقم 72

ﯮﯯﯰﯱﯲﯳﯴﯵﯶ ﯷ ​

72. Twamugabira Ishaka ne Yakubu nga nnyongeza, bonna twabafuula balongoofu.

آية رقم 73

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠ ﭡ ​

73. Era twabafuula abakulembeze nga balungamya olw'ekiragiro kyaffe, era twabatumira nti (bateekwa) okukola obulungi n'okuyimirizaawo e sswala n'okutoola zzaka era baali batusinza.

آية رقم 74

ﭢﭣﭤﭥﭦﭧﭨﭩﭪﭫﭬﭭﭮﭯﭰﭱﭲ ﭳ ​

74. Ne Luutu twamuwa okusengejja ensonga n'okumanya era twamuwonya netumuggya mu kitundu ekyali kikola ebyonoono mazima bo baali bantu ba kibi aboonoonyi.

آية رقم 75

ﭴﭵﭶﭷﭸﭹﭺ ﭻ ​

75. Era twamuyingiza mu kusaasira kwaffe mazima yye wa mu balongoofu.

آية رقم 76

ﭼﭽﭾﭿﮀﮁﮂﮃﮄﮅﮆﮇ ﮈ ​

76. Era (mujjukire) Nuhu bwe yasaba oluberyeberye nga abantu (bamulemeredde) netwanukula okusaba kwe netumuwonya wamu n’abantube mu kabi akanene.

آية رقم 77

ﮉﮊﮋﮌﮍﮎﮏﮐﮑﮒﮓﮔﮕ ﮖ ​

77. Netumutaasa ku bantu abo abaalimbisa ebigambo byaffe, mazima bbo baali bantu ba kibi netubazikiriza bonna.

آية رقم 78

ﮗﮘﮙﮚﮛﮜﮝﮞﮟﮠﮡﮢﮣﮤ ﮥ ​

78. Era mujjukire Dauda ne Sulaiman mu kiseera bombi bwe baalamula omusango ogukwata ku nnimiro, embuzi z’abantu bwe zaaliiramu, era ku kulamula kwabwe twali bajulizi.

آية رقم 79

ﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗ ﯘ ​

79. (Omusango ogwo) twawa Sulaiman okutegeera obulungi, naye buli omu twamuwa okugoba ensonga n’okumanya, era twagondeza Dauda ensozi nga zitendereza, n’ebinyonyi bwe bityo, (buli lwe yatenderezanga nga nabyo bitendereza). Era ebyo twali tusobolera ddala okubikola.

آية رقم 80

ﯙﯚﯛﯜﯝﯞﯟﯠﯡﯢﯣ ﯤ ​

80. Era twamuyigiriza okukola ebyambalo bya mmwe (eby'entalo) biryoke bibakuume ku buzibu bwa mmwe, abaffe mmwe mwebaza!.

آية رقم 81

ﯥﯦﯧﯨﯩﯪﯫﯬﯭﯮﯯﯰﯱﯲﯳ ﯴ ​

81. Era Sulaiman twamugondeza empewo ekungunta nga etambulira ku kiragirokye neEgenda eri ensi eyo gye twawa omukisa. Era twali tumanyi buli kintu.

آية رقم 82

ﭑﭒﭓﭔﭕﭖﭗﭘﭙﭚﭛﭜﭝ ﭞ ​

82. Ne mu zi Sitane mwalimu ezibbira mu nnyanja ku lulwe nga zikola n'emirimu emirala egitali ogwo era ffe twazikuumanga.

آية رقم 83

ﭟﭠﭡﭢﭣﭤﭥﭦﭧﭨﭩ ﭪ ​

83. Era (jjukira) Ayubu bwe yakoowoola Mukama omulabiriziwe nti mazima nze ntuukiddwako obuzibu, era ggwe musasizi asinga abasaasizi bonna.

آية رقم 84

ﭫﭬﭭﭮﭯﭰﭱﭲﭳﭴﭵﭶﭷﭸﭹﭺﭻ ﭼ ​

84. Twamwanukula (okusaba) kwe netumuggyako obuzibu obwali bumutuuseeko netumuwa abantube (abaali bafudde) netumuwa n’abalala awamu nabali, ekyo nga kusaasira okuva gye tuli era nga kya kubuulirira eri abasinza (Katonda).

آية رقم 85

ﭽﭾﭿﮀﮁﮂﮃﮄ ﮅ ​

85. Era (jjukira) Ismail ne Idrisa ne Zulikifuli bonna ba mu bagumiikiriza.

آية رقم 86

ﮆﮇﮈﮉﮊﮋﮌ ﮍ ​

86. Era twabayingiza mu kusaasira kwaffe mazima bo ba mu balongoofu.

آية رقم 87

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡﮢﮣﮤ ﮥ ​

87. Era (jjukira) ekyafaayo kya nannyini kyenyanja (Yunus) bwe yagenda nga musunguwavu naalowooza nti tetugenda kumusobola, ate bwe yamala okubeera mu kizikiza yakoowoola nti tewali kisinzibwa kyonna okugyako ggwe wasukkuluma (Mukama wange) mazima nze mbadde mu beeyisa obubi.

آية رقم 88

ﮦﮧﮨﮩﮪﮫﮬﮭﮮ ﮯ ​

88. Awo nno twayanukula okusabakwe ne tumuwonya okweraliikirira, era bwe tutyo bwe tuwonya abakkiriza.

آية رقم 89

ﮰﮱﯓﯔﯕﯖﯗﯘﯙﯚﯛ ﯜ ​

89. Era jjukira Zakaria bwe yakoowoola Mukama omulabiriziwe (naagamba nti) ayi Mukama omulabirizi wange tondeka bwannamunigina (ne bwompa ezzadde nsigala ndi mukkiriza) anti ggwe osinga abasigalawo bonna.

آية رقم 90

ﯝﯞﯟﯠﯡﯢﯣﯤﯥﯦﯧﯨﯩﯪﯫﯬﯭﯮﯯﯰﯱ ﯲ ​

90. Awo nno twayanukula okusabakwe, era netumuwa Yahaya netusobozesa mukyalawe okuzaala, mazima bbo baalinga bettanira okukola ebirungi era nga batusaba ku lw'okwagala okufuna ebirungi bye tulina ne ku lw'okutya ebibonerezo byaffe era baalinga batugondera.

آية رقم 91

ﭑﭒﭓﭔﭕﭖﭗﭘﭙﭚﭛ ﭜ ​

91. Era (jjukira) ekyafaayo ky'omukyala (Mariyamu) oyo eyakuuma obwereerebwe olwo nno netumufuuwamu omwoyo ogwava gye tuli netumufuula yye n’omwanawe nga kya kulabirako eri ebitonde byonna.

آية رقم 92

ﭝﭞﭟﭠﭡﭢﭣﭤ ﭥ ​

92. Mazima kino ekibiina kyammwe kiri ekibiina kimu nange nze Mukama omulabirizi wa mmwe kale munsinze.

آية رقم 93

ﭦﭧﭨﭩﭪﭫﭬ ﭭ ​

93. (Naye abantu) baayawukana mu kigambo ky'eddiini yaabwe wakati waabwe (wabula) bonna gye tuli gye bagenda okudda.

آية رقم 94

ﭮﭯﭰﭱﭲﭳﭴﭵﭶﭷﭸﭹ ﭺ ​

94. Oyo akola omulimu omulungi gwonna nga mukkiriza tayinza butasasulwa olw'okutakabanakwe era mazima tumuwandiikira (emirimugye).

آية رقم 95

ﭻﭼﭽﭾﭿﮀﮁ ﮂ ​

95. Kizira ku kitundu kyonna kye twazikiriza (okudda ku nsi) mazima bo tebayinza kudda.

آية رقم 96

ﮃﮄﮅﮆﮇﮈﮉﮊﮋﮌ ﮍ ​

96. Okutuusa nga Yaajuuja ne Majuuja bagguliddwa era nga nabo bagenda kufukumuka nga bava mu buli kkubo.

آية رقم 97

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠ ﮡ ​

97. Endagaano eya mazima neba nga esembedde olwo nno oligenda okulaba nga amaaso gaabo abaakaafuwala galalambadde (olw'entiisa nebagamba nti) zitusanze ekintu kino tubadde tukigayaaliridde si kyokka wabula tubadde tweyisa bubi.

آية رقم 98

ﮢﮣﮤﮥﮦﮧﮨﮩﮪﮫﮬ ﮭ ​

98. Mazima mwe n'ebyo bye musinza nemuva ku Katonda mugenda kubeera nku za Jahannama (omuliro) mwe muli ba kuguyingira.

آية رقم 99

ﮮﮯﮰﮱﯓﯔﯕﯖﯗﯘ ﯙ ​

99. Singa ebyo (bye musinza) nga baali ba Katonda ddala tebyandiguyingidde naye bonna ba kugubeeramu bugenderevu.

آية رقم 100

ﯚﯛﯜﯝﯞﯟﯠ ﯡ ​

100. Balituukibwako nga bali mu gwo okuyiriitira era tebagenda kuwulira nga bali mu gwo.

آية رقم 101

ﯢﯣﯤﯥﯦﯧﯨﯩﯪ ﯫ ​

101. Mazima abo be twamanya edda nti bagenda kubeera balongoofu abo nno bagenda kubeera wala n’omuliro.

آية رقم 102

ﭑﭒﭓﭔﭕﭖﭗﭘﭙﭚ ﭛ ​

102. Tebagenda kuwulira lukwakwayo lwa gwo era mazima bo ku ebyo emyoyo gya bwe gye byagala ba kubeera mu byo obugenderevu.

آية رقم 103

ﭜﭝﭞﭟﭠﭡﭢﭣﭤﭥﭦ ﭧ ​

103. Ebikangabwa ebisinga okuba ebyamanyi tebigenda kubatiisa, ba Malayika balibaaniriza nga babayozaayoza nti luno lwe lunaku lwa mmwe olwo lwe mwali mulagaanyisibwa..

آية رقم 104

ﭨﭩﭪﭫﭬﭭﭮﭯﭰﭱﭲﭳﭴﭵﭶﭷﭸﭹﭺ ﭻ ​

104. Olunaku lwe tulizingako eggulu nga eggwandiikiro bwe rizingako ebiwandiiko. Mu ngeri y'emu nga bwe twatandika ebitonde bwe tugenda okubizikiriza, nga kikakafu ku ffe anti mazima ekyo tusobolera ddala okukikola.

آية رقم 105

ﭼﭽﭾﭿﮀﮁﮂﮃﮄﮅﮆﮇ ﮈ ​

105. Mazima twawandiika mu Zaburi oluvanyuma lw'okuwandiika ku Lauhil Mahfuudhwi nti mazima ensi egenda kusikirwa abaddu bange abalongoofu.

آية رقم 106

ﮉﮊﮋﮌﮍﮎ ﮏ ​

106. Mazima ebyo, (ebyogeddwako wano) kwe kubuulirira okwannamaddala eri abantu abasinza Katonda.

آية رقم 107

ﮐﮑﮒﮓﮔ ﮕ ​

107. Tetwakutuma ggwe (Nabbi Muhammad) okugyako nga oli kya kusaabira eri ebitonde.

آية رقم 108

ﮖﮗﮘﮙﮚﮛﮜﮝﮞﮟﮠﮡ ﮢ ​

108. Bagambe (Ggwe Nabbi Muhammad) nti mazima mpeebwa obubaka (nga obubaka bugamba) nti: mazima Katonda wa mmwe ali Katonda omu, abaffe mmwe munaasiramuka?.

آية رقم 109

ﮣﮤﮥﮦﮧﮨﮩﮪﮫﮬﮭﮮﮯﮰ ﮱ ​

109. Kale nno bwe bamala nebaawukana ku ekyo, (nebatasiramuka) olwo nno ggwe bagambe nti mwenna mbawulizza kyenkanyi (nga tewali gwe ndeseeyo) era siri nze amanyi nti bye mulagaanyisibwa biri kumpi oba biri wala.

آية رقم 110

ﯓﯔﯕﯖﯗﯘﯙﯚ ﯛ ​

110. Mazima yye (Katonda) amanyi bye mwolesa nga mwogera era nga bwamanyi n'ebyo bye mukweka.

آية رقم 111

ﯜﯝﯞﯟﯠﯡﯢﯣ ﯤ ​

111. Era simanyi obanga (okubalindiriza n'atabakangavvulirawo) nga kikemo gye muli era nga kubaleka kweyagala okutuusa ebbanga eggere.

آية رقم 112

ﯥﯦﯧﯨﯩﯪﯫﯬﯭﯮﯯ ﯰ ​

112. (Nabbi Muhammad) naagamba nti ayi Mukama omulabirizi wange salawo mu butuufu (wakati wange n'abo abannimbisa) era Mukama omulabirizi waffe omusaasizi ow'ekisa ekingi gwe tusaba obuyambi ku ebyo bye mwogera.