ترجمة معاني سورة المؤمنون باللغة اللوغندية من كتاب الترجمة اللوغندية - المؤسسة الإفريقية للتنمية

آية رقم 1

ﭑﭒﭓ ﭔ ​

1. Mazima abakkiriza batuuse ku buwanguzi.

آية رقم 2

ﭕﭖﭗﭘﭙ ﭚ ​

2. Abo bbo abeewombeka mu sswala zaabwe.

آية رقم 3

ﭛﭜﭝﭞﭟ ﭠ ​

3. Era abo bbo abatabeera mu bintu bitaliimu makulu.

آية رقم 4

ﭡﭢﭣﭤ ﭥ ​

4. Era abo bbo abajjumbize mu kutoola Zakka.

آية رقم 5

ﭦﭧﭨﭩ ﭪ ​

5. Era abo bbo abakuuma obwereere bwabwe.

آية رقم 6

ﭫﭬﭭﭮﭯﭰﭱﭲﭳﭴ ﭵ ​

6. Okugyako ku be baafumbiriganwa nabo, oba abo emikono gya bwe egya ddyo be gyafuna (abazaana) anti mazima bbo, ku ekyo tebanenyezebwa.

آية رقم 7

ﭶﭷﭸﭹﭺﭻﭼ ﭽ ​

7. Naye oyo anaayiza okusukka ku ekyo abo bbo be babuuka ensalo (z'amateeka ga Katonda).

آية رقم 8

ﭾﭿﮀﮁﮂ ﮃ ​

8. (Abakkiriza) era beebo bbo abakuuma obutiribiri obwesigwa bwa bwe n'endagaano zaabwe.

آية رقم 9

ﮄﮅﮆﮇﮈ ﮉ ​

9. Era bbo beebo abeekubiriza okutuukiriza e sswala zaabwe.

آية رقم 10

ﮊﮋﮌ ﮍ ​

10. Abo nno bbo be bagenda okusikira (okuyingira e jjana).

آية رقم 11

ﮎﮏﮐﮑﮒﮓ ﮔ ​

11. Abo abalisikira Firidausi (e jjana) nga bbo mu yo baakutuulamu bugenderevu.

آية رقم 12

ﮕﮖﮗﮘﮙﮚﮛ ﮜ ​

12. Mazima twatonda omuntu nga tumuggya mu nsibuko ya ttaka

آية رقم 13

ﮝﮞﮟﮠﮡﮢ ﮣ ​

13. Oluvanyuma tumufuula amazzi agazaala ge tukuumira mu kifo ekinywevu (nnabaana).

آية رقم 14

ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

14. Oluvanyuma netutonda mu mazzi ago e kisaayisaayi ate e kisaayisaayi ne tukitondamu e kinyama ate e kinyama ne tukitonderamu amagumba olwo nno amagumba ne tugambaza e nnyama, ate oluvanyuma ne tumutonda nga kitonde kirala (naafuuka omuntu nga afuuyiddwamu omwoyo) n'olwekyo Katonda musukkulumu oyo asinga abakozi be bintu bonna.

آية رقم 15

ﯜﯝﯞﯟﯠ ﯡ ​

15. Mazima mmwe oluvanyuma lw'ekyo ddala mugenda kufa.

آية رقم 16

ﯢﯣﯤﯥﯦ ﯧ ​

16. Oluvanyuma mazima mmwe olunaku lw'enkomerero muli ba kuzuukizibwa.

آية رقم 17

ﯨﯩﯪﯫﯬﯭﯮﯯﯰﯱ ﯲ ​

17. Era mazima twatonda waggulu wa mmwe eggulu omusanvu era tetubangako bagayaalira (kulabirira) bitonde.

آية رقم 18

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

18. Era tussa okuva waggulu amazzi mu ngeri ya kigero netugabeeza mu ttaka era nga mazima ddala ffe tuba tusobola okugabuzaawo.

آية رقم 19

ﭠﭡﭢﭣﭤﭥﭦﭧﭨﭩﭪﭫﭬ ﭭ ​

19. Netubamereza nago e nnimiro ez'emitende ne nzabibu nga zirimu ebibala bingi era nga ku byo kwe mulya.

آية رقم 20

ﭮﭯﭰﭱﭲﭳﭴﭵﭶ ﭷ ​

20. Era netumeza nago omuti (omuzaituni) ogwo ogusibuka ku lusozi Sinaa, guvaamu omuzigo (abantu gwe beesiiga) era nga muwoomu eri abali.

آية رقم 21

ﭸﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

21. Era mazima mulina mmwe mu nsolo ezirundibwa eky'okuyiga, tubanywesa mu ebyo ebiri mu mbuto zaazo era mulina mu zo emigaso mingi era nga mulya ezimu ku zo.

آية رقم 22

ﮉﮊﮋﮌ ﮍ ​

22. Nga era ku zo ne ku maato kwe mutwalirwa.

آية رقم 23

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞ ﮟ ​

23. Era mazima twatuma Nuhu eri a bantube naagamba nti: abange bantu bange musinze Katonda yekka temulinaayo kintu kirala kyonna kisaana kusinzibwa. Abaffe temutya (Katonda)!.

آية رقم 24

ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

24. Abakungu abo abaakaafuwala mu bantube ne bagamba nti: tali ono (Nuhu) okugyako muntu nga mmwe, ayagala kwe sukkulumya ku mmwe singa Katonda yayagala (kutuma Malayika) yaalibadde atuma ba Malayika, kino tetukiwulirangako mu bakadde baffe abaasooka.

آية رقم 25

ﯜﯝﯞﯟﯠﯡﯢﯣﯤﯥ ﯦ ​

25. Talina kyali okugyako okuba nti alina ekimulinnya ku mutwe kale mumuliindirize okumala ekiseera ekigere (ajja kuvaawo oba ajja kufa).

آية رقم 26

ﯧﯨﯩﯪﯫ ﯬ ​

26. (Nuhu) naagamba nti ayi Mukama omulabirizi wange ntaasa ku kunnimbisa (kwa bwe).

آية رقم 27

ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍ ﰎ ​

27. Awo nno twamutumira nti kola eryato nga okolera ku biragiro byaffe, era ne tumutumira nti ekigambo kyaffe bwe kinaatuuka e ttanuuru neefukumukamu amazzi olwo nno pakira mu lyo (eryato) ku buli kintu bibiri ekisajja n'ekikazi era pakiramu abantubo okugyako omuntu oyo ekigambo gwe kyakakatako edda mu bo, era toyogera nange ku abo abeeyisa obubi, mazima bbo ba kuzikirira.

آية رقم 28

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ ​

28. Ggwe n'abo abali naawe bwe mukkalira mu lyato olwo nno gamba nti okutenderezebwa kwonna kwa Katonda oyo atuwonyezza abantu abeeyisa obubi.

آية رقم 29

ﭡﭢﭣﭤﭥﭦﭧﭨ ﭩ ​

29. Era gamba nti ayi Mukama omulabirizi wange (bwe ntuuka okuva mu lyato lino) nzisa mu kifo eky'omukisa anti ggwe osinga bonna abasalawo ebifo (eby'okubeeramu).

آية رقم 30

ﭪﭫﭬﭭﭮﭯﭰ ﭱ ​

30. Mazima ekyo kijjuddemu obubonero (obulaga obuyinza bwa Katonda) newaakubadde nga ate tubagezesa.

آية رقم 31

ﭲﭳﭴﭵﭶﭷ ﭸ ​

31. Ekyo nga kiwedde twatandikawo oluvanyuma lwa bwe omulembe omulala.

آية رقم 32

ﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ ​

32. Netubatumamu omubaka ng'ava mu bo ng'abagamba nti musinze Katonda temulina kirala kyonna kye musaanye kusinza kitali yye, abaffe temutya (Katonda)!.

آية رقم 33

ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ ​

33. Abakungu abaakaafuwala mu bantube, era abaalimbisa okusisinkana olunaku lwe'nkomerero, era abo be twawa okweyagala mu bulamu bw'ensi, baagamba nti ono talina kyali okugyako muntu buntu nga mmwe, bye mulyako byalya, ne bye munywa byanywa.

آية رقم 34

ﮣﮤﮥﮦﮧﮨﮩ ﮪ ​

34. Ate singa mugondera omuntu obuntu nga mmwe, mazima mmwe olwo munaaba mufaafaaganiddwa.

آية رقم 35

ﮫﮬﮭﮮﮯﮰﮱﯓﯔ ﯕ ​

35. Mbu abalagaanyisa nti mazima mmwe singa mufa ne muba ettaka era amagumba ameereere, nti mazima mmwe mugenda kudda!.

آية رقم 36

ﯖﯗﯘﯙﯚ ﯛ ​

36. Tekisoboka era tekisobokera ddala ekyo kye mulagaanyisibwa.

آية رقم 37

ﯜﯝﯞﯟﯠﯡﯢﯣﯤﯥ ﯦ ​

37. (Ekituufu kiri nti) tewali bulamu bulala bwonna okugyako obulamu obw'ensi abamu muffe bava mu bulamu abalala ne bayingira. Era ffe tetugenda kuzuukuzibwa.

آية رقم 38

ﯧﯨﯩﯪﯫﯬﯭﯮﯯﯰﯱﯲ ﯳ ​

38. Tali yye okugyako okuba nti musajja agunja ku Katonda ebigambo eby'obulimba, era ffe tetujja kumukkiriza.

آية رقم 39

ﯴﯵﯶﯷﯸ ﯹ ​

39. (Omubaka) naagamba nti ayi Mukama omulabirizi wange ntaasa ku kunnimbisa kwa bwe.

آية رقم 40

ﯺﯻﯼﯽﯾ ﯿ ​

40. (Katonda) naagamba nti mu kaseera katono nnyo bajja kuba bejjusa.

آية رقم 41

ﰀﰁﰂﰃﰄﰅﰆﰇﰈ ﰉ ​

41. Okubwatuka ne kubatuukako era nga kye kibasaanira ne tubafuula ebisasiro. N'olwekyo babeere wala nnyo abantu abeeyisa obubi.

آية رقم 42

ﰊﰋﰌﰍﰎﰏ ﰐ ​

42. Ekyo nga kiwedde twatandikawo oluvanyuma lwa bwe emirembe emirala.

آية رقم 43

ﭑﭒﭓﭔﭕﭖﭗ ﭘ ​

43. Tewali mulembe guyinza kukulembera kiseera kyagugererwa, era tebayinza kwagala kwongezebwayo (nebakufuna).

آية رقم 44

ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮ ﭯ ​

44. Oluvanyuma twatuma ababaka baffe nga bagoberegana, buli bantu bwe bajjirwanga omubaka waabwe nga bamulimbisa, olwo nno abamu ne tubakwasa ekkubo bannaabwe lye baakwata (mu kuzikirira) ne tubafuula eky'okwogerwako kale nno babeere wala nnyo abantu abatakkiriza.

آية رقم 45

ﭰﭱﭲﭳﭴﭵﭶﭷ ﭸ ​

45. Oluvanyuma twatuma Musa ne Mugandawe Haruna nga tubawadde eby'amagero byaffe n'obujulizi obw'enkukunala.

آية رقم 46

ﭹﭺﭻﭼﭽﭾﭿ ﮀ ​

46. Bagende ewa Firaawo n'abakungube (wabula be twatuma bwe baagenda gye bali) ne beekuza ne babeera abantu abeetwala okuba aba waggulu.

آية رقم 47

ﮁﮂﮃﮄﮅﮆﮇ ﮈ ​

47. Nebagamba nti tukkirize abantu ababiri abafaanana nga ffe ng'ate abantu baabwe batusinza businza!.

آية رقم 48

ﮉﮊﮋﮌ ﮍ ​

48. Ne babalimbisa bombi olwo nno ne baba mu abo abaazikirizibwa.

آية رقم 49

ﮎﮏﮐﮑﮒﮓ ﮔ ​

49. Era mazima twawa Musa ekitabo babe nga balungama.

آية رقم 50

ﮕﮖﮗﮘﮙﮚﮛﮜﮝﮞﮟ ﮠ ​

50. Twafuula Mutabani wa Mariam ne Maamawe akabonero, ne tubawa obutuulo mu kifo e kisitufu e kibeerekamu nga kirimu n'amazzi agakulukuta.

آية رقم 51

ﮡﮢﮣﮤﮥﮦﮧﮨﮩﮪﮫﮬ ﮭ ​

51. Abange mmwe ababaka mulye ebikkirizibwa okuliibwa, era mukole emirimu emirungi mazima nze manyidde ddala ebyo bye mukola.

آية رقم 52

ﮮﮯﮰﮱﯓﯔﯕﯖ ﯗ ​

52. Mazima ddala e kibiina kya mmwe kino (eddiini yammwe) kiri ekibiina kimu nange nze Mukama omulabirizi wa mmwe kale muntye.

آية رقم 53

ﯘﯙﯚﯛﯜﯝﯞﯟﯠﯡ ﯢ ​

53. Naye abantu beekutulamu wakati waabwe ku kigambo kyaabwe (eky'eddiini), ebibiina bingi nga buli kibinja (abantu baakyo) basanyuka n'ebyo bye balina.

آية رقم 54

ﯣﯤﯥﯦﯧ ﯨ ​

54. Kale baleke mu bubuze bwa bwe okutuusa ekiseera (ekyabagererwa).

آية رقم 55

ﯩﯪﯫﯬﯭﯮﯯ ﯰ ​

55. Abaffe balowooza bye tubawa mu mmaali n'abaana.

آية رقم 56

ﯱﯲﯳﯴﯵﯶﯷﯸ ﯹ ​

56. Tuba tubanguyiza kwe yongera kufuna birungi! wabula tebategeera.

آية رقم 57

ﯺﯻﯼﯽﯾﯿﰀ ﰁ ​

57. Mazima abo abeeraliikirira okutuukiriza obuvunaanyizibwa bw'okutya Mukama omulabirizi waabwe.

آية رقم 58

ﰂﰃﰄﰅﰆ ﰇ ​

58. Era abo ebigambo ebyassibwa okuva ewa Mukama omulabirizi waabwe babikkiriza.

آية رقم 59

ﰈﰉﰊﰋﰌ ﰍ ​

59. Era abo abatagatta kintu kirala ku Mukama omulabirizi wa bwe.

آية رقم 60

ﭑﭒﭓﭔﭕﭖﭗﭘﭙﭚ ﭛ ​

60. Era abo abawaayo bye baba bawaddeyo (ku lwa Katonda wa bwe) nga emitima gyabwe gitidde okuba nti mazima bbo bagenda kudda ewa Mukama omulabirizi wa bwe.

آية رقم 61

ﭜﭝﭞﭟﭠﭡﭢ ﭣ ​

61. Abo nno bayaayaanira okukola ebirungi era nga bo mu ekyo be bakulembera

آية رقم 62

ﭤﭥﭦﭧﭨﭩﭪﭫﭬﭭﭮﭯﭰ ﭱ ​

62. Era tetuwaliriza muntu (kukola) okugyako ekyo ekiri mu busobozibwe era tulina ekitabo ekiraga mu butuufu (ebikolebwa) nabo nga tebagenda kulyazaamaanyizibwa.

آية رقم 63

ﭲﭳﭴﭵﭶﭷﭸﭹﭺﭻﭼﭽﭾﭿ ﮀ ​

63. Wabula emitima gya bwe (abakaafiiri) giri mu kugayaalirira (Kur’ani) eno, awamu n'okugatta ku Katonda ebintu ebirala, balina e mirimu emirala emibi nga Katonda abaleka ne bagikola (olwo nno ebibonerezo bya bwe byeyongere).

آية رقم 64

ﮁﮂﮃﮄﮅﮆﮇﮈ ﮉ ​

64. Okutuusa bwe tussa ebibonerezo ku beejalabi mu bo olwo nno bo nebalajaana.

آية رقم 65

ﮊﮋﮌﮍﮎﮏﮐﮑ ﮒ ​

65. Temulaajana leero, mazima mmwe temuli ba kututaasibwako.

آية رقم 66

ﮓﮔﮕﮖﮗﮘﮙﮚﮛ ﮜ ​

66. Mazima ebigambo byange byabasomerwanga naye mmwe mwalinga mukyukira ku bisinziro bya mmwe ne mubikuba amabega.

آية رقم 67

ﮝﮞﮟﮠ ﮡ ​

67. Nga mwekuza olw'okugiwalana (Kur’ani), nga mugyogerako mu ngeri e mbi nga mutudde ku byoto bya mmwe ekiro.

آية رقم 68

ﮢﮣﮤﮥﮦﮧﮨﮩﮪﮫ ﮬ ​

68. Abaffe tebeetegereza ekigambo (Kur’ani ne balaba nti ntuufu) oba (ekibabuza kwe kuba nti) bajjiddwa ebyo ebitajjira bakadde baabwe abaakulembera.

آية رقم 69

ﮭﮮﮯﮰﮱﯓﯔ ﯕ ​

69. Oba tebaamanya mubaka waabwe n'eba nga y'ensonga lwaki bamuwakanya.

آية رقم 70

ﯖﯗﯘﯙﯚﯛﯜﯝﯞﯟﯠ ﯡ ​

70. Oba bagamba nti mulalu, wabula (ekituufu kiri nti) yabajjira n'amazima, naye nga abasinga obungi mu bo batamwa amazima.

آية رقم 71

ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ ﯳ ​

71. Singa amazima gaagoberera okwagala kwa bwe, eggulu omusanvu n'ensi n'ebyo ebirimu byandi yonoonese, wabula twabawa ekyo ekibaweesa ekitiibwa (Kur’ani) naye (eky'ennaku) bbo beesamba ekitiibwa kya bwe.

آية رقم 72

ﯴﯵﯶﯷﯸﯹﯺﯻﯼﯽ ﯾ ​

72. Oba obasaba musaala (ne kiba nga kye kibagaana okukkiriza naye nakyo tokikola), anti omusaala gwa Mukama omulabiriziwo gwe gusinga obulungi era yye y'asinga abagabirizi bonna.

آية رقم 73

ﯿﰀﰁﰂﰃ ﰄ ​

73. Era mazima ggwe obakoowoola okujja eri e kkubo eggolokofu.

آية رقم 74

ﰅﰆﰇﰈﰉﰊﰋﰌ ﰍ ​

74. Era mazima abo abatakkiriza lunaku lwa nkomerero ddala be bava ku kkubo.

آية رقم 75

ﭑﭒﭓﭔﭕﭖﭗﭘﭙﭚﭛﭜ ﭝ ​

75. Singa twabasaasira netubaggyako obuzibu obwabatuukako bandiremedde ku bubuze bwa bwe nga babulubuuta.

آية رقم 76

ﭞﭟﭠﭡﭢﭣﭤﭥ ﭦ ​

76. Mazima twabatuusaako e bibonerezo naye tebeemenyera Mukama omulabirizi waabwe era tebaagonda.

آية رقم 77

ﭧﭨﭩﭪﭫﭬﭭﭮﭯﭰﭱﭲ ﭳ ​

77. Okutuusa bwe tulibaggulira omulyango gw'ebibonerezo e bikakali oligenda okubalaba nga basobeddwa.

آية رقم 78

ﭴﭵﭶﭷﭸﭹﭺﭻﭼﭽﭾ ﭿ ​

78. (Katonda) yye, yooyo eyabatondera mmwe amatu n'amaaso n'emitima (naye) mwebaza kitono.

آية رقم 79

ﮀﮁﮂﮃﮄﮅﮆ ﮇ ​

79. Era yye yooyo (eyabatonda) n'abassa mu nsi era gyali gye mulikungaanyizibwa.

آية رقم 80

ﮈﮉﮊﮋﮌﮍﮎﮏﮐﮑﮒ ﮓ ​

80. Era yye yooyo awa obulamu era natta era ku kwe okwawukana kw'ekiro n'emisana, abaffe temutegeera!.

آية رقم 81

ﮔﮕﮖﮗﮘﮙ ﮚ ​

81. Wabula (ekivaako obuzibu) bagamba nga abaabasooka kye baagamba.

آية رقم 82

ﮛﮜﮝﮞﮟﮠﮡﮢ ﮣ ​

82. Bagamba nti bwe tulifa ne tuba e nfuufu n'amagumba abaffe tugenda kuzuukizibwa.

آية رقم 83

ﮤﮥﮦﮧﮨﮩﮪﮫﮬﮭﮮﮯ ﮰ ​

83. Mazima ffe ne bakadde baffe kino kyatulagaanyisibwa dda, tekirina kye kiri okugyako okuba enfumo z'abasooka.

آية رقم 84

ﮱﯓﯔﯕﯖﯗﯘﯙ ﯚ ​

84. Bagambe nti: ensi n'ebigirimu byani bwe muba nga mumanyi?.

آية رقم 85

ﯛﯜﯝﯞﯟﯠ ﯡ ​

85. Bajja kugamba nti bya Katonda, bagambe nti abaffe temwebuulirira!.

آية رقم 86

ﯢﯣﯤﯥﯦﯧﯨﯩ ﯪ ​

86. Bagambe nti ani Mukama Omulabirizi w'eggulu omusanvu era Mukama Omulabirizi wa Arishi ey'ekitiibwa?.

آية رقم 87

ﯫﯬﯭﯮﯯﯰ ﯱ ​

87. Bajja kugamba nti bya Katonda, bagambe nti abaffe temutya!.

آية رقم 88

ﯲﯳﯴﯵﯶﯷﯸﯹﯺﯻﯼﯽﯾﯿ ﰀ ​

88. Bagambe nti obufuzi bwa buli kintu buli mu mukono gw'ani? Alina obusobozi obuwa obukuumi (oyo aba yeekubidde enduulu gyali, ate bwaba yeetaaga omuntu) takugirwa ku ye, (mwanukule) bwe muba nga mumanyi.

آية رقم 89

ﰁﰂﰃﰄﰅﰆ ﰇ ​

89. Bajja kugamba nti (obufuzi) bwa Katonda, bagambe nti mubuzibwabuzibwa mutya!.

آية رقم 90

ﭑﭒﭓﭔﭕ ﭖ ​

90. Wabula twabaleetera amazima naye ddala bbo balimba.

آية رقم 91

ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰ ﭱ ​

91. Katonda teyeeteerangawo mwana era tawabangawo naye katonda mulala, singa bwe kyali buli katonda yandigenze ne bye yatonda era abamu baaliwambye bannaabwe. Katonda yeesambidde ddala ebyo bye boogera.

آية رقم 92

ﭲﭳﭴﭵﭶﭷ ﭸ ​

92. (Katonda) mumanyi wa byekusifu n'ebirabikako ali wala nnyo ku ebyo bye bamugattako.

آية رقم 93

ﭹﭺﭻﭼﭽﭾ ﭿ ​

93. Gamba nti: ayi Mukama omulabirizi wange, lwolindaga (ebibonerezo) ebyo bye balagaanyisibwa.

آية رقم 94

ﮀﮁﮂﮃﮄﮅ ﮆ ​

94. Ayi Mukama omulabirizi wange tonteekanga mu bantu abeeyisa obubi.

آية رقم 95

ﮇﮈﮉﮊﮋﮌﮍ ﮎ ​

95. Era mazima ffe ku ky'okukulaga bye tubalagaanyisa tusobolera ddala.

آية رقم 96

ﮏﮐﮑﮒﮓﮔﮕﮖﮗﮘ ﮙ ​

96. Ggyawo ekibi nga okozesa ekyo ekisinga obulungi, ffe tusinga okumanya ebyo bye boogera.

آية رقم 97

ﮚﮛﮜﮝﮞﮟﮠ ﮡ ​

97. Era gamba nti ayi Mukama omulabirizi wange nkusaba ompe obukuumi ku kubuzaabuza kwa Sitane.

آية رقم 98

ﮢﮣﮤﮥﮦ ﮧ ​

98. Era Mukama omulabirizi wange nkusaba ompe obukuumi (Sitane) zireme kunsemberera.

آية رقم 99

ﮨﮩﮪﮫﮬﮭﮮﮯ ﮰ ​

99. (Baakubeera mu bubuze) okutuusa okufa lwe kujjira omu ku bo, naagamba nti ayi Mukama omulabirizi wange munzizeeyo (ku nsi).

آية رقم 100

ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤ ﯥ ​

100. Mbe nga nkola emirimu emirungi mu ebyo byessaakola, si bwe kiri mazima kyo kigambo bugambo yye kyayogera (naye nga tagenda kusobola kudda) ate era mu maaso gaabwe waliwo e kiseera (ekyawula wakati w'obulamu bw'ensi n'obw'oluvanyuma mwe balibeera) okutuusa ku lunaku lwe balizuukizibwa.

آية رقم 101

ﯦﯧﯨﯩﯪﯫﯬﯭﯮﯯ ﯰ ​

101. Olwo nno engombe bwerifuuyibwa tewagenda kuba nganda wakati wa bwe ku lunaku olwo, era tebagenda kwogeraganya.

آية رقم 102

ﯱﯲﯳﯴﯵﯶ ﯷ ​

102. Oyo yenna ebirizitowa ebipimwabye abo nno be b'okwesiima.

آية رقم 103

ﯸﯹﯺﯻﯼﯽﯾﯿﰀﰁ ﰂ ​

103. Ate oyo ebiriwewuka ebipimwabye abo nno be bafaafaaganirwa emyoyo gya bwe nga baakutuula lubeerera mu muliro Jahannama.

آية رقم 104

ﰃﰄﰅﰆﰇﰈ ﰉ ​

104. Omuliro gulisiriiza ebyenyi bya bwe, balibeera mu gwo nga banyinyibadde.

آية رقم 105

ﭑﭒﭓﭔﭕﭖﭗﭘ ﭙ ​

105. Abaffe ebigambo byange byali tebibasomerwa ate mmwe ne muba nga mubilimbisa.

آية رقم 106

ﭚﭛﭜﭝﭞﭟﭠﭡ ﭢ ​

106. Nebagamba nti ayi Mukama omulabirizi waffe obwonoonefu bwaffe bwatusinza amanyi, era twali abantu abaabula.

آية رقم 107

ﭣﭤﭥﭦﭧﭨﭩ ﭪ ​

107. Ayi Mukama omulabirizi waffe tuggye mu gwo (omuliro), olwo nno bwe tuddamu okwonoona mazima tujja kuba abeeyisa obubi.

آية رقم 108

ﭫﭬﭭﭮﭯ ﭰ ​

108. Naagamba nti mubeere mu gwo nga munyoomebwa era temwogera nange.

آية رقم 109

ﭱﭲﭳﭴﭵﭶﭷﭸﭹﭺﭻﭼﭽﭾ ﭿ ​

109. Mazima ekitundu mu baddu bange baali bagamba nti ayi Mukama omulabirizi waffe tukkirizza kale tusonyiwe era otusaasire era ggwe osinga abasaasizi bonna.

آية رقم 110

ﮀﮁﮂﮃﮄﮅﮆﮇ ﮈ ​

110. Ne mubafuula ekisekererwa okutuusa lwe baaberabiza okunjogerako era mwali mubasekerera.

آية رقم 111

ﮉﮊﮋﮌﮍﮎﮏﮐ ﮑ ​

111. Mazima nze olwa leero mbasasudde olw'ebyo bye baagumiikiriza mazima bbo be b'okwesiima.

آية رقم 112

ﮒﮓﮔﮕﮖﮗﮘ ﮙ ​

112. (Katonda) aligamba nti mu nsi mwatuulamu emyaka emeka?

آية رقم 113

ﮚﮛﮜﮝﮞﮟﮠﮡ ﮢ ​

113. Baligamba nti: twamalamu lunaku oba kitundu kya lunaku, wabula buuza ababazi.

آية رقم 114

ﮣﮤﮥﮦﮧﮨﮩﮪﮫﮬ ﮭ ​

114. Aligamba nti temwatuula okugyako ebbanga ttono singa mazima mmwe mwali mumanyi.

آية رقم 115

ﮮﮯﮰﮱﯓﯔﯕﯖ ﯗ ​

115. Abaffe mwalowooza nti mazima twabatonda nga tewali kigendererwa, era nti mazima mmwe temugenda kuzzibwa gye tuli.

آية رقم 116

ﯘﯙﯚﯛﯜﯝﯞﯟﯠﯡﯢﯣ ﯤ ​

116. Yasukkuluma Katonda Omufuzi (era yye) ye mazima tewali kisinzibwa kyonna (mu butuufu) okugyako yye, Mukama omulabirizi wa Arishi ey'ekitiibwa.

آية رقم 117

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷ ﯸ ​

117. Oyo yenna asinza ekintu ekirala awamu ne Katonda so nga ate takirinaako bujulizi, mazima okubalibwa kwe kuli wa Mukama omulabiriziwe, mazima abakaafiiri tebayinza kwesiima.

آية رقم 118

ﯹﯺﯻﯼﯽﯾﯿ ﰀ ​

118. Era gamba nti ayi Mukama omulabirizi wange sonyiwa osaasire. Era ggwe osinga abasaasizi bonna.