ترجمة سورة الإنفطار

Alikhan Musayev - Azerbaijani translation
ترجمة معاني سورة الإنفطار باللغة الأذرية من كتاب Alikhan Musayev - Azerbaijani translation .


Göy parçalanacağı zaman,

ulduzlar səpələnəcəyi zaman,

dənizlər daşıb bir-birinə qarışacağı zaman,

qəbirlər çevriləcəyi zaman,

hər kəs əvvəlcədən özü üçün nəyi tədarük edib, nəyi sonraya saxladığını biləcəkdir.

Ey insan! Səni öz Səxavətli Rəbbinə qarşı qoyan nədir?

O ki, səni yaradıb kamilləşdirdi və sənə gözəl bir surət verdi.

Səni istədiyi şəklə saldı.

Xeyr! Əksinə, siz Qiyaməti yalan hesab edirsiniz!

Həqiqətən, sizin üstünüzdə nəzarətçilər vardır –

çox möhtərəm, əməllərinizi yazanlar.

Onlar sizin nə etdiklərinizi bilirlər.

Həqiqətən, itaətkarlar nemət içində olacaqlar.

Şübhəsiz ki, günahkarlar da Cəhənnəmdə olacaqlar.

Onlar ora Haqq-hesab günü girəcəklər.

Onlar əsla ondan yayına bilməyəcəklər.

Sən haradan biləydin ki, Haqq-hesab günü nədir?

Doğrudan da, sən haradan biləydin ki, Haqq-hesab günü nədir?

O gün heç kəs heç kəsə fayda verə bilməz və həmin gün hakimiyyət Allaha məxsus olacaqdır!
Icon