Surah سورة القيامة

Verse 1

ﮊﮋﮌﮍ ﮎ

Anaapa Mwenyezi Mungu kwa Siku ya Hesabu na Malipo,

Verse 2

ﮏﮐﮑﮒ ﮓ

na Anaapa kwa nafsi yenye kuamini na kuchamungu, inayomlaumu mwenyewe kwa kuacha matendo ya utiifu na kufanya matendo yenye kuangamiza, kwamba watu watafufuliwa.

Verse 3

ﮔﮕﮖﮗﮘ ﮙ

Je anadhanihuyu binadamu kafiri kuwa sisi hatutaweza kuikusanya mifupa yake baada ya kuwa mbalimbali.?

Verse 4

ﮚﮛﮜﮝﮞﮟ ﮠ

Ndio! Tutaikusanya na tunaweza kufanya vidole vyake au ncha za vidole vyake- baada ya kuvikusanya na kuzioanisha- viwe kwenye umbo la sawasawa, kama vilivyokuwa kabla ya kufa.

Verse 5

ﮡﮢﮣﮤﮥ ﮦ

Bali binadamu anakanusha kufufuliwa, anataka asalie kwenye kufanya ubaya kwa siku za mbeleni za maisha yake.

Verse 6

ﮧﮨﮩﮪ ﮫ

Kafiri huyu huwa akiuliza, akiliona jambo la kusimama Kiyama kuwa liko mbali, «Ni lini Siku ya Kiyama?’

Verse 7

ﮬﮭﮮ ﮯ

Basi macho yatakapoduwaa na yakashituka kwa kutishika na kile yalichokiona cha vituko vya Siku ya Kiyama,

Verse 8

ﮰﮱ ﯓ

na ukafutika mwangaza wa mwezi,

Verse 9

ﯔﯕﯖ ﯗ

na vikakusanywa jua na mwezi katika kukosa mwangaza, kikawa kila mojawapo ya hivyo viwili hakina mwangaza,

Verse 10

ﯘﯙﯚﯛﯜ ﯝ

wakati huo binadamu atasema, «Pa kukimbilia ni wapi kuiepuka adhabu?»

Verse 11

ﯞﯟﯠ ﯡ

Mambo sivyo kama unavyotamani yawe, ewe binadamu, ya kutaka kukimbia. Huna mahali pa kukimbilia wala pa kupata uokozinfsi yake.

Verse 12

ﯢﯣﯤﯥ ﯦ

Kwa Mwenyezi Mungu Peke Yake ndio mwisho wa viumbe Siku ya Kiyama na ndipo mahali pao pa kutulia, na hapo Amlipe kila mtu kwa kile alichostahiki.

Verse 13

ﯧﯨﯩﯪﯫﯬ ﯭ

Atapashwa habari binadamu Siku hiyo kwa matendo yake yote, mema na mabaya, aliyoyatanguliza miongoni mwa hayo katika maisha yake na aliyoyachelewesha.

Verse 14

ﯮﯯﯰﯱﯲ ﯳ

Bali binadamu ni hoja iliyo wazi juu ya nafsi yake, yenye kumfuata kwa alichokitenda na alichokiacha,

Verse 15

ﯴﯵﯶ ﯷ

hata kama atakuja na kila udhuru wa kuelezea sababu ya uhalifu wake, hilo halitamfaa.

Verse 16

ﯸﯹﯺﯻﯼﯽ ﯾ

Usitikise, ewe Nabii, ulimi wako kwa Qur’ani wakati wahyi unapoteremka ili ufanye haraka kuihifadhi kwa kuogopa isikuponyoke.

Verse 17

ﯿﰀﰁﰂ ﰃ

Kwani ni juu yetu sisi kuikusanya kwenye kifua chako kisha uisome kwa ulimi wako wakati utakapo. Mjumbe wetu Jibrili akikusomea,

Verse 18

ﰄﰅﰆﰇ ﰈ

basi kisikilize kisomo chake na umpulikize. Kisha isome kama alivyokusomea,

Verse 19

ﰉﰊﰋﰌ ﰍ

kisha ni juu yetu kukuelezea kilichokutatiza kukifahamu katika maana yake na hukumu zake.

Verse 20

ﭑﭒﭓﭔ ﭕ

Mambo sivyo kama mlivyodai, enyi mkusanyiko wa washirikina, kuwa hakuna kufufuliwa wala kulipwa.

Verse 21

ﭖﭗ ﭘ

Bali nyinyi ni watu mnaopenda dunia na pambo lake na mnaacha Akhera na starehe zake.

Verse 22

ﭙﭚﭛ ﭜ

Nyuso za watu wema Siku ya Kiyama zitakuwa ni zenye kung’ara, nzuri na zenye furaha,

Verse 23

ﭝﭞﭟ ﭠ

zitamuona Mola Aliyeziumba na Anayezimiliki, na zitastarehe kwa hilo.

Verse 24

ﭡﭢﭣ ﭤ

Nyuso za watu wabaya Silku ya Kiyama zitakuwa ni zenye kukunjana na kusinyaa,

Verse 25

ﭥﭦﭧﭨﭩ ﭪ

zinatazamia kushukiwa na msiba mkubwa wenye kuvunja.

Verse 26

ﭫﭬﭭﭮ ﭯ

Ni kweli! Pindi roho itakapofika sehemu za juu za kifua,

Verse 27

ﭰﭱﭲﭳ ﭴ

na wakasema baadhi ya waliohudhuria kuwaambia wengine, «Je kuna mtu wa kumzungua na kumpoza kutokana na hali hii aliyonayo?»

Verse 28

ﭵﭶﭷ ﭸ

Na yule ambaye yuko katika hali ya kufa akajua kwamba lile lililomshukia ni kuaga dunia, kwa kuwa anawaona Malaika wa mauti.

Verse 29

ﭹﭺﭻ ﭼ

Na ikashikana shida ya mwisho wa duniani na shida ya mwanzo wa Akhera. Kwa Mwenyezi Mungu, Aliyetukuka.

Verse 30

ﭽﭾﭿﮀ ﮁ

Watu watapelekwa Siku ya Kiyama: ima Peponi au Motoni.

Verse 31

ﮂﮃﮄﮅ ﮆ

Hakuwa kafiri ni mwenye kumuamini Mtume na Qur’ani, wala hakuwa ni mwenye kumtekelezea Mwenyezi Mungu Aliyetukuka Swala za faradhi.

Verse 32

ﮇﮈﮉ ﮊ

Lakini aliikanusha Qur’ani na akaipa mgongo Imani,

Verse 33

ﮋﮌﮍﮎﮏ ﮐ

kisha akaenda kwa watu wake akijiona hali ya kujigamba katika kutembea kwake. Basi maangamivu

Verse 34

ﮑﮒﮓ ﮔ

ni yako baada ya maangamivu!

Verse 35

ﮕﮖﮗﮘ ﮙ

Kisha maangamivu ni yako baada ya maangamivu!

Verse 36

ﮚﮛﮜﮝﮞ ﮟ

Je anadhani huyu binadamu anayekanusha kufufuliwa kuwa ataachwa bure: haamrishwi wala hakatazwi, hahesabiwi wala hateswi?

Verse 37

ﮠﮡﮢﮣﮤﮥ ﮦ

Kwani hakuwa binadamu huyu ni tone la manii dhaifu linalotokana na maji matwevu yanayomwagwa na kumiminwa kwenye kizazi,

Verse 38

ﮧﮨﮩﮪﮫ ﮬ

kisha yakawa ni kipande cha damu iliyo kavu. Mwenyezi Mungu Akaliumba kwa uweza Wake na Akazilinganisha sura zake katika umbo la mwili lililo zuri kabisa?

Verse 39

ﮭﮮﮯﮰﮱ ﯓ

Akafanya kutokana na binadamu huyu jinsi mbili: ya kiume na ya kike. Je kwani hakuwa Mola huyo Muumba wa vitu hivyo ni Muweza wa kuwarudisha viumbe wakiwa hai baada ya kutoweka kwao.

Verse 40

ﯔﯕﯖﯗﯘﯙﯚ ﯛ

Ndio! Anaweza. Yeye, kutakasika na sifa za upungufu ni Kwake, kwa hakika ni Muweza wa hilo.

Tafsiri ya سورة القيامة

سورة القيامة

Tafsiri ya Sura Al-Kiyama kwa السواحلية kutoka الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس