Surah سورة الغاشية

Verse 1

ﭽﭾﭿﮀ ﮁ

Je, ilikujia,ewe Mtume, habari ya Kiyama chenye vituko venye kuwaenea watu?

Verse 2

ﮂﮃﮄ ﮅ

Nyuso za Makafiri, Siku hiyo, zitakuwa zimenyongeka kwa adhabu.

Verse 3

ﮆﮇ ﮈ

Zishughulishie, zimechoka na kutaabika.

Verse 4

ﮉﮊﮋ ﮌ

Zinachomwa kwa Moto wenye kuwaka kwa ukali.

Verse 5

ﮍﮎﮏﮐ ﮑ

Zitanyweshwa maji ya chemchemi yenye moto sana.

Verse 6

ﮒﮓﮔﮕﮖﮗ ﮘ

Watu wa Motoni hawatakuwa na chakula isipokuwa kinachotoka kwenye mti wa miba ilioshikana na chini. Ni kibaya sana chakula hiko na ni kichafu mno.

Verse 7

ﮙﮚﮛﮜﮝﮞ ﮟ

Hakimnoneshi mwenye kukila, awapo amekonda, wala hakimuondolei njaa, awapo na njaa.

Verse 8

ﮠﮡﮢ ﮣ

Nyuso za Waumini, siku ya Kiyama, zitakuwa kwenye neema.

Verse 9

ﮤﮥ ﮦ

Kwa kuwa zilijishughulisha ulimwenguni kumtii Mwenyezi Mungu na kuridhika na Akhera.

Verse 10

ﮧﮨﮩ ﮪ

Zitakuwa kwenye Pepo ya daraja ya juu.

Verse 11

ﮫﮬﮭﮮ ﮯ

Hutasikia humo hata neno moja la upuuzi.

Verse 12

ﮰﮱﯓ ﯔ

Ndani yake kuna chemchemi yenye kuteremka maji yake.

Verse 13

ﯕﯖﯗ ﯘ

Ndani yake mna vitanda vilioangatika,

Verse 14

ﯙﯚ ﯛ

na vikombe vilivyotayarishwa kwa wenye kunywa,

Verse 15

ﯜﯝ ﯞ

na mito iliyopangwa, mmoja baada ya mwingine,

Verse 16

ﯟﯠ ﯡ

na mazulia mengi yaliyotandikwa.

Verse 17

ﯢﯣﯤﯥﯦﯧ ﯨ

Kwani, hawa makafiri wenye kukanusha, hawaangalii ngamia namna walivyoumbwa kiajabu?

Verse 18

ﯩﯪﯫﯬ ﯭ

Na mbingu namna zlizoinuliwa juu kwa namna ya kupendeza?

Verse 19

ﯮﯯﯰﯱ ﯲ

Na milima namna iliyoimarishwa ukapatikana uthabiti na utulivu wa ardhi?

Verse 20

ﯳﯴﯵﯶ ﯷ

Na ardhi namna ilivyotandikwa na kutayarishwa?

Verse 21

ﯸﯹﯺﯻ ﯼ

Basi wawaidhie, ewe Mtume, wale wenye kupa nyongo yale uliyotumilizwa kwayo wala usihuzunike kwa kupa mgongo kwao.

Verse 22

ﯽﯾﯿ ﰀ

Kwani wewe ni muwaidhiaji kwao, na si juu yako kuwalazimisha kuamini..

Verse 23

ﭑﭒﭓﭔ ﭕ

Lakini yule mwenye kuyapa mgongo makumbusho na mawaidha na akawa mkakamavu kwenye ukafiri wake,

Verse 24

ﭖﭗﭘﭙ ﭚ

Mwenyezi Mungu Atamuadhibu adhabu kali Motoni.

Verse 25

ﭛﭜﭝ ﭞ

Hakika wao watarudi kwetu baada ya kufa.

Verse 26

ﭟﭠﭡﭢ ﭣ

Kisha ni juu yetu kuwalipa kwa waliyoyafanya.

Tafsiri ya سورة الغاشية

سورة الغاشية

Tafsiri ya Sura Al-Ghashiyah kwa السواحلية kutoka الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس