Surah سورة النازعات

Verse 1

ﮢﮣ ﮤ

Anaapa Mwenyezi Mungu kwa Malaika ambao huzing’oa roho za makafiri mng’oo mkali.

Verse 2

ﮥﮦ ﮧ

Na kwa Malaika ambao huzitukua roho za Waumini kwa uchangamfu na upole.

Verse 3

ﮨﮩ ﮪ

Na kwa Malaika wanaoogelea katika kushuka kwao kutoka mbinguni na kupaa kwao kwenda mbinguni.

Verse 4

ﮫﮬ ﮭ

Na kwa Mlaika ambao wanakimbilia kutekeleza amri za Mwenyezi Mungu.

Verse 5

ﮮﮯ ﮰ

Na kwa Malaika wanaopitisha amri za Mola wao katika mambo ya ulimwengu waliowakilishwa kuyafanya na kuyasimamia, - Wala haifai kwa kiumbe kukiapia chochote kile, bali yapasa kiapo chake kiwe ni kwa jina la Mola wake Muumba au sifa Zake. Na lau ataapa kwa asiye Muumba wake, basi huyo amekuwa mshirikina - Watafufuliwa viumbe bila shaka na watahesabiwa.

Verse 6

ﮱﯓﯔ ﯕ

Siku ambayo ardhi itatetemeka kwa mvuvuo wa kwanza:

Verse 7

ﯖﯗ ﯘ

mvuvio wa kufisha, ukifuatiwa na mvuvio mwingine wa kuhuisha.

Verse 8

ﯙﯚﯛ ﯜ

Nyoyo za makafiri, Siku hiyo, zitakuwa na papatiko kwa kicho kikubwa.

Verse 9

ﯝﯞ ﯟ

Macho ya makafiri hao yatakuwa madhalilifu kwa kitisho watakachokiona.

Verse 10

ﯠﯡﯢﯣﯤ ﯥ

Wanasema hawa wakanushao kufufuliwa:

Verse 11

ﯦﯧﯨﯩ ﯪ

«Je, tutarudishwa baada ya kufa kwetu kwenye yale tuliyokuwa nayo katika ardhi? Je, tutarudishwa na hali tushakuwa mifupa iliochakaa?»

Verse 12

ﯫﯬﯭﯮﯯ ﯰ

Wakasema: «Kurejea kwetu huko kutakuwa kutupu kusikokuwa kweli.’

Verse 13

ﯱﯲﯳﯴ ﯵ

Hakika tukio hilo litakuwa kwa mvivio mmoja tu.

Verse 14

ﯶﯷﯸ ﯹ

Wakitahamaki wao wako hai juu ya ardhi baada ya kuwa walikuwa ndani yake.

Verse 15

ﯺﯻﯼﯽ ﯾ

Je imekujilia, ewe Mtume, habari ya Mūsā?

Verse 16

ﯿﰀﰁﰂﰃﰄ ﰅ

Pindi Mola wake Alipomwita katika bonde lililotakaswa na kubarikiwa, la Ṭuwā. Akamwambia:

Verse 17

ﭑﭒﭓﭔﭕ ﭖ

«Enda kwa Firauni. Hakika yeye amekiuka mno katika kuasi.

Verse 18

ﭗﭘﭙﭚﭛﭜ ﭝ

Ukamwambie, ‘Je, unapendelea kuitakasa nafsi yako na upungufu na kuipamba na imani?

Verse 19

ﭞﭟﭠﭡ ﭢ

Na nikuelekeze njia ya kumtii Mola wako, upate kumcha na kumuogopa?’»

Verse 20

ﭣﭤﭥ ﭦ

Mūsā alimuonyesha Firauni alama kubwa: fimbo na mkono.

Verse 21

ﭧﭨ ﭩ

Hapo Firauni alimkanusha Nabii wa Mwenyezi Mungu , naye ni Mtume Mūsā, amani imshukie, na alimuasi Mola wake Aliyetukuka.

Verse 22

ﭪﭫﭬ ﭭ

Kisha alikengeuka hali ya kuipa mgongo Imani na kufanya bidii katika kumpinga Mūsā.

Verse 23

ﭮﭯ ﭰ

Hapo aliwakusanya raia wa utawala wake na akawaita kwa

Verse 24

ﭱﭲﭳﭴ ﭵ

kuwaambia,»Mimi ndiye mola wenu ambaye hakuna mola mwengine aliye juu yake.»

Verse 25

ﭶﭷﭸﭹﭺ ﭻ

Hapo Mwenyezi Mungu Alimtesa kwa adhabu ya duniani na ya Akhera.

Verse 26

ﭼﭽﭾﭿﮀﮁ ﮂ

Na Akaifanya adhabu hiyo iwe ni mazingatio na ni onyo kwa watu mfano wake kati ya wale waasi. Hakika Firauni na kile kilichompata cha adhabu ni mawaidha kwa mwenye kuwaidhika na kutishika.

Verse 27

ﮃﮄﮅﮆﮇﮈﮉ ﮊ

Je, kufufuliwa kwenu, enyi watu, baada ya kufa ni kugumu zaidi, katika vipimo vyenu, au ni kuumbwa kwa mbingu?

Verse 28

ﮋﮌﮍ ﮎ

Amezipanga juu yenu kama jengo. Na Ameinua sakafu yake angani, haina tofauti wala nyufa.

Verse 29

ﮏﮐﮑﮒ ﮓ

Na Ameutia giza usiku wake kwa kutwa kwa jua lake. Na Ameweka wazi mchana wake kwa kuchomoza kwake.

Verse 30

ﮔﮕﮖﮗ ﮘ

Na ardhi baada ya kuumba mbingu Ameitandaza. Na Ameweka humo manufaa yake.

Verse 31

ﮙﮚﮛﮜ ﮝ

Na Ametumbua humo chemchemu za maji. Na Ameotesha humo mimea inayolishwa.

Verse 32

ﮞﮟ ﮠ

Na Ameyakita humo majabali yakiwa ni vigingi vyake. Ameumba, Aliyetakasika na kila upungufu,

Verse 33

ﮡﮢﮣ ﮤ

neema zote hizi zikiwa ni manufaa kwenu na kwa wanyama wenu. (Hakika kurudisha kuumbwa kwenu, Siku ya Kiyama, ni sahali kwa Mwenyezi Mungu kushinda kuumba viumbe hivyo vyingine. Na vyote hivyo, kwa Mwenyezi Mungu, ni rahisi na ni vipesi).

Verse 34

ﮥﮦﮧﮨ ﮩ

Pindi kitakapokuja Kiyama Kikubwa na balaa nzito, nao ni Mvuvio wa pili. Kipindi hicho zitaoneshwa kwa binadamu vitendo vyake vyote, za kheri na za shari.

Verse 35

ﮪﮫﮬﮭﮮ ﮯ

Hapo atazikumbuka na kuzitambua.

Verse 36

ﮰﮱﯓﯔ ﯕ

Na utaoneshwa Moto wa Jahanamu kwa kila aonaye, uwe waonekana waziwazi.

Verse 37

ﯖﯗﯘ ﯙ

Ama yule atakayekiuka amri ya Mwenyezi Mungu

Verse 38

ﯚﯛﯜ ﯝ

na akapendelea maisha ya ulimwenguni kuliko ya Akhera,

Verse 39

ﯞﯟﯠﯡ ﯢ

basi kwa kweli marejeo yake ni Motoni.

Verse 40

ﯣﯤﯥﯦﯧﯨﯩﯪﯫ ﯬ

Na ama yule atakayeogopa kusimama mbele ya Mwenyezi Mungu kuhesabiwa na akaikanya nafsi yake na matamanio mapotofu,

Verse 41

ﯭﯮﯯﯰ ﯱ

basi Peponi ndiko makazi yake.

Verse 42

ﯲﯳﯴﯵﯶ ﯷ

Wanakuuliza washirikina, ewe Mtume, kwa madharau, kuhusu wakati wa kuanzia Kiyama unachowaonya.

Verse 43

ﯸﯹﯺﯻ ﯼ

Wewe huna kamwe ujuzi nacho.

Verse 44

ﯽﯾﯿ ﰀ

Bali mambo ya ujuzi huo yarejeshwe kwa Mwenyezi Mungu, Mwenye Sifa Tukufu.

Verse 45

ﰁﰂﰃﰄﰅ ﰆ

Wewe linalokuhusu katika habari zake ni kumuonya nacho yule anayekiogopa.

Verse 46

ﰇﰈﰉﰊﰋﰌﰍﰎﰏ ﰐ

Kama kwamba wao siku watakapouona Kiyama kimesimama, watakuwa hawakukaa katika maisha yao ya duniani, kwa vituko vya hiko Kiyama, isipokuwa ni kama kwamba wamkaa kati ya adhuhuri mpaka kutwa juwa, au ni kama kati ya kuchomoza jua mpaka nusu ya mchana.

Tafsiri ya سورة النازعات

سورة النازعات

Tafsiri ya Sura An-Nazi'at kwa السواحلية kutoka الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس