Surah سورة عبس

Verse 1

ﭑﭒ ﭓ

Yalidhihiri mabadiliko na mkunjiko katika uso wa Mtume, rehema ya Mwenyezi Mungu na amani zimshukie,

Verse 2

ﭔﭕﭖ ﭗ

na akapa nyongo kwa sababu ya kwamba Abdallah bin Ummi Maktum alimjilia akitaka aelekezwe. Na alikuwa Mtume, rehema ya Mwenyezi Mungu na amani zimshukie, ameshughulika kuwalingania miamba wa Kikureshi katika Uislamu.

Verse 3

ﭘﭙﭚﭛ ﭜ

Ni kitu gani kinakufanya wewe ujue uhakika wa jambo lake? Kwani huenda ikawa, kwa kuuliza kwake, nafsi yake itatakasika na kusafika.

Verse 4

ﭝﭞﭟﭠ ﭡ

Au pengine apate mazingatio zaidi na kutishika.

Verse 5

ﭢﭣﭤ ﭥ

Basi yule alijyejitosheleza na kutouhitajia uongozi wako,

Verse 6

ﭦﭧﭨ ﭩ

wewe ndiye unayemjali na wapulikiza maneno yake.

Verse 7

ﭪﭫﭬﭭ ﭮ

Na ni kitu gani kinachokupa jukumu kwako iwapo hakusafika na ukafiri wake?

Verse 8

ﭯﭰﭱﭲ ﭳ

Ama yule ambaye amekuwa na pupa la kukutana na wewe,

Verse 9

ﭴﭵ ﭶ

na huku anamuogopa Mwenyezi Mungu asiwe na kasoro katika kupata uongofu,

Verse 10

ﭷﭸﭹ ﭺ

wewe unampuuza. Ilivyotakikana ufanye si kama ulivyofanya, ewe Mtume.

Verse 11

ﭻﭼﭽ ﭾ

Hakika Sura hii ni mawaidha kwako na kwa kila anayetaka kuwaidhika.

Verse 12

ﭿﮀﮁ ﮂ

Basi atakaye atamkumbuka Mwenyezi Mungu na kumtaja na atafuata Wahyi Wake.

Verse 13

ﮃﮄﮅ ﮆ

Wahyi huu, nao ni Qur’ani, uko katika kurasa zilizotukuzwa,

Verse 14

ﮇﮈ ﮉ

zenye kuheshimiwa, zenye cheo cha juu,

Verse 15

ﮊﮋ ﮌ

zilizosafishwa na uchafu, uongezaji na upunguzaji.

Verse 16

ﮍﮎ ﮏ

Zilizoko mikononi mwa Malaika waandishi, mabalozi kati ya Mwenyezi Mungu na viumbe Wake, wenye maumbile mema, tabia zao ni nzuri na njema na pia matendo yao.

Verse 17

ﮐﮑﮒﮓ ﮔ

Amelaaniwa mtu kafiri na ataadhibiwa. Ni uovu ulioje wa ukafiri wake kwa Mola wake!

Verse 18

ﮕﮖﮗﮘ ﮙ

Kwani hajui ni kwa kitu gani Mwenyezi Mungu Alimuumba kwacho mwanzo wake?

Verse 19

ﮚﮛﮜﮝ ﮞ

Mwenyezi Mungu Alimuumba kwa maji machache, nayo ni manii. Akayakadiria miongo yake.

Verse 20

ﮟﮠﮡ ﮢ

Kisha Akambainishia njia ya kheri na ya shari.

Verse 21

ﮣﮤﮥ ﮦ

Kisha humkosesha uhai, na Amemuekea mahali pa kuzikiwa.

Verse 22

ﮧﮨﮩﮪ ﮫ

Kisha Akitaka Mwenyezi Mungu, Aliyetakasika na sifa mbaya, Atamhuisha na kumfufua baada ya kifo chake, kwa ajili ya kuhesabiwa na kulipwa.

Verse 23

ﮬﮭﮮﮯﮰ ﮱ

Mambo siyo kama yale anayoyasema kafiri na anayoyafanya. Bado hajatakeleza Aliyomuamrisha kwayo Mwenyezi Mungu katika kuamini na kutenda wema kwa kumtii.

Verse 24

ﯓﯔﯕﯖ ﯗ

Na azingatie binadamu, vipi Mwenyezi Mungu Amekiumba chakula chake ambacho ndicho kinachoendeleza maisha yake?

Verse 25

ﯘﯙﯚﯛ ﯜ

Aone kwamba Sisi Tumeyamimina maji ya mvua juu ya ardhi kwa wingi.

Verse 26

ﯝﯞﯟﯠ ﯡ

Kisha Tumeipasua ardhi kwa Tulivyo vitoa kutoka humo miongoni mwa mimea tofauti.

Verse 27

ﯢﯣﯤ ﯥ

Tukaotesha humo nafaka

Verse 28

ﯦﯧ ﯨ

na zabibu, na nyasi za wanyama.Na mizaituni na mitende.

Verse 29

ﯩﯪ ﯫ

Na mabustani yenye miti mikubwa.

Verse 30

ﯬﯭ ﯮ

Na matunda

Verse 31

ﯯﯰ ﯱ

na ndisha.

Verse 32

ﯲﯳﯴ ﯵ

Mnajistareheshea kwazo, nyinyi na wanyama wenu.

Verse 33

ﯶﯷﯸ ﯹ

Utakapokuja Ukelele wa Siku ya Kiyama, ambao utayatia uziwi, kwa kitisho chake, masikizi.

Verse 34

ﯺﯻﯼﯽﯾ ﯿ

Siku mtu atakapomkimbia, kwa kitisho cha Siku Hiyo, nduguye

Verse 35

ﰀﰁ ﰂ

na babake na mamake na

Verse 36

ﰃﰄ ﰅ

mkewe na wanawe.

Verse 37

ﰆﰇﰈﰉﰊﰋ ﰌ

Kila mmoja Siku Hiyo, atakuwa na jambo litakalomzuia asishughulike na mwingine.

Verse 38

ﰍﰎﰏ ﰐ

Nyuso za wenye neema, Siku Hiyo, zitakuwa ni zenye kung’ara,

Verse 39

ﰑﰒ ﰓ

zenye furaha na nderemo.

Verse 40

ﰔﰕﰖﰗ ﰘ

Na nyuso za watu wa Motoni zitakuwa na giza,

Verse 41

ﭑﭒ ﭓ

nyeusi, zafinikwa na unyonge.

Verse 42

ﭔﭕﭖﭗ ﭘ

Hao wenye kusifika na sifa hiyo ndiwo wale waliozikufuru neema za Mwenyezi Mungu na wakazikanusha aya zake na wakayakeuka Aliyoyaharamisha kwa kutenda maovu na kukiuka mipaka.

Tafsiri ya سورة عبس

سورة عبس

Tafsiri ya Sura Abasa kwa السواحلية kutoka الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس