Surah سورة النبأ

Verse 1

ﭑﭒ ﭓ

Kuhusu kitu gani baadhi ya makafiri wa Kikureshi wanaulizana?

Verse 2

ﭔﭕﭖ ﭗ

Wanaulizana kuhusu habari iliyo na uzito mkubwa kabisa,

Verse 3

ﭘﭙﭚﭛ ﭜ

nayo ni Qur’ani tukufu inayotoa habari za kufufuliwa ambako makafiri wa Kikureshi wana shaka nako na wanakukanusha.

Verse 4

ﭝﭞ ﭟ

Mambo sivyo kama wanavyodhania hawa washirikina. Hapo watajua hawa washirikina upeo wa kukanusha kwao na kitawadhihirikia waziwazi kile Atakachowatenda Mwenyezi Mungu Siku ya Kiyama.

Verse 5

ﭠﭡﭢ ﭣ

Kisha litahakikishika kwao jambo hilo na utahakikishika kwao ukweli wa yale aliyokuja nayo Mtume Muhammad, rehema ya Mwenyezi Mungu na amani zimshukie, kuhusu Qur’ani na kufufuliwa. Huu ni utisho na makemeo kwao.

Verse 6

ﭤﭥﭦﭧ ﭨ

Kwani hatukuwatandazia ardhi kama tandiko?

Verse 7

ﭩﭪ ﭫ

Na Tukawafanyia majabali kuwa ni vigingi, ili isitisike nanyi?

Verse 8

ﭬﭭ ﭮ

Na Tukawaumba aina mbali-mbali, mume na mke.

Verse 9

ﭯﭰﭱ ﭲ

Na Tukafanya usingizi wenu ni mapumziko kwa viwiliwili vyenu: ndani yake mnatulia na kupumzika?

Verse 10

ﭳﭴﭵ ﭶ

Na Tukaufanya usiku kuwa ni vazi, unawavisha giza lake na kuwafinika, kama nguo inavyomsitiri mwenye kuivaa.

Verse 11

ﭷﭸﭹ ﭺ

Na Tukaufanya mchana ni kipindi cha kutafuta maisha, mnaenea humo kwa ajili ya maisha yenu na mnatembea humo kwa ajili ya maslahi yenu?

Verse 12

ﭻﭼﭽﭾ ﭿ

Na Tukajenga juu yenu mbingu saba, madhubuti jengo lake, lilioumbwa kwa uzuri, halina mapasuko wala nyufa?

Verse 13

ﮀﮁﮂ ﮃ

Na Tukalifanya jua kuwa ni taa iwakayo na kung’ara?

Verse 14

ﮄﮅﮆﮇﮈ ﮉ

Na Tukateremsha kutoka kwenye mawingu yanyeshayo maji yamiminikayo kwa wingi,

Verse 15

ﮊﮋﮌﮍ ﮎ

ili Tutoe kwa maji hayo nafaka inayoliwa na watu,

Verse 16

ﮏﮐ ﮑ

nyasi zinazoliwa na wanyama na miti iliyosongamana kwa kutawanyika tagaa zake?

Verse 17

ﮒﮓﮔﮕﮖ ﮗ

Hakika Siku ya Uamuzi kati ya viumbe,

Verse 18

ﮘﮙﮚﮛﮜﮝ ﮞ

nayo ni Siku ya Kiyama, imekuwa ni wakati na ahadi iliyowekewa muda maalimu kwa watu wa mwanzo na wa mwisho.

Verse 19

ﮟﮠﮡﮢ ﮣ

Na zikafunguliwa mbingu zikawa ni zenye milango mingi kwa ajili ya kuteremka Malaika.

Verse 20

ﮤﮥﮦﮧ ﮨ

Na yakalipuliwa majabali baada ya kuwa yamekita, yakawa ni kama mangati.

Verse 21

ﮩﮪﮫﮬ ﮭ

Hakika Jahanamu, Siku Hiyo, itawalindiza wenye ukafiri ambao Moto huo umeandaliwa wao.

Verse 22

ﮮﮯ ﮰ

Kwa makafiri ndio marejeo.

Verse 23

ﮱﯓﯔ ﯕ

Watabakia humo muda mrefu ufuatanao, usiokoma.

Verse 24

ﯖﯗﯘﯙﯚﯛ ﯜ

Hawatakula humo chochote kitakachozizimisha joto la moto kwao.

Verse 25

ﯝﯞﯟ ﯠ

Wala kinywaji kitakachowaondolea kiu yao. Isipokuwa maji moto na usaha wa watu wa motoni.

Verse 26

ﯡﯢ ﯣ

Watakuwa wanalipwa kwa hilo malipo ya sawa yanayolingana na vitendo vyao walivyovitenda duniani

Verse 27

ﯤﯥﯦﯧﯨ ﯩ

Hakika wao walikuwa hawaiyogopi Siku ya Hesabu, na kwa hivyo hawakujitayarisha nayo kwa kufanya matendo ya kuwafaa.

Verse 28

ﯪﯫﯬ ﯭ

Na waliyakanusha waziwazi yaliyoletwa na Mitume.

Verse 29

ﯮﯯﯰﯱ ﯲ

Na kila kitu Tulikijua na Tukakiandika katika Ubao uliohifadhiwa (Al-Lawḥ Al-Maḥfūd).

Verse 30

ﯳﯴﯵﯶﯷ ﯸ

Basi Onjeni, enyi makafiri, hayo yakiwa ni malipo ya vitendo vyenu, Hatutawazidishia isipokuwa adhabu juu ya adhabu yenu.

Verse 31

ﭑﭒﭓ ﭔ

Hakika kwa wale ambao wanamuogopa Mola wao na huku wanatenda mema kuna kufaulu kwa kuingia Peponi.

Verse 32

ﭕﭖ ﭗ

Hakika watapata Mabustani makubwa na zabibu.

Verse 33

ﭘﭙ ﭚ

Na watapata wanawake wenye umri mdogo, wenye vifua vilivyojaza, marika na waume zao.

Verse 34

ﭛﭜ ﭝ

Na watapata glasi zlizojaa pombe.

Verse 35

ﭞﭟﭠﭡﭢﭣ ﭤ

Hawatasikia katika Pepo hiyo maneno ya upotofu wala kudanganyana.

Verse 36

ﭥﭦﭧﭨﭩ ﭪ

Watayapata yote hayo yakiwa ni malipo na zawadi na kipewa kingi cha kuwatosha kutoka kwa Mwenyezi Mungu,

Verse 37

ﭫﭬﭭﭮﭯﭰﭱﭲﭳﭴﭵ ﭶ

Mola wa mbingu na ardhi na vilivyomo kati ya hizo, Mwenye kuwarehemu duniani na Akhera. Hawataweza kumuomba isipokuwa kile walichopewa ruhusa kumuomba.

Verse 38

ﭷﭸﭹﭺﭻﭼﭽﭾﭿﮀﮁﮂﮃﮄﮅ ﮆ

Siku atakaposimama Jibrili na Malaika wengine hali ya kujipanga mlolongo. Hawatamuombea isipokuwa yule aliyetolewa ruhusa na Mwingi wa Rehema ya kuombewa na akasema maneno ya haki na ya sawa.

Verse 39

ﮇﮈﮉﮊﮋﮌﮍﮎﮏﮐ ﮑ

Hiyo ndiyo siku ya haki isiyokuwa na shaka kuja kwake. Kwa hivyo, yule atakaye kuokoka na vituko vya Siku hiyo, na ajifanyie njia ya marejeo kwa Mola wake kutenda vitendo vyema.

Verse 40

ﮒﮓﮔﮕﮖﮗﮘﮙﮚﮛﮜﮝﮞﮟﮠ ﮡ

Sisi Tunawaonya nyinyi adhabu ya Siku ya mwisho iliyo karibu. Siku ambayo atayaona kila mtu aliyoyatenda katika kheri au aliyoyachuma miongoni mwa madhambi. Na kafiri atasema, kwa kitisho cha Hesabu, «Laiti mimi nilikuwa mchanga na sikufufuliwa.»

Tafsiri ya سورة النبأ

سورة النبأ

Tafsiri ya Sura An-Naba'i kwa السواحلية kutoka الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس

الترجمة السواحلية - عبد الله محمد وناصر خميس