Surah سورة النازعات

Verse 1

ﮢﮣ ﮤ

An-Nazi'at

Naapa kwa wanao komoa kwa nguvu,

Verse 2

ﮥﮦ ﮧ

Na kwa wanao toa kwa upole,

Verse 3

ﮨﮩ ﮪ

Na wanao ogelea,

Verse 4

ﮫﮬ ﮭ

Wakishindana mbio,

Verse 5

ﮮﮯ ﮰ

Wakidabiri mambo.

Verse 6

ﮱﯓﯔ ﯕ

Siku kitapo tetemeka cha kutetemeka,

Verse 7

ﯖﯗ ﯘ

Kifuate cha kufuatia.

Verse 8

ﯙﯚﯛ ﯜ

Siku hiyo nyoyo zitapiga piga,

Verse 9

ﯝﯞ ﯟ

Macho yatainama chini.

Verse 10

ﯠﯡﯢﯣﯤ ﯥ

Sasa wanasema: Ati kweli tutarudishwa kwenye hali ya kwanza?

Verse 11

ﯦﯧﯨﯩ ﯪ

Hata tukiwa mifupa iliyo bunguliwa?

Verse 12

ﯫﯬﯭﯮﯯ ﯰ

Wanasema: Basi marejeo hayo ni yenye khasara!

Verse 13

ﯱﯲﯳﯴ ﯵ

Kwa hakika hayo ni ukelele mmoja tu,

Verse 14

ﯶﯷﯸ ﯹ

Mara watakuwa kwenye uwanda wa mkutano!

Verse 15

ﯺﯻﯼﯽ ﯾ

Je! Imekufikia hadithi ya Musa?

Verse 16

ﯿﰀﰁﰂﰃﰄ ﰅ

Mola wake Mlezi alipo mwita katika bonde takatifu la T'uwaa, akamwambia:

Verse 17

ﭑﭒﭓﭔﭕ ﭖ

Nenda kwa Firauni. Hakika yeye amezidi jeuri.

Verse 18

ﭗﭘﭙﭚﭛﭜ ﭝ

Umwambie: Je! Unapenda kujitakasa?

Verse 19

ﭞﭟﭠﭡ ﭢ

Nami nitakuongoa ufike kwa Mola wako Mlezi, upate kumcha.

Verse 20

ﭣﭤﭥ ﭦ

Basi alimwonyesha Ishara kubwa.

Verse 21

ﭧﭨ ﭩ

Lakini aliikadhibisha na akaasi.

Verse 22

ﭪﭫﭬ ﭭ

Kisha alirudi nyuma, akaingia kufanya juhudi.

Verse 23

ﭮﭯ ﭰ

Akakusanya watu akanadi.

Verse 24

ﭱﭲﭳﭴ ﭵ

Akasema: Mimi ndiye Mola wenu Mlezi mkuu kabisa.

Verse 25

ﭶﭷﭸﭹﭺ ﭻ

Basi hapo Mwenyezi Mungu akamshika kumuadhibu kwa la mwisho na la mwanzo.

Verse 26

ﭼﭽﭾﭿﮀﮁ ﮂ

Kwa hakika katika haya yapo mazingatio kwa wanao ogopa.

Verse 27

ﮃﮄﮅﮆﮇﮈﮉ ﮊ

Je! Ni vigumu zaidi kukuumbeni nyinyi au mbingu? Yeye ndiye aliye ijenga!

Verse 28

ﮋﮌﮍ ﮎ

Akainua kimo chake, na akaitengeneza vizuri.

Verse 29

ﮏﮐﮑﮒ ﮓ

Na akautia giza usiku wake, na akautokeza mchana wake.

Verse 30

ﮔﮕﮖﮗ ﮘ

Na juu ya hivyo ameitandaza ardhi.

Verse 31

ﮙﮚﮛﮜ ﮝ

Akatoa ndani yake maji yake na malisho yake,

Verse 32

ﮞﮟ ﮠ

Na milima akaisimamisha,

Verse 33

ﮡﮢﮣ ﮤ

Kwa nafuu yenu na mifugo yenu.

Verse 34

ﮥﮦﮧﮨ ﮩ

Basi itakapo fika hiyo balaa kubwa,

Verse 35

ﮪﮫﮬﮭﮮ ﮯ

Siku ambayo mtu atakumbuka aliyo yafanya,

Verse 36

ﮰﮱﯓﯔ ﯕ

Na Jahannamu itadhihirishwa kwa mwenye kuona,

Verse 37

ﯖﯗﯘ ﯙ

Basi ama yule aliye zidi ujeuri,

Verse 38

ﯚﯛﯜ ﯝ

Na akakhiari maisha ya dunia,

Verse 39

ﯞﯟﯠﯡ ﯢ

Kwa hakika Jahannamu ndiyo makaazi yake!

Verse 40

ﯣﯤﯥﯦﯧﯨﯩﯪﯫ ﯬ

Na ama yule anaye ogopa kusimamishwa mbele ya Mola wake Mlezi, na akajizuilia nafsi yake na matamanio,

Verse 41

ﯭﯮﯯﯰ ﯱ

Basi huyo, Pepo itakuwa ndiyo makaazi yake!

Verse 42

ﯲﯳﯴﯵﯶ ﯷ

Wanakuuliza Saa (ya Kiyama) itakuwa lini?

Verse 43

ﯸﯹﯺﯻ ﯼ

Una nini wewe hata uitaje?

Verse 44

ﯽﯾﯿ ﰀ

Kwa Mola wako Mlezi ndio mwisho wake.

Verse 45

ﰁﰂﰃﰄﰅ ﰆ

Kwa hakika wewe ni mwonyaji tu kwa mwenye kuikhofu.

Verse 46

ﰇﰈﰉﰊﰋﰌﰍﰎﰏ ﰐ

Ni kama kwamba wao siku watapo iona (hiyo Saa) hawakukaa ila jioni moja tu, au mchana wake.

Tafsiri ya سورة النازعات

سورة النازعات

Tafsiri ya Sura An-Nazi'at kwa السواحلية kutoka Ali Muhsin Al - Swahili translation

Ali Muhsin Al - Swahili translation

Ali Muhsin Al - Swahili translation

An-Nazi'at