Verse 1

ﭑﭒ ﭓ ​

As-Saffat

Naapa kwa wanao jipanga kwa safu.

Verse 2

ﭔﭕ ﭖ ​

Na kwa wenye kukataza mabaya.

Verse 3

ﭗﭘ ﭙ ​

Na kwa wenye kusoma Ukumbusho.

Verse 4

ﭚﭛﭜ ﭝ ​

Hakika Mungu wenu bila ya shaka ni Mmoja.

Verse 5

ﭞﭟﭠﭡﭢﭣﭤ ﭥ ​

Mola Mlezi wa mbingu na ardhi, na yaliyomo kati yao, na ni Mola Mlezi wa mashariki zote.

Verse 6

ﭦﭧﭨﭩﭪﭫ ﭬ ​

Hakika Sisi tumeipamba mbingu ya karibu kwa pambo la nyota.

Verse 7

ﭭﭮﭯﭰﭱ ﭲ ​

Na kulinda na kila shet'ani a'si.

Verse 8

ﭳﭴﭵﭶﭷﭸﭹﭺﭻ ﭼ ​

Wasiweze kuwasikiliza viumbe watukufu. Na wanafukuzwa huko kila upande.

Verse 9

ﭽﭾﭿﮀﮁ ﮂ ​

Wakifurushwa. Na wanayo adhabu ya kudumu.

Verse 10

ﮃﮄﮅﮆﮇﮈﮉ ﮊ ​

Isipo kuwa anaye nyakua kitu kidogo, na mara humfwatia kimondo kinacho ng'ara.

Verse 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

Hebu waulize: Je! Wao ni wenye umbo gumu zaidi au hao wengine tulio waumba. Hakika Sisi tuliwaumba wao kwa udongo unao nata.

Verse 12

ﮙﮚﮛ ﮜ ​

Bali unastaajabu, na wao wanafanya maskhara.

Verse 13

ﮝﮞﮟﮠ ﮡ ​

Na wanapo kumbushwa hawakumbuki.

Verse 14

ﮢﮣﮤﮥ ﮦ ​

Na wanapo ona Ishara, wanafanya maskhara.

Verse 15

ﮧﮨﮩﮪﮫﮬ ﮭ ​

Na husema: Haya si chochote ila ni uchawi tu ulio dhaahiri.

Verse 16

ﮮﮯﮰﮱﯓﯔﯕ ﯖ ​

Ati tukisha kufa na tukawa udongo na mifupa ndio kweli tutafufuliwa?

Verse 17

ﯗﯘ ﯙ ​

Hata baba zetu wa zamani?

Verse 18

ﯚﯛﯜﯝ ﯞ ​

Sema: Naam! Hali nanyi ni madhalili.

Verse 19

ﯟﯠﯡﯢﯣﯤﯥ ﯦ ​

Huko utapigwa ukelele mmoja tu! Na hapo ndio wataona!

Verse 20

ﯧﯨﯩﯪﯫ ﯬ ​

Watasema: Ole wetu! Hii ndiyo Siku ya Malipo.

Verse 21

ﯭﯮﯯﯰﯱﯲﯳ ﯴ ​

Hii ndiyo Siku ya Hukumu mliyo kuwa mkiikadhibisha.

Verse 22

ﯵﯶﯷﯸﯹﯺﯻﯼ ﯽ ​

Wakusanyeni walio dhulumu, na wake zao, na hao walio kuwa wakiwaabudu -

Verse 23

ﯾﯿﰀﰁﰂﰃﰄ ﰅ ​

Badala ya Mwenyezi Mungu. Waongozeni njia ya Jahannamu!

Verse 24

ﰆﰇﰈﰉ ﰊ ​

Na wasimamisheni. Hakika hao watasailiwa:

Verse 25

ﭑﭒﭓﭔ ﭕ ​

Mna nini? Mbona hamsaidiani?

Verse 26

ﭖﭗﭘﭙ ﭚ ​

Bali hii leo, watasalimu amri.

Verse 27

ﭛﭜﭝﭞﭟ ﭠ ​

Watakabiliana wao kwa wao kuulizana.

Verse 28

ﭡﭢﭣﭤﭥﭦ ﭧ ​

Watasema: Kwa hakika nyinyi mlikuwa mkitujia upande wa kulia.

Verse 29

ﭨﭩﭪﭫﭬ ﭭ ​

Watasema (wakubwa): Bali nyinyi wenyewe hamkuwa Waumini.

Verse 30

ﭮﭯﭰﭱﭲﭳﭴﭵﭶﭷﭸ ﭹ ​

Sisi hatukuwa na mamlaka juu yenu, bali nyinyi wenyewe mlikuwa wapotovu.

Verse 31

ﭺﭻﭼﭽﭾﭿﮀ ﮁ ​

Basi hukumu ya Mola wetu Mlezi imekwisha tuthibitikia. Hakika bila ya shaka tutaonja tu adhabu.

Verse 32

ﮂﮃﮄﮅ ﮆ ​

Tulikupotezeni kwa sababu sisi wenyewe tulikuwa wapotovu.

Verse 33

ﮇﮈﮉﮊﮋ ﮌ ​

Basi wao kwa hakika siku hiyo watashirikiana katika adhabu pamoja.

Verse 34

ﮍﮎﮏﮐ ﮑ ​

Hivyo ndivyo tutakavyo wafanyia wakosefu.

Verse 35

ﮒﮓﮔﮕﮖﮗﮘﮙﮚﮛ ﮜ ​

Wao walipo kuwa wakiambiwa La ilaha illa 'Llahu Hapana mungu ila Mwenyezi Mungu tu, wakijivuna.

Verse 36

ﮝﮞﮟﮠﮡﮢ ﮣ ​

Na wakisema: Hivyo sisi tuiache miungu yetu kwa ajili ya huyu mtunga mashairi mwendawazimu?

Verse 37

ﮤﮥﮦﮧﮨ ﮩ ​

Bali huyu amekuja kwa Haki, na amewasadikisha Mitume.

Verse 38

ﮪﮫﮬﮭ ﮮ ​

Hakika nyinyi bila ya shaka mtaionja adhabu chungu.

Verse 39

ﮯﮰﮱﯓﯔﯕ ﯖ ​

Wala hamlipwi ila hayo mliyo kuwa mkiyafanya.

Verse 40

ﯗﯘﯙﯚ ﯛ ​

Isipo kuwa waja wa Mwenyezi Mungu walio khitariwa.

Verse 41

ﯜﯝﯞﯟ ﯠ ​

Hao ndio watakao pata riziki maalumu,

Verse 42

ﯡﯢﯣ ﯤ ​

Matunda, nao watahishimiwa.

Verse 43

ﯥﯦﯧ ﯨ ​

Katika Bustani za neema.

Verse 44

ﯩﯪﯫ ﯬ ​

Wako juu ya viti wamekabiliana.

Verse 45

ﯭﯮﯯﯰﯱ ﯲ ​

Wanazungushiwa kikombe chenye kinywaji cha chemchem

Verse 46

ﯳﯴﯵ ﯶ ​

Kinywaji cheupe, kitamu kwa wanywao.

Verse 47

ﯷﯸﯹﯺﯻﯼﯽ ﯾ ​

Hakina madhara, wala hakiwaleweshi.

Verse 48

ﯿﰀﰁﰂ ﰃ ​

Na watakuwa nao wanawake wenye macho ya staha mazuri.

Verse 49

ﰄﰅﰆ ﰇ ​

Hao wanawake kama mayai yaliyo hifadhika.

Verse 50

ﰈﰉﰊﰋﰌ ﰍ ​

Waingie kuulizana wenyewe kwa wenyewe.

Verse 51

ﰎﰏﰐﰑﰒﰓﰔ ﰕ ​

Aseme msemaji mmoja miongoni mwao: Hakika mimi nalikuwa na rafiki

Verse 52

ﭑﭒﭓﭔ ﭕ ​

Aliye kuwa akinambia: Hivyo wewe ni katika wanao sadiki

Verse 53

ﭖﭗﭘﭙﭚﭛﭜ ﭝ ​

Ati tukisha kufa tukawa udongo na mafupa, ndio tutalipwa na kuhisabiwa?

Verse 54

ﭞﭟﭠﭡ ﭢ ​

Atasema: Je! Nyie mnawaona?

Verse 55

ﭣﭤﭥﭦﭧ ﭨ ​

Basi atachungulia amwone katikati ya Jahannamu.

Verse 56

ﭩﭪﭫﭬﭭ ﭮ ​

Atasema: Wallahi! Ulikaribia kunipoteza.

Verse 57

ﭯﭰﭱﭲﭳﭴ ﭵ ​

Na lau kuwa si neema ya Mola wangu Mlezi bila ya shaka ningeli kuwa miongoni mwa walio hudhurishwa.

Verse 58

ﭶﭷﭸ ﭹ ​

Je! Sisi hatutakufa,

Verse 59

ﭺﭻﭼﭽﭾﭿ ﮀ ​

Isipo kuwa kifo chetu cha kwanza? Wala sisi hatutaadhibiwa.

Verse 60

ﮁﮂﮃﮄﮅ ﮆ ​

Hakika huku bila ya shaka ndiko kufuzu kukubwa.

Verse 61

ﮇﮈﮉﮊ ﮋ ​

Kwa mfano wa haya nawatende watendao.

Verse 62

ﮌﮍﮎﮏﮐﮑ ﮒ ​

Je! Kukaribishwa hivi si ndio bora, au mti wa Zaqqum?

Verse 63

ﮓﮔﮕﮖ ﮗ ​

Hakika Sisi tumeufanya huo kuwa ni mateso kwa walio dhulumu.

Verse 64

ﮘﮙﮚﮛﮜﮝ ﮞ ​

Hakika huo ni mti unao toka katikati ya Jahannamu.

Verse 65

ﮟﮠﮡﮢ ﮣ ​

Mashada ya matunda yake kama kwamba vichwa vya mashet'ani.

Verse 66

ﮤﮥﮦﮧﮨﮩ ﮪ ​

Basi hakika bila ya shaka hao watayala hayo, na wajaze matumbo.

Verse 67

ﮫﮬﮭﮮﮯﮰﮱ ﯓ ​

Kisha juu yake wanyweshwe mchanganyo wa maji yamoto yaliyo chemka.

Verse 68

ﯔﯕﯖﯗﯘ ﯙ ​

Kisha hakika marejeo yao bila ya shaka yatakuwa kwenye Jahannamu.

Verse 69

ﯚﯛﯜﯝ ﯞ ​

Hakika waliwakuta baba zao wamepotea.

Verse 70

ﯟﯠﯡﯢ ﯣ ​

Na wao wakafanya haraka kufuata nyayo zao.

Verse 71

ﯤﯥﯦﯧﯨ ﯩ ​

Na bila ya shaka walikwisha potea kabla yao wengi wa watu wa zamani.

Verse 72

ﯪﯫﯬﯭ ﯮ ​

Na Sisi hakika tuliwapelekea waonyaji.

Verse 73

ﯯﯰﯱﯲﯳ ﯴ ​

Basi hebu angalia ulikuwaje mwisho wa walio onywa.

Verse 74

ﯵﯶﯷﯸ ﯹ ​

Isipo kuwa waja wa Mwenyezi Mungu walio khitariwa.

Verse 75

ﯺﯻﯼﯽﯾ ﯿ ​

Na hakika Nuhu alitwita, na Sisi ni bora wa waitikiaji.

Verse 76

ﰀﰁﰂﰃﰄ ﰅ ​

Na tulimwokoa yeye na ahali zake kutokana na msiba mkubwa.

Verse 77

ﭑﭒﭓﭔ ﭕ ​

Na tuliwajaalia dhuriya zake ndio wenye kubakia.

Verse 78

ﭖﭗﭘﭙ ﭚ ​

Na tukamwachia (sifa njema) kwa walio kuja baadaye.

Verse 79

ﭛﭜﭝﭞﭟ ﭠ ​

Iwe salama kwa Nuhu ulimwenguni kote!

Verse 80

ﭡﭢﭣﭤ ﭥ ​

Kwa hakika hivi ndivyo tunavyo walipa wanao fanya mema.

Verse 81

ﭦﭧﭨﭩ ﭪ ​

Hakika yeye ni katika waja wetu walio amini.

Verse 82

ﭫﭬﭭ ﭮ ​

Kisha tukawazamisha wale wengine.

Verse 83

ﭯﭰﭱﭲﭳ ﭴ ​

Na hakika Ibrahim alikuwa katika kundi lake,

Verse 84

ﭵﭶﭷﭸﭹ ﭺ ​

Alipo mjia Mola wake Mlezi kwa moyo mzima.

Verse 85

ﭻﭼﭽﭾﭿﮀ ﮁ ​

Alimwambia baba yake na watu wake: Mnaabudu nini?

Verse 86

ﮂﮃﮄﮅﮆ ﮇ ​

Kwa kuzua tu mnataka miungu mingine badala ya Mwenyezi Mungu?

Verse 87

ﮈﮉﮊﮋ ﮌ ​

Mnamdhania nini Mola Mlezi wa walimwengu wote?

Verse 88

ﮍﮎﮏﮐ ﮑ ​

Kisha akapiga jicho kutazama nyota.

Verse 89

ﮒﮓﮔ ﮕ ​

Akasema: Hakika mimi ni mgonjwa!

Verse 90

ﮖﮗﮘ ﮙ ​

Nao wakamwacha, wakampa kisogo.

Verse 91

ﮚﮛﮜﮝﮞﮟ ﮠ ​

Basi akaiendea miungu yao kwa siri, akaiambia: Mbona hamli?

Verse 92

ﮡﮢﮣﮤ ﮥ ​

Mna nini hata hamsemi?

Verse 93

ﮦﮧﮨﮩ ﮪ ​

Kisha akaigeukia kuipiga kwa mkono wa kulia.

Verse 94

ﮫﮬﮭ ﮮ ​

Basi wakamjia upesi upesi.

Verse 95

ﮯﮰﮱﯓ ﯔ ​

Akasema: Hivyo mnaviabudu vitu mnavyo vichonga wenyewe?

Verse 96

ﯕﯖﯗﯘ ﯙ ​

Na hali Mwenyezi Mungu ndiye aliye kuumbeni nyinyi na hivyo mnavyo vifanya!

Verse 97

ﯚﯛﯜﯝﯞﯟﯠ ﯡ ​

Wakasema: Mjengeeni jengo, na kisha mtupeni motoni humo!

Verse 98

ﯢﯣﯤﯥﯦ ﯧ ​

Basi walitaka kumfanyia vitimbi, lakini tukawafanya wao ndio wa chini.

Verse 99

ﯨﯩﯪﯫﯬﯭ ﯮ ​

Na akasema: Hakika mimi nahama, nakwenda kwa Mola wangu Mlezi; Yeye ataniongoa.

Verse 100

ﯯﯰﯱﯲﯳ ﯴ ​

Ewe Mola wangu Mlezi! Nitunukie aliye miongoni mwa watenda mema.

Verse 101

ﯵﯶﯷ ﯸ ​

Basi tukambashiria mwana aliye mpole.

Verse 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

Basi alipo fika makamo ya kwenda na kurudi pamoja naye, alimwambia: Ewe mwanangu! Hakika mimi nimeona usingizini kuwa ninakuchinja. Basi angalia wewe, waonaje? Akasema: Ewe baba yangu! Tenda unavyo amrishwa, utanikuta mimi, Inshallah, katika wanao subiri.

Verse 103

ﭑﭒﭓﭔ ﭕ ​

Basi wote wawili walipo jisalimisha, na akamlaza juu ya kipaji.

Verse 104

ﭖﭗﭘ ﭙ ​

Tulimwita: Ewe Ibrahim!

Verse 105

ﭚﭛﭜﭝﭞﭟﭠﭡ ﭢ ​

Umekwisha itimiliza ndoto. Hakika hivi ndivyo tunavyo walipa wanao tenda mema.

Verse 106

ﭣﭤﭥﭦﭧ ﭨ ​

Hakika haya ni majaribio yaliyo dhaahiri.

Verse 107

ﭩﭪﭫ ﭬ ​

Basi tukamtolea fidia kwa dhabihu mtukufu.

Verse 108

ﭭﭮﭯﭰ ﭱ ​

Na tukamwachia (sifa njema) kwa watu walio kuja baadaye.

Verse 109

ﭲﭳﭴ ﭵ ​

Iwe salama kwa Ibrahim!

Verse 110

ﭶﭷﭸ ﭹ ​

Hivi ndivyo tunavyo walipa wanao fanya mema.

Verse 111

ﭺﭻﭼﭽ ﭾ ​

Hakika yeye ni katika waja wetu walio amini.

Verse 112

ﭿﮀﮁﮂﮃ ﮄ ​

Na tukambashiria kuzaliwa Is-haqa, naye ni Nabii miongoni mwa watu wema.

Verse 113

ﮅﮆﮇﮈﮉﮊﮋﮌﮍﮎﮏ ﮐ ​

Na tukambarikia yeye na Is-haqa. Na miongoni mwa dhuriya zao walitokea wema na wenye kudhulumu nafsi zao waziwazi.

Verse 114

ﮑﮒﮓﮔﮕ ﮖ ​

Na kwa hakika tuliwafanyia hisani Musa na Haruni.

Verse 115

ﮗﮘﮙﮚﮛ ﮜ ​

Na tukawaokoa wao na watu wao kutokana na dhiki kubwa.

Verse 116

ﮝﮞﮟﮠ ﮡ ​

Na tukawanusuru; na wakawa wao ndio wenye kushinda.

Verse 117

ﮢﮣﮤ ﮥ ​

Na tukawapa wawili hao Kitabu kinacho bainisha.

Verse 118

ﮦﮧﮨ ﮩ ​

Na tukawaongoa kwenye Njia Iliyo Nyooka.

Verse 119

ﮪﮫﮬﮭ ﮮ ​

Na tukawaachia (sifa njema) katika watu walio kuja baadaye.

Verse 120

ﮯﮰﮱﯓ ﯔ ​

Iwe salama kwa Musa na Haruni!

Verse 121

ﯕﯖﯗﯘ ﯙ ​

Hakika hivyo ndivyo tunavyo walipa walio wema.

Verse 122

ﯚﯛﯜﯝ ﯞ ​

Hakika wawili hao ni katika waja wetu walio amini.

Verse 123

ﯟﯠﯡﯢ ﯣ ​

Na hakika Ilyas bila ya shaka alikuwa miongoni mwa Mitume.

Verse 124

ﯤﯥﯦﯧﯨ ﯩ ​

Alipo waambia watu wake: Hamwogopi?

Verse 125

ﯪﯫﯬﯭﯮ ﯯ ​

Mnamwomba Baa'li na mnamwacha Mbora wa waumbaji,

Verse 126

ﯰﯱﯲﯳﯴ ﯵ ​

Mwenyezi Mungu, Mola Mlezi wenu na Mola Mlezi wa baba zenu wa zamani?

Verse 127

ﭑﭒﭓ ﭔ ​

Wakamkadhibisha. Basi kwa hakika watahudhurishwa;

Verse 128

ﭕﭖﭗﭘ ﭙ ​

Isipo kuwa waja wa Mwenyezi Mungu walio safishwa.

Verse 129

ﭚﭛﭜﭝ ﭞ ​

Na tumemwachia (sifa nzuri) kwa walio kuja baadaye.

Verse 130

ﭟﭠﭡﭢ ﭣ ​

Iwe salama kwa Ilyas.

Verse 131

ﭤﭥﭦﭧ ﭨ ​

Hakika hivyo ndivyo tunavyo walipa walio wema.

Verse 132

ﭩﭪﭫﭬ ﭭ ​

Hakika yeye ni katika waja wetu walio amini.

Verse 133

ﭮﭯﭰﭱ ﭲ ​

Na hakika Lut'i bila ya shaka ni miongoni mwa Mitume.

Verse 134

ﭳﭴﭵﭶ ﭷ ​

Tulipo mwokoa yeye na ahali zake wote,

Verse 135

ﭸﭹﭺﭻ ﭼ ​

Isipo kuwa mwanamke mkongwe katika wale walio bakia nyuma.

Verse 136

ﭽﭾﭿ ﮀ ​

Kisha tukawaangamiza wale wengineo.

Verse 137

ﮁﮂﮃﮄ ﮅ ​

Na hakika nyinyi mnawapitia wakati wa asubuhi,

Verse 138

ﮆﮇﮈﮉ ﮊ ​

Na usiku. Basi je! Hamyatii akilini?

Verse 139

ﮋﮌﮍﮎ ﮏ ​

Na hakika Yunus alikuwa miongoni mwa Mitume.

Verse 140

ﮐﮑﮒﮓﮔ ﮕ ​

Alipo kimbia katika jahazi lilio sheheni.

Verse 141

ﮖﮗﮘﮙ ﮚ ​

Akaingia katika kupigiwa kura, na akawa katika walio shindwa.

Verse 142

ﮛﮜﮝﮞ ﮟ ​

Samaki akammeza hali ya kuwa ni mwenye kulaumiwa.

Verse 143

ﮠﮡﮢﮣﮤ ﮥ ​

Na ingeli kuwa hakuwa katika wanao mtakasa Mwenyezi Mungu,

Verse 144

ﮦﮧﮨﮩﮪﮫ ﮬ ​

Bila ya shaka angeli kaa ndani yake mpaka siku ya kufufuliwa.

Verse 145

ﮭﮮﮯﮰﮱ ﯓ ​

Lakini tulimtupa ufukweni patupu, hali yu mgonjwa.

Verse 146

ﯔﯕﯖﯗﯘ ﯙ ​

Na tukauotesha juu yake mmea wa kabila ya mung'unye.

Verse 147

ﯚﯛﯜﯝﯞﯟ ﯠ ​

Na tulimtuma kwa watu laki moja au zaidi.

Verse 148

ﯡﯢﯣﯤ ﯥ ​

Basi wakaamini, na tukawastarehesha kwa muda.

Verse 149

ﯦﯧﯨﯩﯪ ﯫ ​

Basi waulize: Ati Mola wako Mlezi ndiye mwenye watoto wa kike, na wao wanao watoto wa kiume?

Verse 150

ﯬﯭﯮﯯﯰﯱ ﯲ ​

Au tumewaumba Malaika kuwa ni wanawake, na wao wakashuhudia?

Verse 151

ﯳﯴﯵﯶﯷ ﯸ ​

Ati ni kwa uzushi wao ndio wanasema:

Verse 152

ﯹﯺﯻﯼ ﯽ ​

Mwenyezi Mungu amezaa! Ama hakika bila ya shaka hao ni waongo!

Verse 153

ﯾﯿﰀﰁ ﰂ ​

Ati amekhiari watoto wa kike kuliko wanaume?

Verse 154

ﭑﭒﭓﭔ ﭕ ​

Mna nini? Mnahukumu vipi nyinyi?

Verse 155

ﭖﭗ ﭘ ​

Hamkumbuki?

Verse 156

ﭙﭚﭛﭜ ﭝ ​

Au mnayo hoja iliyo wazi?

Verse 157

ﭞﭟﭠﭡﭢ ﭣ ​

Basi leteni Kitabu chenu kama mnasema kweli.

Verse 158

ﭤﭥﭦﭧﭨﭩﭪﭫﭬﭭﭮ ﭯ ​

Na wameweka makhusiano ya nasaba baina yake na majini; na majini wamekwisha jua bila ya shaka kuwa wao watahudhurishwa.

Verse 159

ﭰﭱﭲﭳ ﭴ ​

Subhana 'Llah Ametakasika Mwenyezi Mungu na hayo wanayo msingizia.

Verse 160

ﭵﭶﭷﭸ ﭹ ​

Isipo kuwa waja wa Mwenyezi Mungu walio safishwa.

Verse 161

ﭺﭻﭼ ﭽ ​

Basi hakika nyinyi na mnao waabudu

Verse 162

ﭾﭿﮀﮁ ﮂ ​

Hamwezi kuwapoteza

Verse 163

ﮃﮄﮅﮆﮇ ﮈ ​

Isipo kuwa yule atakaye ingia Motoni.

Verse 164

ﮉﮊﮋﮌﮍﮎ ﮏ ​

Na hapana katika sisi ila anapo mahali pake maalumu.

Verse 165

ﮐﮑﮒ ﮓ ​

Na hakika bila ya shaka sisi ndio wajipangao safu.

Verse 166

ﮔﮕﮖ ﮗ ​

Na hakika sisi ndio wenye kusabihi kutakasa.

Verse 167

ﮘﮙﮚ ﮛ ​

Na walikuwapo walio kuwa wakisema:

Verse 168

ﮜﮝﮞﮟﮠﮡ ﮢ ​

Tungeli kuwa na Ukumbusho kama wa watu wa zamani,

Verse 169

ﮣﮤﮥﮦ ﮧ ​

Bila ya shaka tungeli kuwa ni waja wa Mwenyezi Mungu wenye ikhlasi.

Verse 170

ﮨﮩﮪﮫﮬ ﮭ ​

Lakini waliukataa. Basi watakuja jua.

Verse 171

ﮮﮯﮰﮱﯓ ﯔ ​

Na bila ya shaka neno letu lilikwisha tangulia kwa waja wetu walio tumwa.

Verse 172

ﯕﯖﯗ ﯘ ​

Ya kuwa wao bila ya shaka ndio watakao nusuriwa.

Verse 173

ﯙﯚﯛﯜ ﯝ ​

Na kwamba jeshi letu ndilo litakalo shinda.

Verse 174

ﯞﯟﯠﯡ ﯢ ​

Basi waachilie mbali kwa muda.

Verse 175

ﯣﯤﯥ ﯦ ​

Na watazame, nao wataona.

Verse 176

ﯧﯨ ﯩ ​

Je! Wanaihimiza adhabu yetu?

Verse 177

ﯪﯫﯬﯭﯮﯯ ﯰ ​

Basi itakapo shuka uwanjani kwao, itakuwa asubuhi mbaya kwa walio onywa.

Verse 178

ﯱﯲﯳﯴ ﯵ ​

Na waache kwa muda.

Verse 179

ﯶﯷﯸ ﯹ ​

Na tazama, na wao wataona.

Verse 180

ﯺﯻﯼﯽﯾﯿ ﰀ ​

Subhana Rabbi'l'Izzat Ametakasika Mola Mlezi Mwenye enzi na yale wanayo mzulia.

Verse 181

ﰁﰂﰃ ﰄ ​

Na Salamu juu ya Mitume.

Verse 182

ﰅﰆﰇﰈ ﰉ ​

Na sifa njema zote ni za Mwenyezi Mungu Mola Mlezi wa walimwengu wote.