Surah سورة القمر

Verse 1

ﮬﮭﮮﮯ ﮰ

Al-Kamar

Saa imekaribia, na mwezi umepasuka!

Verse 2

ﮱﯓﯔﯕﯖﯗﯘ ﯙ

Na wakiona Ishara hugeuka upande na husema: Huu uchawi tu unazidi kuendelea.

Verse 3

ﯚﯛﯜﯝﯞﯟﯠ ﯡ

Na wamekanusha na wamefuata matamanio yao. Na kila jambo ni lenye kuthibiti.

Verse 4

ﯢﯣﯤﯥﯦﯧﯨ ﯩ

Na bila ya shaka zimewajia khabari zenye makaripio.

Verse 5

ﯪﯫﯬﯭﯮﯯ ﯰ

Hikima kaamili; lakini maonyo hayafai kitu!

Verse 6

ﯱﯲﯳﯴﯵﯶﯷﯸﯹ ﯺ

Basi jiepushe nao. Siku atakapo ita mwitaji kuliendea jambo linalo chusha;

Verse 7

ﭑﭒﭓﭔﭕﭖﭗﭘ ﭙ

Macho yao yatainama; watatoka makaburini kama nzige walio tawanyika,

Verse 8

ﭚﭛﭜﭝﭞﭟﭠﭡﭢ ﭣ

Wanamkimbilia mwitaji, na makafiri wanasema: Hii ni siku ngumu.

Verse 9

ﭤﭥﭦﭧﭨﭩﭪﭫﭬﭭ ﭮ

Kabla yao kaumu ya Nuhu walikanusha; wakamkanusha mja wetu, na wakasema ni mwendawazimu, na akakaripiwa.

Verse 10

ﭯﭰﭱﭲﭳ ﭴ

Basi akamwomba Mola wake Mlezi akasema: Kwa hakika mimi nimeshindwa, basi ninusuru!

Verse 11

ﭵﭶﭷﭸﭹ ﭺ

Basi tukaifungua milango ya mbingu kwa maji yanayo miminika.

Verse 12

ﭻﭼﭽﭾﭿﮀﮁﮂﮃ ﮄ

Na tukazipasua ardhi kwa chemchem, yakakutana maji kwa jambo lilio kadiriwa.

Verse 13

ﮅﮆﮇﮈﮉ ﮊ

Na tukamchukua kwenye safina ya mbao na kamba.

Verse 14

ﮋﮌﮍﮎﮏﮐ ﮑ

Ikawa inakwenda kwa nadhari yetu, kuwa ni malipo kwa alivyo kuwa amekanushwa.

Verse 15

ﮒﮓﮔﮕﮖﮗ ﮘ

Na bila ya shaka tuliiacha iwe ni Ishara. Lakini je, yupo anaye kumbuka?

Verse 16

ﮙﮚﮛﮜ ﮝ

Basi ilikuwaje adhabu yangu, na maonyo yangu.

Verse 17

ﮞﮟﮠﮡﮢﮣﮤ ﮥ

Na bila ya shaka Sisi tumeifanya Qur'ani iwe nyepesi kufahamika. Lakini yupo anaye kumbuka?

Verse 18

ﮦﮧﮨﮩﮪﮫ ﮬ

Kina A'di walikanusha. Basi ilikuwaje adhabu yangu na maonyo yangu?

Verse 19

ﮭﮮﮯﮰﮱﯓﯔﯕﯖ ﯗ

Hakika Sisi tuliwapelekea upepo wa kimbunga katika siku korofi mfululizo,

Verse 20

ﯘﯙﯚﯛﯜﯝ ﯞ

Ukiwang'oa watu kama vigogo vya mitende vilio ng'olewa.

Verse 21

ﯟﯠﯡﯢ ﯣ

Basi ilikuwaje adhabu yangu na maonyo yangu?

Verse 22

ﯤﯥﯦﯧﯨﯩﯪ ﯫ

Na bila ya shaka Sisi tumeifanya Qur'ani nyepesi kufahamika; lakini yupo anaye kumbuka?

Verse 23

ﯬﯭﯮ ﯯ

Thamudi waliwakanusha Waonyaji.

Verse 24

ﯰﯱﯲﯳﯴﯵﯶﯷﯸﯹ ﯺ

Wakasema: Ati tumfuate binaadamu mmoja katika sisi? Basi hivyo sisi tutakuwa katika upotofu na kichaa!

Verse 25

ﯻﯼﯽﯾﯿﰀﰁﰂﰃ ﰄ

Ni yeye tu aliye teremshiwa huo ukumbusho kati yetu sote? Bali huyu ni mwongo mwenye kiburi!

Verse 26

ﰅﰆﰇﰈﰉ ﰊ

Kesho watajua ni nani huyo mwongo mwenye kiburi.

Verse 27

ﰋﰌﰍﰎﰏﰐﰑ ﰒ

Hakika Sisi tutawapelekea ngamia jike ili kuwajaribu, basi watazame tu na ustahamili.

Verse 28

ﭑﭒﭓﭔﭕﭖﭗﭘﭙ ﭚ

Na waambie kwamba maji yatagawanywa baina yao; kila sehemu ya maji itahudhuriwa na aliye khusika.

Verse 29

ﭛﭜﭝﭞ ﭟ

Basi wakamwita mtu wao akaja akamchinja.

Verse 30

ﭠﭡﭢﭣ ﭤ

Basi ilikuwaje adhabu yangu na maonyo yangu!

Verse 31

ﭥﭦﭧﭨﭩﭪﭫﭬ ﭭ

Hakika Sisi tuliwapelekea ukelele mmoja tu, wakawa kama mabuwa ya kujengea uwa.

Verse 32

ﭮﭯﭰﭱﭲﭳﭴ ﭵ

Na bila ya shaka Sisi tumeifanya Qur'ani iwe nyepesi kwa kukumbuka, lakini yupo akumbukaye?

Verse 33

ﭶﭷﭸﭹ ﭺ

Kaumu Lut'i nao waliwakadhibisha Waonyaji.

Verse 34

ﭻﭼﭽﭾﭿﮀﮁﮂﮃﮄ ﮅ

Hakika Sisi tukawapelekea kimbunga cha vijiwe, isipo kuwa wafuasi wa Lut'i. Hao tuliwaokoa karibu na alfajiri.

Verse 35

ﮆﮇﮈﮉﮊﮋﮌﮍ ﮎ

Kwa neema inayo toka kwetu. Hivyo ndivyo tumlipavyo anaye shukuru.

Verse 36

ﮏﮐﮑﮒﮓ ﮔ

Na hakika yeye aliwaonya adhabu yetu; lakini wao waliyatilia shaka hayo maonyo.

Verse 37

ﮕﮖﮗﮘﮙﮚﮛﮜﮝ ﮞ

Na walimtaka awape wageni wake. Tukayapofua macho yao, na tukawaambia: Onjeni basi adhabu na maonyo yangu!

Verse 38

ﮟﮠﮡﮢﮣ ﮤ

Na iliwafikia wakati wa asubuhi adhabu yangu ya kuendelea.

Verse 39

ﮥﮦﮧ ﮨ

Basi onjeni adhabu na maonyo yangu!

Verse 40

ﮩﮪﮫﮬﮭﮮﮯ ﮰ

Na hakika tumeisahilisha Qur'ani kuikumbuka. Lakini yupo anaye kumbuka?

Verse 41

ﮱﯓﯔﯕﯖ ﯗ

Na Waonyaji waliwafikia watu wa Firauni.

Verse 42

ﯘﯙﯚﯛﯜﯝﯞ ﯟ

Walizikadhibisha Ishara zetu zote, nasi tukawashika kama anavyo shika Mwenye nguvu Mwenye uweza.

Verse 43

ﯠﯡﯢﯣﯤﯦﯧﯨﯩ ﯪ

Je! Makafiri wenu ni bora kuliko hao, au yameandikwa vitabuni kuwa nyinyi hamtiwi makosani?

Verse 44

ﯫﯬﯭﯮﯯ ﯰ

Au ndio wanasema: Sisi ni wengi tutashinda tu.

Verse 45

ﯱﯲﯳﯴ ﯵ

Wingi wao huu utashindwa, na wao watasukumwa nyuma.

Verse 46

ﯶﯷﯸﯹﯺﯻ ﯼ

Bali Saa ya Kiyama ndio miadi yao, na Saa hiyo ni nzito zaidi na chungu zaidi.

Verse 47

ﯽﯾﯿﰀﰁ ﰂ

Hakika wakosefu wamo katika upotofu na wazimu.

Verse 48

ﰃﰄﰅﰆﰇﰈﰉﰊﰋ ﰌ

Siku watakapo kokotwa Motoni kifudifudi waambiwe: Onjeni mguso wa Jahannamu!

Verse 49

ﰍﰎﰏﰐﰑ ﰒ

Kwa hakika Sisi tumekiumba kila kitu kwa kipimo.

Verse 50

ﭑﭒﭓﭔﭕﭖ ﭗ

Na amri yetu haikuwa ila ni moja tu, kama kupepesa jicho.

Verse 51

ﭘﭙﭚﭛﭜﭝ ﭞ

Na bila ya shaka tumekwisha waangamiza wenzenu. Lakini yupo anaye kumbuka?

Verse 52

ﭟﭠﭡﭢﭣ ﭤ

Na kila jambo walilo lifanya limo vitabuni.

Verse 53

ﭥﭦﭧﭨ ﭩ

Na kila kidogo na kikubwa kimeandikwa.

Verse 54

ﭪﭫﭬﭭﭮ ﭯ

Hakika wachamngu watakuwa katika Mabustani na mito.

Verse 55

ﭰﭱﭲﭳﭴﭵ ﭶ

Katika makalio ya haki kwa Mfalme Mwenye uweza.

Tafsiri ya سورة القمر

سورة القمر

Tafsiri ya Sura Al-Kamar kwa السواحلية kutoka Ali Muhsin Al - Swahili translation

Ali Muhsin Al - Swahili translation

Ali Muhsin Al - Swahili translation

Al-Kamar