Verse 1

ﭑ ﭒ ​

As-Shu'ara

T'aa Siin Miim. (T'. S. M.)

Verse 2

ﭓﭔﭕﭖ ﭗ ​

Hizi ni Aya za Kitabu kinacho bainisha.

Verse 3

ﭘﭙﭚﭛﭜﭝ ﭞ ​

Huenda labda ukajikera nafsi yako kwa kuwa hawawi Waumini.

Verse 4

ﭟﭠﭡﭢﭣﭤﭥﭦﭧﭨﭩ ﭪ ​

Tunge penda tungeli wateremshia kutoka mbinguni Ishara zikanyenyekea shingo zao.

Verse 5

ﭫﭬﭭﭮﭯﭰﭱﭲﭳﭴﭵ ﭶ ​

Wala hauwafikii ukumbusho mpya kutoka kwa Arrahman ila wao hujitenga nao.

Verse 6

ﭷﭸﭹﭺﭻﭼﭽﭾ ﭿ ​

Kwa yakini wamekanusha; kwa hivyo zitakuja wafikia khabari za yale waliyo kuwa wakiyafanyia mzaha.

Verse 7

ﮀﮁﮂﮃﮄﮅﮆﮇﮈﮉﮊ ﮋ ​

Je! Hawakuiona ardhi, mimea mingapi tumeiotesha humo, ya kila namna nzuri?

Verse 8

ﮌﮍﮎﮏﮐﮑﮒﮓﮔ ﮕ ​

Hakika katika haya zipo Ishara. Lakini wengi wao hawakuwa wenye kuamini.

Verse 9

ﮖﮗﮘﮙﮚ ﮛ ​

Na hakika Mola wako Mlezi ndiye Yeye Mwenye nguvu Mwenye kurehemu.

Verse 10

ﮜﮝﮞﮟﮠﮡﮢﮣ ﮤ ​

Na Mola wako Mlezi, alipo mwita Musa, akamwambia: Fika kwa watu madhaalimu,

Verse 11

ﮥﮦﮧﮨﮩ ﮪ ​

Watu wa Firauni. Hawaogopi?

Verse 12

ﮫﮬﮭﮮﮯﮰ ﮱ ​

Akasema: Hakika mimi nachelea wasinikanushe.

Verse 13

ﯓﯔﯕﯖﯗﯘﯙﯚ ﯛ ​

Na kifua changu kina dhiki, na ulimi wangu haukunjuki vyema. Basi mtumie ujumbe Harun.

Verse 14

ﯜﯝﯞﯟﯠﯡ ﯢ ​

Na wao wana kisasi juu yangu, kwa hivyo naogopa wasije kuniuwa.

Verse 15

ﯣﯤﯥﯦﯧﯨﯩﯪﯫ ﯬ ​

Akasema: Siyo hivyo kabisa! Nendeni na miujiza yetu. Hakika Sisi tu pamoja nanyi, tunasikiliza.

Verse 16

ﯭﯮﯯﯰﯱﯲﯳ ﯴ ​

Basi mfikieni Firauni na mwambieni: Hakika sisi ni Mitume wa Mola Mlezi wa walimwengu wote.

Verse 17

ﯵﯶﯷﯸﯹ ﯺ ​

Waachilie Wana wa Israili wende nasi.

Verse 18

ﯻﯼﯽﯾﯿﰀﰁﰂﰃﰄ ﰅ ​

(Firauni) akasema: Sisi hatukukulea wewe utotoni, na ukakaa kwetu katika umri wako miaka mingi?

Verse 19

ﰆﰇﰈﰉﰊﰋﰌ ﰍ ​

Na ukatenda kitendo chako ulicho tenda, nawe ukawa miongoni mwa wasio na shukrani?

Verse 20

ﭑﭒﭓﭔﭕﭖ ﭗ ​

(Musa) akasema: Nilitenda hayo hapo nilipo kuwa miongoni mwa wale walio potea.

Verse 21

ﭘﭙﭚﭛﭜﭝﭞﭟﭠﭡﭢ ﭣ ​

Basi nikakukimbieni nilipo kuogopeni, tena Mola wangu Mlezi akanitunukia hukumu, na akanijaalia niwe miongoni mwa Mitume.

Verse 22

ﭤﭥﭦﭧﭨﭩﭪﭫ ﭬ ​

Na hiyo ndiyo neema ya kunisumbulia, na wewe umewatia utumwani Wana wa Israili?

Verse 23

ﭭﭮﭯﭰﭱ ﭲ ​

Firauni akasema: Na nani huyo Mola Mlezi wa walimwengu wote?

Verse 24

ﭳﭴﭵﭶﭷﭸﭹﭺﭻﭼ ﭽ ​

Akasema: Ndiye Mola Mlezi wa mbingu na ardhi, na viliomo baina yao, ikiwa nyinyi ni wenye yakini.

Verse 25

ﭾﭿﮀﮁﮂ ﮃ ​

(Firauni) akawaambia walio mzunguka: Hamsikilizi?

Verse 26

ﮄﮅﮆﮇﮈ ﮉ ​

(Musa) akasema: Ndiye Mola wenu Mlezi, na Mola Mlezi wa baba zenu wa kwanza.

Verse 27

ﮊﮋﮌﮍﮎﮏﮐ ﮑ ​

(Firauni) akasema: Hakika huyu Mtume wenu aliye tumwa kwenu ni mwendawazimu.

Verse 28

ﮒﮓﮔﮕﮖﮗﮘﮙﮚﮛ ﮜ ​

(Musa) akasema: Ndiye Mola Mlezi wa Mashariki na Magharibi na viliomo baina yao, ikiwa nyinyi mnatia akilini.

Verse 29

ﮝﮞﮟﮠﮡﮢﮣﮤ ﮥ ​

(Firauni) akasema: Ukimfuata mungu mwengine asiye kuwa mimi, basi bila ya shaka nitakufunga gerezani.

Verse 30

ﮦﮧﮨﮩﮪ ﮫ ​

Akasema: Je! Ijapo kuwa nitakuletea kitu cha kubainisha wazi?

Verse 31

ﮬﮭﮮﮯﮰﮱﯓ ﯔ ​

Akasema: Kilete basi, kama wewe ni katika wasemao kweli.

Verse 32

ﯕﯖﯗﯘﯙﯚ ﯛ ​

Basi akaitupa fimbo yake, mara ikawa nyoka wa kuonekana dhaahiri.

Verse 33

ﯜﯝﯞﯟﯠﯡ ﯢ ​

Na akautoa mkono wake, na mara ukawa mweupe kwa watazamao.

Verse 34

ﯣﯤﯥﯦﯧﯨﯩ ﯪ ​

(Firauni) akawaambia waheshimiwa walio mzunguka: Hakika huyu ni mchawi mtaalamu.

Verse 35

ﯫﯬﯭﯮﯯﯰﯱﯲ ﯳ ​

Anataka kukutoeni katika nchi yenu kwa uchawi wake. Basi mna shauri gani?

Verse 36

ﯴﯵﯶﯷﯸﯹﯺ ﯻ ​

Wakasema: Mpe muda yeye na nduguye na uwatume mijini wapigao mbiu ya mgambo.

Verse 37

ﯼﯽﯾﯿ ﰀ ​

Wakuletee kila mchawi bingwa mtaalamu.

Verse 38

ﰁﰂﰃﰄﰅ ﰆ ​

Basi wakakusanywa wachawi wakati na siku maalumu.

Verse 39

ﰇﰈﰉﰊﰋ ﰌ ​

Na watu wakaambiwa: Je! Mtakusanyika?

Verse 40

ﭑﭒﭓﭔﭕﭖﭗ ﭘ ​

Huenda tutawafuata wachawi wakiwa wao ndio watakao shinda.

Verse 41

ﭙﭚﭛﭜﭝﭞﭟﭠﭡﭢﭣﭤ ﭥ ​

Basi walipo kuja wachawi wakamwambia Firauni: Je! Tutapata ujira tukiwa sisi ndio tulio shinda?

Verse 42

ﭦﭧﭨﭩﭪﭫ ﭬ ​

Naam! Na hakika mtakuwa katika watu wa mbele.

Verse 43

ﭭﭮﭯﭰﭱﭲﭳ ﭴ ​

Musa akwaambia: Tupeni mnavyo taka kutupa.

Verse 44

ﭵﭶﭷﭸﭹﭺﭻﭼﭽ ﭾ ​

Basi wakatupa kamba zao na fimbo zao, na wakasema: Kwa nguvu za Firauni hakika sisi hapana shaka ni wenye kushinda.

Verse 45

ﭿﮀﮁﮂﮃﮄﮅﮆ ﮇ ​

Musa tena akatupa fimbo yake, nayo mara ikavimeza walivyo vizua.

Verse 46

ﮈﮉﮊ ﮋ ​

Hapo wachawi walipinduka wakasujudu.

Verse 47

ﮌﮍﮎﮏ ﮐ ​

Wakasema: Tunamuamini Mola Mlezi wa walimwengu wote.

Verse 48

ﮑﮒﮓ ﮔ ​

Mola Mlezi wa Musa na Harun.

Verse 49

ﮕﮖﮗﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨﮩﮪﮫ ﮬ ​

(Firauni) akasema: Je! Mmemuamini kabla sijakuruhusuni? Bila ya shaka yeye basi ndiye mkubwa wenu aliye kufunzeni uchawi. Basi mtakuja jua! Nitakata mikono yenu na miguu yenu kwa kutafautisha. Na nitakubandikeni misalabani nyote.

Verse 50

ﮭﮮﮯﮰﮱﯓﯔﯕ ﯖ ​

Wakasema: Haidhuru, kwani sisi ni wenye kurejea kwa Mola wetu Mlezi.

Verse 51

ﯗﯘﯙﯚﯛﯜﯝﯞﯟﯠﯡ ﯢ ​

Hakika sisi tunatumai Mola wetu Mlezi atatusamehe makosa yetu, kwa kuwa ndio wa kwanza wa kuamini.

Verse 52

ﯣﯤﯥﯦﯧﯨﯩﯪﯫ ﯬ ​

Na tulimuamrisha Musa kwa wahyi: Nenda na waja wangu wakati wa usiku. Kwa hakika mtafuatwa.

Verse 53

ﯭﯮﯯﯰﯱ ﯲ ​

Basi Firauni akawatuma mijini wapiga mbiu za mgambo.

Verse 54

ﯳﯴﯵﯶ ﯷ ​

(Wakieneza): Hakika hawa ni kikundi kidogo.

Verse 55

ﯸﯹﯺ ﯻ ​

Nao wanatuudhi.

Verse 56

ﯼﯽﯾ ﯿ ​

Na sisi ni wengi, wenye kuchukua hadhari.

Verse 57

ﰀﰁﰂﰃ ﰄ ​

Basi tukawatoa katika mabustani na chemchem,

Verse 58

ﰅﰆﰇ ﰈ ​

Na makhazina, na vyeo vya hishima,

Verse 59

ﰉﰊﰋﰌﰍ ﰎ ​

Kadhaalika; na tukawarithisha hayo Wana wa Israili.

Verse 60

ﰏﰐ ﰑ ​

Basi wakawafuata lilipo chomoza jua.

Verse 61

ﭑﭒﭓﭔﭕﭖﭗﭘ ﭙ ​

Na yalipo onana majeshi mawili haya, watu wa Musa wakasema: Hakika sisi bila ya shaka tumepatikana!

Verse 62

ﭚﭛﭜﭝﭞﭟﭠ ﭡ ​

(Musa) akasema: Hasha! Hakika yu pamoja nami Mola wangu Mlezi. Yeye ataniongoa!

Verse 63

ﭢﭣﭤﭥﭦﭧﭨﭩﭪﭫﭬﭭﭮﭯ ﭰ ​

Tulimletea wahyi Musa tukamwambia: Piga bahari kwa fimbo yako. Basi ikatengana, na kila sehemu ikawa kama mlima mkubwa.

Verse 64

ﭱﭲﭳ ﭴ ​

Na tukawajongeza hapo wale wengine.

Verse 65

ﭵﭶﭷﭸﭹ ﭺ ​

Tukawaokoa Musa na walio kuwa pamoja naye wote.

Verse 66

ﭻﭼﭽ ﭾ ​

Kisha tukawazamisha hao wengine.

Verse 67

ﭿﮀﮁﮂﮃﮄﮅﮆﮇ ﮈ ​

Hakika bila ya shaka katika hayo ipo Ishara; lakini wengi wao si katika wenye kuamini.

Verse 68

ﮉﮊﮋﮌﮍ ﮎ ​

Na kwa hakika Mola wako Mlezi ndiye Mwenye nguvu Mwenye kurehemu.

Verse 69

ﮏﮐﮑﮒ ﮓ ​

Na wasomee khabari za Ibrahim.

Verse 70

ﮔﮕﮖﮗﮘﮙ ﮚ ​

Alipo mwambia baba yake na kaumu yake: Mnaabudu nini?

Verse 71

ﮛﮜﮝﮞﮟﮠ ﮡ ​

Wakasema: Tunaabudu masanamu, daima tunayanyenyekea.

Verse 72

ﮢﮣﮤﮥﮦ ﮧ ​

Akasema: Je! Yanakusikieni mnapo yaita?

Verse 73

ﮨﮩﮪﮫ ﮬ ​

Au yanakufaeni, au yanakudhuruni?

Verse 74

ﮭﮮﮯﮰﮱﯓ ﯔ ​

Wakasema: Bali tumewakuta baba zetu wakifanya hivyo hivyo.

Verse 75

ﯕﯖﯗﯘﯙ ﯚ ​

Je! Mmewaona hawa mnao waabudu-

Verse 76

ﯛﯜﯝ ﯞ ​

Nyinyi na baba zenu wa zamani?

Verse 77

ﯟﯠﯡﯢﯣﯤ ﯥ ​

Kwani hakika hao ni adui zangu, isipo kuwa Mola Mlezi wa walimwengu wote.

Verse 78

ﯦﯧﯨﯩ ﯪ ​

Ambaye ndiye aliye niumba, na Yeye ndiye ananiongoa,

Verse 79

ﯫﯬﯭﯮ ﯯ ​

Na ambaye ndiye ananilisha na kuninywesha.

Verse 80

ﯰﯱﯲﯳ ﯴ ​

Na ninapo ugua ni Yeye ndiye anaye niponesha.

Verse 81

ﯵﯶﯷﯸ ﯹ ​

Na ambaye atanifisha, na kisha atanihuisha.

Verse 82

ﯺﯻﯼﯽﯾﯿﰀﰁ ﰂ ​

Na ambaye ndiye ninaye mtumai kunisamehe makosa yangu Siku ya Malipo.

Verse 83

ﰃﰄﰅﰆﰇﰈ ﰉ ​

Mola wangu Mlezi! Nitunukie hukumu na uniunganishe na watendao mema.

Verse 84

ﭑﭒﭓﭔﭕﭖ ﭗ ​

Na unijaalie nitajwe kwa wema na watu watakao kuja baadaye.

Verse 85

ﭘﭙﭚﭛﭜ ﭝ ​

Na unijaalie katika warithi wa Bustani za neema.

Verse 86

ﭞﭟﭠﭡﭢﭣ ﭤ ​

Na umsamehe baba yangu, kwani hakika alikuwa miongoni mwa wapotovu.

Verse 87

ﭥﭦﭧﭨ ﭩ ​

Wala usinihizi Siku watapo fufuliwa.

Verse 88

ﭪﭫﭬﭭﭮﭯ ﭰ ​

Siku ambayo kwamba mali hayato faa kitu wala wana.

Verse 89

ﭱﭲﭳﭴﭵﭶ ﭷ ​

Isipo kuwa mwenye kumjia Mwenyezi Mungu na moyo safi.

Verse 90

ﭸﭹﭺ ﭻ ​

Na Pepo itasogezwa kwa wachamngu.

Verse 91

ﭼﭽﭾ ﭿ ​

Na Jahannamu itadhihirishwa kwa wapotovu.

Verse 92

ﮀﮁﮂﮃﮄﮅ ﮆ ​

Na wataambiwa: Wako wapi mlio kuwa mkiwaabudu

Verse 93

ﮇﮈﮉﮊﮋﮌﮍ ﮎ ​

Badala ya Mwenyezi Mungu? Je! Wanakusaidieni, au wanajisaidia wenyewe?

Verse 94

ﮏﮐﮑﮒ ﮓ ​

Basi watavurumizwa humo wao na hao wakosefu,

Verse 95

ﮔﮕﮖ ﮗ ​

Na majeshi ya Ibilisi yote.

Verse 96

ﮘﮙﮚﮛ ﮜ ​

Watasema, na hali ya kuwa wanazozana humo:

Verse 97

ﮝﮞﮟﮠﮡﮢ ﮣ ​

Wallahi! Kwa yakini tulikuwa katika upotovu ulio dhaahiri,

Verse 98

ﮤﮥﮦﮧ ﮨ ​

Tulipo kufanyeni ni sawa na Mola Mlezi wa walimwengu wote.

Verse 99

ﮩﮪﮫﮬ ﮭ ​

Na hawakutupoteza ila wale wakosefu.

Verse 100

ﮮﮯﮰﮱ ﯓ ​

Basi hatuna waombezi.

Verse 101

ﯔﯕﯖ ﯗ ​

Wala rafiki wa dhati.

Verse 102

ﯘﯙﯚﯛﯜﯝﯞ ﯟ ​

Laiti tungeli pata kurejea tena tungeli kuwa katika Waumini.

Verse 103

ﯠﯡﯢﯣﯤﯥﯦﯧﯨ ﯩ ​

Hakika katika haya ipo Ishara, lakini wengi wao hawakuwa wenye kuamini.

Verse 104

ﯪﯫﯬﯭﯮ ﯯ ​

Na hakika Mola wako Mlezi ndiye Mwenye nguvu Mwenye kurehemu.

Verse 105

ﯰﯱﯲﯳ ﯴ ​

Kaumu ya Nuhu waliwakadhibisha Mitume.

Verse 106

ﯵﯶﯷﯸﯹﯺﯻ ﯼ ​

Alipo waambia ndugu yao, Nuhu: Je! Hamchimngu?

Verse 107

ﯽﯾﯿﰀ ﰁ ​

Hakika mimi kwenu ni Mtume muaminifu.

Verse 108

ﰂﰃﰄ ﰅ ​

Basi Mcheni Mwenyezi Mungu, na nit'iini mimi.

Verse 109

ﰆﰇﰈﰉﰊﰋﰌﰍﰎﰏﰐﰑ ﰒ ​

Na sikutakini juu yake ujira, kwani ujira wangu hauko ila kwa Mola Mlezi wa walimwengu wote.

Verse 110

ﰓﰔﰕ ﰖ ​

Basi Mcheni Mwenyezi Mungu, na nit'iini mimi.

Verse 111

ﰗﰘﰙﰚﰛﰜ ﰝ ​

Wakasema: Je! Tukuamini wewe, hali wanao kufuata ni watu wa chini?

Verse 112

ﭑﭒﭓﭔﭕﭖ ﭗ ​

Akasema: Nayajuaje waliyo kuwa wakiyafanya?

Verse 113

ﭘﭙﭚﭛﭜﭝﭞﭟ ﭠ ​

Hisabu yao haiko ila kwa Mola wao Mlezi, laiti mngeli tambua!

Verse 114

ﭡﭢﭣﭤ ﭥ ​

Wala mimi si wa kuwafukuza Waumini.

Verse 115

ﭦﭧﭨﭩﭪ ﭫ ​

Mimi si cho chote ila ni Mwonyaji wa dhaahiri shaahiri.

Verse 116

ﭬﭭﭮﭯﭰﭱﭲﭳ ﭴ ​

Wakasema: Ikiwa huachi, ewe Nuhu, bila ya shaka utapigwa mawe.

Verse 117

ﭵﭶﭷﭸﭹ ﭺ ​

Akasema: Mola wangu Mlezi! Hakika watu wangu wamenikanusha.

Verse 118

ﭻﭼﭽﭾﭿﮀﮁﮂﮃ ﮄ ​

Basi hukumu baina yangu na wao kwa hukumu yako, na uniokoe mimi na walio pamoja nami, Waumini.

Verse 119

ﮅﮆﮇﮈﮉﮊ ﮋ ​

Kwa hivyo tukamwokoa yeye na walio kuwa pamoja naye katika marikebu iliyo sheheni.

Verse 120

ﮌﮍﮎﮏ ﮐ ​

Kisha tukawazamisha baadaye walio bakia.

Verse 121

ﮑﮒﮓﮔﮕﮖﮗﮘﮙ ﮚ ​

Hakika katika haya ipo Ishara, lakini si wengi wao walio kuwa Waumini.

Verse 122

ﮛﮜﮝﮞﮟ ﮠ ​

Na hakika Mola wako Mlezi ndiye Yeye Mwenye nguvu Mwenye kurehemu.

Verse 123

ﮡﮢﮣ ﮤ ​

Kina A'd waliwakanusha Mitume.

Verse 124

ﮥﮦﮧﮨﮩﮪﮫ ﮬ ​

Alipo waambia ndugu yao, Hud: Je! Hamchimngu?

Verse 125

ﮭﮮﮯﮰ ﮱ ​

Hakika mimi kwenu ni Mtume muaminifu.

Verse 126

ﯓﯔﯕ ﯖ ​

Basi mcheni Mwenyezi Mungu, na nit'iini mimi.

Verse 127

ﯗﯘﯙﯚﯛﯜﯝﯞﯟﯠﯡﯢ ﯣ ​

Wala sikutakeni juu yake ujira, kwani ujira wangu hauko ila kwa Mola Mlezi wa walimwengu wote.

Verse 128

ﯤﯥﯦﯧﯨ ﯩ ​

Je! Mnajenga juu ya kila mnyanyuko kumbusho la kufanyia upuuzi?

Verse 129

ﯪﯫﯬﯭ ﯮ ​

Na mnajenga majengo ya fakhari kama kwamba mtaishi milele!

Verse 130

ﯯﯰﯱﯲ ﯳ ​

Na mnapo tumia nguvu mnatumia nguvu kwa ujabari.

Verse 131

ﯴﯵﯶ ﯷ ​

Basi mcheni Mwenyezi Mungu, na nit'iini.

Verse 132

ﯸﯹﯺﯻﯼ ﯽ ​

Na mcheni aliye kupeni haya mnayo yajua.

Verse 133

ﯾﯿﰀ ﰁ ​

Amekupeni wanyama wa kufuga na wana.

Verse 134

ﰂﰃ ﰄ ​

Na mabustani na chemchem.

Verse 135

ﰅﰆﰇﰈﰉﰊ ﰋ ​

Hakika mimi ninakukhofieni adhabu ya Siku Kubwa.

Verse 136

ﰌﰍﰎﰏﰐﰑﰒﰓﰔ ﰕ ​

Wakasema: Ni mamoja kwetu, ukitupa mawaidha au hukuwa miongoni mwa watoao mawaidha.

Verse 137

ﭑﭒﭓﭔﭕ ﭖ ​

Haya si chochote ila ni mtindo wa watu wa tokea zamani.

Verse 138

ﭗﭘﭙ ﭚ ​

Wala sisi hatutaadhibiwa.

Verse 139

ﭛﭜﭝﭞﭟﭠﭡﭢﭣﭤﭥﭦ ﭧ ​

Wakamkanusha; nasi tukawaangamiza. Hakika bila ya shaka katika haya ipo Ishara. Lakini hawakuwa wengi wao wenye kuamini.

Verse 140

ﭨﭩﭪﭫﭬ ﭭ ​

Na hakika Mola wako Mlezi ndiye Mwenye nguvu Mwenye kurehemu.

Verse 141

ﭮﭯﭰ ﭱ ​

Kina Thamud waliwakanusha Mitume.

Verse 142

ﭲﭳﭴﭵﭶﭷﭸ ﭹ ​

Alipo waambia ndugu yao Saleh: Je! Hamumchimngu?

Verse 143

ﭺﭻﭼﭽ ﭾ ​

Hakika mimi kwenu ni Mtume muaminifu.

Verse 144

ﭿﮀﮁ ﮂ ​

Basi mcheni Mwenyezi Mungu, na nit'iini.

Verse 145

ﮃﮄﮅﮆﮇﮈﮉﮊﮋﮌﮍﮎ ﮏ ​

Wala sikutakini ujira juu yake. Ujira wangu hauko ila kwa Mola Mlezi wa walimwengu wote.

Verse 146

ﮐﮑﮒﮓﮔ ﮕ ​

Je! Mtaachwa salama usalimina katika haya yaliyopo hapa?

Verse 147

ﮖﮗﮘ ﮙ ​

Katika mabustani, na chemchem?

Verse 148

ﮚﮛﮜﮝ ﮞ ​

Na konde na mitende yenye makole yaliyo wiva.

Verse 149

ﮟﮠﮡﮢﮣ ﮤ ​

Na mnachonga milimani majumba kwa ustadi.

Verse 150

ﮥﮦﮧ ﮨ ​

Basi mcheni Mwenyezi Mungu, na nit'iini mimi.

Verse 151

ﮩﮪﮫﮬ ﮭ ​

Wala msit'ii amri za walio pindukia mipaka,

Verse 152

ﮮﮯﮰﮱﯓﯔ ﯕ ​

Ambao wanafanya ufisadi katika nchi, wala hawatengenezi.

Verse 153

ﯖﯗﯘﯙﯚ ﯛ ​

Wakasema: Hakika wewe ni miongoni mwa walio rogwa.

Verse 154

ﯜﯝﯞﯟﯠﯡﯢﯣﯤﯥﯦ ﯧ ​

Wewe si chochote ila ni mtu kama sisi. Basi lete Ishara ukiwa wewe ni miongoni mwa wasemao kweli.

Verse 155

ﯨﯩﯪﯫﯬﯭﯮﯯﯰ ﯱ ​

Akasema: Huyu ngamia jike; awe na zamu yake ya kunywa, na nyinyi muwe na zamu yenu ya kunywa katika siku maalumu.

Verse 156

ﯲﯳﯴﯵﯶﯷﯸ ﯹ ​

Wala msimguse kwa uwovu, isije ikakushikeni adhabu ya Siku Kubwa.

Verse 157

ﯺﯻﯼ ﯽ ​

Lakini wakamuuwa, na wakawa wenye kujuta.

Verse 158

ﯾﯿﰀﰁﰂﰃﰄﰅﰆﰇﰈﰉ ﰊ ​

Basi ikawapata adhabu. Hakika katika hayo ipo Ishara. Lakini hawakuwa wengi wao wenye kuamini.

Verse 159

ﰋﰌﰍﰎﰏ ﰐ ​

Na hakika Mola wako Mlezi ndiye Mwenye nguvu Mwenye kurehemu.

Verse 160

ﭑﭒﭓﭔ ﭕ ​

Watu wa Lut'i waliwakanusha Mitume.

Verse 161

ﭖﭗﭘﭙﭚﭛﭜ ﭝ ​

Alipo waambia ndugu yao, Lut'i: Je! Hamumchimngu?

Verse 162

ﭞﭟﭠﭡ ﭢ ​

Hakika mimi kwenu ni Mtume muaminifu kwenu.

Verse 163

ﭣﭤﭥ ﭦ ​

Basi mcheni Mwenyezi Mungu na nit'iini mimi.

Verse 164

ﭧﭨﭩﭪﭫﭬﭭﭮﭯﭰﭱﭲ ﭳ ​

Wala mimi sikutakini ujira juu yake; ujira wangu hauko ila kwa Mola Mlezi wa walimwengu wote.

Verse 165

ﭴﭵﭶﭷ ﭸ ​

Je! Katika viumbe vyote mnawaingilia wanaume?

Verse 166

ﭹﭺﭻﭼﭽﭾﭿﮀﮁﮂﮃﮄ ﮅ ​

Na mnaacha alicho kuumbieni Mola wenu Mlezi katika wake zenu? Ama kweli nyinyi ni watu mnao ruka mipaka!

Verse 167

ﮆﮇﮈﮉﮊﮋﮌﮍ ﮎ ​

Wakasema: Ewe Lut'i! Usipo acha, hapana shaka utakuwa miongoni mwa wanao tolewa mji!

Verse 168

ﮏﮐﮑﮒﮓ ﮔ ​

Akasema: Hakika mimi ni katika wanao kichukia hichi kitendo chenu.

Verse 169

ﮕﮖﮗﮘﮙ ﮚ ​

Mola wangu Mlezi! Niokoe mimi na ahali zangu na haya wayatendayo.

Verse 170

ﮛﮜﮝ ﮞ ​

Basi tukamwokoa yeye na ahali zake wote,

Verse 171

ﮟﮠﮡﮢ ﮣ ​

Isipo kuwa kikongwe katika walio kaa nyuma.

Verse 172

ﮤﮥﮦ ﮧ ​

Kisha tukawaangamiza wale wengine.

Verse 173

ﮨﮩﮪﮫﮬﮭﮮ ﮯ ​

Na tukawanyeshea mvua, basi ni ovu mno mvua ya waliyo onywa.

Verse 174

ﮰﮱﯓﯔﯕﯖﯗﯘﯙ ﯚ ​

Hakika katika hayo ipo Ishara. Na hawakuwa wengi wao wenye kuamini.

Verse 175

ﯛﯜﯝﯞﯟ ﯠ ​

Na hakika Mola wako Mlezi bila ya shaka ndiye Mwenye nguvu, Mwenye kurehemu.

Verse 176

ﯡﯢﯣﯤ ﯥ ​

Watu wa Machakani waliwakanusha Mitume.

Verse 177

ﯦﯧﯨﯩﯪﯫ ﯬ ​

Shuaibu alipo waambia: Je! Hamfanyi mkamchamngu?

Verse 178

ﯭﯮﯯﯰ ﯱ ​

Hakika mimi kwenu ni Mtume muaminifu.

Verse 179

ﯲﯳﯴ ﯵ ​

Basi mcheni Mwenyezi Mungu, na nit'iini mimi.

Verse 180

ﯶﯷﯸﯹﯺﯻﯼﯽﯾﯿﰀﰁ ﰂ ​

Wala sikutakini ujira juu yake. Ujira wangu hauko ila kwa Mola Mlezi wa walimwengu wote.

Verse 181

ﰃﰄﰅﰆﰇﰈﰉ ﰊ ​

Timizeni kipimo sawa sawa, wala msiwe katika wanao punja.

Verse 182

ﰋﰌﰍ ﰎ ​

Na pimeni kwa haki iliyo nyooka;

Verse 183

ﰏﰐﰑﰒﰓﰔﰕﰖﰗ ﰘ ​

Wala msiwapunje watu vitu vyao, wala msifanye jeuri kwa ufisadi.

Verse 184

ﭑﭒﭓﭔﭕ ﭖ ​

Na mcheni aliye kuumbeni nyinyi na vizazi vilivyo tangulia.

Verse 185

ﭗﭘﭙﭚﭛ ﭜ ​

Wakasema: Hakika wewe ni katika walio rogwa.

Verse 186

ﭝﭞﭟﭠﭡﭢﭣﭤﭥ ﭦ ​

Na wewe si chochote ila ni mtu tu kama sisi, na kwa yakini tunakuona wewe ni katika waongo.

Verse 187

ﭧﭨﭩﭪﭫﭬﭭﭮﭯ ﭰ ​

Hebu tuangushie vipande kutoka mbinguni ikiwa wewe ni miongoni mwa wasemao kweli.

Verse 188

ﭱﭲﭳﭴﭵ ﭶ ​

Akasema: Mola wangu Mlezi anajua zaidi mnayo yatenda.

Verse 189

ﭷﭸﭹﭺﭻﭼﭽﭾﭿﮀﮁ ﮂ ​

Basi walimkanusha, na ikawashika adhabu ya siku ya kivuli. Hakika hiyo ilikuwa adhabu ya siku kubwa.

Verse 190

ﮃﮄﮅﮆﮇﮈﮉﮊﮋ ﮌ ​

Hakika katika hayo ipo Ishara, lakini hawakuwa wengi wao wenye kuamini.

Verse 191

ﮍﮎﮏﮐﮑ ﮒ ​

Na hakika Mola wako Mlezi bila ya shaka ndiye Yeye Mwenye nguvu Mwenye kurehemu.

Verse 192

ﮓﮔﮕﮖ ﮗ ​

Na bila ya shaka hii ni Uteremsho wa Mola Mlezi wa walimwengu wote.

Verse 193

ﮘﮙﮚﮛ ﮜ ​

Ameuteremsha Roho muaminifu,

Verse 194

ﮝﮞﮟﮠﮡ ﮢ ​

Juu ya moyo wako, ili uwe katika Waonyaji,

Verse 195

ﮣﮤﮥ ﮦ ​

Kwa ulimi wa Kiarabu ulio wazi.

Verse 196

ﮧﮨﮩﮪ ﮫ ​

Na hakika bila ya shaka haya yamo katika Vitabu vya kale.

Verse 197

ﮬﮭﮮﮯﮰﮱﯓﯔﯕ ﯖ ​

Je! Haikuwa kwao ni Ishara kwamba wanayajua haya wanazuoni wa Wana wa Israili?

Verse 198

ﯗﯘﯙﯚﯛ ﯜ ​

Na lau kuwa tungeli iteremsha juu ya mmoja wa wasio kuwa Waarabu,

Verse 199

ﯝﯞﯟﯠﯡﯢ ﯣ ​

Na akawasomea, wasingeli kuwa wenye kuamini.

Verse 200

ﯤﯥﯦﯧﯨ ﯩ ​

Namna hivi tunaingiza katika nyoyo za wakosefu.

Verse 201

ﯪﯫﯬﯭﯮﯯﯰ ﯱ ​

Hawataiamini mpaka waione adhabu chungu.

Verse 202

ﯲﯳﯴﯵﯶ ﯷ ​

Basi itawafikia kwa ghafla, na hali hawana khabari.

Verse 203

ﯸﯹﯺﯻ ﯼ ​

Na watasema: Je, tutapewa muhula?

Verse 204

ﯽﯾ ﯿ ​

Basi, je, wanaihimiza adhabu yetu?

Verse 205

ﰀﰁﰂﰃ ﰄ ​

Waonaje kama tukiwastarehesha kwa miaka,

Verse 206

ﰅﰆﰇﰈﰉ ﰊ ​

Kisha yakawafikia waliyo kuwa wakiahidiwa,

Verse 207

ﭑﭒﭓﭔﭕﭖ ﭗ ​

Yatawafaa nini yale waliyo stareheshewa?

Verse 208

ﭘﭙﭚﭛﭜﭝﭞ ﭟ ​

Wala hatukuangamiza mji wo wote ila ulikuwa na waonyaji -

Verse 209

ﭠﭡﭢﭣ ﭤ ​

Kuwa ni ukumbusho. Wala Sisi hatukuwa wenye kudhulumu.

Verse 210

ﭥﭦﭧﭨ ﭩ ​

Wala Mashet'ani hawakuteremka nayo,

Verse 211

ﭪﭫﭬﭭﭮ ﭯ ​

Wala haitakiwi kwao, na wala hawawezi.

Verse 212

ﭰﭱﭲﭳ ﭴ ​

Hakika hao wametengwa na kusikia.

Verse 213

ﭵﭶﭷﭸﭹﭺﭻﭼﭽ ﭾ ​

Basi usimwombe mungu mwingine pamoja na Mwenyezi Mungu ukawa miongoni mwa watakao adhibiwa.

Verse 214

ﭿﮀﮁ ﮂ ​

Na uwaonye jamaa zako walio karibu nawe.

Verse 215

ﮃﮄﮅﮆﮇﮈ ﮉ ​

Na watwae kwa upole wanao kufuata miongoni mwa Waumini.

Verse 216

ﮊﮋﮌﮍﮎﮏﮐ ﮑ ​

Na ikiwa watakuasi basi sema: Mimi najitenga mbali na hayo mnayo yatenda.

Verse 217

ﮒﮓﮔﮕ ﮖ ​

Na umtegemee Mtukufu Mwenye nguvu Mwenye kurehemu.

Verse 218

ﮗﮘﮙﮚ ﮛ ​

Ambaye anakuona unapo simama,

Verse 219

ﮜﮝﮞ ﮟ ​

Na mageuko yako kati ya wanao sujudu.

Verse 220

ﮠﮡﮢﮣ ﮤ ​

Hakika Yeye ndiye Mwenye kusikia Mwenye kujua.

Verse 221

ﮥﮦﮧﮨﮩﮪ ﮫ ​

Je! Nikwambieni nani wanawashukia Mashet'ani?

Verse 222

ﮬﮭﮮﮯﮰ ﮱ ​

Wanamshukia kila mzushi mkubwa mwingi wa dhambi.

Verse 223

ﯓﯔﯕﯖ ﯗ ​

Wanawapelekea yale wanayo yasikia; na wengi wao ni waongo.

Verse 224

ﯘﯙﯚ ﯛ ​

Na watungaji mashairi ni wapotofu ndio wanawafuata.

Verse 225

ﯜﯝﯞﯟﯠﯡﯢ ﯣ ​

Je! Huwaoni kwamba wao wanatangatanga katika kila bonde?

Verse 226

ﯤﯥﯦﯧﯨ ﯩ ​

Na kwamba wao husema wasiyo yatenda?

Verse 227

ﯪﯫﯬﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽ ﯾ ​

Isipo kuwa wale walio amini, na wakatenda mema, na wakamkumbuka Mwenyezi Mungu kwa wingi, na wakajitetea wanapo dhulumiwa. Na wanao dhulumu watakuja jua mgeuko gani watakao geuka.