Surah سورة الواقعة

Verse 1

ﮃﮄﮅ ﮆ

Al-Waki'ah

Litakapo tukia hilo Tukio

Verse 2

ﮇﮈﮉ ﮊ

Hapana cha kukanusha kutukia kwake.

Verse 3

ﮋﮌ ﮍ

Literemshalo linyanyualo,

Verse 4

ﮎﮏﮐﮑ ﮒ

Itakapo tikiswa ardhi kwa mtikiso,

Verse 5

ﮓﮔﮕ ﮖ

Na milima itapo sagwasagwa,

Verse 6

ﮗﮘﮙ ﮚ

Iwe mavumbi yanayo peperushwa,

Verse 7

ﮛﮜﮝ ﮞ

Na nyinyi mtakuwa namna tatu:-

Verse 8

ﮟﮠﮡﮢﮣ ﮤ

Basi watakuwepo wa kuliani; je, ni wepi wa kuliani?

Verse 9

ﮥﮦﮧﮨﮩ ﮪ

Na wa kushotoni; je, ni wepi wa kushotoni?

Verse 10

ﮫﮬ ﮭ

Na wa mbele watakuwa mbele.

Verse 11

ﮮﮯ ﮰ

Hao ndio watakao karibishwa

Verse 12

ﮱﯓﯔ ﯕ

Katika Bustani zenye neema.

Verse 13

ﯖﯗﯘ ﯙ

Fungu kubwa katika wa mwanzo,

Verse 14

ﯚﯛﯜ ﯝ

Na wachache katika wa mwisho.

Verse 15

ﯞﯟﯠ ﯡ

Watakuwa juu ya viti vya fakhari vilivyo tonewa.

Verse 16

ﯢﯣﯤ ﯥ

Wakiviegemea wakielekeana.

Verse 17

ﭑﭒﭓﭔ ﭕ

Wakitumikiwa na wavulana wa ujana wa milele,

Verse 18

ﭖﭗﭘﭙﭚ ﭛ

Kwa vikombe na mabirika na bilauri za vinywaji kutoka chemchem safi.

Verse 19

ﭜﭝﭞﭟﭠ ﭡ

Hawataumwa kichwa kwa vinywaji hivyo wala hawatoleweshwa.

Verse 20

ﭢﭣﭤ ﭥ

Na matunda wayapendayo,

Verse 21

ﭦﭧﭨﭩ ﭪ

Na nyama za ndege kama wanavyo tamani.

Verse 22

ﭫﭬ ﭭ

Na Mahurulaini,

Verse 23

ﭮﭯﭰ ﭱ

Walio kama mfano wa lulu zilio hifadhiwa.

Verse 24

ﭲﭳﭴﭵ ﭶ

Ni malipo kwa waliyo kuwa wakiyatenda.

Verse 25

ﭷﭸﭹﭺﭻﭼ ﭽ

Humo hawatasikia porojo wala maneno ya dhambi,

Verse 26

ﭾﭿﮀﮁ ﮂ

Isipo kuwa maneno ya Salama, Salama.

Verse 27

ﮃﮄﮅﮆﮇ ﮈ

Na wale wa mkono wa kulia, ni yepi yatakuwa ya wa kuliani?

Verse 28

ﮉﮊﮋ ﮌ

Katika mikunazi isiyo na miba,

Verse 29

ﮍﮎ ﮏ

Na migomba iliyo pangiliwa,

Verse 30

ﮐﮑ ﮒ

Na kivuli kilicho tanda,

Verse 31

ﮓﮔ ﮕ

Na maji yanayo miminika,

Verse 32

ﮖﮗ ﮘ

Na matunda mengi,

Verse 33

ﮙﮚﮛﮜ ﮝ

Hayatindikii wala hayakatazwi,

Verse 34

ﮞﮟ ﮠ

Na matandiko yaliyo nyanyuliwa.

Verse 35

ﮡﮢﮣ ﮤ

Hakika Sisi tutawaumba (Mahurulaini) upya,

Verse 36

ﮥﮦ ﮧ

Na tutawafanya vijana,

Verse 37

ﮨﮩ ﮪ

Wanapendana na waume zao, hirimu moja.

Verse 38

ﮫﮬ ﮭ

Kwa ajili ya watu wa kuliani.

Verse 39

ﮮﮯﮰ ﮱ

Fungu kubwa katika wa mwanzo,

Verse 40

ﯓﯔﯕ ﯖ

Na fungu kubwa katika wa mwisho.

Verse 41

ﯗﯘﯙﯚﯛ ﯜ

Na watu wa kushotoni; je ni yepi ya wa kushotoni?

Verse 42

ﯝﯞﯟ ﯠ

Katika upepo wa moto, na maji yanayo chemka,

Verse 43

ﯡﯢﯣ ﯤ

Na kivuli cha moshi mweusi,

Verse 44

ﯥﯦﯧﯨ ﯩ

Si cha kuburudisha wala kustarehesha.

Verse 45

ﯪﯫﯬﯭﯮ ﯯ

Hakika hao walikuwa kabla ya haya wakiishi maisha ya anasa.

Verse 46

ﯰﯱﯲﯳﯴ ﯵ

Na walikuwa wakishikilia kufanya madhambi makubwa,

Verse 47

ﯶﯷﯸﯹﯺﯻﯼﯽﯾ ﯿ

Na walikuwa wakisema: Tutakapo kufa na tukawa udongo na mafupa, ati ndio tutafufuliwa?

Verse 48

ﰀﰁ ﰂ

Au baba zetu wa zamani?

Verse 49

ﰃﰄﰅﰆ ﰇ

Sema: Hakika wa zamani na wa mwisho

Verse 50

ﰈﰉﰊﰋﰌ ﰍ

Bila ya shaka watakusanywa kwa wakati wa siku maalumu.

Verse 51

ﭑﭒﭓﭔﭕ ﭖ

Kisha nyinyi, mlio potea, mnao kanusha,

Verse 52

ﭗﭘﭙﭚﭛ ﭜ

Kwa yakini mtakula mti wa Zaqqumu.

Verse 53

ﭝﭞﭟ ﭠ

Na kwa mti huo mtajaza matumbo.

Verse 54

ﭡﭢﭣﭤ ﭥ

Na juu yake mtakunywa maji yanayo chemka.

Verse 55

ﭦﭧﭨ ﭩ

Tena mtakunywa kama wanavyo kunywa ngamia wenye kiu.

Verse 56

ﭪﭫﭬﭭ ﭮ

Hiyo ndiyo karamu yao Siku ya Malipo.

Verse 57

ﭯﭰﭱﭲ ﭳ

Sisi tumekuumbeni; basi hamsadiki?

Verse 58

ﭴﭵﭶ ﭷ

Je! Mnaiona mbegu ya uzazi mnayo idondokeza?

Verse 59

ﭸﭹﭺﭻﭼ ﭽ

Je! Mnaiumba nyinyi, au ni Sisi ndio Waumbaji?

Verse 60

ﭾﭿﮀﮁﮂﮃﮄ ﮅ

Sisi tumekuwekeeni mauti; na wala Sisi hatushindwi

Verse 61

ﮆﮇﮈﮉﮊﮋﮌﮍﮎ ﮏ

Kuwaleta wengine badala yenu na kukuumbeni nyinyi kwa umbo msilo lijua.

Verse 62

ﮐﮑﮒﮓﮔﮕ ﮖ

Na bila ya shaka mlikwisha jua umbo la kwanza, basi kwa nini hamkumbuki?

Verse 63

ﮗﮘﮙ ﮚ

Je! Mnaona makulima mnayo yapanda?

Verse 64

ﮛﮜﮝﮞﮟ ﮠ

Je! Ni nyinyi mnayo yaotesha au ni Sisi ndio wenye kuotesha?

Verse 65

ﮡﮢﮣﮤﮥﮦ ﮧ

Tungeli taka tungeli yafanya yakawa mapepe, mkabaki mnastaajabu,

Verse 66

ﮨﮩ ﮪ

Mkisema: Hakika sisi tumegharimika;

Verse 67

ﮫﮬﮭ ﮮ

Bali sisi tumenyimwa.

Verse 68

ﮯﮰﮱﯓ ﯔ

Je! Mnayaona maji mnayo yanywa?

Verse 69

ﯕﯖﯗﯘﯙﯚﯛ ﯜ

Je! Ni nyinyi mnayo yateremsha kutoka mawinguni au ni Sisi ndio wenye kuyateremsha?

Verse 70

ﯝﯞﯟﯠﯡﯢ ﯣ

Tungeli penda tungeli yafanya ya chumvi. Basi mbona hamshukuru?

Verse 71

ﯤﯥﯦﯧ ﯨ

Je! Mnauona moto mnao uwasha?

Verse 72

ﯩﯪﯫﯬﯭﯮ ﯯ

Ni nyinyi mlio uumba mti wake au Sisi ndio Waumbaji?

Verse 73

ﯰﯱﯲﯳﯴ ﯵ

Sisi tumeufanya uwe ni ukumbusho na manufaa kwa walioko nyikani.

Verse 74

ﯶﯷﯸﯹ ﯺ

Basi litakase jina la Mola wako Mlezi aliye Mkuu.

Verse 75

ﯻﯼﯽﯾﯿ ﰀ

Basi naapa kwa maanguko ya nyota,

Verse 76

ﰁﰂﰃﰄﰅ ﰆ

Na hakika bila ya shaka hichi ni kiapo kikubwa, laiti mngeli jua!

Verse 77

ﭑﭒﭓ ﭔ

Hakika hii bila ya shaka ni Qur'ani Tukufu,

Verse 78

ﭕﭖﭗ ﭘ

Katika Kitabu kilicho hifadhiwa.

Verse 79

ﭙﭚﭛﭜ ﭝ

Hapana akigusaye ila walio takaswa.

Verse 80

ﭞﭟﭠﭡ ﭢ

Ni uteremsho unao toka kwa Mola Mlezi wa walimwengu wote.

Verse 81

ﭣﭤﭥﭦ ﭧ

Ni maneno haya ndiyo nyinyi mnayapuuza?

Verse 82

ﭨﭩﭪﭫ ﭬ

Na badala ya kushukuru kwa riziki yenu mnafanya kuwa mnakadhibisha?

Verse 83

ﭭﭮﭯﭰ ﭱ

Yawaje basi itakapo fika roho kwenye koo,

Verse 84

ﭲﭳﭴ ﭵ

Na nyinyi wakati huo mnatazama!

Verse 85

ﭶﭷﭸﭹﭺﭻﭼ ﭽ

Na Sisi tuko karibu zaidi naye kuliko nyinyi.

Verse 86

ﭾﭿﮀﮁﮂ ﮃ

Na lau kuwa nyinyi hamumo katika mamlaka yangu,

Verse 87

ﮄﮅﮆﮇ ﮈ

Kwanini hamuirudishi hiyo roho, ikiwa nyinyi mnasema kweli?

Verse 88

ﮉﮊﮋﮌﮍ ﮎ

Basi akiwa miongoni mwa walio karibishwa,

Verse 89

ﮏﮐﮑﮒ ﮓ

Basi ni raha, na manukato, na Bustani zenye neema.

Verse 90

ﮔﮕﮖﮗﮘﮙ ﮚ

Na akiwa katika watu wa upande wa kulia,

Verse 91

ﮛﮜﮝﮞﮟ ﮠ

Basi ni Salamu kwako uliye miongoni mwa watu wa upande wa kulia.

Verse 92

ﮡﮢﮣﮤﮥﮦ ﮧ

Na ama akiwa katika walio kadhibisha wapotovu,

Verse 93

ﮨﮩﮪ ﮫ

Basi karamu yake ni maji yanayo chemka,

Verse 94

ﮬﮭ ﮮ

Na kutiwa Motoni.

Verse 95

ﮯﮰﮱﯓﯔ ﯕ

Hakika hii ndiyo haki yenye yakini.

Verse 96

ﯖﯗﯘﯙ ﯚ

Basi litakase jina la Mola wako Mlezi aliye Mkubwa.

Tafsiri ya سورة الواقعة

سورة الواقعة

Tafsiri ya Sura Al-Waki'ah kwa السواحلية kutoka Ali Muhsin Al - Swahili translation

Ali Muhsin Al - Swahili translation

Ali Muhsin Al - Swahili translation

Al-Waki'ah