ﯼ

surah.translation .

ﰡ

ﮢﮣ ﰀ​


Кәферләрнең җаннарын катылык илә суырып алучы фәрештәләр илә,
ﮥﮦ ﰁ​

дәхи мөэминнәрнең җаннарын җиңеллек белән суырып алучы фәрештәләр илә ант итәмен.
ﮨﮩ ﰂ​

Дәхи җир белән кук арасында тизлек белән йөрүче фәрештәләр илә,
ﮫﮬ ﰃ​

кәферләрнең җаннарын җәһәннәмгә вә мөэминнәрнең җаннарын җәннәткә алып узышучы фәрештәләр илә,
ﮮﮯ ﰄ​

Эшләрне тәдбир кылып йөрүче фәрештәләр илә ант итәмен.
ﮱﯓﯔ ﰅ​

Беренче сурда җир каты хәрәкәтләнер дә, җир өстендә тереклек бетәр.
ﯖﯗ ﰆ​

Вә беренче сурга ияртелеп икенче сур булыр да, кешеләр кабердән терелеп чыгарлар.
ﯙﯚﯛ ﰇ​

Ул көндә куркудан күңелләр урыннарыннан купкан булырлар.
ﯝﯞ ﰈ​

Ул күңелләрнең, күзләре түбән төшкән булыр.
ﯠﯡﯢﯣﯤ ﰉ​

Дөньяда Коръәнгә ышанмаучылар әйтәләр: "Әйә без үлгәннән соң, терелеп яңадан әүвәлге хәлебезгә кайтабызмы?
ﯦﯧﯨﯩ ﰊ​

Әйә без черегән сөяк булганнан соң да терелеп кайтырбызмы?
ﯫﯬﯭﯮﯯ ﰋ​

Терелүгә ышанмыйча мәсхәрәләп әйттеләр: "Әгәр яңадан терелү булса, бу бик хәсрәтле кайтарылу икән, аның өчен кайгырырга кирәк", – дип.
ﯱﯲﯳﯴ ﰌ​

Аларның терелеп кубарылулары фәкать бер тавыш белән булыр.
ﯶﯷﯸ ﰍ​

Шул вакытта ук алар җир өстендә булырлар.
ﯺﯻﯼﯽ ﰎ​

Ий Мухәммәд г-м сиңа Муса хәбәре килде бит?
ﯿﰀﰁﰂﰃﰄ ﰏ​

Мусаның Раббысы аңа нида кылды, Тур тавының итәгендәге мүбарәк Тува дигән урында.
ﭑﭒﭓﭔﭕ ﰐ​

Иманга өндәмәк өчен Фиргаунгә баргыл, тәхкыйк ул азды, бозыклыкны күп кылды.
ﭗﭘﭙﭚﭛﭜ ﰑ​

Әйт аңа: "Әйә кирәксенәсеңме кабих булган көфердән пакьләнүне.
ﭞﭟﭠﭡ ﰒ​

Дәхи сиңа Раббыңны танытуымны телисеңме, әгәр Раббыңны танысаң, Аңардан куркырсың да изге гамәлләр кылырсың", – дип.
ﭣﭤﭥ ﰓ​

Муса Фиргаунгә олугъ могҗиза күрсәтте. (Ягъни таягы аҗдаһа булды һәм кулын култыгыннан чыгарган иде кояш кеби якты булып күренде).
ﭧﭨ ﰔ​

Фиргаун Мусаның пәйгамбәрлеген һәм күрсәткән могҗизасын ялганга санады һәм Мусага каршы дошманлык кылды.
ﭪﭫﭬ ﰕ​

Соңра Мусадан йөз чөереп, борылып китте дә теләгән кадәр бозык эшләрне кыла торган булды.
ﭮﭯ ﰖ​

Һәм үзенең кавемен вә ґәскәрсн җыйды вә кычкырып нида кылды.
ﭱﭲﭳﭴ ﰗ​

Әйтте: "Мин сезнең олугъ Раббыгызмын, миннән башка сезнең һич Илаһәгез юктыр", – дип.
ﭶﭷﭸﭹﭺ ﰘ​

Аллаһ, ул Фиргаунне тотты дөньяда суга батырып, ахирәттә җәһәннәмгә салу беләк.
ﭼﭽﭾﭿﮀﮁ ﰙ​

Тәхкыйк бу вакыйгада гыйбрәт бардыр Аллаһудан курыккан кешегә.
ﮃﮄﮅﮆﮇﮈﮉ ﰚ​

Халык кылуда сезнең яратылуыгыз читенрәкме, әллә күкне ярату читенрәкме? Ул күкне Аллаһ бина кылды.
ﮋﮌﮍ ﰛ​

Ул күкнең бөеклеген бик югары кылды, ул күкне һич кимчелексез төзеп тәмам итте.
ﮏﮐﮑﮒ ﰜ​

Ул күкнең кичен караңгы кылды вә аның көндезен якты кылды.
ﮔﮕﮖﮗ ﰝ​

Моның соңында Аллаһ, торырга яраклы итеп җирне түшәде.
ﮙﮚﮛﮜ ﰞ​

Җирнең суын һәм хайваннар утлый торган үләннәрне чыгарды.
ﮞﮟ ﰟ​

Дәхи тауларны мәхкәм сабит кылды.
ﮡﮢﮣ ﰠ​

Сезгә вә сезнең хайваннарыгызга файда өчен.
ﮥﮦﮧﮨ ﰡ​

Әгәр олугъ җыелыш көне кыямәт килсә,
ﮪﮫﮬﮭﮮ ﰢ​

ул көндә кеше дөньяда кылган яман эшләрен искәрер күз алдына китерер.
ﮰﮱﯓﯔ ﰣ​

Вә күзе күргән кешеләргә җәһәннәм күрсәтелер.
ﯖﯗﯘ ﰤ​

Әмма берәү шәригать чигеннән чыгып бозыклык кылса,
ﯚﯛﯜ ﰥ​

дәхи дөньяга бирелеп ахирәт гамәленә кимчелек китерсә,
ﯞﯟﯠﯡ ﰦ​

Шиксез, ул кешегә урын җәһәннәмдер.
ﯣﯤﯥﯦﯧﯨﯩﯪﯫ ﰧ​

Вә әмма берәү Аллаһ алдына басып Аңа җавап бирүдән курыкса, вә үзен нәфесе теләгән гөнаһлы эшләрдән тыйса,
ﯭﯮﯯﯰ ﰨ​

әлбәттә җәннәт аңа урындыр.
ﯲﯳﯴﯵﯶ ﰩ​

Кәферләр синнән кыямәт кайчан була, дип сорыйлар.
ﯸﯹﯺﯻ ﰪ​

Кыямәтнең кайчан булачагын әйтүдә сиңа нинди файда? Әйтсәң дә фәкать көферлекләрен арттырачаклар.
ﯽﯾﯿ ﰫ​

Кыямәт вакытының ахыр чиге Аллаһуга хастыр.
ﰁﰂﰃﰄﰅ ﰬ​

Ий Мухәммәд г-м, син фәкать ул кыямәттән курыккан кешене куркытучысың.
ﰇﰈﰉﰊﰋﰌﰍﰎﰏ ﰭ​

Алар кыямәтне күргәндә гүя дөньяда бер дә тормаган кеби булырлар, мәгәр төшкә хәтле ярты көн яки төштән соң ярты көн торган кеби булырлар.