ترجمة معاني سورة ص باللغة الهوساوية من كتاب الترجمة الهوساوية

آية رقم 1

ﭑﭒﭓﭔﭕ ﭖ ​

Ṣ̃, Inã rantsuwa da Al-ƙur'ãni mai hukunce-hukunce.

آية رقم 2

ﭗﭘﭙﭚﭛﭜ ﭝ ​

Ã'a, waɗanda suka kãfirta sunã cikin girman kai (ga rikon al'ãdunsu) da sãɓãni (tsakãnin jũnansu).

آية رقم 3

ﭞﭟﭠﭡﭢﭣﭤﭥﭦﭧ ﭨ ​

Da yawa Muka halakar da wani ƙarni, a gabãninsu, suka yi kira (nẽman cẽto), bãbu lõkacin kuɓucewa.

آية رقم 4

ﭩﭪﭫﭬﭭﭮﭯﭰﭱﭲﭳ ﭴ ​

Kuma suka yi mãmãki dõmin Mai gargaɗi, daga cikinsu, ya je musu. Kuma kãfirai sukace, "Wannan mai sihiri ne, maƙaryaci."

آية رقم 5

ﭵﭶﭷﭸﭹﭺﭻﭼﭽ ﭾ ​

"Shin, yã sanya gumãka duka su zama abin bautawa guda? Lalle wannan, haƙĩƙa, abu ne mai ban mãmaki!"

آية رقم 6

ﭿﮀﮁﮂﮃﮄﮅﮆﮇﮈﮉﮊﮋ ﮌ ​

Shũgabanni daga cikinsu, suka tafi (suka ce),"Ku yi tafiyarku, ku yi haƙuri a kan abũbuwan bautawarku. Lalle wannan, haƙiƙa, wani abu ne ake nufi!"

آية رقم 7

ﮍﮎﮏﮐﮑﮒﮓﮔﮕﮖ ﮗ ​

"Ba mu taɓa ji ba, game da wannan a cikin addinin ƙarshe. Wannan bai zama ba fãce ƙiren ƙarya."

آية رقم 8

ﮘﮙﮚﮛﮜﮝﮞﮟﮠﮡﮢﮣﮤﮥﮦﮧﮨ ﮩ ​

"Shin, an saukar da Alƙur'ãni ne a kansa, a tsakãninmu (mũ kuma ba mu gani ba)?" Ã'a, su dai sunã cikin shakka daga hukunciNa Ã'a, ba su i da ɗanɗanar azãba ba.

آية رقم 9

ﮪﮫﮬﮭﮮﮯﮰ ﮱ ​

Ko kuma a wurinsu ne ake ajiye taskõkin rahamar Ubangijinka, Mabuwãyi, Mai yawan kyauta?

آية رقم 10

ﯓﯔﯕﯖﯗﯘﯙﯚﯛﯜﯝ ﯞ ​

Kõ kuma sũ ne da mallakar sammai da ƙasã da abin da ke a tsakãninsu? To sai su hau a cikin sammai (dõmin, su hana saukar Alƙur'ãni ga Muhammadu).

آية رقم 11

ﯟﯠﯡﯢﯣﯤ ﯥ ​

Rundunõni ne abin da ke can, rusassu, na ƙungiyõyinsu.

آية رقم 12

ﯦﯧﯨﯩﯪﯫﯬﯭ ﯮ ​

Mutãnen Nũhu sun ƙaryata, a gabãninsu, da Ãdãwa da Fir'auna mai turãkun (da suka kafe mulkinsa).

آية رقم 13

ﯯﯰﯱﯲﯳﯴﯵﯶ ﯷ ​

Da Samũdãwa da mutãnen Luɗu da ma'abũta ƙunci, *waɗancan ne ƙungiyõyin.
____________________
   * Mutãnen ƙunci, sũ ne mutãnen Annabi Shu'aibu. A cikin Sham suke.

آية رقم 14

ﯸﯹﯺﯻﯼﯽﯾ ﯿ ​

Bãbu kõwa a cikinsu fãce ya ƙaryata Manzanni, sabõda haka azãbãTa ta wajaba.

آية رقم 15

ﰀﰁﰂﰃﰄﰅﰆﰇﰈﰉ ﰊ ​

Kuma waɗannan *bã su jiran kõme fãce tsãwã guda, wadda bã ta da hani.
____________________
  * Watau mutãnen Annabi Muhammadu: Ƙuraishãwa da waninsu har ya zuwa Tashin Ƙiyãma.

آية رقم 16

ﰋﰌﰍﰎﰏﰐﰑﰒ ﰓ ​

Kuma suka ce: "Ya Ubangijinmu! Ka gaggauta mana da rabonmu, a gabãnin rãnar bincike."*
____________________
 * Wannan ita ce maganar dukan kãfirai na kõwane zãmani mãsu nħman rabon dũniya kawai, ba su yarda da Tãshin Ƙiyãma ba, balle sãmun sakamako a cikinsa.

آية رقم 17

ﭑﭒﭓﭔﭕﭖﭗﭘﭙﭚﭛﭜ ﭝ ​

Ka yi haƙuri bisa ga abin da suke faɗa (na izgili), kuma ka ambaci bãwanMu Dãwũda ma'abũcin ƙarfin ibãda. Lalle, shi, mai mayar da al'amari ga Allah ne.

آية رقم 18

ﭞﭟﭠﭡﭢﭣﭤ ﭥ ​

Lalle Mũ, Mun hõre duwãtsu tãre da shi, sunã yin tasbĩhi maraice da fitõwar rãnã.

آية رقم 19

ﭦﭧﭨﭩﭪﭫ ﭬ ​

Da tsuntsãye waɗanda ake tattarawa, kõwannensu mai kõmãwa ne a gare shi.

آية رقم 20

ﭭﭮﭯﭰﭱﭲ ﭳ ​

Kuma Muka ƙarfafa mulkinsa, kuma Muka bã shi hikima* da rarrabẽwar magana.
____________________
 * Hikima, ita ce Annabci, rarrabe magana, shĩ ne sanin hanyar yin sharĩ'a da rarrabe mai ƙãra daga wanda aka yi ƙãra, da neman shaidu daga mai ƙãra da neman rantsuwa ga mai musu.

آية رقم 21

ﭴﭵﭶﭷﭸﭹﭺﭻ ﭼ ​

Kuma shin, lãbãrin mãsu husũma ya zo maka, a lõkacin da suka haura gãrun masallaci?

آية رقم 22

ﭽﭾﭿﮀﮁﮂﮃﮄﮅﮆﮇﮈﮉﮊﮋﮌﮍﮎﮏﮐﮑﮒﮓﮔﮕ ﮖ ​

A lõkacin da suka shiga ga Dãwũda, sai ya firgita daga gare su. Suka ce: "Kada kaji tsõro, masu husuma biyu ne; sãshenmu ya zãlunci sãshe. Sabõda haka, ka yi hakunci a tsakãninmu da gaskiya. Kada ka ƙẽtare haddi kuma ka shiryar da mu zuwa, ga tsakar hanya."

آية رقم 23

ﮗﮘﮙﮚﮛﮜﮝﮞﮟﮠﮡﮢﮣﮤﮥ ﮦ ​

"Lalle wannan dan'uwãna ne, yanã da tunkiya casa'in da tara, kuma inã da tunkiya guda, sai ya ce: 'Ka lãmunce mini ita. Kuma ya buwãye ni ga magana."

آية رقم 24

ﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

(Dãwũda) ya ce: "Lalle, haƙiƙa ya zãlunce* ka game da tambayar tunkiyarka zuwa ga tumakinsa. Kuma lalle ne mãsu yawa daga abõkan tarayya, haƙiƙa, sãshensu na zambatar sãshe fãce waɗanda suka yi ĩmãni, kuma suka aikata ayyukan ƙwarai." Kuma Dãwũda ya tabbata cẽwa Mun fitine shi ne, sabõda haka, ya nẽmi Ubangijinsa gãfara, kuma ya fãɗi yanã mai sujada, kuma ya mayar da al'amari ga Allah.
____________________
  * Dãwũda ya yi hukunci da zãlunci ga wanda ya yi ƙãra, sabõda abin da ya rufe shi na ƙin zãluntar mai rauni wanda Allah Ya hana. Nauyin wani laifi ya rufe shi daga tunãwa da wani laifi, watau yin hukunci tun binciken shari'a bai cika ba, sabõda iya maganar wani abõkin ƙãra. Wannan shĩ ne fitinar da ta same shi kawai kuma a kanta ya yi nadãma, kuma a kanta ne Allah Ya yi masa gargaɗin kada ya bi son rai mai sanya Fushi kõ yarda ga abin da bai cancanci haka ba. Yarda da wata ƙissar mãtar Uriya wadda Yahũdãwa ke sanyãwa, a nan, kãfirci ne ga Musulmi, dõmin ta kõre ismar Annabãwa, kuma ba ta dãce da lafazin Alƙur'ãni ba.

آية رقم 25

ﯬﯭﯮﯯﯰﯱﯲﯳﯴﯵ ﯶ ​

Sabõda haka Muka gãfarta masa wancan, kuma lalle yanã da wata kusantar daraja a wurinMu, da kyaun makõma.

آية رقم 26

ﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔﰕ ﰖ ​

Yã Dãwũda! Lalle Mũ Mun sanya ka Halĩfa a cikin ƙasã. To, ka yi hukunci tsakãnin mutãne da gaskiya, kuma kada ka biye wa son zũciyar, har ya ɓatar dakai daga hanyar Allah. Lalle waɗanda ke ɓacẽwa daga hanyar Allah sunã da wata azãba mai tsanani dõmin abin da suka manta, a rãnar hisãbi

آية رقم 27

ﭑﭒﭓﭔﭕﭖﭗﭘﭙﭚﭛﭜﭝﭞﭟﭠﭡﭢ ﭣ ​

Kuma ba Mu halitta sama da ƙasã da abin da ke a tsakãninsu ba a kan ƙarya. Wannan shĩ ne zaton waɗanda suka kãfirta. To, bone ya tabbata ga waɗanda suka kãfirta daga wutã.

آية رقم 28

ﭤﭥﭦﭧﭨﭩﭪﭫﭬﭭﭮﭯﭰ ﭱ ​

Kõ zã Mu sanya waɗanda suka yi ĩmãni, kuma suka aikata ayyukan ƙwarai kamar waɗanda suke mãsu barna ne a cikin ƙasa? Ko kuma za Mu sanya masu bin Allah da taƙawa kamar fãjirai makarkata?

آية رقم 29

ﭲﭳﭴﭵﭶﭷﭸﭹﭺ ﭻ ​

(Wannan) Littãfi ne, Mun saukar da shi zuwa gare ka, yanã, mai albarka, dõmin su lũra da ãyõyinsa, kuma don mãsu hankali su riƙa yin tunãni.

آية رقم 30

ﭼﭽﭾﭿﮀﮁﮂﮃ ﮄ ​

Kuma Muka bai wa Dãwũda Sulaimãn. Mãdalla da bãwanMu, shi. Lalle shi (Sulaimãn) mai mayar da al'amari ne ga Allah.

آية رقم 31

ﮅﮆﮇﮈﮉﮊ ﮋ ​

A lõkacin da aka gitta masa dawãki mãsu asali, *a lõkacin maraice.
____________________
 * Shĩ ne dõki mai tsayuwa a kan ƙafãfu uku. Wannan yanã nũna asalinsa mai kyau ne.

آية رقم 32

ﮌﮍﮎﮏﮐﮑﮒﮓﮔﮕﮖ ﮗ ​

Sai ya ce: "Lalle nĩ, na fĩfĩta son dũkiya daga tunãwar Ubangijina, har (rãnã) ta faku da shãmaki!"

آية رقم 33

ﮘﮙﮚﮛﮜﮝﮞ ﮟ ​

"Ku mayar da su a gare ni." Sai ya shiga yankansu* da takõbi ga ƙwabrukansu da wuyõyinsu.
____________________
 * Sulaimãna ya yanka dawãkin,dõmin kallonsu yã hana shi salla, wadda take farlu ainin ce a gare shi, amma tattalin kãyan yãƙi farlu kifãya ce. Anã gabãtar da farlu ainin a kan farlu kifãya. Wannan kuma ya nũna cewa anã cin dõki idan wani dalĩli bai hana ba. Dũbi Sũra ta 16, ãyã ta 8.

آية رقم 34

ﮠﮡﮢﮣﮤﮥﮦﮧﮨ ﮩ ​

Kuma lalle haƙĩƙa, Mun fitini* Sulaiman kuma Muka jẽfa wani jikin mutum a kan karagarsa. Sa'an nan ya mayar da al'amari zuwa gare Mu.
____________________
   * Wata rãna Sulaiman ya yi tunãnin ya sãdu da mãtansa ɗari uku, dõmin su yi cikunna su haifi diya mãsu taimakonsa jihãdi fi sabilillahi, amma ya manta, bai ce in Allah Yã so ba. Sai ya sãdu da su, ba su yi cikin ba, sai guda ɗaya daga cikinsu, kuma ta haife shi bãbu rai. Ma'anar kissar, ita ce ko aikin Allah, sai mutum ya mayar da yinsa ga mashĩ'ar Allah, sa'an nan zai ci nasara a kansa.

آية رقم 35

ﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ ​

Ya ce: "Ya Ubangijĩna! Ka gãfarta mini, kuma Ka bã ni mulki wanda bã ya kamãta da kõwa daga bãyãna.* Lalle Kai, Kai ne Mai yawan kyauta.
____________________
  * Yã yi wannan addu'a dõmin kada wani ya yi alfahari da sarauta a bãyansa, ya halaka kuma ya halakar da wani. Sarauta ita ce asalin girman kai da alfahari. Bã ka ganin wanda ya shiga wajan sarki, dõmin ya gaishe shi, idan ya fito daga gare shi, sai ya ɗõra yin tãƙama dõmin abin da zuciyarsa ta ɗebo daga girman kan sarkin da alfaharinsa?.

آية رقم 36

ﯜﯝﯞﯟﯠﯡﯢﯣ ﯤ ​

Sabõda haka Muka hõre masa iska(5) tanã gudu da umurninsa, tãna tãshi da sauƙi, inda ya nufa.
____________________
  (5) An hore masa iska matsayin dawãkin da ya yanke dõmin Allah. An hõre masa aljannu dõmin niyyarsa ta sãmun diya mãsu jihãdi dõmin Allah.

آية رقم 37

ﯥﯦﯧﯨ ﯩ ​

Da shaiɗanu dukan mai gini, da mai nutsa (a cikin kõguna.)

آية رقم 38

ﯪﯫﯬﯭ ﯮ ​

Waɗansu, ɗaɗɗaure a cikin marũruwa.

آية رقم 39

ﯯﯰﯱﯲﯳﯴﯵ ﯶ ​

Wannan kyautarMu ce. Sai ka yi kyauta ga wanda kake so, ko kuma ka riƙe, bãbu wani bincike.

آية رقم 40

ﯷﯸﯹﯺﯻﯼ ﯽ ​

Kuma lalle, haƙĩƙa yanã da kusantar daraja a wurinMu da kyaun makõma.

آية رقم 41

ﯾﯿﰀﰁﰂﰃﰄﰅﰆﰇﰈ ﰉ ​

Kuma ka ambaci bãwanMu Ayyũba(6) a lõkacin da ya kirãyi Ubangijinsa, ya ce: "Lalle nĩ, Shaiɗan yã shãfe ni da wahala da kuma wata azãba."
____________________
  (6) Wannan ƙissa tanã nũna haƙuri ga riƙon iyãli, mulkin ƙasã da mulkin gida duka daidai suke, sai yadda Allah Ya yi umurni a yĩ su. Haka mallakar rai idan mutum bai bi umurnin Allah ba a cikinsu, sai su buwãye shi tsarewa, kamar yadda mulkin ƙasa ke buwãya a riƙe shi tãre da kãfirci da zãlunci.

آية رقم 42

ﰊﰋﰌﰍﰎﰏﰐ ﰑ ​

Ka shura da ƙafarka. Wannan abin wanka ne mai sanyi da abin shã.

آية رقم 43

ﭑﭒﭓﭔﭕﭖﭗﭘﭙﭚ ﭛ ​

Kuma Muka bã shi iyalansa da kwatankwacinsu tãre da su sabõda rahama daga gare Mu, da tunãtarwa ga mãsu hankali.

آية رقم 44

ﭜﭝﭞﭟﭠﭡﭢﭣﭤﭥﭦﭧﭨﭩﭪﭫ ﭬ ​

Kuma ka riƙi wata ƙulla da hannunka, ka yi dũka da ita kuma kada ka karya rantsuwarka. Lalle Mũ, Mun sãme shi mai haƙuri. Madalla da bãwa, shĩ Lalle shĩ mai mayar da al'amari ga Allah ne.

آية رقم 45

ﭭﭮﭯﭰﭱﭲﭳﭴ ﭵ ​

Kuma ka ambaci bãyinMu: Ibrahĩm da ls'hãƙa da Ya'aƙũba, ma'abũta ƙarfin (ɗaukar umurninMu) da basĩra.

آية رقم 46

ﭶﭷﭸﭹﭺ ﭻ ​

Lalle Mũ, Mun keɓance su game da wata, tsattsarkar aba: Hukunce-hukuncen gidan dũniya (mai tunãtar da su Lãhira).

آية رقم 47

ﭼﭽﭾﭿﮀ ﮁ ​

Kuma lalle sũ a wurinMu, tabbas, sunã daga zãɓaɓɓu, mafĩfĩta.

آية رقم 48

ﮂﮃﮄﮅﮆﮇﮈﮉﮊ ﮋ ​

Kuma ka ambaci Isma'ĩla da llyãs da Zulkifli, kuma dukansu sunã daga zãɓaɓɓu.

آية رقم 49

ﮌﮍﮎﮏﮐﮑﮒ ﮓ ​

Wannan tunãtarwa ce, kuma lalle mãsu bin Allah da taƙawa, sunã da kyakkyawar makõma.

آية رقم 50

ﮔﮕﮖﮗﮘ ﮙ ​

Gidãjen Aljannar zama, alhãli kuwa tanã abar buɗe wa kõfõfi sabõda su.

آية رقم 51

ﮚﮛﮜﮝﮞﮟﮠ ﮡ ​

Sunã gingincire a cikinsu, sunã kira a cikinsu, ga 'ya'yan itãcen marmari mãsu yawa, da abin shã.

آية رقم 52

ﮢﮣﮤﮥﮦ ﮧ ​

Kuma a wurinsu akwai mãtan aure mãsu gajarta ganinsu ga mazansu, tsãrar jũna.

آية رقم 53

ﮨﮩﮪﮫﮬ ﮭ ​

Wannan shĩ ne abin da ake yi muku wa'adi ga rãnar hisãbi.

آية رقم 54

ﮮﮯﮰﮱﯓﯔﯕ ﯖ ​

Lalle wannan, haƙĩƙa, azurtarwarMu ce, bã ta ƙãrẽwa.

آية رقم 55

ﯗﯘﯙﯚﯛﯜ ﯝ ​

Wannan shĩ ne kuma lalle makangara, haƙĩƙa, sunã da mafi sharrin makõma.

آية رقم 56

ﯞﯟﯠﯡ ﯢ ​

Jahannama, sunã shigarta. To, shimfiɗar tã mũnana, ita.

آية رقم 57

ﯣﯤﯥﯦ ﯧ ​

Wannan shĩ ne! To, su ɗanɗane shi: ruwan zãfi ne da ruɓaɓɓen jini.

آية رقم 58

ﯨﯩﯪﯫ ﯬ ​

Da wani daga siffarsa nau'i-nau'i.

آية رقم 59

ﯭﯮﯯﯰﯱﯲﯳﯴﯵﯶﯷ ﯸ ​

Wannan wani yanki ne mai kũtsawa tãre da ku, bãbu marãba a gare su, lalle sũ, mãsu shiga Wutã ne.

آية رقم 60

ﯹﯺﯻﯼﯽﯾﯿﰀﰁﰂﰃﰄﰅ ﰆ ​

Suka ce: "Ã'a, ku ne bãbu marãba a gare ku, kũ ne kuka gabãtar da shi a gare mu." To, matabbatar tã mũnana (ita wutar).

آية رقم 61

ﰇﰈﰉﰊﰋﰌﰍﰎﰏﰐﰑ ﰒ ​

Suka ce: "Ya Ubangijinmu! Wanda ya gabãtar da wannan a gare mu, to, Ka ƙãra masa azãba, ninki, a cikin wutã."

آية رقم 62

ﭑﭒﭓﭔﭕﭖﭗﭘﭙﭚ ﭛ ​

Kuma suka ce: "Mẽ ya sãme mu, bã mu ganin waɗansu mazãje, mun kasance munã ƙidãya su daga asharãrai?"

آية رقم 63

ﭜﭝﭞﭟﭠﭡ ﭢ ​

"Shin, mun riƙe su abin izgili ne kõ idãnunmu sun karkata daga gare su ne?"

آية رقم 64

ﭣﭤﭥﭦﭧﭨ ﭩ ​

Lalle wannan, haƙĩƙa, gaskiya ne, husũmar mutãnen wutã.

آية رقم 65

ﭪﭫﭬﭭﭮﭯﭰﭱﭲﭳﭴﭵ ﭶ ​

Ka ce: "Nĩ mai gargaɗikawai ne, kuma babu wani abin bautawa sai Allah, Makaɗaici, Mai tilastawa."

آية رقم 66

ﭷﭸﭹﭺﭻﭼﭽ ﭾ ​

"Ubangijin sammai da ƙasã da abin da ke a tsakãninsu Mabuwãyi, Mai gãfara."

آية رقم 67

ﭿﮀﮁﮂ ﮃ ​

Ka ce: "Shĩ (Alkur'ãni) babban lãbãri ne mai girma".

آية رقم 68

ﮄﮅﮆ ﮇ ​

"Kũ, mãsu bijirẽwa ne daga gare shi!"

آية رقم 69

ﮈﮉﮊﮋﮌﮍﮎﮏﮐ ﮑ ​

"Wani ilmi bai kasance a gare ni ba game da jama'a (malã'iku) mafi ɗaukaka a lõkacin da suke yin husũma."

آية رقم 70

ﮒﮓﮔﮕﮖﮗﮘﮙ ﮚ ​

"Ba a yi mini wahayin kõme ba face cẽwa ni mai gargaɗi kawai ne, mai bayyanãwa."

آية رقم 71

ﮛﮜﮝﮞﮟﮠﮡﮢﮣ ﮤ ​

A lõkacin da Ubangijinka Ya ce wa malã'iku, "Lalle Nĩ Mai halitta mutum ne daga lãkã.

آية رقم 72

ﮥﮦﮧﮨﮩﮪﮫﮬﮭ ﮮ ​

"Sa'an nan idan Nã daidaita shi, kuma Na hũra (wani abu) daga RuhĩNa a cikinsa to ku fãɗi kunã mãsu sujada a gare; shi."

آية رقم 73

ﮯﮰﮱﯓ ﯔ ​

Sai malã'ikun suka yi sujada dukansu, gabã ɗaya.

آية رقم 74

ﯕﯖﯗﯘﯙﯚ ﯛ ​

Fãce Iblis, ya yi girman kai, kuma ya kasance daga kãfirai.

آية رقم 75

ﯜﯝﯞﯟﯠﯡﯢﯣﯤﯥﯦﯧﯨﯩﯪ ﯫ ​

(Allah) Ya ce, "Yã Ibilis! Mẽ ya hana ka, ka yi sujada ga abin da Nã halitta da HannayeNa biyu? Shin, kã yi girman kai ne, kõ kuwa kã kasance daga maɗaukaka ne?"

آية رقم 76

ﯬﯭﯮﯯﯰﯱﯲﯳﯴﯵ ﯶ ​

Ya ce, "Nĩ, mafifici ne daga gare shi: Kã halitta ni daga wutã, kuma Kã halitta shi daga lãkã."

آية رقم 77

ﯷﯸﯹﯺﯻ ﯼ ​

Ya ce, "To, ka fita daga gare ta, dõmin lalle kai la'ananne ne."

آية رقم 78

ﯽﯾﯿﰀﰁﰂ ﰃ ​

"Kuma lalle a kanka akwai la'anaTa har zuwa rãnar sakamako."

آية رقم 79

ﰄﰅﰆﰇﰈﰉ ﰊ ​

Ya ce, "Ya Ubangijina! To, Ka yi mini jinkiri zuwa ga rãnar da ake tãyar da su."

آية رقم 80

ﰋﰌﰍﰎ ﰏ ​

Ya ce, "To, lalle kanã daga waɗanda aka yi wa jinkiri,

آية رقم 81

ﰐﰑﰒﰓ ﰔ ​

"Zuwa ga yinin lõkaci sananne."

آية رقم 82

ﰕﰖﰗﰘ ﰙ ​

Ya ce, "To, inã rantsuwa da buwãyarKa, lalle, inã ɓatar da su gabã ɗaya.

آية رقم 83

ﰚﰛﰜﰝ ﰞ ​

"Fãce bãyinKa tsarkakakku daga gare su."

آية رقم 84

ﭑﭒﭓﭔ ﭕ ​

(Allah) Ya ce, "To, (wannan magana ita ce) gaskiya. Kuma gaskiya Nake faɗa."

آية رقم 85

ﭖﭗﭘﭙﭚﭛﭜ ﭝ ​

"Lalle zã Ni cika Jahannama daga gare ka, kuma daga wanda ya bĩ ka daga gare su, gabã ɗaya"

آية رقم 86

ﭞﭟﭠﭡﭢﭣﭤﭥﭦﭧ ﭨ ​

Ka ce: "Bã ni tambayar ku wata ijãra, a kansa kuma bã ni daga mãsu ƙãƙalen faɗarsa."

آية رقم 87

ﭩﭪﭫﭬﭭ ﭮ ​

"Shĩ (Alkur'ãn) bai zama ba fãce ambato ne ga dukan halitta."

آية رقم 88

ﭯﭰﭱﭲ ﭳ ​

"Kuma lalle zã ku san babban lãbãrinsa* a bayan ɗan lõkaci."
____________________
  * Bauta wa gumãka da hidimar shehunai da suka mutu waɗanda suka shirya wani sãbon abu da bãbu ga sunnar Annabi duka ɗaya suke, dõmin kõwanensu kiran wanin Allah ne sabõda neman ãgaji.