الترجمة الأذرية kitabından الأذرية dilində طه surəsinin tərcüməsi
Verse 1
ﭵ
ﭶ
1. Ta. Ha.
Verse 2
ﭷﭸﭹﭺﭻ
ﭼ
2. Biz Quranı sənə ona görə nazil etmədik ki, əziyyətə düşəsən.
Verse 3
ﭽﭾﭿﮀ
ﮁ
3. Onu Allahdan qorxanlar üçün ancaq nəsihət kimi göndərdik.
Verse 4
ﮂﮃﮄﮅﮆﮇ
ﮈ
4. O, yeri və uca göyləri yaradan Allah tərəfindən nazil olmuşdur.
Verse 5
ﮉﮊﮋﮌ
ﮍ
5. Mərhəmətli Allah Ərşə ucaldı.
Verse 6
6. Göylərdə, yerdə, onların arasında və torpağın altında nə varsa, Ona məxsusdur.
Verse 7
7. Sən ucadan danışsan da, danışmasan da, fərqi yoxdur. Çünki Allah sirri də, bundan daha gizli olanı da bilir.
Verse 8
8. Allah! Ondan başqa ibadətə layiq olan məbud yoxdur. Ən gözəl adlar Ona məxsusdur!
Verse 9
ﮭﮮﮯﮰ
ﮱ
9. Musanın əhvalatı sənə gəlib çatdımı?
Verse 10
10. O zaman o, bir od görüb ailəsinə demişdi: “Dayanın! Mən bir od gördüm. Bəlkə, ondan sizə bir köz gətirdim, ya da odun yanında bir bələdçi tapdım!”
Verse 11
ﯦﯧﯨﯩ
ﯪ
11. Oda yaxınlaşdıqda bir səda gəldi: “Ey Musa!
Verse 12
12. Həqiqətən, Mən sənin Rəbbinəm. Başmaqlarını çıxart. Çünki sən müqəddəs Tuva vadisindəsən!
Verse 13
ﭑﭒﭓﭔﭕ
ﭖ
13. Mən səni seçmişəm. Sənə vəhy olunanı dinlə!
Verse 14
14. Həqiqətən, Mən Allaham! Məndən başqa heç bir məbud yoxdur. Mənə ibadət et və Məni xatırlamaq üçün namaz qıl!
Verse 15
15. Həmin Saat hökmən gələcək! Hər kəsə törətdiklərinin əvəzi verilsin deyə, Mən onu az qala Özümdən belə gizlədirəm.
Verse 16
16. Qoy ona inanmayan və nəfsinin istəklərinə uyan bir kəs səni ondan yayındırmasın, yoxsa məhv olarsan!
Verse 17
ﭹﭺﭻﭼ
ﭽ
17. Sağ əlindəki nədir, ey Musa?”
Verse 18
18. Musa dedi: “Bu mənim əsamdır. Ona söykənir və onunla qoyunlarıma yarpaq silkələyirəm. Bu, mənim üçün başqa işlərə də yarayır”.
Verse 19
ﮌﮍﮎ
ﮏ
19. Allah buyurdu: “At onu yerə, ey Musa!”
Verse 20
ﮐﮑﮒﮓﮔ
ﮕ
20. Musa onu yerə atdı və o, dərhal ilan olub sürətlə sürünməyə başladı.
Verse 21
21. Allah buyurdu: “Götür onu, qorxma! Biz onu əvvəlki halına qaytaracağıq.
Verse 22
22. Əlini qoynuna sal ki, əlin oradan başqa bir möcüzə kimi ləkəsiz, ağappaq çıxsın.
Verse 23
ﮫﮬﮭﮮ
ﮯ
23. Belə etdik ki, sənə ən böyük möcüzələrimizdən bir neçəsini göstərək.
Verse 24
ﮰﮱﯓﯔﯕ
ﯖ
24. Fironun yanına get! Çünki o, həddini aşmışdır”.
Verse 25
ﯗﯘﯙﯚﯛ
ﯜ
25. Musa dedi: “Ey Rəbbim! Köksümü açıb genişlət!
Verse 26
ﯝﯞﯟ
ﯠ
26. İşimi yüngülləşdir!
Verse 27
ﯡﯢﯣﯤ
ﯥ
27. Dilimdəki düyünü aç ki,
Verse 28
ﯦﯧ
ﯨ
28. sözümü anlasınlar!
Verse 29
ﯩﯪﯫﯬﯭ
ﯮ
29. Mənə öz ailəmdən bir köməkçi ver –
Verse 30
ﯯﯰ
ﯱ
30. Qardaşım Harunu!
Verse 31
ﯲﯳﯴ
ﯵ
31. Onun sayəsində mənim gücümü artır!
Verse 32
ﯶﯷﯸ
ﯹ
32. Onu işimə ortaq et (ona da peyğəmbərlik ver) ki,
Verse 33
ﯺﯻﯼ
ﯽ
33. Sənə çoxlu təriflər deyək
Verse 34
ﯾﯿ
ﰀ
34. və Səni çox zikr edək.
Verse 35
ﰁﰂﰃﰄ
ﰅ
35. Şübhəsiz ki, Sən bizi görürsən!”
Verse 36
ﰆﰇﰈﰉﰊ
ﰋ
36. Allah buyurdu: “Dilədiyin sənə verildi, ey Musa!
Verse 37
ﰌﰍﰎﰏﰐ
ﰑ
37. Sənə bir dəfə də mərhəmət göstərmişdik.
Verse 38
ﭑﭒﭓﭔﭕﭖ
ﭗ
38. O vaxt ki, anana vəhy olunacaq şeyi belə vəhy etdik:
Verse 39
39. “Onu bir sandığa qoyub çaya burax ki, çay onu sahilə atsın və həm Mənim düşmənim, həm də onun düşməni olan birisi onu götürsün”. Gözüm önündə boya-başa çatdırılasan deyə, Öz tərəfimdən sənə qarşı qullarım arasında məhəbbət oyatdım.
Verse 40
40. O zaman bacın gedib camaata deyirdi: “Sizə onun qayğısına qalacaq birisini göstərimmi?” Beləliklə, gözü aydın olsun və qəm yeməsin deyə, səni anana qaytardıq. Sən boya-başa çatdıqda bir nəfəri öldürdün. O vaxt Biz səni qəm-qüssədən qurtardıq. Biz səni çətin sınaqlardan keçirtdik. Sən illərlə Mədyən əhli içində qaldın. Sonra da müəyyən olunmuş məqama gəlib çatdın, ey Musa!
Verse 41
ﮖﮗ
ﮘ
41. Mən səni Özümə peyğəmbər seçdim!
Verse 42
42. Sən və qardaşın möcüzələrimlə gedin və Məni zikr etməkdə zəiflik göstərməyin.
Verse 43
ﮢﮣﮤﮥﮦ
ﮧ
43. Fironun yanına gedin. Çünki o, həddini aşmışdır.
Verse 44
44. Onunla yumşaq danışın. Bəlkə, öyüd-nəsihət qəbul etsin, yaxud qorxsun!”
Verse 45
45. Onlar dedilər: “Ey Rəbbimiz! Biz, onun bizə şiddətli cəza verməsindən və ya həddini aşmasından qorxuruq”.
Verse 46
46. Allah buyurdu: “Qorxmayın, çünki Mən sizinləyəm, eşidirəm və görürəm!
Verse 47
47. Onun yanına gedib deyin: “Biz sənin Rəbbinin elçiləriyik. İsrail oğullarını bizimlə göndər və onlara əziyyət vermə. Biz sənin yanına Rəbbindən dəlillə gəlmişik. Doğru yolla gedənlərə salam olsun!
Verse 48
48. Bizə vəhy edildi ki, əzab, haqqı yalan sayıb üz döndərənlərə veriləcəkdir!”
Verse 49
ﰉﰊﰋﰌ
ﰍ
49. Firon dedi: “Rəbbiniz kimdir, ey Musa?”
Verse 50
50. Musa dedi: “Rəbbimiz hər şeyə öz xilqətini verən, sonra da ona doğru yolu göstərəndir!”
Verse 51
ﰘﰙﰚﰛﰜ
ﰝ
51. Firon dedi: “Bəs əvvəlki nəsillərin halı necə olacaq?”
Verse 52
52. Musa dedi: “Onlar haqqındakı bilgi Rəbbimin yanında olan bir Kitabdadır. Rəbbim nə xəta edir, nə də unudur!”
Verse 53
53. O, yer üzünü sizin üçün beşik etmiş, orada sizin üçün yollar salmış və göydən su endirmişdir. Biz onunla cürbəcür bitkilərdən cüt-cüt yetişdirdik.
Verse 54
54. Onlardan həm özünüz yeyin, həm də heyvanlarınızı yemləyin. Həqiqətən, bunlarda başa düşənlər üçün dəlillər vardır.
Verse 55
55. Biz sizi torpaqdan yaratdıq. Sizi ora qaytaracaq və bir daha oradan çıxardacağıq.
Verse 56
ﮇﮈﮉﮊﮋﮌ
ﮍ
56. Biz dəlillərimizin hamısını Firona göstərdik. O isə bu dəlilləri yalan sayıb qəbul etmədi.
Verse 57
57. Firon dedi: “Sən öz sehrinlə bizi öz torpağımızdan qovub çıxartmağamı gəlmisən, ey Musa?
Verse 58
58. Biz də sənə buna bənzər bir sehr göstərə bilərik. Bizimlə öz aranda görüş vaxtı təyin et. Nə biz, nə də sən vədə xilaf çıxmayaq. Bu hamımız üçün münasib bir yerdə olsun”.
Verse 59
59. Musa dedi: “Görüş vaxtınız bayram günü, camaatın bir yerə toplaşacağı səhər vaxtıdır!”
Verse 60
ﮮﮯﮰﮱﯓﯔ
ﯕ
60. Firon üz çevirdi, sonra da bütün hiyləgərlik vasitələrini (sehrbazlarının hamısını) toplayıb gəldi.
Verse 61
61. Musa onlara dedi: “Vay halınıza! Allaha qarşı yalan uydurmayın, yoxsa O sizi əzabla məhv edər. İftira yaxan ziyana uğrayar.
Verse 62
ﯧﯨﯩﯪﯫ
ﯬ
62. Fironun adamları öz aralarında işləri barəsində mübahisə edib xəlvətcə söhbət etdilər.
Verse 63
63. Onlar dedilər: “Bu ikisi, doğrudan da, sehrbazdır. Onlar öz sehrləri ilə sizi torpağınızdan qovub çıxartmaq və sizin ən gözəl yolunuzu aradan götürmək istəyirlər.
Verse 64
64. Odur ki, bütün hiylələrinizi cəmləşdirib meydana dəstə-dəstə gəlin. Bu gün qələbə çalan xilas olacaqdır”.
Verse 65
65. Sehrbazlar dedilər: “Ey Musa! Ya sən əvvəlcə əlindəkini at, ya da birinci atan biz olaq!”
Verse 66
66. Musa dedi: “Yox, siz atın!” Sehrbazlar əllərindəkiləri yerə atan kimi sehrləri sayəsində ona elə gəldi ki, onların kəndirləri və çomaqları hərəkətə gəlib sürünür.
Verse 67
ﭫﭬﭭﭮﭯ
ﭰ
67. Musanın ürəyi xoflandı.
Verse 68
ﭱﭲﭳﭴﭵﭶ
ﭷ
68. Biz dedik: “Qorxma, qalib gələn mütləq sən olacaqsan!
Verse 69
69. Sağ əlindəkini yerə at, onların qurduqlarını udsun. Onların qurduqları sadəcə sehrbaz hiyləsidir. Sehrbaz isə, hara gedirsə-getsin, uğur qazanmaz”.
Verse 70
70. Sehrbazlar səcdəyə qapanıb dedilər: “Biz Harunun və Musanın Rəbbinə iman gətirdik!”
Verse 71
71. Firon dedi: “Mən sizə izin verməmişdən əvvəl siz ona iman gətirdiniz? Şübhəsiz ki, o sizə sehr öyrədən böyüyünüzdür. Mən sizin əllərinizi və ayaqlarınızı çarpaz kəsdirəcək, özünüzü də xurma ağaclarının gövdələrində çarmıxa çəkəcəyəm. Onda hansımızın əzabının daha şiddətli və daha sürəkli olduğunu biləcəksiniz!”
Verse 72
72. Onlar dedilər: “Biz heç vaxt səni bizə gələn bu aydın dəlillərdən və bizi yaradandan üstün tutmayacağıq. İndi nə hökm verəcəksənsə, ver. Sən ancaq bu dünyada hökm verə bilərsən!
Verse 73
73. Həqiqətən, biz Rəbbimizə iman gətirdik ki, O bizi günahlarımıza və sənin bizi məcbur etdirdiyin sehrə görə bağışlasın. Allahın mükafatı daha xeyirli, cəzası isə daha sürəklidir!”
Verse 74
74. Kim Rəbbinin hüzuruna günahkar kimi gələrsə, cəhənnəmlik olar. O, orada nə ölər, nə də yaşayar.
Verse 75
75. Kim Onun hüzuruna yaxşı əməllər etmiş bir mömin kimi gələrsə, onlara ən yüksək dərəcələr nəsib olar –
Verse 76
76. ağacları altından çaylar axan Ədn cənnətləri. Onlar orada əbədi qalarlar. Bu, günahlardan təmizlənənlərin mükafatıdır.
Verse 77
77. Biz Musaya: “Qullarımla birlikdə gecə yola çıx, əsanı suya vurmaqla onlar üçün dənizdə quru yol aç. Düşmənin sizə çatmasından qorxma, çəkinmə!”– deyə vəhy etdik.
Verse 78
78. Firon öz ordusu ilə onları təqib etdi və dəniz onları qaplayıb batırdı.
Verse 79
ﭭﭮﭯﭰﭱ
ﭲ
79. Firon öz xalqını azğınlığa sürüklədi və onlara doğru yol göstərmədi.
Verse 80
80. Ey İsrail oğulları! Biz sizi düşməninizdən xilas etdik. Sizə sağ tərəfinizdəki Tur dağının yanına gəlməyiniz üçün vədə verdik. Sizə göydən manna və bildirçin endirdik.
Verse 81
81. Sizə verdiyimiz ruzilərin təmizindən yeyin və bunda həddi aşmayın, yoxsa sizə qəzəbim tutar. Qəzəbimə gəlmiş kimsə isə bədbəxt olar.
Verse 82
82. Mən, həqiqətən də, tövbə edib, iman gətirib yaxşı işlər görən, sonra da doğru yolu tutanları bağışlayıram.
Verse 83
ﮟﮠﮡﮢﮣﮤ
ﮥ
83. Allah buyurdu: “Səni öz qövmündən ayrılmağa tələsdirən nə idi, ey Musa?”
Verse 84
84. Musa dedi: “Onlar da arxamca gəlirlər. Məndən razı qalasan deyə, Sənin yanına tələsdim, ey Rəbbim!”
Verse 85
85. Allah buyurdu: “Səndən sonra qövmünü sınağa çəkdik. Samiri onları yoldan çıxartdı”.
Verse 86
86. Musa qəzəbli, kədərli halda qövmünün yanına qayıdıb dedi: “Ey qövmüm! Məgər Rəbbiniz sizə gözəl bir vəd verməmişdimi? Doğrudanmı bu vaxt sizə uzun gəldi? Yoxsa Rəbbinizdən sizə bir qəzəb gəlməsini istəyib mənə verdiyiniz vədə xilaf çıxdınız?”
Verse 87
87. Onlar dedilər: “Biz sənə verdiyimiz vədə öz ixtiyarımızla xilaf çıxmadıq. Lakin biz o xalqın zinət əşyasından olan ağır yüklərlə yüklənmişdik. Biz onları oda atdıq. Həmçinin Samiri də onu oda atdı”.
Verse 88
88. Samiri onlar üçün böyürən bir buzov heykəli düzəltdi. Buzova məftun olanlar: “Sizin də məbudunuz, Musanın da məbudu budur. Lakin o bunu unutmuşdur”– dedilər.
Verse 89
89. Məgər bu heykəlin onlara heç bir cavab vermədiyini, onlara nə bir zərər, nə də bir fayda verməyə qadir olmadığını görmürdülərmi?!
Verse 90
90. Bundan əvvəl Harun onlara demişdi: “Ey qövmüm! Siz bununla ancaq sınağa çəkildiniz. Həqiqətən, sizin Rəbbiniz Mərhəmətli Allahdır. Mənə tabe olun və əmrimə itaət edin!”
Verse 91
91. Onlar: “Musa yanımıza qayıtmayınca biz ona sitayiş etməkdən əl çəkməyəcəyik!”– dedilər.
Verse 92
92. Musa dedi: “Ey Harun! Onların azdıqlarını gördüyün zaman sənə nə mane oldu ki,
Verse 93
ﮏﮐﮑﮒﮓ
ﮔ
93. ardımca gəlmədin? Əmrimə qarşımı çıxdın?
Verse 94
94. Harun dedi: “Ey anamın oğlu! Saqqalımdan, saçımdan tutma. Doğrusu, mən sənin: “İsrail oğullarını bir-birindən ayırdın, sözümə baxmadın!”– deyəcəyindən qorxdum.
Verse 95
ﮩﮪﮫﮬ
ﮭ
95. Musa dedi: “Məqsədin nə idi, ey Samiri?”
Verse 96
96. O dedi: “Mən onların görmədiklərini gördüm. Mən o elçinin ləpirindən (Cəbrailin atının ayağı dəydiyi yerdən) bir ovuc torpaq götürdüm və onu bəzək əşyalarının üstünə atdım. Nəfsim məni buna sövq etdi”.
Verse 97
97. Musa dedi: “Çıx get! Sən həyatın boyu: “Mənə toxunmayın, mən də sizə toxunmayım!”– deməli olacaqsan. Səni həm də qurtula bilməyəcəyin əzab günü gözləyir. Sən sitayiş etdiyin məbuduna bax. Biz onu yandıracaq, sonra da dənizə sovuracağıq.
Verse 98
98. Sizin məbudunuz yalnız Özündən başqa heç bir haqq məbud olmayan Allahdır. O, elm ilə hər şeyi əhatə edir”.
Verse 99
99. Beləcə, olub-keçmiş əhvalatlardan sənə danışırıq. Artıq sənə Öz tərəfimizdən Zikr vermişik.
Verse 100
100. Ondan üz döndərənlər Qiyamət günü ağır bir günah yükü daşıyacaqlar.
Verse 101
101. Onlar bu vəziyyətdə əbədi qalacaqlar. Qiyamət günü onların daşıyacağı yük nə pis yük olacaqdır!
Verse 102
102. O gün sur üfürüləcək və o gün günahkarları gözləri göm-göy göyərmiş halda bir yerə toplayacağıq.
Verse 103
ﭼﭽﭾﭿﮀﮁ
ﮂ
103. Onlar öz aralarında pıçıldaşıb deyəcəklər: “Dünyada cəmi on gün qaldınız!”
Verse 104
104. Biz onların nə deyəcəklərini də yaxşı bilirik. Onların ən ağıllısı: “Dünyada cəmisi bir gün qaldınız!”– deyəcək.
Verse 105
105. Səndən dağlar haqqında soruşurlar. De: “Rəbbim onları dağıdıb havaya sovuracaq,
Verse 106
ﮘﮙﮚ
ﮛ
106. oranı boş düzəngaha çevirəcəkdir.
Verse 107
ﮜﮝﮞﮟﮠﮡ
ﮢ
107. Sən orada nə bir eniş, nə də bir yoxuş görə biləcəksən”.
Verse 108
108. O gün insanlar heç bir yana meyl etmədən carçının arxasınca yeriyəcəklər. Mərhəmətli Allahın qarşısında səslər kəsiləcək və sən yalnız pıçıltı eşidəcəksən.
Verse 109
109. O gün Mərhəmətli Allahın izin verdiyi və söz deməsinə razı olduğu şəxslərdən başqa heç kimin şəfaəti fayda verməyəcəkdir.
Verse 110
110. Allah onların gələcəyini də, keçmişini də bilir. Onların elmi isə Onu ehtiva edə bilməz!
Verse 111
111. O gün üzlər əbədi Yaşayan, yaradılanların Qəyyumu olan Allah qarşısında zəlil görkəm alacaq. Günaha batanlar isə ziyana uğrayacaqlar.
Verse 112
112. Mömin olub yaxşı işlər görən şəxslər isə nə haqsızlığa məruz qalmaqdan, nə də savabının əksilməsindən qorxarlar.
Verse 113
113. Beləliklə, Biz onu ərəbcə Quran olaraq nazil etdik. Biz orada təhdidləri dönə-dönə açıqladıq ki, bəlkə, onlar pis əməllərindən çəkinsinlər və ya ibrət alsınlar.
Verse 114
114. Haqq Hökmdar olan Allah ucadır! Onun ayələrinin vəhyi sənə tamamlanmayınca Quranı oxumağa tələsmə və: “Ey Rəbbim! Elmimi artır!”– de.
Verse 115
115. Biz bundan əvvəl Adəmlə də əhd bağlamışdıq. Lakin o, əhdi unutdu və Biz onda əzm görmədik.
Verse 116
116. Bir zaman mələklərə: “Adəmə səcdə edin!”– demişdik. İblisdən başqa hamısı səcdə etdi. O, səcdə etməkdən imtina etdi.
Verse 117
117. Biz dedik: “Ey Adəm! Bu, həm sənin, həm də zövcənin düşmənidir. O sizi Cənnətdən çıxartmasın, yoxsa bədbəxt olarsan.
Verse 118
118. Sən orada nə ac qalacaq, nə də çılpaq olacaqsan.
Verse 119
ﮐﮑﮒﮓﮔﮕ
ﮖ
119. Sən orada nə susayacaq, nə də bürküdən əziyyət çəkəcəksən!”
Verse 120
120. Şeytan ona vəsvəsə edib dedi: “Ey Adəm! Sənə əbədiyyət ağacını və tükənməyəcək bir mülkü göstərimmi?”
Verse 121
121. İkisi də ondan yedilər və ayıb yerləri özlərinə göründü. Onlar üstlərinə Cənnət ağaclarının yarpaqlarından örtməyə başladılar. Beləliklə, Adəm Rəbbinə asi olub səhv yol tutdu.
Verse 122
ﯗﯘﯙﯚﯛﯜ
ﯝ
122. Sonra Rəbbi onu seçib tövbəsini qəbul etdi və onu doğru yola yönəltdi.
Verse 123
123. Allah buyurdu: “Bir-birinizə düşmən kəsilərək hamınız buradan yerə enin. Məndən sizə doğru yol göstəricisi gəldiyi zaman hər kəs Mənim doğru yol göstərən bələdçimin ardınca getsə, nə yolunu azar, nə də bədbəxt olar.
Verse 124
124. Kim Mənim Zikrimdən üz döndərsə, onun güzəranı sıxıntılı olacaq və Biz Qiyamət günü onu kor kimi hüzurumuza gətirəcəyik”.
Verse 125
125. O deyəcək: “Ey Rəbbim! Mən dünyada görürdümsə, indi nə üçün məni məhşərə kor olaraq gətirdin?”
Verse 126
126. Allah deyəcək: “Elədir! Çünki sənə ayələrimiz gəldi, sən isə onları unutdun. Bu gün də sən beləcə unudulacaqsan!”
Verse 127
127. Biz həddi aşanı və Rəbbinin ayələrinə inanmayanı belə cəzalandırırıq. Axirət əzabı isə, daha şiddətli və daha sürəklidir.
Verse 128
128. Onlardan əvvəl öz məskənlərində gəzib dolaşan neçə-neçə nəsli məhv etməyimiz onlara dərs olmadımı? Həqiqətən, bunda ağıl sahibləri üçün ibrətlər vardır.
Verse 129
129. Əgər Rəbbin tərəfindən əvvəlcədən vəd edilmiş Söz və müəyyən edilmiş bir vaxt olmasaydı, əzab onları dərhal yaxalayardı.
Verse 130
130. Onların dediklərinə səbir et. Günəş doğmamışdan və batmamışdan əvvəl Rəbbini həmd-səna ilə təriflə, gecənin bəzi saatlarında və gündüzün iki başında Ona təriflər de ki, bəlkə razı qalasan.
Verse 131
131. Kafirlərdən bəzisini sınamaq üçün onlara dünya həyatının bərbəzəyi kimi verdiyimiz şeylərə gözünü dikmə. Rəbbinin verdiyi ruzi daha xeyirli və daha sürəklidir.
Verse 132
132. Ailənə namaz qılmağı əmr et, özün də onu səbirlə yerinə yetir. Biz səndən ruzi istəmirik, əksinə sənə ruzi verən Bizik. Gözəl aqibət təqvaya bağlıdır.
Verse 133
133. Kafirlər: “Nə üçün o, Rəbbindən bizə bir dəlil gətirmir?”– dedilər. Məgər onlara əvvəlki səhifələrdə olanların açıq-aydın dəlili çatmadımı?
Verse 134
134. Əgər Biz onları bundan əvvəl (Muhəmməd peyğəmbər və Quran gəlməzdən öncə) əzabla məhv etsəydik, deyərdilər: “Ey Rəbbimiz! Nə üçün bizə bir peyğəmbər göndərmədin ki, biz də zəlil və rüsvay olmazdan əvvəl Sənin ayələrinə tabe olaq?”
Verse 135
135. De: “Hamı gözləyir, siz də gözləyin. Tezliklə siz kimin doğru yol sahibi olduğunu və kimin haqq yola yönəldiyini biləcəksiniz!”
تقدم القراءة