الترجمة الأذرية kitabından الأذرية dilində ق surəsinin tərcüməsi
Verse 1
ﭑﭒﭓﭔ
ﭕ
1. Qaf. Şərəfli Qurana and olsun!
Verse 2
2. Onlara öz aralarından xəbərdarlıq edən bir peyğəmbər gəlməsinə təəccüb edən kafirlər dedilər: “Bu çox qəribə bir şeydir.
Verse 3
3. Məgər biz ölüb torpağa qarışdıqdan sonra yenidən diriləcəyik? Bu, əlçatmaz bir qayıdışdır!”
Verse 4
4. Həqiqətən, Biz yerin onlardan nəyi alıb əskiltdiyini bilirik. Bizdə hər şeyi qoruyan bir Kitab vardır.
Verse 5
5. Lakin haqq onlara yetişdikdə onu yalan hesab etdilər. İndi onlar çaşqın vəziyyətdədirlər.
Verse 6
6. Məgər onlar başları üstündəki göyə baxıb onu necə yaratdığımızı və necə bəzədiyimizi görmürlərmi? Orada heç bir yarıq da yoxdur.
Verse 7
7. Biz yeri döşədik, orada möhkəm dağlar yerləşdirdik və göz oxşayan bitkilərin hər növündən yetişdirdik.
Verse 8
ﮙﮚﮛﮜﮝ
ﮞ
8. Bunu, Allaha üz tutan hər bir qul üçün ibrət və öyüd-nəsihət olsun deyə belə etdik.
Verse 9
9. Biz göydən bərəkətli su endirdik, onunla bağlar və biçilən taxıl dənələri bitirdik.
Verse 10
ﮪﮫﮬﮭﮮ
ﮯ
10. Eləcə də meyvələri salxım-salxım asılmış hündür xurma ağacları bitirdik.
Verse 11
11. Qullara ruzi olsun deyə belə etdik! Biz onunla ölü bir məmləkəti diriltdik. Dirilib qəbirdən çıxmaq da belədir.
Verse 12
12. Onlardan əvvəl Nuh qövmü, Rəss əhli, Səmud tayfası elçiləri yalançı saydı.
Verse 13
ﯤﯥﯦﯧ
ﯨ
13. Ad qövmü, Firon xalqı, Lut tayfası,
Verse 14
14. Əykə əhli və Tubba qövmü – bunların hamısı elçiləri yalançı saydı və Mənim təhdidim gerçəkləşdi.
Verse 15
15. Məgər Biz ilk yaradılışdan zəiflədikmi? Xeyr! Onlar yeni yaradılış olan dirilmə barəsində şübhə içindədirlər.
Verse 16
16. İnsanı Biz yaratdıq və nəfsinin ona nəyi vəsvəsə etdiyini də bilirik. Biz ona şah damarından da yaxınıq.
Verse 17
17. Sağında və solunda iki mələk oturub onun əməllərini qeydə alır.
Verse 18
18. Dediyi elə bir söz yoxdur ki, onu yazmaq üçün yanında hazır durmuş gözətçi olmasın.
Verse 19
19. Ölüm bihuşluğu həqiqətən gələcək. Ey insan! Bu, sənin uzaq qaçdığın şeydir.
Verse 20
20. Sur üfürüləcək. Bu, vəd olunmuş təhdid günüdür.
Verse 21
ﮆﮇﮈﮉﮊﮋ
ﮌ
21. Hər kəs onu qova-qova məhşərə gətirənlə və bir də əməllərinə şahidlik edənlə birlikdə gələcək.
Verse 22
22. Sən bu günün haqqında qəflət içində idin. Amma Biz pərdəni sənin üzündən qaldırdıq. Sən bu gün çox yaxşı görürsən!”
Verse 23
ﮚﮛﮜﮝﮞﮟ
ﮠ
23. Yoldaşı (şahid mələk) deyəcək: “Bu yanımdakı hazırdır!”
Verse 24
ﮡﮢﮣﮤﮥﮦ
ﮧ
24. Allah buyuracaq: “Atın Cəhənnəmə hər bir inadcıl kafiri,
Verse 25
ﮨﮩﮪﮫ
ﮬ
25. xeyrə mane olanı, azğınlaşıb həddi aşanı, şübhə edəni,
Verse 26
26. başqa bir məbudu Allaha tay tutanı. Atın onu şiddətli əzabın içinə!”
Verse 27
27. Dostu şeytan deyəcək: “Ey Rəbbimiz! Onu mən yoldan çıxartmadım, əksinə, o özü dərin azğınlıq içində idi!”
Verse 28
28. Allah deyəcək: “Mənim hüzurumda höcətləşməyin. Mən əvvəlcədən sizi xəbərdar etmişdim.
Verse 29
29. Mənim Sözüm dəyişməzdir. Mən bəndələrə zülm edən deyiləm!”
Verse 30
30. O gün Biz Cəhənnəmə: “Doldunmu?”– deyəcəyik. O isə: “Yenə varmı?”– deyəcək.
Verse 31
ﰁﰂﰃﰄﰅ
ﰆ
31. Cənnət müttəqilərə yaxınlaşdırılacaq, onlardan uzaqda olmayacaq.
Verse 32
ﰇﰈﰉﰊﰋﰌ
ﰍ
32. Budur sizə vəd edilən Cənnət! O, hər bir tövbə edib Allaha üz tutan, Onun əmrinə riayət edən,
Verse 33
33. Mərhəmətli Allahdan Onu görmədən qorxan və Allaha yönəlmiş qəlblə gələn kimsələr üçündür.
Verse 34
ﰖﰗﰘﰙﰚﰛ
ﰜ
34. Ora sağ-salamat daxil olun! Bu, Əbədiyyət günüdür.
Verse 35
ﰝﰞﰟﰠﰡﰢ
ﰣ
35. Orada onlar üçün istədikləri hər şey hazırlanmışdır. Üstəlik hüzurumuzda bundan da artığı – Allahı görmək var.
Verse 36
36. Biz onlardan əvvəl özlərindən daha qüvvətli neçə-neçə nəsli məhv etdik. Onlar diyarbədiyar gəzib dolaşırdılar. Məgər əzabdan qaçıb qurtara bildilərmi?”
Verse 37
37. Həqiqətən, bunda həssas qəlbi olan, hazır durub diqqətlə qulaq asan kimsə üçün ibrət var.
Verse 38
38. Biz göyləri, yeri və onların arasında olanları altı gündə yaratdıq və Bizə heç bir yorğunluq üz vermədi.
Verse 39
39. Sən onların dediklərinə səbir et! Gün doğmamışdan əvvəl və batmamışdan əvvəl Rəbbini həmd ilə təriflə!
Verse 40
ﮊﮋﮌﮍﮎ
ﮏ
40. Gecənin bir vaxtında və səcdələrdən sonra Onun şəninə təriflər de!
Verse 41
41. Dinlə ey Peyğəmbər! O gün carçı yaxın bir yerdən çağıracaq.
Verse 42
42. O gün onlar bu səsi gerçəkdən eşidəcəklər. Bu, qəbirlərdən çıxma günüdür.
Verse 43
ﮡﮢﮣﮤﮥﮦ
ﮧ
43. Şübhəsiz ki, dirildən də, öldürən də Bizik. Dönüş də yalnız Bizədir.
Verse 44
44. O gün yer onlardan ötrü yarılacaq, onlar sürətlə carçıya doğru çıxacaqlar. Beləcə, onları bir yerə yığmaq Bizim üçün asandır.
Verse 45
45. Biz onların nə dediklərini yaxşı bilirik. Sən onları məcbur edən deyilsən. Sən Mənim təhdidimdən qorxanlara Quranla öyüd-nəsihət ver!
تقدم القراءة