ترجمة معاني سورة الصافات باللغة التاميلية من كتاب Jan Trust Foundation - Tamil translation

آية رقم 1

ﭑﭒ ﭓ ​

அணிவகுத்து நிற்பவர்கள் மீது சத்தியமாக,

آية رقم 2

ﭔﭕ ﭖ ​

பலமாக விரட்டுபவர்கள் மீது சத்தியமாக,

آية رقم 3

ﭗﭘ ﭙ ​

(நினைவூட்டும்) வேதத்தை ஓதுவோர் மீது சத்தியமாக,

آية رقم 4

ﭚﭛﭜ ﭝ ​

நிச்சயமாக உங்களுடைய நாயன் ஒருவனே.

آية رقم 5

ﭞﭟﭠﭡﭢﭣﭤ ﭥ ​

வானங்களுக்கும், பூமிக்கும், இவ்விரண்டிற்கும் இடையே உள்ளவற்றுக்கும் (அவனே) இறைவன்; கீழ்திசைகளின் இறைவன்.

آية رقم 6

ﭦﭧﭨﭩﭪﭫ ﭬ ​

நிச்சயமாக நாமே (பூமிக்கு) சமீபமாக இருக்கும் வானத்தை நட்சத்திரங்களின் அழகைக் கொண்டு அழகுபடுத்தியிருக்கிறோம்.

آية رقم 7

ﭭﭮﭯﭰﭱ ﭲ ​

(அதைத்) தீய ஷைத்தான்கள் அனைவருக்கும் தடையாகவும் (ஆக்கினோம்).

آية رقم 8

ﭳﭴﭵﭶﭷﭸﭹﭺﭻ ﭼ ​

(அதனால்) அவர்கள் மேலான கூட்டத்தார் (பேச்சை ஒளிந்து) கேட்க முடியாது இன்னும், அவர்கள் ஒவ்வோர் திசையிலிருந்தும் வீசி எறியப்படுகிறார்கள்.

آية رقم 9

ﭽﭾﭿﮀﮁ ﮂ ​

(அவர்கள்) துரத்தப்படுகிறார்கள்; அவர்களுக்கு நிலையான வேதனையுமுண்டு.

آية رقم 10

ﮃﮄﮅﮆﮇﮈﮉ ﮊ ​

(ஏதேனும் செய்தியை) இறைஞ்சிச் செல்ல முற்பட்டால், அப்பொழுது அவனைப் பிரகாச தீப்பந்தம் பின்தொடரும்.

آية رقم 11

ﮋﮌﮍﮎﮏﮐﮑﮒﮓﮔﮕﮖﮗ ﮘ ​

ஆகவே, "படைப்பால் அவர்கள் வலியவர்களா அல்லது நாம் படைத்திருக்கும் (வானம், பூமி போன்றவையா) என்று (நிராகரிப்போரிடம் நபியே!) நீர் கேட்பீராக! நிச்சயமாக நாம் அவர்களைப் பிசுபிசுப்பன களிமண்ணால்தான் படைத்திருக்கின்றோம்.

آية رقم 12

ﮙﮚﮛ ﮜ ​

(நபியே! அல்லாஹ்வின் வல்லமையைக் கண்டு) நீர் ஆச்சரியப்படுகிறீர்; (ஆனால்) அவர்கள் பரிகாசம் செய்கின்றனர்.

آية رقم 13

ﮝﮞﮟﮠ ﮡ ​

அன்றியும், அவர்களுக்கு நினைவூட்டப்பட்டாலும், (அதனை) அவர்கள் நினைவிலிறுத்திக் கொள்வதில்லை.

آية رقم 14

ﮢﮣﮤﮥ ﮦ ​

அவர்கள் (ஏதேனும்) ஓர் அத்தாட்சியைக் கண்டாலும், (அதை) மெத்தப்பரிகாசம் செய்கின்றனர்.

آية رقم 15

ﮧﮨﮩﮪﮫﮬ ﮭ ​

"இது பகிரங்கமான சூனியமேயன்றி வேறில்லை" என்றும் அவர்கள் கூறுகின்றனர்.

آية رقم 16

ﮮﮯﮰﮱﯓﯔﯕ ﯖ ​

"நாங்கள் இறந்து, மண்ணாகவும் எலும்புகளாகவும் நாங்கள் ஆகிவிட்டாலும், மெய்யாகவே (நாங்கள் மீண்டும் உயிர்ப்பித்து) எழுப்பப்படுபவர்களா? (என்றும் கேட்கின்றனர்.)

آية رقم 17

ﯗﯘ ﯙ ​

"அவ்வாறே, முந்தைய நம் தந்தையர்களுமா? (எழுப்பப்படுவார்கள்? என்றும் கேட்கின்றனர்.)

آية رقم 18

ﯚﯛﯜﯝ ﯞ ​

"ஆம்! (உங்கள் செயல்களின் காரணமாக) நீங்கள் சிறுமையடைந்தவர்களா(கவும் எழுப்பப்படு)வீர்கள்" என்று (நபியே!) நீர் கூறும்.

آية رقم 19

ﯟﯠﯡﯢﯣﯤﯥ ﯦ ​

ஒரே சப்தம் தான்! உடனே அவர்கள் (திடுக்கிட்டு எழுந்து) பார்ப்பார்கள்.

آية رقم 20

ﯧﯨﯩﯪﯫ ﯬ ​

(அவ்வேளை) "எங்களுடைய கேடே! இது கூலி கொடுக்கும் நாளாயிற்றே" என்று அவர்கள் கூறுவர்.

آية رقم 21

ﯭﯮﯯﯰﯱﯲﯳ ﯴ ​

"நீங்கள் பொய்ப்பிக்க முற்பட்டுக் கொண்டிருந்தீர்களே அந்தத் தீர்ப்பு நாள் இதுதான்!" (என்று அவர்களுக்குக் கூறப்படும்.)

آية رقم 22

ﯵﯶﯷﯸﯹﯺﯻﯼ ﯽ ​

"அநியாயம் செய்தார்களே அவர்களையும் அவர்களுடைய துணைகளையும், அவர்கள் வணங்கிக் கொண்டிருந்தவற்றையும் ஒன்று சேருங்கள்.

آية رقم 23

ﯾﯿﰀﰁﰂﰃﰄ ﰅ ​

"அல்லாஹ்வையன்றி (அவர்கள் வழிபட்டவை அவை) பின்னர் அவர்களை, நரகத்தின் பாதைக்கு கொண்டு செல்லுங்கள்.

آية رقم 24

ﰆﰇﰈﰉ ﰊ ​

"இன்னும், அவர்களை (அங்கே) நிறுத்தி வையுங்கள்; அவர்கள் நிச்சயமாகக் (கேள்வி கணக்குக்) கேட்கப்பட வேண்டியவர்கள்" (என்று மலக்குகளுக்குக் கூறப்படும்)

آية رقم 25

ﭑﭒﭓﭔ ﭕ ​

"உங்களுக்கு என்ன நேர்ந்தது? நீங்கள் ஏன் ஒருவருக்கொருவர் (உலகில் செய்தது போன்று) உதவி செய்து கொள்ளவில்லை?" (என்று கேட்கப்படும்).

آية رقم 26

ﭖﭗﭘﭙ ﭚ ​

ஆனால் அவர்கள் அந்நாளில் (எதுவும் செய்ய இயலாது தலை குனிந்து) கீழ்படிந்தவர்களாக இருப்பார்கள்.

آية رقم 27

ﭛﭜﭝﭞﭟ ﭠ ​

அவர்களில் சிலர் சிலரை முன்னோக்கி, ஒருவரை ஒருவர் கேள்வி கேட்டு(த் தர்க்கித்துக்) கொண்டும் இருப்பார்கள்.

آية رقم 28

ﭡﭢﭣﭤﭥﭦ ﭧ ​

(தம் தலைவர்களை நோக்கி) "நிச்சயமாக நீங்கள் வலப்புறத்திலிருந்து (சக்தியுடன்) எங்களிடம் வருகிறவர்களாக இருந்தீர்கள்" என்று கூறுவார்கள்.

آية رقم 29

ﭨﭩﭪﭫﭬ ﭭ ​

("அப்படியல்ல!) நீங்கள் தாம் முஃமின்களாக - நம்பிக்கை கொண்டோராய் - இருக்கவில்லை!" என்று அ(த்தலை)வர்கள் கூறுவர்.

آية رقم 30

ﭮﭯﭰﭱﭲﭳﭴﭵﭶﭷﭸ ﭹ ​

"அன்றியும் உங்கள் மீது எங்களுக்கு எவ்வித அதிகாரமும் இருக்கவில்லை எனினும் நீங்கள் தாம் வரம்பு கடந்து பாவம் செய்யும் கூட்டத்தாராக இருந்தீர்கள்."

آية رقم 31

ﭺﭻﭼﭽﭾﭿﮀ ﮁ ​

"ஆகையால், எங்கள் இறைவனுடைய வாக்கு எங்கள் மீது உண்மையாகி விட்டது நிச்சயமாக நாம் (யாவரும் வேதனையைச்) சுவைப்பவர்கள் தாம்!

آية رقم 32

ﮂﮃﮄﮅ ﮆ ​

"(ஆம்) நாங்கள் உங்களை வழிகெடுத்தோம்; நிச்சயமாக நாங்களே வழிகெட்டுத்தான் இருந்தோம்."

آية رقم 33

ﮇﮈﮉﮊﮋ ﮌ ​

ஆகவே, அந்நாளில் நிச்சயமாக அவர்கள் வேதனையில் கூட்டானவர்களாகவே இருப்பார்கள்.

آية رقم 34

ﮍﮎﮏﮐ ﮑ ​

குற்றவாளிகளை இவ்வாறு தான் நாம் நிச்சயமாக நடத்துவோம்.

آية رقم 35

ﮒﮓﮔﮕﮖﮗﮘﮙﮚﮛ ﮜ ​

"அல்லாஹ்வைத்தவிர நாயன் இல்லை" என்று அவர்களுக்குக் கூறப்பட்டால், மெய்யாகவே அவர்கள் பெருமையடித்தவர்களாக இருந்தனர்.

آية رقم 36

ﮝﮞﮟﮠﮡﮢ ﮣ ​

"ஒரு பைத்தியக்காரப் புலவருக்காக நாங்கள் மெய்யாக எங்கள் தெய்வங்களைக் கைவிட்டு விடுகிறவர்களா?" என்றும் அவர்கள் கூறுகிறார்கள்.

آية رقم 37

ﮤﮥﮦﮧﮨ ﮩ ​

அப்படியல்ல! அவர் சத்தியத்தையே கொண்டு வந்திருக்கிறார்; அன்றியும் (தமக்கு முன்னர் வந்த) தூதர்களையும் உண்மைப்படுத்துகிறார்.

آية رقم 38

ﮪﮫﮬﮭ ﮮ ​

(இதை நிராகரிப்போராயின்) நிச்சயமாக நீங்கள் நோவினை தரும் வேதனையை அனுபவிப்பவர்கள் தாம்.

آية رقم 39

ﮯﮰﮱﯓﯔﯕ ﯖ ​

ஆனால், நீங்கள் செய்து கொண்டிருந்தவற்றுக்கன்றி (வேறு) எதற்கும் நீங்கள் கூலி கொடுக்கப்படமாட்டீர்கள்.

آية رقم 40

ﯗﯘﯙﯚ ﯛ ​

அல்லாஹ்வுடைய அந்தரங்க சுத்தியான அடியார்களோ (எனின்)-

آية رقم 41

ﯜﯝﯞﯟ ﯠ ​

அவர்களுக்கு அறியப்பட்டுள்ள உணவு அவர்களுக்கு இருக்கிறது.

آية رقم 42

ﯡﯢﯣ ﯤ ​

கனி வகைகள் (அளிக்கப்படும்), இன்னும் அவர்கள் கண்ணியப்படுத்தப்படுவார்கள்;

آية رقم 43

ﯥﯦﯧ ﯨ ​

இன்பம் அளிக்கும் சுவர்க்கங்களில் -

آية رقم 44

ﯩﯪﯫ ﯬ ​

ஒருவரையொருவர் முன்னோக்கியவாறு கட்டில்கள் மீது (அமர்ந்திருப்பார்கள்).

آية رقم 45

ﯭﯮﯯﯰﯱ ﯲ ​

தெளிவான பானம் நிறைந்த குவளைகள் அவர்களசை; சுற்றி கொண்டுவரும்.

آية رقم 46

ﯳﯴﯵ ﯶ ​

(அது) மிக்க வெண்மையானது அருந்துவோருக்கு மதுரமானது.

آية رقم 47

ﯷﯸﯹﯺﯻﯼﯽ ﯾ ​

அதில் கெடுதியும் இராது அதனால் அவர்கள் புத்தி தடுமாறுபவர்களும் அல்லர்.

آية رقم 48

ﯿﰀﰁﰂ ﰃ ​

இன்னும், அவர்களிடத்தில் அடக்கமான பார்வையும், நெடிய கண்களும் கொண்ட (அமர கன்னியரும்) இருப்பார்கள்.

آية رقم 49

ﰄﰅﰆ ﰇ ​

(தூய்மையில் அவர்கள் சிப்பிகளில்) மறைக்கப்பட்ட முத்துக்களைப் போல் இருப்பார்கள்.

آية رقم 50

ﰈﰉﰊﰋﰌ ﰍ ​

(அப்பொழுது) அவர்களில் ஒரு சிலர் சிலரை முன்னோக்கியவாறு பேசிக் கொண்டிருப்பார்கள்.

آية رقم 51

ﰎﰏﰐﰑﰒﰓﰔ ﰕ ​

அவர்களில் ஒருவர்; எனக்கு (இம்மையில்) உற்ற நண்பன் ஒருவன் இருந்தான் எனக் கூறுவார்.

آية رقم 52

ﭑﭒﭓﭔ ﭕ ​

(மரணத்திற்குப் பின் உயிர்ப்பிக்கப் படுவோம் என்பதை) உண்மையென ஏற்பவர்களில் நிச்சயமாக நீயும் ஒருவனா எனக் கேட்டான்.

آية رقم 53

ﭖﭗﭘﭙﭚﭛﭜ ﭝ ​

"நாம் இறந்து மண்ணாகவும், எலும்புகளாகவுமாகி விட்டபின், (மீண்டும் நாம் உயிர்ப்பிக்கப்பட்டு) கூலி வழங்கப்பெறுவோமா?" என்றும் கேட்டான்.

آية رقم 54

ﭞﭟﭠﭡ ﭢ ​

(அவ்வாறு கூறியவனை) "நீங்கள் பார்க்(க விரும்பு)கிறீர்களா?" என்றும் கூறுவார்.

آية رقم 55

ﭣﭤﭥﭦﭧ ﭨ ​

அவர் (கீழே) நோக்கினார்; அவனை நரகத்தின் நடுவில் பார்த்தார்.

آية رقم 56

ﭩﭪﭫﭬﭭ ﭮ ​

(அவனிடம்) "அல்லாஹ்வின் மீது சத்தியமாக! நீ என்னை அழித்துவிட முற்பட்டாயே!

آية رقم 57

ﭯﭰﭱﭲﭳﭴ ﭵ ​

"என் இறைவனுடைய அருள் இல்லாதிருந்தால், நானும் (நரகத்திற்குக்) கொண்டு வரப்பட்டவர்களில் ஒருவனாகியிருப்பேன்.

آية رقم 58

ﭶﭷﭸ ﭹ ​

"(மற்றொருமுறையும்) நாம் இறந்து விடுவோமா?

آية رقم 59

ﭺﭻﭼﭽﭾﭿ ﮀ ​

"(இல்லை) நமக்கு முந்திய மரணத்தைத் தவிர வேறில்லை அன்றியும், நாம் வேதனை செய்யப்படுபவர்களும் அல்லர்" என்று கூறுவார்.

آية رقم 60

ﮁﮂﮃﮄﮅ ﮆ ​

நிச்சயமாக இதுதான் மகத்தான வெற்றியாகும்.

آية رقم 61

ﮇﮈﮉﮊ ﮋ ​

எனவே பாடுபடுபவர்கள் இது போன்றதற்காகவே பாடுபடவேண்டும்.

آية رقم 62

ﮌﮍﮎﮏﮐﮑ ﮒ ​

அது சிறப்பான விருந்தா? அல்லது (நரகத்திலிருக்கும் கள்ளி) 'ஜக்கூம்' என்ற மரமா?

آية رقم 63

ﮓﮔﮕﮖ ﮗ ​

நிச்சயமாக நாம் அதை அநியாயக்காரர்களுக்கு ஒரு சோதனையாகவே செய்திருக்கிறோம்.

آية رقم 64

ﮘﮙﮚﮛﮜﮝ ﮞ ​

மெய்யாகவே அது நரகத்தின் அடித்தளத்திலிருந்து வளரும் மரமாகும்.

آية رقم 65

ﮟﮠﮡﮢ ﮣ ​

அதன் பாளைகள் ஷைத்தான்களின் தலைகளைப் போலிருக்கும்.

آية رقم 66

ﮤﮥﮦﮧﮨﮩ ﮪ ​

நிச்சயமாக, அவர்கள் அதிலிருந்தே புசிப்பார்கள்; அதைக்கொண்டு தங்களுடைய வயிறுகளை நிரப்பிக் கொள்வார்கள்.

آية رقم 67

ﮫﮬﮭﮮﮯﮰﮱ ﯓ ​

பின்னர், நிச்சயமாக அவர்களுக்குக் குடிக்க, கொதிக்கும் நீர் கொடுக்கப்படும்.

آية رقم 68

ﯔﯕﯖﯗﯘ ﯙ ​

அதன் பின்னர் அவர்கள் மீளும் தலம் நிச்சயமாக நரகம்தான்.

آية رقم 69

ﯚﯛﯜﯝ ﯞ ​

நிச்சயமாக அவர்கள் தம் மூதாதையர்களை வழி கேட்டிலேயே கண்டார்கள்.

آية رقم 70

ﯟﯠﯡﯢ ﯣ ​

ஆகையால், அவர்களுடைய அடிச்சுவடுகள்மீதே இவர்களும் விரைந்தார்கள்.

آية رقم 71

ﯤﯥﯦﯧﯨ ﯩ ​

இன்னும், இவர்களுக்கு முன்னரும் அப்பண்டைய மக்களில் பெரும்பாலோர் வழி கெட்டிருந்தனர்.

آية رقم 72

ﯪﯫﯬﯭ ﯮ ​

மேலும், நிச்சயமாக நாம் அவர்களிடையே அச்சமூட்டி எச்சரிப்பவர்களை அனுப்பினோம்.

آية رقم 73

ﯯﯰﯱﯲﯳ ﯴ ​

பிறகு, அவ்வாறு அச்சமூட்டி எச்சரிக்கப்பட்டவர்களின் முடிவு என்னவாயிற்றென்று (நபியே!) நீர் பாரும்.

آية رقم 74

ﯵﯶﯷﯸ ﯹ ​

அல்லாஹ்வுடைய அந்தரங்க சுத்தியான அடியார்களைத் தவிர.

آية رقم 75

ﯺﯻﯼﯽﯾ ﯿ ​

அன்றியும் நூஹ் நம்மைப் பிரார்த்தித்தார்; பிரார்த்தனைக்கு பதிலளிப்பதில் நாமே சிறந்தோர் ஆவோம்.

آية رقم 76

ﰀﰁﰂﰃﰄ ﰅ ​

ஆகவே, நாம் அவரையும் அவருடைய குடும்பத்தாரையும் மிகப்பெருங் கஷ்டத்திலிருந்து பாதுகாத்தோம்.

آية رقم 77

ﭑﭒﭓﭔ ﭕ ​

மேலும், அவர்களுடைய சந்ததியரை (பிரளயத்திலிருந்து காப்பாற்றி பிற்காலம்) நிலைத்திருக்கும்படி செய்தோம்.

آية رقم 78

ﭖﭗﭘﭙ ﭚ ​

மேலும், அவருக்காகப் பிற்காலத்தவர்க்கு (ஒரு ஞாபகார்த்தத்தை) விட்டு வைத்தோம்.

آية رقم 79

ﭛﭜﭝﭞﭟ ﭠ ​

"ஸலாமுன் அலாநூஹ்" - அகிலங்கள் எங்கும் நூஹ் மீது ஸலாம் உண்டாவதாக.

آية رقم 80

ﭡﭢﭣﭤ ﭥ ​

இவ்வாறே, நன்மை செய்வோருக்கு நிச்யமாக நாம் கூலி கொடுக்கிறோம்.

آية رقم 81

ﭦﭧﭨﭩ ﭪ ​

நிச்சயமாக அவர் (நூஹ்) முஃமின்களான நம் நல்லடியார்களில் நின்றுமுள்ளவர்.

آية رقم 82

ﭫﭬﭭ ﭮ ​

பிறகு நாம் மற்றவர்களை (வெள்ளத்தில்) மூழ்கடித்தோம்.

آية رقم 83

ﭯﭰﭱﭲﭳ ﭴ ​

நிச்சயமாக, இப்ராஹீமும் அவருடைய வழியைப் பின்பற்றியவர்களில் ஒருவர்தாம்.

آية رقم 84

ﭵﭶﭷﭸﭹ ﭺ ​

அவர் தூய நெஞ்சத்துடன் தம்முடைய இறைவனிடம் வந்தபோது (நபியே! நீர் நினைவு கூர்வீராக).

آية رقم 85

ﭻﭼﭽﭾﭿﮀ ﮁ ​

அவர் தம் தந்தையையும், தம் சமூகத்தாரையும் நோக்கி "நீங்கள் எதனை வணங்குகிறீர்கள்? எனக் கேட்ட போது,

آية رقم 86

ﮂﮃﮄﮅﮆ ﮇ ​

"அல்லாஹ்வையன்றி பொய்யான தெய்வங்களையா நீங்கள் விரும்புகிறீர்கள்?"

آية رقم 87

ﮈﮉﮊﮋ ﮌ ​

"அவ்வாறாயின் அகிலங்களுக்கெல்லாம் இறைவன் பற்றி உங்கள் எண்ணம் தான் என்ன?" (என்று கேட்டார்.)

آية رقم 88

ﮍﮎﮏﮐ ﮑ ​

பின்னர் அவர் நட்சத்திரங்களை ஒரு பார்வை பார்த்தார்.

آية رقم 89

ﮒﮓﮔ ﮕ ​

"நிச்சயமாக நாம் நோயாளியாக இருக்கிறேன்" என்றும் கூறினார்.

آية رقم 90

ﮖﮗﮘ ﮙ ​

எனவே அவரை விட்டும் அ(வருடைய சமூகத்த)வர்கள் திரும்பிச் சென்றனர்.

آية رقم 91

ﮚﮛﮜﮝﮞﮟ ﮠ ​

அப்பால் அவர்களுடைய தெய்வங்களின் பால் அவர் சென்று "(உங்களுக்கு முன் படைக்கப்பட்டுள்ள உணவுகளை) நீங்கள் உண்ணமாட்டீர்களா?" என்று கூறினார்.

آية رقم 92

ﮡﮢﮣﮤ ﮥ ​

"உங்களுக்கு என்ன (நேர்ந்தது)? நீங்கள் ஏன் பேசுகிறீர்களில்லை?" (என்றும் கேட்டார்.)

آية رقم 93

ﮦﮧﮨﮩ ﮪ ​

பின் அவர் அவற்றின் பக்கம் திரும்பி தம் வலக்கையால் அவற்றை அடித்து (உடைத்து) விட்டார்.

آية رقم 94

ﮫﮬﮭ ﮮ ​

(அவற்றை வணங்குபவர்கள்) அவர்பால் விரைந்து வந்தார்கள்.

آية رقم 95

ﮯﮰﮱﯓ ﯔ ​

அவர் கூறினார்! "நீங்களே செதுக்கிய இவற்றையா வணங்குகிறீர்கள்?"

آية رقم 96

ﯕﯖﯗﯘ ﯙ ​

"உங்களையும், நீங்கள் செய்த(இ)வற்றையும், அல்லாஹ்வே படைத்திருக்கின்றான்."

آية رقم 97

ﯚﯛﯜﯝﯞﯟﯠ ﯡ ​

அவர்கள் கூறினார்கள்; "இவருக்காக(ப் பெரியதொரு நெருப்புக்) கிடங்கை அமைத்து எரிநெருப்பில் அவரை எறிந்து விடுங்கள்."

آية رقم 98

ﯢﯣﯤﯥﯦ ﯧ ​

(இவ்வாறாக) அவர்கள் அவருக்குச் சதி செய்ய நாடினார்கள்; ஆனால், நாம் அவர்களையே இழிவுபடுத்தி விட்டோம்.

آية رقم 99

ﯨﯩﯪﯫﯬﯭ ﯮ ​

மேலும், அவர் கூறினார்; "நிச்சயமாக நான் என்னுடைய இறைவனிடம் செல்பவன்; திட்டமாக அவன் எனக்கு நேர் வழியைக் காண்பிப்பான்."

آية رقم 100

ﯯﯰﯱﯲﯳ ﯴ ​

"என்னுடைய இறைவா! நீ எனக்கு ஸாலிஹான ஒரு நன்மகனைத் தந்தருள்வாயாக" (என்று பிரார்த்தித்தார்).

آية رقم 101

ﯵﯶﯷ ﯸ ​

எனவே, நாம் அவருக்கு பொறுமைசாலியான ஒரு மகனைக் கொண்டு நன்மாராயங் கூறினோம்.

آية رقم 102

ﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍﰎﰏﰐﰑﰒﰓﰔ ﰕ ​

பின் (அம்மகன்) அவருடன் நடமாடக்கூடிய (வயதை அடைந்த) போது அவர் கூறினார்; "என்னருமை மகனே! நான் உன்னை அறுத்து பலியிடுவதாக நிச்சயமாகக் கனவு கண்டேன். இதைப்பற்றி உம் கருத்து என்ன என்பதைச் சிந்திப்பீராக!" (மகன்) கூறினான்; "என்னருமைத் தந்தையே! நீங்கள் ஏவப்பட்டபடியே செய்யுங்கள். அல்லாஹ் நாடினால் - என்னை நீங்கள் பொறுமையாளர்களில் நின்றுமுள்ளவனாகவே காண்பீர்கள்."

آية رقم 103

ﭑﭒﭓﭔ ﭕ ​

ஆகவே, அவ்விருவரும் (இறைவன் கட்டளைக்கு) முற்றிலும் வழிப்பட்டு, (இப்றாஹீம்) மகனைப் பலியிட முகம் குப்புறக்கிடத்திய போது

آية رقم 104

ﭖﭗﭘ ﭙ ​

நாம் அவரை "யா இப்றாஹீம்!" என்றழைத்தோம்.

آية رقم 105

ﭚﭛﭜﭝﭞﭟﭠﭡ ﭢ ​

"திடமாக நீர் (கண்ட) கனவை மெய்ப்படுத்தினீர். நிச்சயமாக நன்மை செய்வோருக்கு நாம் இவ்வாறே கூலி கொடுத்திருக்கிறோம்.

آية رقم 106

ﭣﭤﭥﭦﭧ ﭨ ​

"நிச்சயமாக இது தெளிவான ஒரு பெருஞ் சோதனையாகும்."

آية رقم 107

ﭩﭪﭫ ﭬ ​

ஆயினும், நாம் ஒரு மகத்தான் பலியைக் கொண்டு அவருக்குப்ப பகரமாக்கினோம்.

آية رقم 108

ﭭﭮﭯﭰ ﭱ ​

இன்னும் அவருக்காகப் பிற்காலத்தவருக்கு (ஒரு ஞாபகார்த்தத்தை) விட்டு வைத்தோம்;

آية رقم 109

ﭲﭳﭴ ﭵ ​

"ஸலாமுன் அலா இப்ராஹீம்" (இப்ராஹீம் மீது ஸலாம் உண்டாவதாக)!

آية رقم 110

ﭶﭷﭸ ﭹ ​

இவ்வாறே, நன்மை செய்வோருக்கு, நாம் கூலி கொடுக்கிறோம்.

آية رقم 111

ﭺﭻﭼﭽ ﭾ ​

நிச்சயமாக அவர் முஃமின்களான நம் (நல்)லடியார்களில் நின்றுமுள்ளவர்.

آية رقم 112

ﭿﮀﮁﮂﮃ ﮄ ​

ஸாலிஹானவர்களிலுள்ளவரான நபி இஸ்ஹாக்கை அவருக்கு இன்னும் (மகனாகத் தருவதாக) நாம் நன்மாராயம் கூறினோம்.

آية رقم 113

ﮅﮆﮇﮈﮉﮊﮋﮌﮍﮎﮏ ﮐ ​

இன்னும் நாம் அவர் மீதும் இஸ்ஹாக் மீதும் பாக்கியங்கள் பொழிந்தோம்; மேலும் அவ்விருவருடைய சந்ததியரில் நன்மை செய்பவர்களும் இருக்கின்றார்கள்; அன்றியும் தமக்குத் தாமே பகிரங்கமாக அநியாயம் செய்து கொள்வோரும் இருக்கின்றனர்.

آية رقم 114

ﮑﮒﮓﮔﮕ ﮖ ​

மேலும், மூஸா, ஹாரூன் ஆகியவர்கள் மீதும் நாம் நிச்சயமாக அருள் புரிந்தோம்.

آية رقم 115

ﮗﮘﮙﮚﮛ ﮜ ​

அவ்விருவரையும், அவ்விருவருடைய சமூகத்தாரையும் மிகப்பெரும் துன்பத்திருந்து இரட்சித்தோம்.

آية رقم 116

ﮝﮞﮟﮠ ﮡ ​

மேலும், நாம் அவர்களுக்கு உதவி செய்தோம்; எனவே அவர்கள் தாம் வெற்றி பெற்றோரானார்கள்.

آية رقم 117

ﮢﮣﮤ ﮥ ​

அவ்விருவருக்கும் நாம் துலக்கமான வேதத்தைக் கொடுத்தோம்.

آية رقم 118

ﮦﮧﮨ ﮩ ​

இன்னும், நாம் அவ்விருவருக்கும் நேர்வழியைக் காண்பித்தோம்.

آية رقم 119

ﮪﮫﮬﮭ ﮮ ​

இன்னும் அவ்விருவருக்குமாகப் பிற்காலத்தவருக்கு (ஒரு ஞாபகார்த்தத்தை) விட்டு வைத்தோம்;

آية رقم 120

ﮯﮰﮱﯓ ﯔ ​

"ஸலாமுன் அலா மூஸா வ ஹாரூன்" மூஸாவுக்கும், ஹாரூனுக்கும் ஸலாம் உண்டாவதாக.

آية رقم 121

ﯕﯖﯗﯘ ﯙ ​

இவ்வாறே நன்மை செய்வோருக்கு நாம் கூலி கொடுக்கிறொம்.

آية رقم 122

ﯚﯛﯜﯝ ﯞ ​

நிச்சயமாக அவ்விருவரும் முஃமின்களான நம் (நல்)லடியார்களில் நின்றுமுள்ளவர்கள்.

آية رقم 123

ﯟﯠﯡﯢ ﯣ ​

மேலும், நிச்சயமாக இல்யாஸும் முர்ஸல்(களில் - தூதராக அனுப்பப்பட்டவர்)களில் ஒருவர் தாம்.

آية رقم 124

ﯤﯥﯦﯧﯨ ﯩ ​

அவர் தம் சமூகத்தவரிடம்; "நீங்கள் (இறைவனை) அஞ்ச மாட்டீர்களா?" என்று (போதித்துச்) சொல்லியதை (நினைவு கூர்வீராக).

آية رقم 125

ﯪﯫﯬﯭﯮ ﯯ ​

"நீங்கள் படைப்பவர்களில் மிகச் சிறப்பானவனை விட்டு விட்டு 'பஃலு' (எனும் சிலையை) வணங்குகிறீர்களா?

آية رقم 126

ﯰﯱﯲﯳﯴ ﯵ ​

"அல்லாஹ்தான் - உங்களுடைய இறைவனும், உங்களுடை முன் சென்ற மூதாதையர்களின் இறைவனும் ஆவான்."

آية رقم 127

ﭑﭒﭓ ﭔ ​

ஆனால் அவர்கள் அவரைப் பொய்ப்பித்தார்கள்; ஆகையால், அவர்கள் (மறுமையில் இறைவன் முன்னே தண்டனைக்காக) நிச்சயமாக கொண்டு வரப்படுவார்கள்.

آية رقم 128

ﭕﭖﭗﭘ ﭙ ​

அல்லாஹ்வுடைய தூய அடியார்களைத் தவிர. (இவர்களுக்கு நற்கூலியுண்டு.)

آية رقم 129

ﭚﭛﭜﭝ ﭞ ​

மேலும், நாம் அவருக்காகப் பிற்காலத்தவருக்கு (ஒரு ஞாபகார்த்தத்தை) விட்டு வைத்தோம்;

آية رقم 130

ﭟﭠﭡﭢ ﭣ ​

"ஸலாமுன் அலா இல்யாஸீன்" இல்யாஸீன் மீது ஸலாமுண்டாவதாக.

آية رقم 131

ﭤﭥﭦﭧ ﭨ ​

இவ்வாறே நன்மை செய்வோருக்கு நிச்சயமாக நாம் கூலி கொடுக்கிறோம்.

آية رقم 132

ﭩﭪﭫﭬ ﭭ ​

நிச்சயமாக அவர் முஃமின்களான நம் (நல்) அடியார்களில் நின்றுமுள்ளவர்.

آية رقم 133

ﭮﭯﭰﭱ ﭲ ​

மேலும், லூத்தும் நிச்சயமாக முர்ஸல்களில் - அனுப்பப்பட்டவர்களில் நின்றுமுள்ளவர்.

آية رقم 134

ﭳﭴﭵﭶ ﭷ ​

அவரையும் அவருடைய குடும்பத்தார் யாவரையும் காத்துக் கொண்டோம் -

آية رقم 135

ﭸﭹﭺﭻ ﭼ ​

பின்னால் தங்கிவிட்டவர்களிடையே இருந்துவிட்ட (லூத்தின் மனைவியான) கிழவியைத் தவிர்த்து.

آية رقم 136

ﭽﭾﭿ ﮀ ​

பின்னர் நாம் மற்றவர்களை அழித்து விட்டோம்.

آية رقم 137

ﮁﮂﮃﮄ ﮅ ​

இன்னும், நீங்கள் காலை வேலைகளில் அவர்களின் (அழிந்து போன ஊர்களின்) மீதே நடந்து செல்கிறீர்கள்.

آية رقم 138

ﮆﮇﮈﮉ ﮊ ​

இன்னும் இரவிலும் கூட(ச் செல்கிறீர்கள். இதைக்கொண்டு) நீங்கள் நல்லறிவு பெற மாட்டீர்களா?

آية رقم 139

ﮋﮌﮍﮎ ﮏ ​

மேலும், யூனுஸும் நிச்சயமாக முர்ஸல்களில் - அனுப்பப்பட்டவர்களில் நின்றுமுள்ளவர்.

آية رقم 140

ﮐﮑﮒﮓﮔ ﮕ ​

நிரப்பப்பட்ட கப்பலின் பால் அவர் ஒளித்தோடிய போது -

آية رقم 141

ﮖﮗﮘﮙ ﮚ ​

அ(க்கப்பலிலுள்ள)வர்கள் சீட்டுக்குலுக்கிப் போட்டுப் பார்த்தனர் - இவர் தாம் குற்றமுள்ளவர் (என்று தீர்மானித்தனர்).

آية رقم 142

ﮛﮜﮝﮞ ﮟ ​

ஆகவே, (அவர்களுடைய) பழிப்புக்கிடமான நிலையில் (கடலில்) எறியப்பட வேண்டியவரானார் ஒரு மீன் விழுங்கிற்று.

آية رقم 143

ﮠﮡﮢﮣﮤ ﮥ ​

ஆனால் அவர் (மீன் வயிற்றினுள்) இறைவனைத் துதிசெய்து - தஸ்பீஹு செய்து - கொண்டிராவிட்டால் -

آية رقم 144

ﮦﮧﮨﮩﮪﮫ ﮬ ​

(மறுமையில் அவர்) எழுப்பப்படும் நாள்வரை, அதன் வயிற்றிலேயே தங்கியிருந்திருப்பார்.

آية رقم 145

ﮭﮮﮯﮰﮱ ﯓ ​

ஆனால், அவர் நோயுற்றிருந்த நிலையில், நாம் அவரை (மீன் வயிற்றிலிருந்து வெளியெற்றி) வெட்ட வெளியில் போட்டோம்.

آية رقم 146

ﯔﯕﯖﯗﯘ ﯙ ​

அன்றியும் நாம் அவருக்கு மேல் ஒரு சுரைக்கொடியை முளைப்பித்(து நிழலிடுமாறு செய்)தோம்.

آية رقم 147

ﯚﯛﯜﯝﯞﯟ ﯠ ​

மேலும், நாம் அவரை ஒரு நூறாயிரம் அல்லது அதற்கதிகமானவர்களிடம் அனுப்பி வைத்தோம்.

آية رقم 148

ﯡﯢﯣﯤ ﯥ ​

ஆகவே அவர்கள் ஈமான் கொண்டார்கள். ஆகையால் அவர்களை ஒரு காலம்வரை சுகிக்; கச்செய்தோம்.

آية رقم 149

ﯦﯧﯨﯩﯪ ﯫ ​

(நபியே!) அவர்களிடம் கேளும்; உம் இறைவனுக்குப் பெண் மக்களையும் அவர்களுக்கு ஆண்மக்களையுமா (கற்பனை செய்கிறார்கள்) என்று.

آية رقم 150

ﯬﯭﯮﯯﯰﯱ ﯲ ​

அல்லது நாம் மலக்குகளைப் பெண்களாகவா படைத்தோம்? (அதற்கு) அவர்கள் சாட்சிகளா?

آية رقم 151

ﯳﯴﯵﯶﯷ ﯸ ​

"அறிந்து கொள்க! நிச்சயமாக இவர்கள் தங்கள் கற்பனையில் தான் கூறுகின்றனர்."

آية رقم 152

ﯹﯺﯻﯼ ﯽ ​

"அல்லாஹ் பிள்ளைகளைப் பெற்றான்" (என்று கூறுபவர்கள்) நிச்சயமாகப் பொய்யர்களே!

آية رقم 153

ﯾﯿﰀﰁ ﰂ ​

(அன்றியும், அல்லாஹ்) அவன் ஆண்மக்களை விட்டுப் பெண்மக்களைத் தேர்ந்தெடுத்துக் கொண்டானா?

آية رقم 154

ﭑﭒﭓﭔ ﭕ ​

உங்களுக்கு என்ன (நேர்ந்து விட்டது)? எவ்வாறு நீங்கள் தீர்மானிக்கிறீர்கள்?

آية رقم 155

ﭖﭗ ﭘ ​

நீங்கள் சிந்தித்துணர மாட்டீர்களா?

آية رقم 156

ﭙﭚﭛﭜ ﭝ ​

அல்லது உங்களிடம் தெளிவான ஆதாரம் எதுவும் இருக்கிறதா?

آية رقم 157

ﭞﭟﭠﭡﭢ ﭣ ​

நீங்கள் உண்மையாளர்களாயிருப்பின், உங்கள் வேத (ஆதார)த்தைக் கொண்டு வாருங்கள்.

آية رقم 158

ﭤﭥﭦﭧﭨﭩﭪﭫﭬﭭﭮ ﭯ ​

அன்றியும் இவர்கள் அல்லாஹ்வுக்கும் ஜின்களுக்குமிடையில் (வம்சாவளி) உறவை (கற்பனையாக) ஏற்படுத்துகின்றனர் ஆனால் ஜின்களும் (மறுமையில் இறைவன் முன்) நிச்சயமாகக் கொண்டுவரப்படுவார்கள் என்பதை அறிந்தேயிருக்கிறார்கள்.

آية رقم 159

ﭰﭱﭲﭳ ﭴ ​

எனவே, அவர்கள் இவ்வாறு வர்ணிப்பதை விட்டும் அல்லாஹ் மிகவும் பரிசுத்தமானவன்.

آية رقم 160

ﭵﭶﭷﭸ ﭹ ​

அந்தரங்க சுத்தியான அல்லாஹ்வின் அடியார்களைத் தவிர்த்து.

آية رقم 161

ﭺﭻﭼ ﭽ ​

ஆகையால், நிச்சயமாக நீங்களும் நீங்கள் வணங்குபவையும்.

آية رقم 162

ﭾﭿﮀﮁ ﮂ ​

(எவரையும் அல்லாஹ்வுக்கு) எதிராக நீங்கள் வழிகெடுத்து விடமுடியாது.

آية رقم 163

ﮃﮄﮅﮆﮇ ﮈ ​

நரகைச் சென்றடைபவர்களைத் தவிர.

آية رقم 164

ﮉﮊﮋﮌﮍﮎ ﮏ ​

(மேலும் மலக்குகள் கூறுகிறார்கள்;) "குறிப்பிடப்பட்ட ஓர் இடம் இல்லாதவராக திடமாக எங்களில் எவருமில்லை."

آية رقم 165

ﮐﮑﮒ ﮓ ​

"நிச்சயமாக, நாங்கள் (அல்லாஹ்வின் ஏவலை எதிர்பார்த்து) அணிவகுத்தவர்களாகவே (நிற்கின்றோம்).

آية رقم 166

ﮔﮕﮖ ﮗ ​

"மேலும், நிச்சயமாக நாங்கள் (அல்லாஹ்வைத் துதி செய்து) தஸ்பீஹு செய்பவர்களாக இருக்கிறோம்."

آية رقم 167

ﮘﮙﮚ ﮛ ​

(நபியே! மக்காவாசிகள் முன்னர்) கூறிக்கொண்டிருந்தார்கள்;

آية رقم 168

ﮜﮝﮞﮟﮠﮡ ﮢ ​

"முன்னோர்களிடமிருந்து, (எங்களுக்கு இறை நினைவூட்டும்) ஏதேனும் ஒரு வேதத்தை நாங்கள் பெற்றிருந்தால் -

آية رقم 169

ﮣﮤﮥﮦ ﮧ ​

"அல்லாஹ்வுடைய தூய அடியார்களாக நாங்கள் நிச்சயமாக ஆகியிருப்போம்" என்று.

آية رقم 170

ﮨﮩﮪﮫﮬ ﮭ ​

ஆனால் (திருக் குர்ஆன் வந்தபோது) அவர்கள் அதை நிராகரிக்கிறார்கள் - (இதன் பலனை) விரைவிலேயே அவர்கள் அறிந்து கொள்வார்கள்!

آية رقم 171

ﮮﮯﮰﮱﯓ ﯔ ​

தூதர்களாகிய நம் அடியார்களிடம், முன்னரே திடமாக நம்வாக்குச் சென்றிருக்கிறது.

آية رقم 172

ﯕﯖﯗ ﯘ ​

(அதாவது) நிச்சயமாக அவர்கள் உதவி செய்யப்படுவார்கள் -

آية رقم 173

ﯙﯚﯛﯜ ﯝ ​

மேலும், நம் படைகளே நிச்சயமாக அவர்களே வெற்றி பெறுவார்கள்.

آية رقم 174

ﯞﯟﯠﯡ ﯢ ​

(ஆகவே, நபியே!) சிறிது காலம் வரையில் நீர் அவர்களை விட்டும் விலகியிருப்பீராக!

آية رقم 175

ﯣﯤﯥ ﯦ ​

(அவர்களின் நிலை என்னவாகிறது என்பதை) நீர் கவனிப்பீராக! (தங்களுக்கு நேரப்போவதை) அவர்களும் கவனிப்பார்கள்.

آية رقم 176

ﯧﯨ ﯩ ​

நம்(மிடமிருந்து வரும்) வேதனைக்காகவா அவர்கள் அவசரப்படுகிறார்கள்?

آية رقم 177

ﯪﯫﯬﯭﯮﯯ ﯰ ​

(அவ்வேதனை) அவர்களுடைய முற்றத்தில் இறங்கும்போது அச்சமூட்டி எச்சரிக்கப்பட்ட அவர்களின் விடியல் மிகக் கெட்டதாக இருக்கும்.

آية رقم 178

ﯱﯲﯳﯴ ﯵ ​

ஆகவே, சிறிது காலம் வரை நீர் அவர்களை விட்டும் விலகியிருப்பீராக.

آية رقم 179

ﯶﯷﯸ ﯹ ​

(அவர்களின் நிலை என்னவாகிறது என்பதை) நீர் கவனிப்பீராக! (தங்களுக்கு நேரப் போவதை) அவர்களும் கவனிப்பார்கள்.

آية رقم 180

ﯺﯻﯼﯽﯾﯿ ﰀ ​

அவர்கள் வர்ணிப்பதை விட்டும், கண்ணியத்தின் இறைவனான உம்முடைய இறைவன் தூயவன்.

آية رقم 181

ﰁﰂﰃ ﰄ ​

மேலும் முர்ஸல்(களான அவன் தூதர்)கள் மீது ஸலாம் உண்டாவதாக.

آية رقم 182

ﰅﰆﰇﰈ ﰉ ​

வல்ஹம்து லில்லாஹி ரப்பில் ஆலமீம் (இன்னும் புகழ் அனைத்தும் அகிலங்களின் இறைவனாகிய அல்லாஹ்வுக்கே உரித்தாகும்).