ترجمة معاني سورة يس باللغة الهوساوية من كتاب Abubakar Mahmoud Gumi - Hausa translation

آية رقم 1

ﭬ ﭭ ​

Yasin

Y. S̃.

آية رقم 2

ﭮﭯ ﭰ ​

Inã rantsuwa da Al-ƙur'ãni Mai hikima.

آية رقم 3

ﭱﭲﭳ ﭴ ​

Lalle kai, haƙĩƙa kanã cikinManzanni.

آية رقم 4

ﭵﭶﭷ ﭸ ​

A kan hanya madaidaiciya.

آية رقم 5

ﭹﭺﭻ ﭼ ​

(Allah Ya saukar da Al-kur'ãni) saukarwar Mabuwãyi, Mai jin ƙai.

آية رقم 6

ﭽﭾﭿﮀﮁﮂﮃ ﮄ ​

Dõmin ka yi gargaɗi ga waɗansu mutãne da ba a yi gargaɗi ga ubanninsu ba, sabõda haka sũmasu rafkana ne.

آية رقم 7

ﮅﮆﮇﮈﮉﮊﮋﮌ ﮍ ​

Lalle, haƙĩƙa, kalma tã wajaba a kan mafi yawansu, dõmin sũ, bã zã su yi ĩmãni ba.

آية رقم 8

ﮎﮏﮐﮑﮒﮓﮔﮕﮖﮗ ﮘ ​

Lalle Mũ, Mun sanya ƙuƙumma a cikin wuyõyinsu, sa'an nan sũ (ƙuƙumman sun kai) har zuwa ga haɓõɓinsu, sabõda haka, sũ banƙararru ne.

آية رقم 9

ﮙﮚﮛﮜﮝﮞﮟﮠﮡﮢﮣﮤ ﮥ ​

Kuma Muka sanya wata tõshiya a gaba gare su, da wata tõshiya a bãyansu, sabõda haka Muka rufe su, sai suka zama bã su gani.

آية رقم 10

ﮦﮧﮨﮩﮪﮫﮬﮭ ﮮ ​

Kuma daidai yake a gare su, shin, ka yi musu gargaɗi kõ ba ka yi musu gargaɗi ba, sũ bã zã su yi ĩmãni ba.

آية رقم 11

ﮯﮰﮱﯓﯔﯕﯖﯗﯘﯙﯚﯛﯜ ﯝ ​

Kanã yin gargaɗi kawai ga wanda ya bi Alƙur'ãni ne, kuma ya ji tsõron mai rahama a fake. To, ka yi masa bushãra da gãfara da wani sakamako na karimci.

آية رقم 12

ﯞﯟﯠﯡﯢﯣﯤﯥﯦﯧﯨﯩﯪﯫﯬ ﯭ ​

Lalle Mũ, Mũ ne ke rãyar da matattu kuma Mu rubũta abin da suka gabãtar, da gurãbunsu, kuma kõwane abu Mun ƙididdige shi, a cikin babban Littãfi Mabayyani.

آية رقم 13

ﭑﭒﭓﭔﭕﭖﭗﭘ ﭙ ​

Kuma ka buga musu misãli: Waɗansu ma'abũta alƙarya, a lõkacin da Manzanni suka jẽ mata.

آية رقم 14

ﭚﭛﭜﭝﭞﭟﭠﭡﭢﭣﭤ ﭥ ​

A lõkacin da Muka aika (Manzannin) biyu zuwa gare su, sai suka ƙaryata su, sa'an nan Muka ƙarfafa (su) da na uku, sai suka ce: "Lalle mũ, Manzanni ne zuwa gare ku."

آية رقم 15

ﭦﭧﭨﭩﭪﭫﭬﭭﭮﭯﭰﭱﭲﭳﭴ ﭵ ​

Suka ce: "Kũ ba ku zamo bafãce mutãne ne kamarmu kuma Mai rahama bai saukar da kõme ba, ba ku zamo ba fãce ƙarya kuke yi."

آية رقم 16

ﭶﭷﭸﭹﭺﭻ ﭼ ​

Suka ce: "Ubangijinmu Yã sani, lalle mũ, haƙiƙa Manzanni nezuwa gare ku."

آية رقم 17

ﭽﭾﭿﮀﮁ ﮂ ​

"Kuma bãbu abin da ke kanmu, fãce iyar da manzanci bayyananne."

آية رقم 18

ﮃﮄﮅﮆﮇﮈﮉﮊﮋﮌﮍﮎﮏ ﮐ ​

Suka ce: "Lalle mũ munã shu'umci da ku! Haƙĩƙa idan ba ku, hanu ba, haƙĩƙa, zã mu jẽfe ku, kuma haƙĩƙa wata azãba mai raɗaɗi daga gare mu zã ta shãfe ku."

آية رقم 19

ﮑﮒﮓﮔﮕﮖﮗﮘﮙﮚﮛ ﮜ ​

Suka ce: "Shu'umcinku, yanã tãre da ku. Ashe, dõmin an tunãtar da ku? Ã'a, kũ dai mutãne ne mãsu ƙẽtare haddi."

آية رقم 20

ﮝﮞﮟﮠﮡﮢﮣﮤﮥﮦ ﮧ ​

Kuma wani mutum daga mafi nĩsan birnin ya je, yanã tafiya da gaggãwa, ya ce: "Ya mutãnẽna! Ku bi Manzannin nan.

آية رقم 21

ﮨﮩﮪﮫﮬﮭﮮ ﮯ ​

"Ku bi waɗanda bã su tambayar ku wata ijãra kuma sũ shiryayyu ne."

آية رقم 22

ﮰﮱﯓﯔﯕﯖﯗﯘ ﯙ ​

"Kuma mene ne a gare ni, bã zan bauta wa Wanda Ya ƙãga halittata ba, kuma zuwa gare Shi ake mayar da ku?"

آية رقم 23

ﯚﯛﯜﯝﯞﯟﯠﯡﯢﯣﯤﯥﯦﯧﯨ ﯩ ​

"Shin, zan riƙi waninSa abũbuwan bautãwa? Idan Mai rahama Ya nufe ni da wata cũta, to cẽtonsu bã ya amfanĩna da kõme, kuma bã za su iya tsãmar da ni bã."

آية رقم 24

ﯪﯫﯬﯭﯮ ﯯ ​

"Lalle nĩ, a lõkacin nan, tabbas, inã a cikin ɓata bayyananna."

آية رقم 25

ﯰﯱﯲﯳ ﯴ ​

"Lalle ni, nã yi ĩmãni da Ubangijinku, sabõda haka ku saurãre ni."

آية رقم 26

ﯵﯶﯷﯸﯹﯺﯻﯼ ﯽ ​

Aka ce (masa), "Ka shiga Aljanna." Ya ce, "Dã dai a ce mutãnẽna sunã iya sani."

آية رقم 27

ﯾﯿﰀﰁﰂﰃﰄ ﰅ ​

"Game da gãfarar da Ubangijjĩna ya yi mini, kuma Ya sanya ni a cikin waɗanda aka girmama."

آية رقم 28

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Kuma ba Mu saukar da waɗansu runduna ba daga sama a kan (halaka) mutãnensa, daga bãyansa, kuma bã zã Mu kasance. Mãsu saukarwa ba.

آية رقم 29

ﭠﭡﭢﭣﭤﭥﭦﭧ ﭨ ​

Ba ta kasance ba face tsawa guda, sa'an nan sai gã su sõmammu.

آية رقم 30

ﭩﭪﭫﭬﭭﭮﭯﭰﭱﭲﭳﭴ ﭵ ​

Yã nadãma a kan bãyĩNa! Wani Manzo bã ya zuwa gare su fãce sun kasance sunã mãsu yi masa izgili.

آية رقم 31

ﭶﭷﭸﭹﭺﭻﭼﭽﭾﭿﮀ ﮁ ​

Ba su gani ba, da yawa Muka halakar da (mutãnen) ƙarnõni a gabãninsu kuma cẽwa su bã zã su kõmo ba?

آية رقم 32

ﮂﮃﮄﮅﮆﮇ ﮈ ​

Kuma lalle bãbu kõwa fãce waɗanda ake halartarwa ne a wurinMu.

آية رقم 33

ﮉﮊﮋﮌﮍﮎﮏﮐﮑﮒ ﮓ ​

Kuma ãyã ce a gare su: ¡asã matacciya, Mu rãyar da ita, Mu fitar da ƙwãya daga gare ta, sai gã shi daga gare ta suke ci.

آية رقم 34

ﮔﮕﮖﮗﮘﮙﮚﮛﮜﮝ ﮞ ​

Kuma Muka sanya, a cikinta (ƙasã), waɗansu gõnaki na dabĩno da inabõbi, kuma Muka ɓuɓɓugar da ruwa daga marẽmari a cikinta.

آية رقم 35

ﮟﮠﮡﮢﮣﮤﮥﮦﮧ ﮨ ​

Dõmin su ci 'ya'yan itãcensa, alhãli kuwa hannãyensu ba su aikata shi ba. Shin, to, bã zã su gõdẽ ba?

آية رقم 36

ﮩﮪﮫﮬﮭﮮﮯﮰﮱﯓﯔﯕﯖ ﯗ ​

Tsarki ya tabbata ga Wanda Ya halitta nau'uka, namiji da mace, dukansu, daga abin da ƙasã ke tsirarwa, kuma daga kansu, kuma daga abin da ba su sani ba.

آية رقم 37

ﯘﯙﯚﯛﯜﯝﯞﯟﯠ ﯡ ​

Kuma ãyã ce a gare su: Dare Muna feɗe rãna daga gare shi, sai gã su sunã mãsu shiga duhu.

آية رقم 38

ﯢﯣﯤﯥﯦﯧﯨﯩﯪ ﯫ ​

Kuma rãnã tanã gudãna zuwa ga wani matabbaci nãta. Wannan ƙaddarãwar Mabuwãyi ne, Masani.

آية رقم 39

ﯬﯭﯮﯯﯰﯱﯲ ﯳ ​

Kuma da watã Mun ƙaddara masa manzilõli, har ya kõma kamar tsumagiyar murlin dabĩno wadda ta tsũfa.

آية رقم 40

ﯴﯵﯶﯷﯸﯹﯺﯻﯼﯽﯾﯿﰀﰁﰂﰃ ﰄ ​

Rãnã bã ya kamãta a gare ta, ta riski watã. Kuma dare bã ya kamãta a gare shi ya zama mai tsẽre wa yini, kuma dukansua cikin sarari guda suke yin iyo.

آية رقم 41

ﭑﭒﭓﭔﭕﭖﭗﭘ ﭙ ​

Kuma ãyã ce a gare su. Lalle Mũ, Mun ɗauki zuriyarsu a cikin jirgin, wanda aka yi wa lõdi.

آية رقم 42

ﭚﭛﭜﭝﭞﭟ ﭠ ​

Kuma Muka halitta musu, daga irinsa, abin da suke hawa.

آية رقم 43

ﭡﭢﭣﭤﭥﭦﭧﭨﭩ ﭪ ​

Kuma idan Mun so, zã Mu nutsar da su, har bãbu kururuwar neman ãgaji, a gare su, kuma ba su zama anã tsirar da su ba.

آية رقم 44

ﭫﭬﭭﭮﭯﭰ ﭱ ​

Sai fa bisa ga wata rahama daga gare Mu, da jiyarwa dãɗi zuwa ga wani ɗan lõkaci.

آية رقم 45

ﭲﭳﭴﭵﭶﭷﭸﭹﭺﭻﭼ ﭽ ​

Kuma idan aka ce musu, "Ku kãre abin da ke a gaba gare ku da abin da yake a bãyanku, dõmin tsammãninku a ji tausayinku."

آية رقم 46

ﭾﭿﮀﮁﮂﮃﮄﮅﮆﮇﮈ ﮉ ​

Kuma wata ãyã daga ãyõyin Ubangijinsu bã ta zuwa a gare su, sai sun kasance sunã mãsu bijirẽwa daga gare ta.

آية رقم 47

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ ​

Kuma idan aka ce musu, "Ku ciyar daga abin da Allah Ya azurta ku," sai waɗanda suka kãfirta su ce ga waɗanda suka yi ĩmãni, "Ashe, zã mu ciyar da wanda idan Allah Ya so Yanã ciyar da shi? Ba ku zama ba fãce a cikin ɓata bayyananniya."

آية رقم 48

ﮣﮤﮥﮦﮧﮨﮩ ﮪ ​

Kuma sunã cẽwa, "A yaushe wannan wa'adi yake (aukuwa) idan kun kasance mãsu gaskiya?"

آية رقم 49

ﮫﮬﮭﮮﮯﮰﮱﯓ ﯔ ​

Bã su jiran (kõme) fãce wata tsãwa guda, zã ta kãma su, alhãli kuwa sunã yin husũma.

آية رقم 50

ﯕﯖﯗﯘﯙﯚﯛ ﯜ ​

Bã zã su iya yin wasiyya ba, kuma bã zã su iya kõmãwa zuwa ga iyãlansu ba.

آية رقم 51

ﯝﯞﯟﯠﯡﯢﯣﯤﯥﯦ ﯧ ​

Kuma aka yi bũsa a cikin ƙaho, to, sai gã su, daga kaburbura zuwa ga Ubangijinsu, sunã ta gudu.

آية رقم 52

ﯨﯩﯪﯫﯬﯭﯮﯯﯰﯱﯲﯳﯴﯵ ﯶ ​

Suka ce: "Yã bonenmu! Wãne ne ya tãyar da mu daga barcinmu?" "Wannan shi ne abin da Mai rahama ya yi wa'adi da shi, kuma Manzanni sun yi gaskiya."

آية رقم 53

ﯷﯸﯹﯺﯻﯼﯽﯾﯿﰀ ﰁ ​

Ba ta kasance ba fãce wata tsãwa ce guda, sai gã su duka, sunã abin halartarwa a gare Mu.

آية رقم 54

ﰂﰃﰄﰅﰆﰇﰈﰉﰊﰋﰌ ﰍ ​

To, a yau, bã zã a zãlunci wani rai da kõme ba. Kuma bã zã a sãkã muku ba fãce da abin da kuka kasance kunã aikatãwa.

آية رقم 55

ﭑﭒﭓﭔﭕﭖﭗ ﭘ ​

Lalle, 'yan Aljanna, a yau, sunã cikin shagali, sunã mãsu nishãɗi.

آية رقم 56

ﭙﭚﭛﭜﭝﭞﭟ ﭠ ​

Sũ da mãtan aurensu sunã cikin inuwõwi, a kan karagai, sunã mãsu gincira.

آية رقم 57

ﭡﭢﭣﭤﭥﭦ ﭧ ​

Sunã da, 'ya'yan itãcen marmari a cikinta kuma sunã sãmun abin da suke kiran a kãwo.

آية رقم 58

ﭨﭩﭪﭫﭬ ﭭ ​

"Aminci," da magana, daga Ubangiji Mai jin ƙai.

آية رقم 59

ﭮﭯﭰﭱ ﭲ ​

"Ku rarrabe dabam, a yau, yã kũ mãsu laifi!"

آية رقم 60

ﭳﭴﭵﭶﭷﭸﭹﭺﭻﭼﭽﭾﭿﮀﮁ ﮂ ​

"Ashe, ban yi muku umurni na alkawari ba, yã ɗiyan Ãdamu? Cẽwa kada ku bauta wa Shaiɗan, lalle shĩ, maƙiyi ne a gareku bayyananne?"

آية رقم 61

ﮃﮄﮅﮆﮇﮈ ﮉ ​

"Kuma ku bauta Mini. Wannan ita ce hanya madaidaciya."

آية رقم 62

ﮊﮋﮌﮍﮎﮏﮐﮑﮒ ﮓ ​

"Kuma lalle haƙĩƙa, (Shaiɗan) yã ɓatar da jama'a mãsu yawa daga gare ku. Ashe to ba ku kasance kunã yin hankali ba?"

آية رقم 63

ﮔﮕﮖﮗﮘ ﮙ ​

"Wannan ita ce Jahannama wadda kuka kasance anã yi muku wa'adi da ita."

آية رقم 64

ﮚﮛﮜﮝﮞ ﮟ ​

"Ku shigẽ ta a yau, sabõda abin da kuka kasance kunã yi na kãfirci."

آية رقم 65

ﮠﮡﮢﮣﮤﮥﮦﮧﮨﮩﮪ ﮫ ​

A yau, Munã sanya hãtimin rufi a kan bãkunansu, kuma hannãyensu su yi Mana magana, kuma ƙafãfunsu su yi shaidu da abin da suka kasance sunã aikatãwa.

آية رقم 66

ﮬﮭﮮﮯﮰﮱﯓﯔﯕ ﯖ ​

Dã Mun so, dã Mun shãfe gani daga idãnunsu, sai su yi tsẽre ga hanya, to, yaya zã su yi gani?

آية رقم 67

ﯗﯘﯙﯚﯛﯜﯝﯞﯟﯠ ﯡ ​

Kuma da Mun so, da Mun juyar da halittarsu a kan halinsu, saboda haka ba zã su iya shuɗewa ba, kuma ba zã su komo ba.

آية رقم 68

ﯢﯣﯤﯥﯦﯧﯨﯩ ﯪ ​

Kuma wanda Muka rãya shi, Manã sunkuyar da shi ga halittarsa. Ashe, bã su hankalta?

آية رقم 69

ﯫﯬﯭﯮﯯﯰﯱﯲﯳﯴﯵﯶﯷ ﯸ ​

Ba Mu sanar da shi (Annabi) wãkã ba, kuma wãkã ba ta kamãta da shi (Annabi) ba. Shi (Al-ƙur'ãni) bai zama ba fãce tunãtarwa ce, da abin karãtu bayyananne.

آية رقم 70

ﯹﯺﯻﯼﯽﯾﯿﰀ ﰁ ​

Dõmin ya yi gargaɗi ga wanda ya kasance mai rai, kuma magana ta wajaba a kan kãfirai.

آية رقم 71

ﭑﭒﭓﭔﭕﭖﭗﭘﭙﭚﭛﭜ ﭝ ​

Shin, ba su gani ba (cẽwa) lalle Mun halitta musu dabbõbi daga abin da HannayenMu suka aikata, sai sunã mallakar su?

آية رقم 72

ﭞﭟﭠﭡﭢﭣ ﭤ ​

Kuma Muka hõre su, sabõda su, sabõda haka daga gare su abin hawansu yake, kuma daga gare su suke ci.

آية رقم 73

ﭥﭦﭧﭨﭩﭪﭫ ﭬ ​

Kuma sunã da waɗansu amfãnõni a cikinsu, da abũbuwan shã. Ashe fa, bã zã; su gõdẽ ba?

آية رقم 74

ﭭﭮﭯﭰﭱﭲﭳ ﭴ ​

Kuma suka riƙi waɗansu abũbuwan bautãwa wanin Allah, ɗammãninsu zã su taimake su.

آية رقم 75

ﭵﭶﭷﭸﭹﭺﭻ ﭼ ​

Bã zã su iya taimakonsu ba, alhãli kuwa sũ runduna ce wadda ake halartarwa (a cikin wutã).

آية رقم 76

ﭽﭾﭿﮀﮁﮂﮃﮄﮅﮆ ﮇ ​

Sabõda haka, kada maganarsu ta ɓãta maka rai. Lalle Mũ, Munã sanin abin da suke asirtãwa da abin da suke bayyanãwa.

آية رقم 77

ﮈﮉﮊﮋﮌﮍﮎﮏﮐﮑﮒ ﮓ ​

Ashe, kuma mutum bai ga (cẽwa) lalle Mũ, Mun halitta shi daga maniyyi ba, sai gã shi mai yawan husũma, mai bayyanãwar husũmar.

آية رقم 78

ﮔﮕﮖﮗﮘﮙﮚﮛﮜﮝﮞﮟ ﮠ ​

Kuma ya buga Mana wani misãli, kuma ya manta da halittarsa, ya ce: "Wãne ne ke rãyar da ƙasũsuwa alhãli kuwa sunã rududdugaggu?"

آية رقم 79

ﮡﮢﮣﮤﮥﮦﮧﮨﮩﮪﮫ ﮬ ​

Ka ce: "Wanda ya ƙãga halittarsu a farkon lõkaci Shĩ ke rãyar da su, kuma Shi, game da kõwace halitta, Mai ilmi ne."

آية رقم 80

ﮭﮮﮯﮰﮱﯓﯔﯕﯖﯗﯘ ﯙ ​

"Wanda ya sanya muku wutã daga itãce kõre, sai gã ku kunã kunnãwa daga gare shi."

آية رقم 81

ﯚﯛﯜﯝﯞﯟﯠﯡﯢﯣﯤﯥﯦﯧﯨ ﯩ ​

"Shin, kuma Wanda Ya halitta sammai da ƙasã bai zama Mai ĩkon yi ba ga Ya halitta kwatankwacinsu? Na'am, zai iya! Kuma Shĩ Mai yawan halittãwa ne, Mai ilmi."

آية رقم 82

ﯪﯫﯬﯭﯮﯯﯰﯱﯲﯳ ﯴ ​

UmurninSa idan Yã yi nufin wani abu sai Ya ce masa kawai, "Ka kasance," sai yana kasancewa (kamar yadda Yake nufi).

آية رقم 83

ﯵﯶﯷﯸﯹﯺﯻﯼ ﯽ ​

Sabõda haka, tsarki yã tabbata ga Wanda mallakar kõwane abu take ga HannãyenSa, kuma zuwa gare Shi ake mayar da ku.