ترجمة معاني سورة يس باللغة الطاجيكية من كتاب الترجمة الطاجيكية - عارفي

آية رقم 1

ﭬ ﭭ ​

Ё, син

آية رقم 2

ﭮﭯ ﭰ ​

Савганд ба Қуръони ҳаким

آية رقم 3

ﭱﭲﭳ ﭴ ​

Бе тардид, ту аз паёмбарон [-и Мо] ҳастӣ

آية رقم 4

ﭵﭶﭷ ﭸ ​

[Ва] Бар роҳи рост [Ислом қарор дорӣ]

آية رقم 5

ﭹﭺﭻ ﭼ ​

[Ин Қуръон] Фуруфиристодаи [Парвардигори] шикастнопазири меҳрубон аст

آية رقم 6

ﭽﭾﭿﮀﮁﮂﮃ ﮄ ​

То мардумеро [дар бораи азоби қиёмат] бим диҳӣ, ки падаронашон ҳушдор наёфтаанд ва [бад-ин сабаб] онҳо низ ғофиланд

آية رقم 7

ﮅﮆﮇﮈﮉﮊﮋﮌ ﮍ ​

Яқинан, фармон [-и азоби илоҳӣ] бар бештарашон таҳаққуқ ёфтааст; пас, [лаҷоҷат мекунанд ва] имон намеоваранд

آية رقم 8

ﮎﮏﮐﮑﮒﮓﮔﮕﮖﮗ ﮘ ​

[Мисоли гумроҳии кофирон, чунон аст, ки гӯӣ] Мо бар гарданҳояшон занҷирҳое ниҳодаем, ки то зери манаҳояшон [печидашуда] аст, чунонки сарҳояшон боло мондааст [ва аз анҷоми ҳар хайре оҷизанд ва роҳи ҳидоятро намеёбанд]

آية رقم 9

ﮙﮚﮛﮜﮝﮞﮟﮠﮡﮢﮣﮤ ﮥ ​

Ва аз пеши рӯяшон деворе ва аз пушти сарашон низ деворе ниҳодаем ва чашмонашонро бо пардае пӯшонидаем; аз ин рӯст, ки [ҳақиқатро] намебинанд

آية رقم 10

ﮦﮧﮨﮩﮪﮫﮬﮭ ﮮ ​

[Эй паёмбар] барояшон яксон аст, ки ононро бим диҳӣ ё надиҳӣ; [дар ҳар ҳол] имон намеоваранд

آية رقم 11

ﮯﮰﮱﯓﯔﯕﯖﯗﯘﯙﯚﯛﯜ ﯝ ​

Ҷуз ин нест, ки ту ба касе бим медиҳӣ [ва ин кор барои касе суд дорад], ки пайрави Қуръон бошад ва дар ниҳон аз [Парвардигори] Раҳмон битарсад; пас, Ӯро [ки чунин аст] ба омурзиш ва подоши арҷманд башорат бидеҳ

آية رقم 12

ﯞﯟﯠﯡﯢﯣﯤﯥﯦﯧﯨﯩﯪﯫﯬ ﯭ ​

Яқинан, Моем, ки мурдагонро зинда мекунем ва он чиро, ки аз пеш фиристодаанд ва осори [боқимонда аз] эшонро менависем; ва ҳама чизро дар Китоби равшан [Лавҳ-ул-маҳфуз] ба шумор овардаем

آية رقم 13

ﭑﭒﭓﭔﭕﭖﭗﭘ ﭙ ​

[Эй паёмбар] барояшон [моҷарои] мардуми он шаҳрро мисол бизан, он гоҳ ки паёмбарон наздашон рафтанд

آية رقم 14

ﭚﭛﭜﭝﭞﭟﭠﭡﭢﭣﭤ ﭥ ​

Ва вақте ду нафар аз паёмбаронро ба сӯяшон фиристодем; аммо [мардум] ононро дурӯғгӯ ангоштанд; пас, бо фиристодани паёмбари савум он дуро [таъйид ва] тақвият кардем. Онон [ба аҳолии шаҳр] мегуфтанд: «Мо фиристодагон [-и илоҳӣ] ба сӯи шумо ҳастем»

آية رقم 15

ﭦﭧﭨﭩﭪﭫﭬﭭﭮﭯﭰﭱﭲﭳﭴ ﭵ ​

[Онон дар посух] гуфтанд: «Шумо ҷуз башаре ҳаммонанди мо нестед ва [Парвардигори] Раҳмон чизе [аз ваҳй] нозил накардааст. Шумо ҷуз дурӯғ намегӯед»

آية رقم 16

ﭶﭷﭸﭹﭺﭻ ﭼ ​

[Паёмбарон] гуфтанд: «Парвардигорамон медонад, ки қатъан, ба сӯйи шумо фиристода шудаем

آية رقم 17

ﭽﭾﭿﮀﮁ ﮂ ​

Ва мо вазифае ҷуз расонидани ошкор [-и ваҳй] надорем»

آية رقم 18

ﮃﮄﮅﮆﮇﮈﮉﮊﮋﮌﮍﮎﮏ ﮐ ​

[Мардум] Гуфтанд: «Мо шуморо ба фоли бад гирифтаем. Агар [аз таблиғ] даст барнадоред, ҳатман, сангсоратон мекунем ва бе тардид, азоби дардноке аз [ҷониби] мо ба шумо хоҳад расид»

آية رقم 19

ﮑﮒﮓﮔﮕﮖﮗﮘﮙﮚﮛ ﮜ ​

[Паёмбарон] Гуфтанд: «Шумии шумо бо худатон [ва ношӣ аз куфру гуноҳ] аст. Оё агар пандатон диҳанд, [онро шум мепиндоред?] балки [ҳақиқат ин аст, ки шумо дар иртикоби гуноҳ] мардуми исрофкоред»

آية رقم 20

ﮝﮞﮟﮠﮡﮢﮣﮤﮥﮦ ﮧ ​

Ва марде аз дуртарин нуқтаи шаҳр шитобон омад [ва] гуфт: «Эй қавми ман, аз ин паёмбарон пайравӣ кунед»

آية رقم 21

ﮨﮩﮪﮫﮬﮭﮮ ﮯ ​

Пайрави касоне бошед, ки аз шумо подоше намехоҳанд ва худ ҳидоят ёфтаанд

آية رقم 22

ﮰﮱﯓﯔﯕﯖﯗﯘ ﯙ ​

Ва чаро маъбудеро напарастам, ки маро офаридааст ва [шумо низ] ба сӯяш бозгардонда мешавед?

آية رقم 23

ﯚﯛﯜﯝﯞﯟﯠﯡﯢﯣﯤﯥﯦﯧﯨ ﯩ ​

Оё ба ҷои Ӯ маъбудоне баргузинам, ки агар [Парвардигори] Раҳмон бихоҳад, газанде ба ман бирасонад, на шафоаташон бароям суде дорад ва на метавонанд [аз азоби илоҳӣ] наҷотам диҳанд?

آية رقم 24

ﯪﯫﯬﯭﯮ ﯯ ​

Дар он сурат, яқинан, дар гумроҳии ошкоре хоҳам буд

آية رقم 25

ﯰﯱﯲﯳ ﯴ ​

Ман ба Парвардигоратон имон овардаам [ва аз марг ҳаросе надорам] пас, суханонамро бишунавед

آية رقم 26

ﯵﯶﯷﯸﯹﯺﯻﯼ ﯽ ​

[Пас, чун он мард ба дасти қавмаш ба шаҳодат расид] Ба вай гуфта шуд: «Вориди биҳишт шав». Ӯ гуфт: «Эй кош, қавми ман медонистанд,

آية رقم 27

ﯾﯿﰀﰁﰂﰃﰄ ﰅ ​

ки Парвардигорам маро омурзида ва гиромӣ доштааст»

آية رقم 28

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ ​

Пас аз [шаҳодати] ӯ бар қавмаш ҳеҷ сипоҳе аз осмон нафиристодем ва [пеш аз ин низ] фуру фиристанда набудем

آية رقم 29

ﭠﭡﭢﭣﭤﭥﭦﭧ ﭨ ​

[Кайфарашон] Ҷуз як бонги маргбор набуд; пас, ба ногоҳ ҳамагӣ [мурда ва] хомӯш гаштанд

آية رقم 30

ﭩﭪﭫﭬﭭﭮﭯﭰﭱﭲﭳﭴ ﭵ ​

Эй афсӯс, бар ин бандагон! Ҳеҷ паёмбаре ба сӯяшон наёмад, магар он ки масхарааш мекарданд

آية رقم 31

ﭶﭷﭸﭹﭺﭻﭼﭽﭾﭿﮀ ﮁ ​

Оё надиданд [ва намедонанд] ки қабл аз онон чи бисёр наслҳоро ҳалок кардаем, ки дигар назди инҳо [ба дунё] бознамегарданд?

آية رقم 32

ﮂﮃﮄﮅﮆﮇ ﮈ ​

Ва [рӯзи қиёмат] ҳеҷ кас нест, магар он ки ҳамагӣ назди Мо эҳзор мешаванд

آية رقم 33

ﮉﮊﮋﮌﮍﮎﮏﮐﮑﮒ ﮓ ​

Барои онон [ки қиёматро бовар надоранд] замини хушк нишонае [ибратомӯз] аст: Мо он [замин]-ро зинда кардем ва аз [хоки] он донаҳое рӯёнидем, ки [махлуқоти илоҳӣ] аз он мехӯранд

آية رقم 34

ﮔﮕﮖﮗﮘﮙﮚﮛﮜﮝ ﮞ ​

Ва дар он [замин] боғҳое аз нахл ва ангур падид овардем ва дар он чашмаҳо равон сохтем

آية رقم 35

ﮟﮠﮡﮢﮣﮤﮥﮦﮧ ﮨ ​

То мардум аз мевааш бихӯранд, дар ҳоле ки ин [маҳсулот, ҳосили талоши онҳо нест ва онҳо]-ро бо дастони худ амал наовардаанд. Пас, оё сипос намегузоранд?

آية رقم 36

ﮩﮪﮫﮬﮭﮮﮯﮰﮱﯓﯔﯕﯖ ﯗ ​

Пок ва муназзаҳ аст, он [Парвардигоре] ки ҳамаи нару модаҳоро офарида аст; аз он чи замин мерӯёнад [гиёҳону дарахтон] ва аз худашон [инсонҳо] ва аз он чи намедонанд

آية رقم 37

ﯘﯙﯚﯛﯜﯝﯞﯟﯠ ﯡ ​

Ва шаб барои онон нишонае [дигар аз қудрати илоҳӣ] аст, [ки] рӯзро аз он барканор мекунем ва ногаҳон [ҳама] дар торикӣ фуру мераванд

آية رقم 38

ﯢﯣﯤﯥﯦﯧﯨﯩﯪ ﯫ ​

Ва хуршед [низ пайваста] ба сӯйи қароргоҳаш дар ҳаракат аст. Ин тақдири [Парвардигори] шикастнопазиру доност

آية رقم 39

ﯬﯭﯮﯯﯰﯱﯲ ﯳ ​

Ва барои моҳ [низ] манзилгоҳҳое муқаррар намудаем, то [саранҷом аз қурси комил ба ҳилол ва] ба шакли шохаи хушки хурмо бозгардад

آية رقم 40

ﯴﯵﯶﯷﯸﯹﯺﯻﯼﯽﯾﯿﰀﰁﰂﰃ ﰄ ​

На хуршедро сазовор аст, ки [дар сайри худ] ба моҳ бирасад в на шаб бар рӯз пешӣ мегирад; ва ҳар як аз [ситораву сайёра] дар мадоре шиноваранд

آية رقم 41

ﭑﭒﭓﭔﭕﭖﭗﭘ ﭙ ​

Нишонае [дигар аз қудрати Парвардигор] барои онон ин аст, ки падаронашонро дар киштӣ анбошта [аз сарнишин ва бор] ҳамл кардем

آية رقم 42

ﭚﭛﭜﭝﭞﭟ ﭠ ​

Ҳамчунин, барояшон чизе ҳаммонанди он [киштӣ] офаридаем, ки савораш шаванд

آية رقم 43

ﭡﭢﭣﭤﭥﭦﭧﭨﭩ ﭪ ​

Агар бихоҳем, ғарқашон мекунем; дар ин сурат, на фарёдрасе доранд ва на [аз тақдири илоҳӣ] раҳоӣ меёбанд

آية رقم 44

ﭫﭬﭭﭮﭯﭰ ﭱ ​

Магар ин ки раҳмате аз ҷониби Мо [бинанд] ва баҳрамандӣ [аз неъматҳои дунё] то замоне [муайян шомили ҳолашон шавад]

آية رقم 45

ﭲﭳﭴﭵﭶﭷﭸﭹﭺﭻﭼ ﭽ ​

Ва чун ба онон [мушрикон] гуфта мешавад: «Аз он чи пешорӯи шумост [азоби охират] ва он чи пушти сар мегузоред [сахтиҳои дунё] парво кунед; бошад, ки мавриди раҳмат қарор гиред», [итоат намекунанд]

آية رقم 46

ﭾﭿﮀﮁﮂﮃﮄﮅﮆﮇﮈ ﮉ ​

Ҳеҷ нишонае аз нишонаҳои [қудрат ва бузургии] Парвардигорашон бар онон арза намегардад, магар он ки аз он рӯй мегардонанд

آية رقم 47

ﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ ​

Ва чун ба онон гуфта мешавад: «Аз он чи Аллоҳ таоло рӯзиятон кардааст, инфоқ кунед», касоне, ки куфр варзидаанд, ба онон, ки имон овардаанд мегӯянд: «Оё ба касе ғизо бидиҳем, ки агар Аллоҳ таоло мехост, [Худ] ба ӯ ғизо медод? Шумо ҷуз дар гумроҳии ошкор нестед»

آية رقم 48

ﮣﮤﮥﮦﮧﮨﮩ ﮪ ​

Ва [бо тамасхур ба муъминон] мегӯянд: «Агар ростгӯед, ин ваъда [қиёмат] кай хоҳад буд»?

آية رقم 49

ﮫﮬﮭﮮﮯﮰﮱﯓ ﯔ ​

[Ин мункирони қиёмат] ҷуз дар интизори як бонги маргбор нестанд, ки ногаҳон, дар ҳоле ки саргарми ҷидол [дар умури дунё] ҳастанд, ононро фаро гирад

آية رقم 50

ﯕﯖﯗﯘﯙﯚﯛ ﯜ ​

Пас, [дар он ҳангом] наметавонанд [ба касе] васият кунанд ва на ба сӯи хонаводаи худ бозгарданд

آية رقم 51

ﯝﯞﯟﯠﯡﯢﯣﯤﯥﯦ ﯧ ​

Ва [ҳангоме ки барои дувумин бор] дар сур дамида шавад ва ногаҳон аз қабрҳояшон [берун меоянд ва] ба сӯи Парвардигорашон мешитобанд

آية رقم 52

ﯨﯩﯪﯫﯬﯭﯮﯯﯰﯱﯲﯳﯴﯵ ﯶ ​

[Ва бо нобоварӣ] Мегӯянд: «Вой бар мо! Чи касе моро аз қабрҳоямон барангехт?» [Ба онон гуфта мешавад] «Ин ҳамон [рӯзе] аст, ки [Парвардигори] Раҳмон ваъда дода буд; ва паёмбарон [дар ин бора] рост мегуфтанд

آية رقم 53

ﯷﯸﯹﯺﯻﯼﯽﯾﯿﰀ ﰁ ​

[Барангехтани мурдагон аз гӯр] Ҷуз як бонги ҳавлнок [дувумин дамидани сур] нест ва ногаҳон ҳамаро назди Мо ҳозир мекунанд

آية رقم 54

ﰂﰃﰄﰅﰆﰇﰈﰉﰊﰋﰌ ﰍ ​

Пас, [бидонед, ки] имрӯз, ба ҳеҷ кас ситаме намешавад ва ҷуз дар баробари он чи [дар дунё] кардаед, ҷазо намебинед

آية رقم 55

ﭑﭒﭓﭔﭕﭖﭗ ﭘ ​

Бе тардид, аҳли биҳишт имрӯз бо шодмонӣ саргарм [-и неъматҳои илоҳӣ] ҳастанд

آية رقم 56

ﭙﭚﭛﭜﭝﭞﭟ ﭠ ​

Онон ва ҳамсаронашон дар сояҳо [-и густурдаи биҳиштӣ] бар тахтҳо такя задаанд

آية رقم 57

ﭡﭢﭣﭤﭥﭦ ﭧ ​

Дар он ҷо [ҳар гуна] мева ва ҳар чи бихоҳанд, барояшон [фароҳам] ҳаст

آية رقم 58

ﭨﭩﭪﭫﭬ ﭭ ​

[Бартар аз ин неъматҳо] саломест, ки сухани Парвардигори меҳрубон аст

آية رقم 59

ﭮﭯﭰﭱ ﭲ ​

[Он гоҳ ба мушрикон хитоб мешавад] «Эй гунаҳкорон, имрӯз [аз муъминон] ҷудо шавед

آية رقم 60

ﭳﭴﭵﭶﭷﭸﭹﭺﭻﭼﭽﭾﭿﮀﮁ ﮂ ​

Эй фарзандони Одам, оё бо шумо паймон набастам [ва фармон надодам], ки шайтонро напарастед, [ки] қатъан ӯ душмани ошкори шумост?

آية رقم 61

ﮃﮄﮅﮆﮇﮈ ﮉ ​

Ва ин ки [танҳо] Маро бипарастед, [ки] роҳи рост ҳамин аст?

آية رقم 62

ﮊﮋﮌﮍﮎﮏﮐﮑﮒ ﮓ ​

Ва бе тардид, шайтон бисёре аз шуморо гумроҳ сохт. Оё андеша намекардед?

آية رقم 63

ﮔﮕﮖﮗﮘ ﮙ ​

Ин [ҳамон] дузахест, ки ба шумо ваъда дода мешуд

آية رقم 64

ﮚﮛﮜﮝﮞ ﮟ ​

Имрӯз ба сазои он ки куфр меварзидед, ба он [оташ] ворид шавед»

آية رقم 65

ﮠﮡﮢﮣﮤﮥﮦﮧﮨﮩﮪ ﮫ ​

Имрӯз бар даҳонҳояшон муҳр мениҳем ва дастҳояшон бо Мо сухан мегӯянд ва пойҳояшон ба он чи мекарданд, гувоҳӣ медиҳанд

آية رقم 66

ﮬﮭﮮﮯﮰﮱﯓﯔﯕ ﯖ ​

Ва агар бихоҳем, бе тардид, чашмонашонро маҳв мекунем, пас, [бо чашми баста] ба сӯйи [пули] сирот [аз якдигар] пешӣ мегиранд [то ба биҳишт роҳ ёбанд]; аммо магар куҷоро мебинанд?

آية رقم 67

ﯗﯘﯙﯚﯛﯜﯝﯞﯟﯠ ﯡ ​

Ва агар бихоҳем [зоҳирашонро тағйир медиҳем ва чунон] ононро дар ҷои худ масх [ва замингир] мекунем, ки натавонанд гоме ба пеш бигузоранд ё ба ақиб бозгарданд

آية رقم 68

ﯢﯣﯤﯥﯦﯧﯨﯩ ﯪ ​

Ва Мо ба ҳар ки умри тӯлонӣ бидиҳем, дар офариниш дигаргунаш мекунем [ва ӯро ба нотавонии зеҳнӣ ва бадани даврони кӯдакӣ бармегардонем]. Пас, оё [дар бораи қудрати Парвардигор] намеандешанд?

آية رقم 69

ﯫﯬﯭﯮﯯﯰﯱﯲﯳﯴﯵﯶﯷ ﯸ ​

Ва Мо ба ӯ [Муҳаммад] шеър наомӯхтаем ва [шоирӣ] шоистаи ӯ нест. Ин [ки омӯхтаем, чизе] нест, магар андарз ва Қуръоне равшан

آية رقم 70

ﯹﯺﯻﯼﯽﯾﯿﰀ ﰁ ​

То ҳар киро зинда [-дил] бошад, бим диҳад ва азоб бар кофирон муҳаққақ гардад

آية رقم 71

ﭑﭒﭓﭔﭕﭖﭗﭘﭙﭚﭛﭜ ﭝ ​

Оё надидаанд, ки Мо аз он чи дастҳоямон сохтааст, чаҳорпоёне барояшон офаридаем, ки молики онҳо ҳастанд?

آية رقم 72

ﭞﭟﭠﭡﭢﭣ ﭤ ​

Ва онҳоро дар хидмати эшон гузоштаем, то бар бархе савор шаванд ва аз [гӯшти] бархе тағзия кунанд

آية رقم 73

ﭥﭦﭧﭨﭩﭪﭫ ﭬ ​

Ва аз он [ҳайвонот] баҳраҳои дигар ва нӯшиданиҳое [шир] доранд. Пас, оё сипос намегузоранд?

آية رقم 74

ﭭﭮﭯﭰﭱﭲﭳ ﭴ ​

[Бо ин ҳама неъмат мушрикон] ба ҷои Аллоҳ таоло маъбудоне баргузидаанд; ба ин умед, ки [аз сӯйи онҳо] ёрӣ шаванд

آية رقم 75

ﭵﭶﭷﭸﭹﭺﭻ ﭼ ​

Он [маъбудҳои беҷон] қодир ба ёриашон нестанд; ва ин [мушрикон дар қиёмат] лашкаре барои онҳо [бутҳо] хоҳанд буд, ки [ҳамагӣ дар оташи дузах] эҳзор мешаванд

آية رقم 76

ﭽﭾﭿﮀﮁﮂﮃﮄﮅﮆ ﮇ ​

[Эй Паёмбар] сухани онон туро ғамгин насозад. Бе тардид, Мо он чиро пинҳон мекунанд ва ошкор месозанд, [ба хубӣ] медонем

آية رقم 77

ﮈﮉﮊﮋﮌﮍﮎﮏﮐﮑﮒ ﮓ ​

Оё инсон надидааст, ки Мо ӯро аз нутфае офаридаем [он гоҳ мароҳили рушдро тай кард ва] сипас душмане ошкор шуд?

آية رقم 78

ﮔﮕﮖﮗﮘﮙﮚﮛﮜﮝﮞﮟ ﮠ ​

Ва барои Мо мисоле зад ва офариниши хешро фаромӯш кард [ва] гуфт: «Чи касе ин устухонҳоро [дубора] зинда мекунад, дар ҳоле ки пӯсидааст?»

آية رقم 79

ﮡﮢﮣﮤﮥﮦﮧﮨﮩﮪﮫ ﮬ ​

Бигӯ: «ҳамон касе зиндааш мекунад, ки нахустин бор онро падид овард ва Ӯ ба ҳар офаринише доност

آية رقم 80

ﮭﮮﮯﮰﮱﯓﯔﯕﯖﯗﯘ ﯙ ​

Ҳамон ки аз дарахти сабз оташе бароятон падид овард ва шумо [дар сурати ниёз] худ аз он [дарахт] оташ меафрӯзед»

آية رقم 81

ﯚﯛﯜﯝﯞﯟﯠﯡﯢﯣﯤﯥﯦﯧﯨ ﯩ ​

Оё касе, ки осмонҳо ва заминро офаридааст, наметавонад ҳаммонанди инҳоро [пас аз маргашон дубора] биофаринад? Оре [метавонад] ва Ӯ Офаринандаи доност

آية رقم 82

ﯪﯫﯬﯭﯮﯯﯰﯱﯲﯳ ﯴ ​

Фармони Ӯ чун чизеро ирода кунад, танҳо ин аст, ки ба он мегӯяд: «Мавҷуд шав»; пас, [бедиранг] мавҷуд мешавад

آية رقم 83

ﯵﯶﯷﯸﯹﯺﯻﯼ ﯽ ​

Пас, пок ва муназзаҳ аст Парвардигоре, ки [ҳокимият ва] ихтиёри ҳама чиз ба дасти Ӯст ва [ҳамагӣ] ба сӯи Ӯ бозгардонида мешавед