ترجمة معاني سورة الإنشقاق باللغة الأوزبكية من كتاب الترجمة الأوزبكية - علاء الدين منصور

5. Ва у Парвардигори(нинг ёйилиб, теп-текис бўлиш тўғрисидаги амри)га қулоқ тутган — (мана шу амрга) лойиқ топилган вақтда (ана ўша Қиёмат Кунида ҳар бир инсон ўзи қилиб ўтган амалларига рўбарў бўлур)!

آية رقم 6

ﭸﭹﭺﭻﭼﭽﭾﭿ ﮀ

6. Эй инсон, албатта сен меҳнат-машаққат чекиб Парвардигорингга (яъни, Унинг мукофот ёки жазосига) боргувчисан, бас, (бу ҳаёти дунёдан ўтганингдан сўнг) У зотга йўлиққувчисан.

آية رقم 7

ﮁﮂﮃﮄﮅ ﮆ

7. Ана энди кимнинг номаи аъмоли ўнг томонидан берилса.

آية رقم 8

ﮇﮈﮉﮊ ﮋ

8. Бас, у осон ҳисоб билан ҳисоб-китоб қилинажак,

آية رقم 9

ﮌﮍﮎﮏ ﮐ

9. Ва ўз(ининг жаннатдаги) аҳли-оиласига шоду хуррам ҳолда қайтажак.

آية رقم 10

ﮑﮒﮓﮔﮕﮖ ﮗ

10. Энди кимнинг номаи аъмоли орқа томонидан берилса,

آية رقم 11

ﮘﮙﮚ ﮛ

11. Бас, у ўлимини чақириб қолажак.

آية رقم 12

ﮜﮝ ﮞ

12. Ва дўзахга киражак!

آية رقم 13

ﮟﮠﮡﮢﮣ ﮤ

13. Дарвоқеъ, у (ҳаёти-дунёдалик пайтида) аҳли оиласида (ўз куфру исёни билан) шоду хуррам эди.

آية رقم 14

ﮥﮦﮧﮨﮩ ﮪ

14. Албатта у ўзининг ҳеч қачон (Парвардигори ҳузурига) қайтмаслигига ишонар эди.

آية رقم 15

ﮫﮬﮭﮮﮯﮰﮱ ﯓ

15. Йўқ, Парвардигори уни шубҳасиз кўриб тургувчи эди.

آية رقم 16

ﯔﯕﯖ ﯗ

16. Бас, Мен (қуёш ботаётган пайтда бутун уфқни қоплаб оладиган) шафаққа қасам;

آية رقم 17

ﯘﯙﯚ ﯛ

17. Кеча ва у қамраб олган (барча) нарсага қасам;

آية رقم 18

ﯜﯝﯞ ﯟ

18. Ҳамда тўла бўлган вақтидаги ойга (яъни, тўлин ойга) қасам ичурманки,

آية رقم 19

ﯠﯡﯢﯣ ﯤ

19. Албатта сизлар (эй инсонлар), табақадан табақага минурсизлар (яъни, бир ҳолдан иккинчи ҳолга кўчиб турурсизлар).
____________________
И з о ҳ. Ушбу оятларда Аллоҳ таолонинг илоҳий қалами билан ҳар бир инсоннинг ҳаёт-мамотидаги бир ҳолдан иккинчи ҳолга кўчиши тўғрисида бетакрор манзара чизиб берилди. Дарҳақиқат, худди уфқни қон йиғлатиб кун ботиб, сўнг атрофни тун зулмати қоплаб, кейин самога балқиб чиққан тўлин ой кечани бамисоли кундузга айлантириб, агар ерга игна тушса топилгудек ёруғ қилиб юборгани каби ҳар бир инсон ҳам ўз ҳаётининг шомида устида турган яқинларини қон йиғлатиб, ўлим деб аталган остонадан ҳатлайди. Энди у ёш тамоман бошқа бир ҳолат — худди тун қоронғулиги янглиғ қабр зулмати. Лекин бу асло сўнгги ҳолат эмас, балки киши бошидаги ҳолатлар занжирининг бир ҳалқаси холос. Навдатдаги ҳолат Қиёмат қойим бўлган Кунда рўй беради. У Кунда худди тўлин ой тун қоронғулигида яшириниб ётган барча нарсани ошкор қилганидек, ҳар бир кишининг қоронғу ўтмиши ибтидосидан интиҳосигача, ипидан-игнасигача ёритилиб, ҳисоб-китоб қилинади ва навбат кейинги ҳолатларга келади. Улар энди абадий саодат ёки мангу азобдир! Шундоқ экан...

آية رقم 20

ﯥﯦﯧﯨ ﯩ

20. Бас, нега улар иймон келтирмайдилар?!

آية رقم 21

ﯪﯫﯬﯭﯮﯯﯰ ﯱ

21. Уларга Қуръон қироат қилинган вақтида эса (унга иймон келтиришиб, Яратганга) сажда қилмайдилар?!
____________________
И з о ҳ. Бу ояти карима навбатдаги сажда ояти бўлиб, у тиловат қилинганида ўқувчига ҳам, тингловчига ҳам бир марта Аллоҳга сажда қилиш вожиб бўлади.

آية رقم 22

ﯲﯳﯴﯵ ﯶ

22. Йўқ, улар (Қуръонни ҳам, Қиёмат Куни қайта тирилишни ҳам) ёлғон дерлар!

آية رقم 23

ﯷﯸﯹﯺ ﯻ

23. Аллоҳ эса улар ичларига солиб яшираётган нарсаларини (яъни, куфрларини, иймонсизликларини) жуда яхши билгувчидир!

آية رقم 24

ﯼﯽﯾ ﯿ

24. Бас, (эй Муҳаммад алайҳис-салоту вас-салом), сиз уларга аламли азоб «хушхабари»ни беринг!

آية رقم 25

ﭑﭒﭓﭔﭕﭖﭗﭘﭙ ﭚ

25. Фақатгина иймон келтирган ва яхши амаллар қилган зотлар учун битмас-туганмас ажр-мукофот бордир.

تقدم القراءة