Surah سورة المؤمنون

Verse 1

ﭑﭒﭓ ﭔ

Lalle ne, Mũminai* sun sãmi babban rabõ.
____________________
* Mũminai su ne waɗanda suke da siffõfin da aka jeranta a cikin ãyõyĩn da ke biye daga ta 2 zuwa ga ta 9.

Verse 2

ﭕﭖﭗﭘﭙ ﭚ

Waɗanda suke a cikin sallarsu mãsu tawãli'u ne.

Verse 3

ﭛﭜﭝﭞﭟ ﭠ

Kuma waɗanda suke, sũdaga barin yasassar magana, mãsu kau da kai ne.

Verse 4

ﭡﭢﭣﭤ ﭥ

Kuma waɗanda suke ga zakka mãsu aikatãwa ne.

Verse 5

ﭦﭧﭨﭩ ﭪ

Kuma waɗanda suke ga farjõjinsu mãsu tsarẽwa ne.

Verse 6

ﭫﭬﭭﭮﭯﭰﭱﭲﭳﭴ ﭵ

Fãce a kan mãtan aurensu, kõ kuwa abin da hannayen dãmansu suka mallaka to lalle sũ bã waɗanda ake zargi, ba, ne.

Verse 7

ﭶﭷﭸﭹﭺﭻﭼ ﭽ

Sabõda haka wanda ya nẽmi abin da ke bãyan wancan, to, waɗancan sũ ne mãsu ƙẽtarẽwar haddi.

Verse 8

ﭾﭿﮀﮁﮂ ﮃ

Kuma waɗanda suke, sũga amãnõninsu da alkawarinsu mãsu tsarẽwa ne.

Verse 9

ﮄﮅﮆﮇﮈ ﮉ

Kuma da waɗanda suke, sũ a kan sallõlinsu sunã tsarẽwa.

Verse 10

ﮊﮋﮌ ﮍ

Waɗannan, sũ ne magãda.

Verse 11

ﮎﮏﮐﮑﮒﮓ ﮔ

Waɗanda suke gãdõn (Aljannar) Firdausi,* su a cikinta madawwama ne.
____________________
* Asalin firdausi fadama mai ruwa da itãce da ni'ima. Aljannar firdausi ita ce mafi ɗaukakar Aljanna.

Verse 12

ﮕﮖﮗﮘﮙﮚﮛ ﮜ

Kuma lalle ne, haƙĩƙa, Mun halitta mutum daga wani tsantsa daga lãka.

Verse 13

ﮝﮞﮟﮠﮡﮢ ﮣ

Sa'an nan kuma Muka sanya shi, ɗigon maniyyi a cikin matabbata natsattsiya.

Verse 14

ﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ

Sa'an nan kuma Muka halitta shi gudan jini, sa'an nan Muka halitta gudan jinin tsõka, sa'an nan Muka halitta tsõkar ta zama ƙasũsuwa, sa'an nan Muka tufãtar da ƙasũsuwan da wani nãma sa'an nan kuma Muka ƙãga shi wata halitta dabam. Sabõda haka albarkun Allah sun bayyana, Shi ne Mafi kyaun mãsu halittawa.

Verse 15

ﯜﯝﯞﯟﯠ ﯡ

Sa'an nan kuma ku, bãyan wannan, lalle ne masu mutuwa ne.

Verse 16

ﯢﯣﯤﯥﯦ ﯧ

Sa'an nan kuma lalle ne kũ a Rãnar ¡iyãma, za a iãyar da ku,

Verse 17

ﯨﯩﯪﯫﯬﯭﯮﯯﯰﯱ ﯲ

Kuma lalle ne haƙĩƙa Mun halitta, a samanku, hanyõyi bakwai, kuma ba Mu kasance, daga barin halittar, Mãsu shagala ba.

Verse 18

ﭑﭒﭓﭔﭕﭖﭗﭘﭙﭚﭛﭜﭝﭞ ﭟ

Muka saukar da ruwa daga sama bisa gwargwado, sa'an nan Muka zaunar da shi a cikin ƙasa alhãli, lalle ne Mũ, a kan tafiyar da shi, Mãsu iyãwa ne.

Verse 19

ﭠﭡﭢﭣﭤﭥﭦﭧﭨﭩﭪﭫﭬ ﭭ

Sai Muka ƙãga muku, game da shi (ruwan), gõnaki daga daĩnai da inabõbi, kunã da, a cikinsu, 'ya'yan itãcen marmari mãsu yawa, kuma daga gare su kuke ci.

Verse 20

ﭮﭯﭰﭱﭲﭳﭴﭵﭶ ﭷ

Da wata itãciya,* tanã fita daga dũtsin Sainã'a, tanã tsira da man shãfãwa, da man miya dõmin masu cĩ.
____________________
* Itãciyar Zaitũni. Ita ce itãciyar farko da ta tsira a kan ƙasa a bãyan Ɗũfãna tanã rãyuwa mai dõgon lõkaci; an ce tanã rãyuwa kamar shekara dubũ huɗu. Anã cin 'ya'yanta, anã man shãfãwa da su, kuma anã yin miya dasu. Asalin sibg, rini dõmin tanã rina lõmar tuwo. Dũtsen Sĩnã'a mai albarka, ɗũr, shĩ ne dũtSe mai itãce a kansa.

Verse 21

ﭸﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ

Kuma lalle ne kunã da abin lũra a cikin dabbõbin ni'imõmi Munã shãyar da ku daga abin da yake a cikinsu, kuma kunã da a cikinsu abũbuwan amfãni* mãsu yawa, kuma daga gare su kuke cĩ
____________________
* Sũfi da gashi dõmin tufãfi da kãyan ɗãki, kãsũsuwa da fãtu da kõfatai dõmin yin abũbuwan amfãni.

Verse 22

ﮉﮊﮋﮌ ﮍ

Kuma a kansu da a kan jirgin ruwa ake ɗaukar ku.

Verse 23

ﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞ ﮟ

Kuma lalle ne haƙĩƙa Mun aika Nũhu zuwa ga mutãnensa, sai ya ce: "Yã mutãnẽna! Ku bauta wa Allah. Bã ku da wani abin bautãwa waninsa. Shin, to, bã za ku yi taƙawa ba?"

Verse 24

ﮠﮡﮢﮣﮤﮥﮦﮧﮨﮩﮪﮫﮬﮭﮮﮯﮰﮱﯓﯔﯕﯖﯗﯘﯙﯚ ﯛ

Sai mashãwarta waɗanda suka kãfirta daga mutãnensa, suka ce: "Wannan ba kõwa ba ne, fãce mutum misãlinku, yanã nufin ya ɗaukaka a kanku. Dã Allah Yã so, lalle ne dã Yã saukar da Malã'iku, Ba muji (kõme) ba, game da wannan, a cikin ubanninmu na farko."

Verse 25

ﯜﯝﯞﯟﯠﯡﯢﯣﯤﯥ ﯦ

"Shi bai zamo kõwa ba fãce wani namiji ne, a gare shi akwai hauka, sai ku yi jinkiri da shi har wani lõkaci."

Verse 26

ﯧﯨﯩﯪﯫ ﯬ

Ya ce: "Yã Ubangijĩna! Ka taimakeni Saboda mutãnena sun ƙaryatã ni."

Verse 27

ﯭﯮﯯﯰﯱﯲﯳﯴﯵﯶﯷﯸﯹﯺﯻﯼﯽﯾﯿﰀﰁﰂﰃﰄﰅﰆﰇﰈﰉﰊﰋﰌﰍ ﰎ

Sai Muka yi wahayi zuwa gare shi. "Ka sana'anta jirgin bisa ga idonMu, da wahayinMu. To, idan umuminMu ya jẽ, kuma tandã ta ɓuɓɓuga da ruwa, to, ka shigar a cikinta daga kõme, ma'aura biyu, da iyãlanka, sai wanda Magana ta gabãta a kansa, daga gare su, kuma kada ka rõƙẽ Ni (sabõda wani) a cikin waɗanda suka yi zãlunci, lalle ne sũ waɗanda ake nutsarwa ne.

Verse 28

ﭑﭒﭓﭔﭕﭖﭗﭘﭙﭚﭛﭜﭝﭞﭟ ﭠ

"Sa'an nan idan ka daidaitu kai da waɗanda ke tãre da kai a kan jirgin, sai ka ce: "Gõdiya ta tabbata ga Allah wanda Ya tsĩrar damu daga mutãne azzãlumai."

Verse 29

ﭡﭢﭣﭤﭥﭦﭧﭨ ﭩ

"Kuma ka ce: 'Ya Ubangijĩna! Ka saukar da ni, saukarwa mai albarka. Kuma Kai ne Mafi alhẽrin mãsu saukarwa.'"

Verse 30

ﭪﭫﭬﭭﭮﭯﭰ ﭱ

Lalle ne a cikin wancan akwai ãyõyi, ko da yake Mun kasance, haƙẽƙa' Mãsu jarrabãwa.

Verse 31

ﭲﭳﭴﭵﭶﭷ ﭸ

Sa'an nan kuma Muka ƙãga wani ƙarni na waɗansu dabam daga bãyansu.

Verse 32

ﭹﭺﭻﭼﭽﭾﭿﮀﮁﮂﮃﮄﮅﮆﮇ ﮈ

Sai Muka aika a cikinsu Manzo daga gare su. "Ku bauta wa Allah. Bã ku da wani abin bautãwa, sai Shi. Shin to, bã zã ku yi taƙawa ba?"

Verse 33

ﮉﮊﮋﮌﮍﮎﮏﮐﮑﮒﮓﮔﮕﮖﮗﮘﮙﮚﮛﮜﮝﮞﮟﮠﮡ ﮢ

Mashãwarta daga mutãnensa, waɗanda suka kãfirta kuma suka ƙaryata game da haɗuwa da Lãhira, kuma Muka ni'imtar da su a cikin rãyuwar dũniya, suka ce: "Wannan bã kõwa ba fãce wani mutum ne kamarku, yanã cĩ daga abin da kuke cĩ daga gare shi, kuma yanã shã daga abin da kuke shã."

Verse 34

ﮣﮤﮥﮦﮧﮨﮩ ﮪ

"Kuma lalle ne idan kun yi ɗã' a ga mutum misãlinku, lalle ne, a lõkacin nan, haƙĩƙa, kũ mãsu hasãra ne."

Verse 35

ﮫﮬﮭﮮﮯﮰﮱﯓﯔ ﯕ

"Shin, yanã yi muku wa'adin (cẽwa) lalle kũ, idan kun mutu kuma kuka kasance turɓãya da ɓasũsuwa lalle ne kũ waɗanda ake fitarwa ne?"

Verse 36

ﯖﯗﯘﯙﯚ ﯛ

"Faufau faufau ga abin da ake yi muku wa'adi da shi."

Verse 37

ﯜﯝﯞﯟﯠﯡﯢﯣﯤﯥ ﯦ

"Rãyuwa ba ta zama ba fãce rãyuwarmu ta dũniya, munã mutuwa kuma munã rãyuwa,* kuma ba mu zama waɗanda ake tãyarwa ba."
____________________
* Munã mutuwa kuma munã rãyuwa da haihuwar ɗiya da 'yã'ya. A bãyan wannan bãbu wata rãyuwa ta wata Lãhira,.

Verse 38

ﯧﯨﯩﯪﯫﯬﯭﯮﯯﯰﯱﯲ ﯳ

"Bai zama kõwa ba fãce namiji, ya ƙirƙira ƙarya ga Allah, kuma ba mu zama, sabõda shi, mãsu ĩmãni ba."

Verse 39

ﯴﯵﯶﯷﯸ ﯹ

Ya ce: "Ya Ubangijĩna! Ka taimake ni sabõda sun ƙaryatã ni."

Verse 40

ﯺﯻﯼﯽﯾ ﯿ

Ya ce: "Daga abu kaɗan, lalle ne zã su wãyi gari sunã mãsu nadãma."

Verse 41

ﰀﰁﰂﰃﰄﰅﰆﰇﰈ ﰉ

Sai tsãwa ta kãma su da gaskiya, sai Muka sanya su tunkuɓa. Sabõda haka nĩsa ya tabbataga mutãne azzãlumai!

Verse 42

ﰊﰋﰌﰍﰎﰏ ﰐ

Sa'an kuma Muka ƙãga halittar wasu ƙarnõni dabam daga bayãnsu.

Verse 43

ﭑﭒﭓﭔﭕﭖﭗ ﭘ

Wata al'umma bã ta gabãtar ajalinta, kuma bã zã su jinkirta ba.

Verse 44

ﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮ ﭯ

Sa'an nan kuma Muka aika da ManzanninMu jẽre a kõda yaushe Manzon wata al'umma ya jẽ mata, sai su ƙaryata shi, sabõda haka Muka biyar da sãshensu ga sãshe, kuma Muka sanya su lãbãrun hĩra. To, nĩsa ya tabbata ga mutãne (waɗanda) bã su yin ĩmãni!

Verse 45

ﭰﭱﭲﭳﭴﭵﭶﭷ ﭸ

Sa'an nan kuma Muka aika Mũsã da ɗan'uwansa Hãrũna, game da ãyõyinMu da, dalĩli bayyananne.

Verse 46

ﭹﭺﭻﭼﭽﭾﭿ ﮀ

Zuwa ga Fir'auna da majalisarsa, sai suka kangara, alhãli sun kasance mutãne ne marinjãya.

Verse 47

ﮁﮂﮃﮄﮅﮆﮇ ﮈ

Sai suka ce: "Shin, zã Mu yi ĩmãni sabõda wasu mutãne biyu misãlinmu, alhãli kuwa mutãnensu a gare mu, mãsu bauta ne."

Verse 48

ﮉﮊﮋﮌ ﮍ

Sai suka ƙaryata su sabõda haka suka kasance halakakku.

Verse 49

ﮎﮏﮐﮑﮒﮓ ﮔ

Kuma lalle ne, haƙĩƙa, Mun bai wa Mũsã littãfi tsammaninsu* zã su shiryu.
____________________
* Banĩ Isrã'ĩla na yanzu idan sun tuna cewa Alƙur'ãni bã shĩ ne farkon littafin sama ba, an bai wa Mũsã wani littafi, su kuma sunã alfahari da shi.

Verse 50

ﮕﮖﮗﮘﮙﮚﮛﮜﮝﮞﮟ ﮠ

Kuma Mun sanya ¦an Maryama, shi da uwarsa wata ãyã* Kuma Muka tattara su zuwa ga wani tsauni ma'abũcin natsuwa da marẽmari.
____________________
* Ãyar Ĩsã da uwarsa ita ce an haife shi bãbu uba. Kuma a lõkacin nan Yahũdu suka so sarkin zãmanin nan ya kashe shi, sai uwarsa ta gudu da shi zuwa Baitil Maƙaddas, kõ Dimashƙa, kõ Falasɗĩnu, inda suka zauna shekara gõma sha biyar har sarkin nan ya mutu.

Verse 51

ﮡﮢﮣﮤﮥﮦﮧﮨﮩﮪﮫﮬ ﮭ

Yã ku Manzanni! Ku ci daga abũbuwa mãsu dãɗi* kuma ku aikata aikin ƙwarai. Lalle Nĩga abin da kuke aikatãwa, Masani ne.
____________________
* Allah Ya umurci ManzanninSa da cin halat sa'an nan su aikata aikin ƙwarai. Haka kuma Ya umurci Mũminai. Sabõda haka karɓar aiki na ƙwarai an tsayar da shi ne a kan cin halat.

Verse 52

ﮮﮯﮰﮱﯓﯔﯕﯖ ﯗ

Kuma lalle ne, wannan al'ummarku ce, al'umma guda, kuma Nĩ, Ubangijinku ne, sai ku bĩ Ni da taƙawa.*
____________________
* Taƙawa, ita ce bautawa Allah da abin da Ya yi umurni a bauta Masa, a kan harshenAnnabinsa na zamaninsa. Yanzu bãbu taƙawa sai a cikin Musulunci kawai.

Verse 53

ﯘﯙﯚﯛﯜﯝﯞﯟﯠﯡ ﯢ

Sai (al'ummar) suka yanyanke al'amarinsu a tsakãninsu guntu-guntu,(5) kõwace ƙungiya sunã mãsu farin ciki da abin da yake a gare su.
____________________
(5) Kõwa ya kãma hanyarsa, al'ummar Musulmi ta zama ƙungiyõyi dabam-dabam, kõwanensu yanã farin ciki da abin da ke gare shi, yanã ganin shi ne mafifici

Verse 54

ﯣﯤﯥﯦﯧ ﯨ

To, ka bar su a cikin ɓatarsu har a wani lõkaci.

Verse 55

ﯩﯪﯫﯬﯭﯮﯯ ﯰ

Shin, sunã zaton cẽwa abin da Muke taimakon su da shi daga dũkiya da ɗiya,

Verse 56

ﯱﯲﯳﯴﯵﯶﯷﯸ ﯹ

Munã yi musu gaggãwa ne a cikin alhẽrõri?

Verse 57

ﯺﯻﯼﯽﯾﯿﰀ ﰁ

Lalle ne waɗanda suke mãsu sauna sabo da tsõron Ubangijinsu,

Verse 58

ﰂﰃﰄﰅﰆ ﰇ

Da waɗanda suke, game da ãyõyin Ubangijinsu sunã ĩmãni,

Verse 59

ﰈﰉﰊﰋﰌ ﰍ

Da waɗanda suke game da Ubangijinsu bã su yin shirki,

Verse 60

ﭑﭒﭓﭔﭕﭖﭗﭘﭙﭚ ﭛ

Da waɗanda ke bãyar da abin da suka bãyar, alhãli kuwa zukãtansu sunã tsõrace dõmin sunã kõmãwa zuwa ga Ubangijinsu,

Verse 61

ﭜﭝﭞﭟﭠﭡﭢ ﭣ

Waɗancan sunã gaggãwar tsẽre a cikin ayyukan alhẽri, alhãli kuwa sunã mãsu tsẽrẽwa zuwa gare su (ayyukan alhẽri).

Verse 62

ﭤﭥﭦﭧﭨﭩﭪﭫﭬﭭﭮﭯﭰ ﭱ

Kuma bã Mu kallafa wa rai fãce abin iyawarsa, kuma a wurinMu akwai wani Littãfi wanda yake magana da gakiya, kuma sũ bã a zãluntar su.

Verse 63

ﭲﭳﭴﭵﭶﭷﭸﭹﭺﭻﭼﭽﭾﭿ ﮀ

Ã'a, zukãtansu sunã cikin jãhilci daga wannan (magana), kuma sunã da waɗansu ayyuka, baicin wancan, sũ a gare su, mãsu aikatãwa ne.

Verse 64

ﮁﮂﮃﮄﮅﮆﮇﮈ ﮉ

Har idan Mun kãma mani'imtansu da azãba, sai gã su sunã hargõwa.

Verse 65

ﮊﮋﮌﮍﮎﮏﮐﮑ ﮒ

Kada ku yi hargowa a yau, lalle ne kũ, daga gare Mu bã a taimakon ku.

Verse 66

ﮓﮔﮕﮖﮗﮘﮙﮚﮛ ﮜ

Lalle ne, ãyõyĩNa sun kasance anã karãtun su a kanku, sai kuka kasance, a kan dugãduganku, kunã kõmãwa bãya.

Verse 67

ﮝﮞﮟﮠ ﮡ

Kunã mãsu girman kai gare shi (Annabi), da hĩrã kunã alfãsha.

Verse 68

ﮢﮣﮤﮥﮦﮧﮨﮩﮪﮫ ﮬ

Shin fa, ba su yi ta'ammalin maganar (Alƙur'ãni) ba, kõ abin da bai jẽ wa ubanninsu na farko ba ne ya jẽ musu?

Verse 69

ﮭﮮﮯﮰﮱﯓﯔ ﯕ

Kõ ba su san Manzonsu ba ne dõmin haka suke mãsu musu a gare shi?

Verse 70

ﯖﯗﯘﯙﯚﯛﯜﯝﯞﯟﯠ ﯡ

Kõ sunã cẽwa, "Akwai hauka gare shi?" Ã'a, yã zo musu da gaskiya, alhãli kuwa mafi yawansu, ga gaskiya, mãsu ƙi ne.

Verse 71

ﯢﯣﯤﯥﯦﯧﯨﯩﯪﯫﯬﯭﯮﯯﯰﯱﯲ ﯳ

Kuma dã gaskiya (Alƙur'ãni) yã bi son zuciyoyinsu, haƙĩƙa dã sammai da ƙasa da wanda yake a cikinsu sun ɓãci. Ã'a, Mun tafo musu da ambaton* (darajar) su, sa'an nan sũ daga barin ambaton su mãsu bijirẽwa ne, bijirẽwa.
____________________
* Zikiri a nan, shi ne Alƙur'ãni wanda ya zo wa Lãrabãwa kõ Ƙuraishawa da abũbuwa na ɗaukakarsu, da ambatonsũnansu, da shiryar da su, da gabãtar da su a kan sauran kabĩlu. Amma duk da haka sunã bijirewa daga gare Shi.

Verse 72

ﯴﯵﯶﯷﯸﯹﯺﯻﯼﯽ ﯾ

Kõ kanã tambayar su wani harãji ne (a kan iyar da Manzanci a gare su)? To, harãjin Ubangijinka ne mafi alhẽri kuma Shĩ ne Mafi alhẽrin mãsu ciyarwa.

Verse 73

ﯿﰀﰁﰂﰃ ﰄ

Kuma lalle ne kai haƙĩƙa kanã kiran su zuwa ga hanya madaidaiciya.

Verse 74

ﰅﰆﰇﰈﰉﰊﰋﰌ ﰍ

Kuma lalle waɗanda ba su yi ĩmãni da Lãhira ba mãsu karkacẽwa daga hanya ne.

Verse 75

ﭑﭒﭓﭔﭕﭖﭗﭘﭙﭚﭛﭜ ﭝ

Kuma dã Mun ji tausayinsu, kuma Muka kuranye musu abin da yake tãre da su na cũta, lalle ne dã sun yi zurfi a cikin ɓatarsu, sunã ɗimuwa.

Verse 76

ﭞﭟﭠﭡﭢﭣﭤﭥ ﭦ

Kuma lalle ne haƙĩƙa Munã kãma su da azãba* sai dai ba su saukar da kai ba, ga Ubangijinsu, kama bã su yin tawãli'u.
____________________
* Azãbar dũniya kamar yunwa da ciwo da talauci da rashin kwanciyar hankali.

Verse 77

ﭧﭨﭩﭪﭫﭬﭭﭮﭯﭰﭱﭲ ﭳ

Har idan Mun bũɗe, akansu, wata ƙõfa mai azãba mai tsanani sai gã su a cikinta sunã mãsu mugi.*
____________________
* Mugi, shi ne kãsa yin magana sabõda ɗebe tsammãni daga sãmun kõwane alheri. Asalin kalmar daga Fulãtanci take.

Verse 78

ﭴﭵﭶﭷﭸﭹﭺﭻﭼﭽﭾ ﭿ

Kuma Shi ne Wanda Ya ƙãga halittar ji da gani da zukãta dominku. Kaɗan ƙwarai kuke gõdẽwa.

Verse 79

ﮀﮁﮂﮃﮄﮅﮆ ﮇ

Kuma Shĩ ne Ya halitta ku a cikin ƙasa, kuma zuwa gare Shi ake tãyar da ku.

Verse 80

ﮈﮉﮊﮋﮌﮍﮎﮏﮐﮑﮒ ﮓ

Kuma Shĩ ne Wanda Yake rãyarwa, kuma Yanã matarwa, kuma a gare Shi ne sãɓawar dare da yini take. Shin, to, bã zã ku hankalta ba?

Verse 81

ﮔﮕﮖﮗﮘﮙ ﮚ

Ã'a, sun faɗi misãlin abin da na farko suka faɗa.

Verse 82

ﮛﮜﮝﮞﮟﮠﮡﮢ ﮣ

Suka ce: "Shin idan mun mutu kuma muka kasance turɓaya da ƙasũsuwa shin lale ne mu haƙĩƙa waɗanda ake tãyarwa ne?

Verse 83

ﮤﮥﮦﮧﮨﮩﮪﮫﮬﮭﮮﮯ ﮰ

"Lalle ne, haƙĩƙa, an yi mana wa'adi, mũ da ubanninmu ga wannan a gabãni, wannan abu bai zama kõme ba, fãce tãtsũniyõyin na farko."

Verse 84

ﮱﯓﯔﯕﯖﯗﯘﯙ ﯚ

Ka ce: "Wane ne da mulkin ƙasa da wanda ke a cikinta, idan kun kasance kunã sani?"

Verse 85

ﯛﯜﯝﯞﯟﯠ ﯡ

Zã su ce: "Ta Allah ne." Ka ce, "Shin, to, bã zã ku yi tunãni ba?"

Verse 86

ﯢﯣﯤﯥﯦﯧﯨﯩ ﯪ

Ka ce: "Wãne ne Ubangijin sammai bakwai kuma Ubangijin Al'arshi mai girma?"

Verse 87

ﯫﯬﯭﯮﯯﯰ ﯱ

Zã su ce: "Na Allah ne." Ka ce, "Shin, to, bã zã ku bĩ Shi da taƙawa ba?"

Verse 88

ﯲﯳﯴﯵﯶﯷﯸﯹﯺﯻﯼﯽﯾﯿ ﰀ

Ka ce: "Wãne ne ga hannunsa mallakar kõwane abu take alhãli kuwa shi yanã tsarẽwar wani, kuma ba a tsare kõwa daga gare shi, idan kun kasance kunã sani?"

Verse 89

ﰁﰂﰃﰄﰅﰆ ﰇ

Zã su ce: "Ga Allah yake." Ka ce: "To, yãya ake sihirce ku?"

Verse 90

ﭑﭒﭓﭔﭕ ﭖ

Ã'a, Mun zo musu da gaskiya, kuma lalle ne sũ, haƙĩƙa, maƙaryata ne.

Verse 91

ﭗﭘﭙﭚﭛﭜﭝﭞﭟﭠﭡﭢﭣﭤﭥﭦﭧﭨﭩﭪﭫﭬﭭﭮﭯﭰ ﭱ

Allah bai riƙi wani abin haihuwa ba, kuma bãbu wani abin bautãwa tãre da Shi. Idan haka ne (akwai abin bautawa tare da Shi), lalle ne dã kõwane abin bautawar ya tafi da abin da ya halitta, kuma lalle ne, dã waɗansu sun rinjãya a kan waɗansu, tsarki ya tabbata ga Allah, daga abin da suke siffantãwa.

Verse 92

ﭲﭳﭴﭵﭶﭷ ﭸ

Masanin ɓõye da bayyane. sa'an nan Ya ɗaukaka daga barin abin da suke yi na shirka.

Verse 93

ﭹﭺﭻﭼﭽﭾ ﭿ

Ka ce: "Yã Ubangijina! Ko dai Ka nũna mini abin da ake yi musu wa'adi da shi."

Verse 94

ﮀﮁﮂﮃﮄﮅ ﮆ

"Yã Ubangijina, to, kada Ka sanya ni a cikin mutãne azzãlumai."

Verse 95

ﮇﮈﮉﮊﮋﮌﮍ ﮎ

Kuma lalle ne Mũ haƙĩƙa Mãsu iyawa ne a kan Mu nũna maka abin da Muke yi musu wa'adi da shi.

Verse 96

ﮏﮐﮑﮒﮓﮔﮕﮖﮗﮘ ﮙ

Ka tunkuɗe cũta da wadda take ita ce mafi kyau. Mũ neMafi sani game da abin da suke siffantãwa.

Verse 97

ﮚﮛﮜﮝﮞﮟﮠ ﮡ

Ka ce: "Yã Ubangijĩna, inã nẽman tsari da Kai daga fizge-fizgen Shaiɗãnu."

Verse 98

ﮢﮣﮤﮥﮦ ﮧ

"Kuma inã nẽman tsari da Kai, ya Ubangijĩna! Dõmin kada su halarto ni,* "
____________________
* Inã neman tsari da Kai, yã Ubangijina! Kada Shaiɗãnu su halarto ni a cikin al'amurana duka, dõmin ba su halarta, fãce da sharri.

Verse 99

ﮨﮩﮪﮫﮬﮭﮮﮯ ﮰ

Har idan mutuwa ta jẽ wa ɗayansu, sai ya ce: "Yã Ubangijina, Ku mayar da ni (dũniya)."

Verse 100

ﮱﯓﯔﯕﯖﯗﯘﯙﯚﯛﯜﯝﯞﯟﯠﯡﯢﯣﯤ ﯥ

"Tsammãnina in aikata aiki na ƙwarai cikin abin da na bari." Kayya! Lalle ne ita kalma ce, shĩ ne mafaɗinta, alhãli kuwa a bãya gare su akwai wani shãmaki har rãnar da zã a tãyar da su.

Verse 101

ﯦﯧﯨﯩﯪﯫﯬﯭﯮﯯ ﯰ

Sa'an nan idan an yi bũsa a cikin ƙaho, to, bãbu dangantakõki a tsakãninsu a rãnar nan kuma bã zã su tambayi jũnansu ba.

Verse 102

ﯱﯲﯳﯴﯵﯶ ﯷ

To, wadanda sikẽlinsu ya yi nauyi, to, waɗannan sũ ne mãsu babban rabo.

Verse 103

ﯸﯹﯺﯻﯼﯽﯾﯿﰀﰁ ﰂ

Kuma waɗanda sikẽlinsu ya yi sauƙi, to, waɗannan ne waɗanda suka yi hasãrar rãyukansu sunã madawwama a cikin Jahannama.

Verse 104

ﰃﰄﰅﰆﰇﰈ ﰉ

Fuskokinsu sunã balbalar wuta, kuma su a cikinta mãsu yãgaggun leɓɓa daga haƙõra ne.

Verse 105

ﭑﭒﭓﭔﭕﭖﭗﭘ ﭙ

"Shin, ayõyĩNa ba su kasance anã karanta su a kanku ba sai kuka kasance game da su kunã ƙaryatãwa?"

Verse 106

ﭚﭛﭜﭝﭞﭟﭠﭡ ﭢ

Suka ce: "Yã Ubangijinmu, shaƙãwamiu ce ta rinjãya a kanmu, kuma mun kasance mutãne ɓatattu."

Verse 107

ﭣﭤﭥﭦﭧﭨﭩ ﭪ

"Yã Ubangjinmu! Ka fitar da mu daga gare ta, sa'an nan idan mun kõma, to, lalle ne, mũ ne mãsu zãlunci."

Verse 108

ﭫﭬﭭﭮﭯ ﭰ

Ya ce: "Ku tafi (da wulãkanci) a cikinta. Kada ku yi Mini magana."

Verse 109

ﭱﭲﭳﭴﭵﭶﭷﭸﭹﭺﭻﭼﭽﭾ ﭿ

Lalle ne waɗansu ƙungiyoyi daga bãyiNa sun kasance sunã cẽwa, "Yã Ubangijinmu! Mun yi ĩmãni, sai Ka gãfarta mana, kuma Ka yi mana rahama, kuma Kai ne Mafi alhẽrin mãsu tausayi."

Verse 110

ﮀﮁﮂﮃﮄﮅﮆﮇ ﮈ

Sai kuka riƙe su lẽburõri har suka mantar da ku ambatõNa kuma kun kasance, daga gare su kuke yin dãriya.

Verse 111

ﮉﮊﮋﮌﮍﮎﮏﮐ ﮑ

Lalle ne Nĩ Inã sãka musu a yau, sabõda abin da suka yi wa haƙuri. Dõmin lalle ne sũ sũ ne mãsu sãmun babban rabo.

Verse 112

ﮒﮓﮔﮕﮖﮗﮘ ﮙ

Ya ce: "Nawa kuka zauna a cikin ƙasa na ƙidãyar shẽkaru?"

Verse 113

ﮚﮛﮜﮝﮞﮟﮠﮡ ﮢ

Suka ce: "Mun zauna a yini ɗaya ko rabin yini, sai ka tambayi mãsu ƙidãyãwa."

Verse 114

ﮣﮤﮥﮦﮧﮨﮩﮪﮫﮬ ﮭ

Ya ce: "Ba ku zauna ba fãce kaɗan, dã dai kun kasance kunã sani."

Verse 115

ﮮﮯﮰﮱﯓﯔﯕﯖ ﯗ

"Shin, to, kun yi zaton cẽwa Mun halitta ku ne da wãsa kuma lalle ku, zuwa gare Mu, bã zã ku kõmo ba?"

Verse 116

ﯘﯙﯚﯛﯜﯝﯞﯟﯠﯡﯢﯣ ﯤ

Allah Mamallaki gaskiya, Yã ɗaukaka. Bãbu abin bautãwa, fãce Shi. Shĩ ne Ubangijin Al'arshi, mai daraja.

Verse 117

ﯥﯦﯧﯨﯩﯪﯫﯬﯭﯮﯯﯰﯱﯲﯳﯴﯵﯶﯷ ﯸ

Kuma wanda ya kira, tãre da Allah, waɗansu abũbuwan bautãwa na dabam, bã yanã da wani dalĩli game da shĩ (kiran) ba, to hisãbinsa yanã wurin Ubangijinsa kawai. Lalle ne, kãfirai bã su cin nasara.

Verse 118

ﯹﯺﯻﯼﯽﯾﯿ ﰀ

Kuma ka ce: "Yã Ubangijina! Ka yi gãfara, Ka yi rahama, kuma Kai ne Mafi alhẽrin mãsu rahama."

Fassarar سورة المؤمنون

سورة المؤمنون

Fassarar Surar Al-Muminu a الهوساوية daga الترجمة الهوساوية

الترجمة الهوساوية

الترجمة الهوساوية