Surah سورة الواقعة

Verse 1

ﮃﮄﮅ ﮆ

Idan mai aukuwa ta auku.

Verse 2

ﮇﮈﮉ ﮊ

Bãbu wani (rai) mai ƙaryatãwa ga aukuwarta.

Verse 3

ﮋﮌ ﮍ

(Ita) mai ƙasƙantãwa ce, mai ɗaukakãwa.

Verse 4

ﮎﮏﮐﮑ ﮒ

Idan aka girgiza ƙasã girgizwa.

Verse 5

ﮓﮔﮕ ﮖ

Kuma aka niƙe duwãtsu, niƙẽwa.

Verse 6

ﮗﮘﮙ ﮚ

Sai suka kasance ƙũra da ake wãtsarwa.

Verse 7

ﮛﮜﮝ ﮞ

Kuma kun kasance nau'i uku.

Verse 8

ﮟﮠﮡﮢﮣ ﮤ

Watau mazõwa dãma*. Mẽne ne mazõwa dãma?
____________________
* Mazõwa dãma ko mãsu albarka waɗanda zã a baiwa takardunsu a dãma. Mazõwa hagu ko mãsu shu'umci waɗanda zã a baiwa takardunsu da hagu.

Verse 9

ﮥﮦﮧﮨﮩ ﮪ

Da mazõwa hagu. Mẽne ne mazõwa hagu?

Verse 10

ﮫﮬ ﮭ

Da waɗanda suka tsẽre. Sũ wɗanda suka tsẽren nan,

Verse 11

ﮮﮯ ﮰ

Waɗancan, sũ ne waɗanda aka kusantar.

Verse 12

ﮱﯓﯔ ﯕ

A ckin Aljannar ni'ima.

Verse 13

ﯖﯗﯘ ﯙ

Jama'a ne daga mutãnen farko.*
____________________
* Jama'a daga mutãnen farko, sũ ne Annabãwan farko da kaɗan daga cikin mutãnen ƙarshe, shi ne Annabi Muhammadu, sallallãhu alaihi wa sallama. Bã a shiga cikin wannan kashi da aiki sai dai da zãɓin Allah. Kuma an rufe ƙõfarsa. Bãbu sauran wani annabi wanda zai zo da wani addini sãbo a bãyan Annabi Muhammadu, tsĩra da amincin Allah su tabbata a gare shi.

Verse 14

ﯚﯛﯜ ﯝ

Da kaɗan daga mutãnen ƙarshe.

Verse 15

ﯞﯟﯠ ﯡ

(Sunã) a kan wasu gadãje sãƙaƙƙuu.

Verse 16

ﯢﯣﯤ ﯥ

Sunã gincire a kansu, sunã mãsu kallon jũna.

Verse 17

ﭑﭒﭓﭔ ﭕ

Wasu yara samãri na dindindin gẽwaya a kansu.

Verse 18

ﭖﭗﭘﭙﭚ ﭛ

Da wasu kõfuna da shantula da hinjãlai daga (giya) mai ɓuɓɓuga.

Verse 19

ﭜﭝﭞﭟﭠ ﭡ

Bã a sanya musu cĩwon jirĩ sabõda ita, kuma bã su buguwa.

Verse 20

ﭢﭣﭤ ﭥ

Da wasu 'ya'yan itãcen marmari daga irin waɗanda suke zãɓe.

Verse 21

ﭦﭧﭨﭩ ﭪ

Da nãman tsuntsãye daga wanda suke ganin sha'awa.

Verse 22

ﭫﭬ ﭭ

Da wasu mãtã mãsu fararen idanu da girmansu.

Verse 23

ﭮﭯﭰ ﭱ

Kamar misãlan lu'ulu'u wanda aka ɓõye.

Verse 24

ﭲﭳﭴﭵ ﭶ

A kan sakamakon, dõmin abin da suka kasance sunã aikatãwa.

Verse 25

ﭷﭸﭹﭺﭻﭼ ﭽ

Bã su jin wata yãsassar magana a cikinta, kuma bã su jin sun yi laifi.

Verse 26

ﭾﭿﮀﮁ ﮂ

Sai dai wata magana (mai dãɗi): Salãmun, Salãmun.

Verse 27

ﮃﮄﮅﮆﮇ ﮈ

Da mazõwa dãma. Mẽne ne mazõwa dãma?

Verse 28

ﮉﮊﮋ ﮌ

(Sunã) a cikin itãcen magarya maras ƙaya.

Verse 29

ﮍﮎ ﮏ

Da wata ayaba mai yawan 'ya'ya.

Verse 30

ﮐﮑ ﮒ

Da wata inuwa mĩƙaƙƙiya.

Verse 31

ﮓﮔ ﮕ

Da wani ruwa mai gudãna.

Verse 32

ﮖﮗ ﮘ

Da wasu 'ya'yan itacen marmari mãsu yawa.

Verse 33

ﮙﮚﮛﮜ ﮝ

Bã su yankẽwa kuma bã a hana su.

Verse 34

ﮞﮟ ﮠ

Da wasu shimfiɗu maɗaukaka.

Verse 35

ﮡﮢﮣ ﮤ

Lalle Mũ, Mun ƙãga halittarsu ƙãgãwa.

Verse 36

ﮥﮦ ﮧ

Sa'an nan Muka sanya su budurwai.

Verse 37

ﮨﮩ ﮪ

Mãsu son mazansu, a cikin tsãrã ɗaya.

Verse 38

ﮫﮬ ﮭ

Ga mazõwa dãma.

Verse 39

ﮮﮯﮰ ﮱ

Wata ƙungiya ce daga mutãnen farko.

Verse 40

ﯓﯔﯕ ﯖ

Da wata ƙungiya daga mutãnen ƙarshe.

Verse 41

ﯗﯘﯙﯚﯛ ﯜ

Mazõwa hagu, Mẽne ne mazõwa hagu?

Verse 42

ﯝﯞﯟ ﯠ

Sunã a cikin wata iskar zãfi da wani ruwan zãfi.

Verse 43

ﯡﯢﯣ ﯤ

Da wata inuwa ta hayãƙi mai baƙi.

Verse 44

ﯥﯦﯧﯨ ﯩ

Bã mai sanyi ba, kuma bã mai wata ni'ima ba.

Verse 45

ﯪﯫﯬﯭﯮ ﯯ

Lalle sũ, sun kasance a gabãnin wannan waɗanda aka jiyar dãɗi.

Verse 46

ﯰﯱﯲﯳﯴ ﯵ

Kuma sun kasance sunã dõgẽwa a kan mummũnan zunubi mai girma.

Verse 47

ﯶﯷﯸﯹﯺﯻﯼﯽﯾ ﯿ

Kuma sun kasance sunã cẽwa: "Shin idan mun mutukuma muko kasance turɓãya da ƙasũsuwa shin lalle mũ waɗanda zã a kõma rãyarwa ne haƙĩƙatan?"

Verse 48

ﰀﰁ ﰂ

"Shin, kuma da ubanninmu na farko?"

Verse 49

ﰃﰄﰅﰆ ﰇ

Ka ce: "Lalle mutãnen farko da na ƙarshe."

Verse 50

ﰈﰉﰊﰋﰌ ﰍ

"Tabbas, waɗanda ake tãrãwa ne a cikin wani yini sananne."

Verse 51

ﭑﭒﭓﭔﭕ ﭖ

"Sa'an nan lalle ku, ya kũ ɓatattu, mãsu ƙaryatãwa!"

Verse 52

ﭗﭘﭙﭚﭛ ﭜ

"Lalle mãsu cĩ ne daga wata itãciya ta zaƙƙum (ɗanyen wutã)."

Verse 53

ﭝﭞﭟ ﭠ

"Har za ku zama mãsu cika cikunna daga gare ta."

Verse 54

ﭡﭢﭣﭤ ﭥ

"Sa'an nan kuma mãsu shã ne, a kan wannan abin cin, daga ruwan zãfi."

Verse 55

ﭦﭧﭨ ﭩ

"Ku zama mãsu shã irin shan rãƙuma mãsu ƙishirwa."

Verse 56

ﭪﭫﭬﭭ ﭮ

Wannan ita ce liyãfarsu a rãnar sakamako.

Verse 57

ﭯﭰﭱﭲ ﭳ

Mũ ne Muka halitta ku, to, don me bã zã ku gaskata ba?

Verse 58

ﭴﭵﭶ ﭷ

Shin kuma kun ga abin da kuke fitarwa na maniyyi?

Verse 59

ﭸﭹﭺﭻﭼ ﭽ

Shin kũ ne kuke halitta shi, kõ kuwa mũ ne Mãsu halittãwa?

Verse 60

ﭾﭿﮀﮁﮂﮃﮄ ﮅ

Mũ ne Muka ƙaddara mutuwa a tsakãninku, kuma ba Mu zama Mãsu gajiyãwa* ba,
____________________
* Ãyã ta 60 haɗe take da ãya ta 61 watau, bã zã Mu kãsa musanya ku da waɗansu mutãne ba su tsaya matsayinku, sa'an nan kũ kuma Mu mayar da ku wata halitta.

Verse 61

ﮆﮇﮈﮉﮊﮋﮌﮍﮎ ﮏ

A kan Mu musanya waɗansu (mutãne) kamarku, kuma Mu mayar da ku a cikin wata halitta da ba ku sani ba.

Verse 62

ﮐﮑﮒﮓﮔﮕ ﮖ

Kuma lalle, ne haƙĩƙa, kun san halittar farko, to, don me ba zã ku yi tunãni ba?

Verse 63

ﮗﮘﮙ ﮚ

Shin, kuma kun ga abin da kũke nõmãwa?

Verse 64

ﮛﮜﮝﮞﮟ ﮠ

Shin, kũ ne ke tsirar da shi kõ kuwa Mũ ne Mãsu tsirarwa?

Verse 65

ﮡﮢﮣﮤﮥﮦ ﮧ

Dã Munã so lalle, da Mun sanya shi bũsasshiyar ciyãwa, sai ku yini kunã mãmãkin bãƙin ciki.

Verse 66

ﮨﮩ ﮪ

(Kunã cẽwa) "Lalle haƙĩƙa an azã mana tãra!"

Verse 67

ﮫﮬﮭ ﮮ

"Ã'a, mun dai zama waɗanda aka hanã wa!"

Verse 68

ﮯﮰﮱﯓ ﯔ

Shin, kuma kun ga ruwa wannan da kuke sha?

Verse 69

ﯕﯖﯗﯘﯙﯚﯛ ﯜ

Shin, kũ ne kuke saukar da shi daga girgije, kõ kuwa Mũne Mãsu saukarwa?

Verse 70

ﯝﯞﯟﯠﯡﯢ ﯣ

Dã Mun so, dã Mun mayar da shi ruwan zartsi. To don me bã ku gõdẽwa?

Verse 71

ﯤﯥﯦﯧ ﯨ

Shin, kuma kun ga wutã wannan da kuke ƙyastãwa?

Verse 72

ﯩﯪﯫﯬﯭﯮ ﯯ

Shin, kũ ne kuke ƙagã halittar itãciyarta, kõ kuwa Mũ ne Mãsu ƙãgãwa?

Verse 73

ﯰﯱﯲﯳﯴ ﯵ

Mũ ne Muka sanya ta wata abar wa'azi da jin dãɗi ga matafiya a cikin jẽji.

Verse 74

ﯶﯷﯸﯹ ﯺ

Sai ka tsarkake sũnan Ubangijinka Mai girma.

Verse 75

ﯻﯼﯽﯾﯿ ﰀ

To, bã sai Na yi rantsuwa ba da lõkutan fãɗuwar taurãri.

Verse 76

ﰁﰂﰃﰄﰅ ﰆ

Kuma lalle ne' haƙĩƙa, rantsuwa ce mai girma, dã kun sani.

Verse 77

ﭑﭒﭓ ﭔ

Lalle shi (wannan littãfi), haƙĩƙa, abin karantãwa ne mai daraja.

Verse 78

ﭕﭖﭗ ﭘ

A cikin wani littafi tsararre.

Verse 79

ﭙﭚﭛﭜ ﭝ

Bãbu mai shãfa shi fãce waɗanda aka tsarkake.

Verse 80

ﭞﭟﭠﭡ ﭢ

Wanda aka saukar ne daga Ubangijin halitta.

Verse 81

ﭣﭤﭥﭦ ﭧ

Shin, to, wannan lãbãrin ne kuke mãsu wulãkantãwa?

Verse 82

ﭨﭩﭪﭫ ﭬ

Kuma kunã sanya arzikinku (game da shi) lalle kũ, ku ƙaryata (shi)?

Verse 83

ﭭﭮﭯﭰ ﭱ

To, don me idan rai ya kai ga maƙõshi? (Kusa da mutuwa).

Verse 84

ﭲﭳﭴ ﭵ

Alhãli kuwa kũ, a lõklcin nan, kunã kallo.

Verse 85

ﭶﭷﭸﭹﭺﭻﭼ ﭽ

Kuma Mũ ne mafi kusanta gare shi daga gare ku, to, amma kũ bã ku gani.

Verse 86

ﭾﭿﮀﮁﮂ ﮃ

To, don me in dai kun kasance bã waɗanda zã a yi wa sakamako ba?

Verse 87

ﮄﮅﮆﮇ ﮈ

Ku mayar da shi (cikin jikinsa) har idan kun kasance mãsu gaskiya.*
____________________
* Idan kun kasance mãsu gaskiya ga da'awar rashin Tãshin Ƙiyãma, to, ku yi ƙõƙarin hana mutuwa ga mutãne dõmin ku hana cikar alkawarin tayarwa a bãyan mutuwa.

Verse 88

ﮉﮊﮋﮌﮍ ﮎ

To, amma idan (mai mutuwar) ya kasance daga makusanta,

Verse 89

ﮏﮐﮑﮒ ﮓ

Sai hũtawa da kyakkyawan abinci da Aljannar ni'ima.

Verse 90

ﮔﮕﮖﮗﮘﮙ ﮚ

Kuma amma idan ya kasance daga mazõwa dãma,

Verse 91

ﮛﮜﮝﮞﮟ ﮠ

Sai (a ce masa) aminci ya tabbata a gare ka daga mazõwa dãma.

Verse 92

ﮡﮢﮣﮤﮥﮦ ﮧ

Kuma amma idan ya kasance daga mãsu ƙaryatãwar, ɓatattun,

Verse 93

ﮨﮩﮪ ﮫ

Sai wata liyãfa ta ruwan zãfi.

Verse 94

ﮬﮭ ﮮ

Da ƙõnuwa da Jahĩm,

Verse 95

ﮯﮰﮱﯓﯔ ﯕ

Lalle wannan, haƙĩƙa, ita ce gaskiya ta yaƙĩni.

Verse 96

ﯖﯗﯘﯙ ﯚ

Sabõda haka, ka tsarkake* sũnan Ubangijinka, Mai karimci.
____________________
* A cikin rukũ'i anã tasbĩhi da cewa: "Subhãna Rabbiyal Azĩm wa Bihamdih." Ma'anarsa Tsarki ya tabbata ga Ubangijina Mai girma game da gõde Masa.

Fassarar سورة الواقعة

سورة الواقعة

Fassarar Surar Al-Waki'ah a الهوساوية daga الترجمة الهوساوية

الترجمة الهوساوية

الترجمة الهوساوية