Surah سورة الفجر

Verse 1

ﭤ ﭥ

Inã rantsuwa da alfijiri.

Verse 2

ﭦﭧ ﭨ

Da darũruwa gõma.

Verse 3

ﭩﭪ ﭫ

Da (adadi na) cikã da (na) mãrã.

Verse 4

ﭬﭭﭮ ﭯ

Da dare idan yana shũɗewa.

Verse 5

ﭰﭱﭲﭳﭴﭵ ﭶ

Ko a cikin waɗannan akwai abin rantsuwa ga mai hankali (da yake kange shi daga zunubi)?

Verse 6

ﭷﭸﭹﭺﭻﭼ ﭽ

Ba ka ga yadda Ubangijinka Ya aikata da Ãdãwa ba?

Verse 7

ﭾﭿﮀ ﮁ

Iramawa mãsu sakon* ƙĩrar jiki.
____________________
* Tsawo mai ma'ana.

Verse 8

ﮂﮃﮄﮅﮆﮇ ﮈ

Waɗanda ba a halitta kwatankwacinsu ba a cikin garũruwa (na dũniya).

Verse 9

ﮉﮊﮋﮌﮍ ﮎ

Da samũdãwa waɗanda suka fasa duwãtsu a cikin Wadi* suka yi gidãje)?
____________________
* Wãdil-ƙura, sunan wuri ne kusa da Madina wajen Syria, wato Sham.

Verse 10

ﮏﮐﮑ ﮒ

Da Fir'auna mai turãku.

Verse 11

ﮓﮔﮕﮖ ﮗ

Waɗanda suka ƙẽtare iyãkarsu, a cikin garũruwa?

Verse 12

ﮘﮙﮚ ﮛ

Sabõda haka, suka yawaita yin ɓarna a cikinsu.

Verse 13

ﮜﮝﮞﮟﮠ ﮡ

Sabõda haka Ubangijinka Ya zuba musu bũlãlar azãba.

Verse 14

ﮢﮣﮤ ﮥ

Lalle ne, Ubangijinka Yana nan a mafaka.

Verse 15

ﮦﮧﮨﮩﮪﮫﮬﮭﮮﮯﮰ ﮱ

To, amma fa mutum idan Ubangijibsa Ya jarraba shi, wãto Yã girmama shi kuma Ya yi masa ni'ima, sai ya ce: "Ubangijina Ya girmama ni."

Verse 16

ﯓﯔﯕﯖﯗﯘﯙﯚﯛﯜ ﯝ

Kuma idan Ya jarraba shi, wãto Ya ƙuntata masa abincinsa, sai ya ce: "Ubangijina Ya walãkanta ni."

Verse 17

ﯞﯟﯠﯡﯢﯣ ﯤ

A'aha! Bari wannan, ai bã ku girmama marãya!

Verse 18

ﯥﯦﯧﯨﯩ ﯪ

Bã ku kwaɗaitã wa jũnanku ga (tattalin) abincin matalauci!

Verse 19

ﯫﯬﯭﯮ ﯯ

Kuma kuna cin dũkiyar gãdo, ci na tãrãwa.

Verse 20

ﯰﯱﯲﯳ ﯴ

Kuma kuna son dũkiya, so mai yawa.

Verse 21

ﯵﯶﯷﯸﯹﯺﯻ ﯼ

A'aha! Idan aka niƙa ƙasa niƙewa sosai.

Verse 22

ﯽﯾﯿﰀﰁ ﰂ

Kuma Ubangijinka Ya zo, alhãli malã'iku na jẽre, sahu- sahu.

Verse 23

ﭑﭒﭓﭔﭕﭖﭗﭘﭙﭚ ﭛ

Kuma a ranar nan aka zo da Jahannama. A ranar nan mutum zai yi tunãni. To, inã fa tunãni yake a gare shi!

Verse 24

ﭜﭝﭞﭟ ﭠ

Yana dinga cẽwa, "Kaitona, dã na gabatar (da aikin ƙwarai) domin rãyuwata!"

Verse 25

ﭡﭢﭣﭤﭥ ﭦ

To, a rãnar nan bãbu wani mai yin azãba irin azãbar Allah.

Verse 26

ﭧﭨﭩﭪ ﭫ

Kuma bãbu wani mai ɗauri irin ɗaurinSa.

Verse 27

ﭬﭭﭮ ﭯ

Yã kai rai mai natsuwa!

Verse 28

ﭰﭱﭲﭳﭴ ﭵ

Ka koma zuwa ga Ubangijinka, alhãli kana mai yarda (da abin da Ya ƙaddara maka a dũniya) abar yardarwa (da sakamakon da zã a ba ka a Lãhira).

Verse 29

ﭶﭷﭸ ﭹ

Sabõbda haka, ka shiga cikin bãyiNa (mãsu bin umurui a dũniya).

Verse 30

ﭺﭻ ﭼ

Kuma ka shiga AljannaTa (a Lãhira).

Fassarar سورة الفجر

سورة الفجر

Fassarar Surar Al-Fajr a الهوساوية daga الترجمة الهوساوية

الترجمة الهوساوية

الترجمة الهوساوية