Surah سورة النازعات

Verse 1

ﮢﮣ ﮤ

Ina rantsuwa da mala'iku mãsu fisgar rãyuka (na kafirai) da ƙarfi.

Verse 2

ﮥﮦ ﮧ

Da mãsu ɗibar rãyuka (na mũminai) da sauƙi a cikin nishãɗi.

Verse 3

ﮨﮩ ﮪ

Da mãsu sauka daga sama da umurnin Allah kamar suna iyo.

Verse 4

ﮫﮬ ﮭ

Sa'an nan, su zama mãsu gaugãwa (da umurnin Allah) kamar suna tsẽre.

Verse 5

ﮮﮯ ﮰ

Sa, an nan, su kasance masu shirya gudanar da umurni.

Verse 6

ﮱﯓﯔ ﯕ

Rãnar da mai girgiza abũbuwa (bũsar farko) zã ta kaɗa.

Verse 7

ﯖﯗ ﯘ

Mai biyar ta (bũsa ta biyu) nã biye.

Verse 8

ﯙﯚﯛ ﯜ

Wasu zukãta, a rãnar nan, mãsu jin tsõro ne.

Verse 9

ﯝﯞ ﯟ

Alhãli idãnunsu na ƙasƙantattu.

Verse 10

ﯠﯡﯢﯣﯤ ﯥ

Sunã cẽwa "Ashe lalle zã a iya mayar da mu a kan sãwunmu?

Verse 11

ﯦﯧﯨﯩ ﯪ

"Ashe, idan muka zama ƙasusuwa rududdugaggu?"

Verse 12

ﯫﯬﯭﯮﯯ ﯰ

Suka ce: "Waccan kam kõmãwa ce, tãɓaɓɓiya!"

Verse 13

ﯱﯲﯳﯴ ﯵ

To, ita kam, tsãwa guda kawai ce.

Verse 14

ﯶﯷﯸ ﯹ

Sai kawai gã su a bãyan ƙasa.

Verse 15

ﯺﯻﯼﯽ ﯾ

Shin, lãbãrin Mũsã ya zo maka?

Verse 16

ﯿﰀﰁﰂﰃﰄ ﰅ

A lõkacin da Ubangijinsa Ya kirãye shi, a cikin kwari mai tsarki, wato Duwã?

Verse 17

ﭑﭒﭓﭔﭕ ﭖ

Ka tafi zuwa ga Fir'auna, lalle ne shi, ya ƙẽtare haddi.

Verse 18

ﭗﭘﭙﭚﭛﭜ ﭝ

"Sai ka ce masa, Kõ zã ka so ka tsarkaka.

Verse 19

ﭞﭟﭠﭡ ﭢ

"Kuma in shiryar da kai zuwa ga Ubangijinka domin ka ji tsoronSa?"

Verse 20

ﭣﭤﭥ ﭦ

Sai ya nũna masa ãyar* nan mafi girma.
____________________
* Ãyar Mũsã da ta fi girma ita ce sandarsa mai zama maciji ko hannunsa mai haske kamar tõcila idan yã sanya cikin hammata yã fitar.

Verse 21

ﭧﭨ ﭩ

Sai ya ƙaryata, kuma ya sãɓa (umurni),

Verse 22

ﭪﭫﭬ ﭭ

Sa'an nan ya jũya bãya, yanã tafiya da sauri.

Verse 23

ﭮﭯ ﭰ

Sai ya yi gayya, sa'an nan ya yi kira.

Verse 24

ﭱﭲﭳﭴ ﭵ

Sai ya ce: "Nĩ ne Ubangijinku mafi ɗaudaka."

Verse 25

ﭶﭷﭸﭹﭺ ﭻ

Sabõda haka Allah Ya kama shi, dõmin azãbar maganar ƙarshe da ta farko.

Verse 26

ﭼﭽﭾﭿﮀﮁ ﮂ

Lalle ne, a cikin wannan haƙiƙa akwai abin kula ga wanda yake tsõron Allah.

Verse 27

ﮃﮄﮅﮆﮇﮈﮉ ﮊ

Shin, kũ ne mafi wuyar halitta ko sama? Allah Ya gina ta.

Verse 28

ﮋﮌﮍ ﮎ

Ya ɗaukaka rufinta, sa'an nan Ya daidaita ta.

Verse 29

ﮏﮐﮑﮒ ﮓ

Kuma Ya duhuntar da darenta, kuma Ya fitar da hantsinta.

Verse 30

ﮔﮕﮖﮗ ﮘ

Kuma, ƙasa a bayan haka Ya mulmula ta.

Verse 31

ﮙﮚﮛﮜ ﮝ

Ya fitar da ruwanta daga gare ta da makiyãyarta.

Verse 32

ﮞﮟ ﮠ

Da duwatsu, Yã kafe ta.

Verse 33

ﮡﮢﮣ ﮤ

Domin jiyarwa dãɗi a gare ku, kuma ga dabbõbinku.

Verse 34

ﮥﮦﮧﮨ ﮩ

To, idan uwar masĩfu, mafi girma, ta zo.

Verse 35

ﮪﮫﮬﮭﮮ ﮯ

Rãnar da mutum zai yi tunãnin abin da ya aikata.

Verse 36

ﮰﮱﯓﯔ ﯕ

Kuma, a bayyana Jahĩm ga mai gani.

Verse 37

ﯖﯗﯘ ﯙ

To, amma wanda ya yi girman kai.

Verse 38

ﯚﯛﯜ ﯝ

Kuma, ya zãɓi rãyuwa ta kusa, (wato dũniya).

Verse 39

ﯞﯟﯠﯡ ﯢ

To, lalle ne Jahĩm, ita ce makõma.

Verse 40

ﯣﯤﯥﯦﯧﯨﯩﯪﯫ ﯬ

Kuma, amma wanda ya ji tsõron tsayi a gaba ga Ubangijinsa, kuma ya kange kansa daga son rai.

Verse 41

ﯭﯮﯯﯰ ﯱ

To, lalle ne Aljanna ita ce makõma.

Verse 42

ﯲﯳﯴﯵﯶ ﯷ

Sunã tambayar ka game da sa'a, wai yaushe ne matabbatarta?

Verse 43

ﯸﯹﯺﯻ ﯼ

Me ya haɗã ka da ambatonta?

Verse 44

ﯽﯾﯿ ﰀ

Zuwa ga Ubangijinka ƙarshen al'amarinta yake.

Verse 45

ﰁﰂﰃﰄﰅ ﰆ

Kai mai gargaɗi kawai ne ga mai tsõron ta.

Verse 46

ﰇﰈﰉﰊﰋﰌﰍﰎﰏ ﰐ

Kamar sũ a rãnar da zã su gan ta, ba su zauna ba fãce a lõkacin marẽce ko hantsinsa.

Fassarar سورة النازعات

سورة النازعات

Fassarar Surar An-Nazi'at a الهوساوية daga الترجمة الهوساوية

الترجمة الهوساوية

الترجمة الهوساوية